شركة زين بالتعاون مع ميديا وFm نصبوا عليي اشكره

[LuLiTa]

حبوووبة الله يعوضج ان شالله بدال فلوووسج اللي راحت ,,,, و هالشركاات نصابين لانهم بالكويت و ما في قانوون يوقفهم عند حدهم ,,, لو بديرة ثانية جااان ما تجرأو لانه دايما يكون في قانون يحميج و يعطيج الحق اطالبين بتعويض ,,,,بس احنا في الكويت كل شي يمشي عالبركة ,,,,

 

[حجيه هيونه]

امبي انا صار لي نفس توليب يمكن

طرشت مسج وانا بالسياره وياني مسج ثانيي طرش اسمك ومارديت لانه لقيت رصيدي خالص

الحين كل يوم الصبح يطرشو لي اسأله واطنش ماارد عليها



عيل هالناس الى تربح شلون ؟؟؟؟؟

 

[M!sS MOnatOO]

رد : شركة زين بالتعاون مع ميديا وFm نصبوا عليي اشكره

؛
لاتسكتين عن حقج لومهما يصير ظلي وراهملين تاخذين حقج احني
قاعدين بديرة فيها انظمه الدنيا موفوظه

.

 

[meen_ana]

انزين طلعني عنوانهم وروحي لهم

 

[مووون العسل]

صارلي نفس موفقج السنه الي فاتت بس موقفي مصيبه اكبر
تخيلي عقب ما ارسلت وشاركت
طبعا لافزت ولا بطيخ

وعقبها بيووم
اشوف تلفوني الا فيه مسجات تم تجديد اشتراكك بالخدمه
اي خدمه !!! اهيا اصلن مو خدمه اهو بس خط اشتراك

واضل على هالحاله كل يوم مسج تم تجديد اشتراك ادق على الشركه يقولون مو منا
واطالع رصيدي الا 32 دينار بمده اسبووع وانا اصلن كنت توني مسدده الفاتوره

وعين ماتشوف الا النور
وعقب رحت زين وطلعت برنت الا مشتركه بخدمه الا fm وكل مسج ياخذون عليه دينار وباليوم يرسلون لي 5 او 7 مسجات
مع اتصالاتي الخاصه وصكت الفاتوره

والله وكيل طربقت الفرع عليهم
صراخي وصل لي وين وين

يقولي الموظف مو من عندنا
قلت له غصب عنكم توقف الخدمه
وعقب جت معاي اختي
قالت له انا محاميه وارفع عليكم قضيه واختي اصلن مو محاميه ولا شي بس دارسه قانون
قالها اختي مو منا صدقيني
قالت هذا خط الخدمه مو لكم خلاص توقفونها غصب عنكم ولا البرنت معاي

والله الموضوع ماخذا بأيده 10 دقايق الا موقف الخدمه



ومن يومها قطيت خط زين الخايس ورحت الوطنيه


زين نصابين اكبر شركه نصب واحتيال بالديره

حسبي الله ونعم الوكيل فيهم

سوري ع الاطاله بس ذكرتيني بحرقة الدم

 

[girl lesh]

اول كان المسج اب 150 فلس بعدين صار اب ربع بعدين 350 بعدين نص بعدين 750 الحين دينار سنتين ويوصل اب 5
المسابقات يقولوج دزي اكثر اتزيد فرصتج كله نصب بنصب
وسعت انه قمار والله اعلم يعني اتقط فلوس وانت وحظك

 

[girl lesh]

ونسيت اقولكم

انا دزيت مسج من رمضان الي طاف
تخيلو هل سنه دزو مسج شارك معانا وكل يوم مسجات اليوم السحب واليوم مادري شنو

 

[( المـلاك )]

وااااي توني ادري انه سعر المسج جذي

 

[M!Ss Un!VerSe]

مالت عليهم توني ادري..

انا وطنيه اشوه ومارد عالمسابقات ولا اشترك قبل فتره سويتها اشتركت ودزيت اسمي ومادزولي شي

اتذكر مع بركات يسألج أسئلة..

