شركة الغانم نصبو علي وابي انبهكم

[* ليــــدي *]

حسبي الله ونعم الوكيل ..
اشتروا من يوريكا اضمن و احسن ..
طآح سوق الغانم محد قآم ياخذ منهم اصلا ..

 

[om deaj]

وعلى سالفة الغانم انقرصت منهم بالصيف
دقوا علي قالوا ربحتي نوكيا لمس اي مادري جم

وكوبونات وفحص بشره ومادري شنو تجميل وخط مجاني وتلفون مجاني
وكل هذا بقيمة 300 دينار

بس دفعي 25 للمندوب

والله من دفعت الخدامه
انحاااااش وحذف عليها الاغراض

ومن ادق عليه رقم مغلق
ومن ادق ع الارقام اللي بالكوبونات محد يرد

حديييييي انقهرت

الله لا يوفقهم وين ما راحوا

اللهم امين

هذول الي اقصدهم طلعو مو شركة الغانم للاجهزة الكهربائية لا شركة تنصب باسم الغانم وللاسف شركة الغانم تدري وساكتة

 

[جلكسيه اس 3]

انا دقو علي من جم شهر و اشكره قلت لهم انتو شركة نصب في نصب

 

[رهف ام سالم]

واي سكتو امس صارت فيني دقو علي شركة اسمها رينبو مادري شنو ؟
قللته يلا تعال خنشوف شآخرتها دش عندي من 3 العشر لي 6 يقرق و يزن
هههههههههههههههه ريلي كان بالدوام و انا و امي مجابلينه و لا على ردة ريلي
تخيلو مكنسة ب 1000 كل تبن زين 1000 اسافر فيها هههههههههههه
ولا ريلي يقولة شيل قشك و يلا لا شوفك هني ههههههههههههه يقول حق ريلي شكرا عالاستضافة
قرااااااااق امي تنود و انا اتثاوب و ضحيت بنومة العصر واخترب يومي كله منه ابن اللذينا
ولا ريلي يقولي هذيلا جذابين يبة هالجعهاز من قبل لا اخذج و اهما يدورون فيه اعلبيوت يقولي مرة يبته الدوانية و لا ربعي يطردونة يمة فشلني اول ما يه ريلي و لا انا و امي ننحاش ههههه

اييييييييييي والله منفسنا دقوعلينا ويو عندنا
وامي تكررررره هالسوالف وماتحب تدوخ راسها هالحجي من سنه تقريبا
والله وقعد يقرق فوق روسنا وهاتولي مخده وهاتولي بطانيه غاسلينها بالمصبغه توكم عشان اوريكم شلون كلها وساااااخه بين النسيج <== حسسنا انه قذرين الحقير:rgewrg:

وبعدين شغل ملطف الجو حقه وقال الحين بشفط لكم كل الغبره اللي بالبيت

صراحه امي مااااتت عليها وانغشت فيهم بسرعه بعدين قالت له اوك عجتنا بجم

واهيا قبلها تقولي حتى لو ب100 ناخذها

ياحليله الوالده مال اوووول

لما قال لها ب1000
قالت له لييييييييش من زينها ولا من سنعها ههههههههههههه :ggdw:

امبيه طيحت حظهم وطردته ....

 

[عسل مرت قيمر]

امبييي صج قهر

مادري شلون في ناس ترضا بمال حرام


حسبي الله عليهم


يمعوده راحت شي وعشرين ولا اكبر من هلمبلغ

فدوه عنج وعن عيالج


وخليها درس لج

 

[مباركيه]

الله يعوض عليكم ...بصراحة قبل شهر تقريبا صار مع زوجي مفس الموقف

بس الحمد الله ما اقدروا ينصبون علينا ...قبل لا يوصل المندوب البيت

قالي زوجي عنه وسألته انت متأكد أنه من شركة الغانم المعروفه نفسها

قال لا ما سألته ...قلتله بس يوصل المندوب أطلب منه أثبات أنه من أي شركة

من شركات الغانم ...وفعلا بس وصل أساله زوجي وطلب اثبات ..وطبعا ما قدر

يوفر لنا أو يثبت لنا أي شي وعرفنا انه نصاب ...

