شركات التغذيه منو احسن فيهم وجم نزلنى (الجزء الثانى وبالصور)

[Day Dreamer]

بعد قلبي مشكورة عالدعوة الحلوة

والله هو سأل اذا الدورة منتظمة لان اذا مو منتظمة يأثر عالنزول بس عادي يعني اعتبريه طبيب و عادي يسأل
و بس هالسؤال اللي ممكن يحرج الباقي عادي جدا
قاس طولي و وزني و اشتركت
ااشتراك فيه رويال 220 و كاجوال 180 بالشهر طبعا 3 وجبات و سناكين
انا جربت رويال شهر الفرق ان فيه سلطات فواكه الكاجوال اييبون حبة فاكهة مو سلطة فواكة
غيره الاكل ماحسي في فرق نفس الاكل
قالولي الرويال فيه سمج و ربيان اكثر بس صراحة سمجهم زفر
فما كنت اطلبه
الحلويات وايد لذيذه
والسلطات وايد وايد لذيذة احب سلطاتهم
والعيوش بعد والباستا

يعني تحصلين ساعات وجبة مو زود بس انا اكلها عشان اضعف بعد شسوي
بس كل الشركات تحصلين جم طبق مو حلوين عادي
لازم بالبداية تجربين لين تعرفين شتنقين

 

[Ms.LoL]

هلا حبيبتي ..
مشكوورة وايد على التفاعل و التفاصيل هذي ..
220 عشان يسسون سطلة فواكه و في خيارات سي فود أكثر .؟
جنه ماعندهم سالفة على سالفة الفواكة ..
العادة السناك يا سلطة يا حلو .. ما يتشرطون .. قطعة ولا سلطة ..
إذا كانت أغلب خيارات الرويال سي فود فأنا ما آكل سي فود كللش ..
فمراح يناسبني ..
شجعتيني على سالفة السلطات اللذيذه ..
لأني كنت أتغصب السلطات أحسها دوا ..
خاصة إنه مافيها غير خس وخيار و قطعة جزرة .. أتعب من التعللللج لووول ..

الأخصائي ساعدج بالمنيو .؟ طلبتي منه و لا هو اقترح .؟
بعد أخاف أقوله يقولولي دفعي لوول
لو عندج رقمهم .. عساس بدق أسأل شلون لو بشترك من الحين ..؟
بيكون نص برمضان و نص عقب ..

 

[Day Dreamer]

اي والله مايسوى الرويال كلش
هذا رقمهم 24610122
الاخصائي اول شي ما اختارلي انا اخترت
بس مرة قالي خل اختارلج باقي الشهر
بس هم انتي شوفي اذا شي ماتحبينه قوليله
مثلا حطلي روب فواكه و انا ماحبيته
قوليله ابي بداله حليب و لا عصير

السلطات كلها عجبتني التبولة الفتوش سلطة الشمندر مع الذرة سلطة السيزر
السبانخ الجرجير كل شي عجبني يعني انا مو نوعي وايد اكل سلطات بس حبيت سلطاتهم

الاخصائي جنه مسافر يمكن هالاسبوع يرجع بس دقي سألي
اسمه ايلي

فتح الملف اذا بتشتركين ببلاش
بس فحص الدهون ب 10
يعني اذا اشتركتي بو 180 بتدفعين اول مرة 190
10 حق الفحص

 

[Ms.LoL]