معوضه حبيبتي

 

[Shasawi]

مالت على زيننن يعل يفلسون وتسكر شركتهم هالبواوقه تخيلو انااا ماتكلم بالتلفون ولااشي ماكو غير امي تدق تسالني وينج اذا تاخرت لاوتدق من البيت
علي 60 دينار
مومشكله
اجيك
ولا طالعلي اني دازه 3000 مسج
انا الكونتاكت لسسسسست كللللللها كل اللي فيها مايعدون 40 شخص
تلفوني يدييد اشوف جم مسج دازه بعرف
مودازه هالكثر
3000 مسج حق منوووووووووو

 

[M!ss Bask!n]

رد : شركة زين بالتعاون مع ميديا وFm نصبوا عليي اشكره

وانا اقوووووول غريبه كل هالهدايا بهالسهوووله
سبحان الله قبل امس دزيت مسج جان يطلعلي فشل d: قلت يالله خيره d:

 

[™reema]

اي حسبي الله ونعم الوكيل فيهم بس يقصووون على الناس برمضاان :eh_s(13)::eh_s(13):..

أسااسا زين بدون مسابقات نصابين بعد هالمرة مسابقات مااالت عليهم .. بعد موبس زين كل الشركات جذي ..

هم أمي جذي شكثر تدز مسجات بس مو على البرنامج مسابقة زين اللي يعطوونج آي فوون وآنا أقووول حق امي لا تدزين والله نصابين وماتصدق لما شافت الوضع مصخرة ماقانت تدز لا ويكتبون لها انتي قربتي من الفوز حييل بس جااوبي على هالسؤال وتفوزين الحمدلله والشكر أشكره استخفاف بعقول الناس :denya: ..

آنا مرة سمعت نبيل العوضي يقوول هالمسابقات نوع من أنواع القمار وانتو ماتدروون لأن الكل يدز واللي يفوز واحد ولا اثنين ..
يعني بالمختصر ياخذون فلوووس هالعالم ويشترون فيها تلفون ولا اي شي حق الفايز ..

ولااا بالله عليكم يعني هل اهما عندهم فلوووس زايدة وبيون يفتكون منها ؟؟؟ بالعقل لااا طبعااا

وبس شكثر قرقت بس والله من الحرة باطين جبدي من زماااان :eh_s(14):​

 

[fato_kw]

اي زييين معروووفييين بواااقين

انا فواتيري باخر الشهر تطلع 14 ولا 15 ولما اروح ادفع بنفس اليوم يقولون لا 24 متى زاد اصلا ما اتكلم بالتلفون

ولا يوم كنت مسافرة مسج واحد دزييته بس رديت ولا الفاتورة 55 انزين شلون انا دفعت قبل لا اسافر بنفسس اليووم

الله يرحم ايام اللي كان خطي كرووت ماكان ينباق منه بس مشكله كان وطنيه وماكان في سيرفس والله ان كرت 2و ونص يظل طول الشهر عندي يكفي ولما اعبي يكون اساسا في من قبل

عالعموم الله يعوضج خير ان شاءالله

 

[نور دربي]

اي والله ما ورى هالمسابقات إلا نص

ولا المسج الواحد بديييينار ليش شصاير

وفعلا صج قاعدين يلعبون بفلوس الناس ولا حسيب ولا رقيب عليهم

ماقول إلا حسبي الله ونعم الوكيل

 

[فوفو22]

اخر التطورات انهم ردوا عليي


عقب 5 ايام وقالوا حتى الآن لا يوجد عندنا جوائز


عقب العيد ان شاء الله نتصل فيكم

 

[درة أهل الطولات]

رد : شركة زين بالتعاون مع ميديا وFm نصبوا عليي اشكره

امبيه يعني الهديــة بفلوسج اصلا

اعتبري نفسج انتي اللي شاريتهااا لروحج

 

[BaiTotia]

رد : شركة زين بالتعاون مع ميديا وFm نصبوا عليي اشكره

مقدرين رمضان عدل

الله يعوضج إن شاالله

 

[حوريه عسل]

رد : شركة زين بالتعاون مع ميديا وFm نصبوا عليي اشكره

لاحول ولا قوه اللا بالله

اشرايج انه مره طلعتلي سياره من سحب

عطونا سياره لعبه ! مع انها ماكانت موجوده بلستت الجوائز

 

[Layz]

رد : رد: شركة زين بالتعاون مع ميديا وFm نصبوا عليي اشكره

هالمسابقات نوع من أنواع القمار وانتو ماتدروون لأن الكل يدز واللي يفوز واحد ولا اثنين ..
يعني بالمختصر ياخذون فلوووس هالعالم ويشترون فيها تلفون ولا اي شي حق الفايز ..

ولااا بالله عليكم يعني هل اهما عندهم فلوووس زايدة وبيون يفتكون منها ؟؟؟ بالعقل لااا طبعااا ​

...............
​

 

[ﺂلعيوטּ ﺂلناعسـﮧ]

كل شؤال بدينار طلعلؤ قيمة الهديه