يا ريت قبل لا توقعون او تستلمون اي شي من هالمندوبين اللي طالعين لنا طلعة

هالأيام بهالكوبونات اللي ما تستفيدون منها أي شئ ..تتأكدون من صحة وصلاحية

هذه الشركة ...مو يغرونكم بتليفونات وكوبونات ...

 

[سارةوعد]

أنا نفسج دقوا علي وقالولي نفس الكلام بس قلت مابيها آسفه وسكرت التليفون في وجهه ولله الحمد

 

[قطوة@@]

اووووو اشوا انج بلغتينا

ما قصرتي و معوضه خيير

 

[LoLaTi]

مشكووورة على التنبيه
حسبي الله عليهم

 

[ام سعود ديكسون]

من ألفين و شي دقوا علي قالوا لي ربحتي تذاكر و اقامة ما دري ملكية شهر بمنتجع بمصر

و ضيعوا لي وقتي و اخر شي دفعي مبلغ و قدره

المهم عقبها حرمت

من يدقون يا اقولهم مشغولة
يا من وين يبتوا الرقم

بنات أخذوها قاعدة الهدية المفروض تستلمونها من الشركة بمقرها الرسمي مو من مندوب
و ما تدفعون ولا فلس والا ليش اسمها هدية

وما عدا ذلك نصب ب نصب

 

[Patcholli]

عمى بعينهم وايد دقو علي بس مالي خلقهم وادري نصابين من جذي كنت اصرفهم على طول

 

[jod.q8]

انا ما اثق بهالسوالف كلش بس صارت فيني قبل فتره

عالمغرب دق علي واحد ,, يقول ربحتي جهاز Samsung Galaxy S 2
مع كوبونات بهالقيمه .. ,, و احنا من شركة الغانم !

اذا حابه تستلمينه .. عطينا العنوان و ادفعي للمندوب 30 دينار !!
بس الحمدلله قلت له مشكور مابي شي و سديته ,, و الله يعينا

 

[om-3azo-83z]

صارت فيني بس امي نبهتني و كل مايقولون ربحتي اقوله اوكي شنو اسمي دام عندمم بياناتي

 

[om deaj]

حسبي الله ونعم الوكيل

حتى الكوبونات الي شريتهم ادق على صالون استفسر منها تقولي اعطيج موعد شهر 9
مادري شنو يعني

بس حسبي الله ونعم الوكيل

 

[حجيه هيونه]

وااااي يالنصب
انا لو مكانكم اكلم حماية المستهلك خل يسوون لهم كمين هالنصابين

 

[om deaj]

والله ماقول غير حسبي الله ونعم الوكيل

امس قريت اعلان لنفس النصاب في برنامج مزاد بالايفون

كاتب فيه انه على استعدادا انه يبيعلك سيارتك مقابل 27 دك يعطيك جهاز نوكيا n9 ودفتر كوبونات

واعلان اخر انه طالب مندوبين ومندوبات

ارجو الانتبااااااااااااااااااااااااااه

 

[عزة وكبرياء]

أنا دقو علي ونفس الكلام تدفعين 30 ديناروتربحين كوبونات بألفين ديناروساعة قلتله مو فاضية يقول بييي المندوب قلتله زوجي مسافر وماأقدر استقبل ريايل حتى لو من الباب بعدين انتو لأي شركة تابعين وشنو اسم شركتكم وايد هابين بالنصب يقولي لاااااااااا احنا شركة يديدة ومن هالحجي وموعارف يقول حتى اسم شركتهم ما فهمت عليه أنا عرفت انهم نصابين ومصري اللي قاعد يكلمني وصوت رياييل يضحكون يمه ​

 

[Nokia N95]

زين بلغتينا .....
خل يدقون و يصير خير ساعتها ....
بس في احد اشتكى عليهم بالمخفر ؟

 

[om deaj]

والله ماقول غير حسبي الله ونعم الوكيل

امس قريت اعلان لنفس النصاب في برنامج مزاد بالايفون

كاتب فيه انه على استعدادا انه يبيعلك سيارتك مقابل 27 دك يعطيك جهاز نوكيا n9 ودفتر كوبونات


واعلان اخر انه طالب مندوبين ومندوبات

ارجو الانتبااااااااااااااااااااااااااه

:eh_s(14)::eh_s(14)::eh_s(14):

 

[نوال89]

مادري شلون ياكلون بفلوس حرام..ضمير ميت