شركة الغانم نصبو علي وابي انبهكم

[om deaj]

السلام عليكم
ريلي من يومين استلم اتصال انه ربح مع شركة الغانم تلفون نوكيا N9 ودفتر كوبونات صالح لغاية السنة الياية بقيمة 555 دك كل الي عليه انه يدفه 27 دك للمندوب واذا ماعجبه الجهاز يدفع 2 للمندوب

الي حصل انه وصل المندوب راكب وانيت قديم ( مو طنازة لا انه مو سيارة بشعار الغانم) مع الجهاز واشوفه ولا عليه اي زرقة وشكله مبين صيني بس قلت اتاكد ناشية النوكيا اليديد والتطورات الي حاصلتله وحتى لو صيني وينزل عليه الوتس اب وغيره ميخالف عشان بودي جهازي للتصليح وابي جهاز بديل مؤقت

اقول للمندوب على كفالة الغانم يقولي ايه اقوله من غير ورقة يقولي لانه صيني درجة اولى وقام ريلي قال انه كل التلفونات صينية الحين :rgewrg:
وقالي انه برة ينباع بقيمة 35 دك
واستلم فلوسه ومشى

ورديت اتصفح الكوبون انا وريلي ولا مكتوب عليهم انه نهاية العرض تاريخ 1/3 وانا مستلمة الدفتر بتاريخ 3/3
ويدق ريلي ويكلمه قاله مالك شغل هذول شركات تابعة لشركة الغانم وصالح لنهاية السنة

خذيت الكوبايل ورحت الغانم وما مداني ادش داخل تعرفون رجل الامن الي عند الباب قالي السالفة ومافيها هذي شركة تنصب على العالم ومسويتها بغيري وقالي الحين لو دقيتي عليهم ماراح يردون ومو بعيدة ارقامهم من غير بيانات بس باجر بشيك على الكوبونات اذا صالحة او لا

الي قهرني انه عندهم علم شلون ساكتين ومخليننا ننخدع

حسبي الله ونعم الوكيل

ديرو بالكم من هالاشكال
انا ​

 

[عادت ذكرياتي]

لا حول ولا قوة إلا بالله

 

[سفييره الكويت]

حسبي الله عليهم يتاجرون بشكل نصب واحتيال

 

[الأميرة جوري]

تدرين ريلي شيسوي لي دقوا عليه وقالوا السلام عليكم ..ربحت معانا <<<علي طول يسده بويهم هههههههه يقول نصابييييييين مايخليهم يكملون كلشششش

 

[ولااء]

هههههههههههههههههه الجوري زين يسوي فيهم انا الله يسلمج غير دق علي وقال اني ربحت معاهم وقلت من وين لك رقمي ؟ كان يقول عن طريق شركه الاتصالات رشحت لهم رقمي ماادري شلون طرا على بالي ادق على الشركه اسال قالي اختي عطيني العنوان علشان يوصل لكم المندوب قلت دقايق ودق كان اروح وادق على الشركه رد موظف الاتصالات قال اختي هذول نصابين وشكثر يدقون علينا ناس يشتكون منهم رد دق علي النصاب مارديت يمكن 10 مرات بس شافني مارديت عليه هههههههههه راح يدور ضحيه ثانيه

 

[انا لها شمس]

نفسه مسوي الحركه بالوالده
بس ابشرج اهيا طلع لها جهاز بوليت
ودفعت ١٥ ع الكوبونات وماخذت الجهاز

بس ماقصر فيهم الوالد دق عليهم وقال لهم انكم داقين علي
ابي الكوبونات متى اتيون ؟
ويو طبعا بعد تخطيط عسكري وغسل شراعه والله وحط الكوبونات بحلجه
وسلمه الشرطه بالمنطقه .. *

 

[حجابي جهادي]

قطييييييييييييييييييييييعه تقطعهم

 

[MZAJY 93B]

حسبي الله عليهم

 

[om deaj]

نفسه هالكلب مسوي الحركه بالوالده
بس ابشرج اهيا طلع لها جهاز بوليت
ودفعت 15 ع الكوبونات وماخذت الجهاز

بس ماقصر فيهم الوالد دق عليهم وقال لهم انكم داقين علي
ابي الكوبونات متى اتيون ؟
ويو طبعا بعد تخطيط عسكري وغسل شراعه والله وحط الكوبونات بحلجه
وسلمه الشرطه بالمنطقه .. *

اي ريلي قالي لاتحرين نفسج اقدر اخذهم منهم وفكر بنفس الطريقة

بس طاف على الاقل الكوبونات فعالة

وبيني وبينكم في وايد شغلات ماراح تفيدني افكر اهديهم هدايا لاهلي وخواتي واهل ريلي

 

[om.7madiiin]