مشكوورة حبيبتي ..
دقيت عليهم ..
نفس ما قلتي مسافر .. و اسمه ايلي عون ..
بيرجع 11-8 ..
قالت لو تبينه لازم تفتحين الملف بالمنطقة الحرة ..
معنه الجابرية أقرب لي ..
قلت لها بشترك الحين بدون اخصائي ..
و لرجع أضبط المنيو معاه .. قالت مو مشكلة ..
قلت لها مابي أسوي فحص و أتعطل أنا عارفه مافيني شي ..
قالت على راحتج ..
وقالت ترى مجانا تدشين على الاخصائي ..
قالت لو تبين اسبوعين بس فطور ب 55 ..
لو تبين اسبوعين فطور و سحور ب 110 ..
و بعد قالت عن عرض ب 100 ..
قلت لها شلون لو بكمل ورى رمضان عندكم اسبوعين ..
قالت اي .. بس ما ركزت على العرض ..
قلت لها متى يوصلني الاكل لو سجلت من اليوم ..
قالت الثلاثا .. /:
حسيته بعيد ..
وبيكون اشتراكي تبع رمضان .. لكن الاسبوعين مو كلهم برمضان .؟
تقريبا 6 أيام بره رمضان ..
و حتى لو رجع الاخصائي ما يمدي يضبطلي الأكل ..
مادري لو عندهم أسبوعين برمضان و الباقي بره .. و يصير شهر .؟
إن شاء الله أروح و أقولكم ..

و حدج مشكوورة ما تقصرييين .. ********:

 

[Day Dreamer]

اي يصير اشتركي شهر
الباقي من رمضان يوصلون لج اكل رمضان
لا خلص رمضان يوصلون لج اكل عادي
هو ترى تقريبا نفس الاكل بس في زيادة تشريبه و هريس و يريش و حلويات و مشروبات رمضانية
اشتركي شهر احسن لان اسبوعين كللللش مايسوى
و اخذي الاشتراك الكامل مو بو وجبتين
عشان لا يعتي ماتخربطين
انا كل اكلي من الصندوق عشان جذي انزل

 

[Ms.LoL]

اهليين ..
رحت أمس الظهر اشتركت ..
ما كنت شايفة ردج ..
اشتركت أسبوعين .. و بكمل ورا رمضان أسبوعين ..
دفعت 55 دينار لاشتراك اللي وجبة فطور بس ..
لأنه ما شاء الله وايد ..
وأدري راح يشبعني .. لو طالبة سحور راح يزيد ..
العام اشتركت بدايت كير .. و ما كنت آكل كل اللي بالصندوق ..
لأنه وجبتين و سناكين .. متى آكلهم من المغرب لي السحور .. فترة قصيرة ..
أما ورا رمضان باخذ الكامل مثل ما قلتي عشان ما أخربط ..
و حتى الويك اند ما كنسلته خليته منهم لأنه الويك اند المغريات وايد ..

سالفة المشروبات الرمضانية ..
مادري ما فهمتها .. يعني انا اخترت انه كل يوم ايبون لي عصير ما كنت اختار السفن و الكولا ..
فيعني عصيرهم خلاب و تمر هندي .؟
و إذا مابيهم شلون .؟
صراحة كانت المنيو حوسه ..
منيو عادي و منيو ثانية مالت رمضان ..
ما طليت بمالت رمضان قعدت انقي من المنيو العادية ..
و قمت أنقي كل شي فيه خضار .. و بعدت عن الباستات و العيوش ..
و قلت لها أبي 900 سعرة باليوم ..
إن شاء الله يوم الثلاثا يوصلني الأكل ..
تقول يوصلونه الساعة 10 الصبح ..
يعني الأكل احتمال طابخينه من أمس و السايق لما يداوم أييبه .. ^^؛ !

 

[Day Dreamer]

والله انا يوصلني هالحزة ما احس الاكل مو فريش كلش
العصاير جلاب و تمر هندي ماجربتهم
بس الهريس واليريش لذيذين هذولي بمنيو رمضان
ان شاء الله يعجبج

 

[Ms.LoL]