واي سكتو امس صارت فيني دقو علي شركة اسمها رينبو مادري شنو ؟
قللته يلا تعال خنشوف شآخرتها دش عندي من 3 العشر لي 6 يقرق و يزن
هههههههههههههههه ريلي كان بالدوام و انا و امي مجابلينه و لا على ردة ريلي
تخيلو مكنسة ب 1000 اسافر فيها هههههههههههه
ولا ريلي يقولة شيل قشك و يلا لا شوفك هني ههههههههههههه يقول حق ريلي شكرا عالاستضافة
قرااااااااق امي تنود و انا اتثاوب و ضحيت بنومة العصر واخترب يومي كله منه ابن اللذينا
ولا ريلي يقولي هذيلا جذابين يبة هالجعهاز من قبل لا اخذج و اهما يدورون فيه اعلبيوت يقولي مرة يبته الدوانية و لا ربعي يطردونة يمة فشلني اول ما يه ريلي و لا انا و امي ننحاش ههههه

 

[PuPa^^SWeeT]

كثرت اساليب النصب بالديرة

 

[لحظآتَ]

اشوه انج نبهتينا يااقلبي
عشان سبحان الله يمكن ينصبون علينا بعد ولا شيء الا عندنا علم مسبق


الله يهديهم ياربي ياكلون فلوس حرام وينصبون عالعالم ولا همهم شيء !!!

 

[MiSsY HottY]

من صجج هذيلا من زمان معروفين من 2005 انا خذيتها قاعده اي وحده او واحد يدق ويقولون ربحت ما ربحت ومن هالحجي علطول اصك تلفون اقولهم مشغووووووووووووووووله​

 

[james546613]

الله لايبارك بشيطانهم -ويختارون وقت الراحة والوحدة غرقانة في نومها -جزاك الله على التنبيه

 

[Pinky -cat]

انتوا من صجكم تصدقون هالسوالف وللحين في ناس تنخدع بهالكلام هالشى معرروووووووووووف من زمان ومنتشر

والكل يعرفه بس للاسف في ناس نفسج للحين قلوبهم على النيه وما يعرفون .


يالله هارد لك حبيبتي وتعوض انشاله

 

[سويت فانيلا]

الغانم نصابين انااقبل كنت شايه منهم لابوتوب تخليوا كاتبين عليه اصلي وهوتقليد ومستعمل ودفعت له 210 ايسر وبعدها حذفته قبل لايطيح باجبدي وحتى السوني مالهم موالاصلي الابوتوب اقوله باجم يقولي 390 هذا اليديد اللي توني شاريته وباسوني الشركه الاصليه والاصلي با 319

 

[كشموووشه]

الله يعوضج خير حبيبتي صج قثااا
لااااااااا وازيدج من الشعر بيت اخوي اشترا منهم ايباد بقراطيسه ومكفول سنه اوسنتين مااذكر المهم جم يوم واخترب الجهاز مايشتغل راح لهم قالوله هذا مايتصلح ولانقدر نبدله فقالهم اشلون مايتصلح اوتبدلونه عليه كفاله ؟؟ ماكو عمك اصمخ ولاردو عليه
المهم راح اشتكى عليهم بس ليلحين ماادري اشصار ​

 

[رتبه دبلوماسيه]

حسبي الله عليهم
حتى احنا دقو علينا من فتره
وقالوو مبروك ربحتو مشتريات اب قيمه 2000 دك.وماجاانا ولا شي
نصابين ..

 

[حياتي تكنولوجيا]

صح كلامج مليييييييييييون بالميه
امس دقوا علي وحاول المصري يقنعني بس على منو
اشتري كوبونات ب27 دينار بدون فايده ليش
وانا اسفه ما نبهتكم لان السالفه حيل واضحه ومنتشره
مره مسوينها فيني بس خذوا 15 دينار والحين ارفعوا السعر
الله عليهم
فلوس حرام اعوذ بالله​

 

[سنيار البحر]

امبييييييه شركة رينبو قاصين على أمي
شاريه مكينتهم ب 1000

والله حتى خدمنا ما يعرفون يستخدمونها

جم مره تدق ع المندوب يعلمنا شلون نستخدمها
ويشرح للخدم بس صراحه تنظف من قلب
تصير فلتر
وتصير معطر جو
وتنظف الزل والفرش والبردات وكل شي

بس احس حده مبالغين بسعرهم 1000 والله حرام





وعلى سالفة الغانم انقرصت منهم بالصيف
دقوا علي قالوا ربحتي نوكيا لمس اي مادري جم

وكوبونات وفحص بشره ومادري شنو تجميل وخط مجاني وتلفون مجاني
وكل هذا بقيمة 300 دينار

بس دفعي 25 للمندوب

والله من دفعت الخدامه
انحاااااش وحذف عليها الاغراض

ومن ادق عليه رقم مغلق
ومن ادق ع الارقام اللي بالكوبونات محد يرد

حديييييي انقهرت

الله لا يوفقهم وين ما راحوا