وصلني الأكل ..
مافيه لا هريس و لا جريش ..
مادري إنه لازم أنقيهم ..
بمنيو رمضان كاتبين إنه الهريس والجريش يوصلون مع الرئيسية ..
مادري إنه لازم أقولهم .؟
حتى السكرتيرة لما عطيتها ما قالت لي شي ..
وحطتلي ورقة فيه ألأاسبوع الأول الثاني الثالث الرابع .. مادري شنو أسوي فيها ..
أنا حاسبة حسابي يوم طلبت وجبه وحده ..
إنه الوجبة الرئيسية + هريس ..
مو شي واحد منهم \: ..
دقيت سألت .. قالت بيضيفونهم لي بعد يومين .. وإنه كمية أكلي بتقل ..
مو المفروض يكون أصلا واصل و حاسبين حسابهم ..؟
يعني الهريس مو من ضمن العرض ولا شنو .؟


و عطيتهم ملاحظة عن العصير ..
إنه دامهم هيلثي فود .. لازم يكون طبيعي فرش ..
قالت الاخصائية إنه الرويال يكون عندهم عصير طبيعي ..
قلت المفروض هذا مبدأكم مع الكل ..
كاتبين أنه الصحة و التغذية .. و حاطين بالمنيو بيبسي و مضر للعظام ..
قالت لا هذا دايت .. و كثرته مو زينه .. وتقدرين ما تنقينه ..
قلت لها ما نقيته .. بس لما اخترت عصير . . عساس مثل ما تسوون اكل صحي ..
تيبون لنا عصير صحي مو مواد حافظه ..
وقلت لها عالعموم مادري انه ما عندكم خيار أنه تسوون عصير فرش .. داقه أقولكم بدلوه لأنه بالشركة اللي قبل بدلولي ياه بطبيعي ..
قالت هذي سياسة الشركة ما يرضون ..
قلت وهذا دوركم كأخصائيين تحرصون على وجبة صحية كاملة لأنه صراحة ما يلائم سياسة الشركة هيلث كومباني ..
قالت لأنه بيخرب ..
قلت لها و حق الرويال لما تودون لهم ما يخرب .؟
قالت لا .. بس نوديلهم عصير جزر فرش مرة بالاسبوع مو كل العصاير ..
ونحط شي سعراته بسيطه برتقال او اناناس وانتي فيكي تشيليه ..
قلت لها حاطين كوكتيل .. و حجم عادي .. بس ما عليه أكنسله ..
قالت لي خلاص بشوف الاخصائي شنو كاتب لج ..
قلت لها الاخصائي مسافر وانا اخترت من غير ما ادخل عند أخصائي .. و شكرتها ..

عاد كانوا حاطين لي تيرماسو وانا متأكده ما طلبتهاا .. لأني ما أحبهاا ..
بس سكت مابي أطول معاها مالها ذنب هي ..
وكنت من صجي عن العصير مو قصدي أطلع غلط غصب ..
لأني ما أشرب بيبسي .. ولا أشرب هالعصاير ..
فتوقعت شي بديهي نفس ما يسوون سلطة فرش يسوون عصاير !

للحين ما ذقت الأكل .. إن شاء الله يعجبني و يغير انطباعي عاد ..

ليتني مصورة المنيو ..
مطبوعة أبيض وأسود أوراق عادية مدبسه ..
وورقة ثانية منفصلة مادري شنو قصتها كلش شغلهم مو مرتب ..
وحاطين بالهامش كلام .. سلطة الاسبوع و شوربة الاسبوع ..
حتى الخيارات محدودة .. صنفين حلو بس ! صنفين سلطة صنفين شوربة ..

اشتركت بليناز & ديناز و دايت كير ..
خيارتهم عد و خربط .. و طابعين شغل مرتب ..
كل اشتراك له منيو خاص .. و السكرتيرة تجيك وراج قبل لا تمشين ..
و يسؤلوني شنو أحب شنو ما أحب .. و جم سعرة أبي ..
أما بهيلث كومباني .. أنا قمت أقولها من نفسي ..
حتى قلت لها ما حددت جم سعره حرارية .؟
قالت الاخصائية بتدق عليج وتحدد .؟
قلت لها الاخصائي مسافر .. !
وأنا ببدا الثلاثا و هو بيوصل الاسبوع الياي ..
قالت اوكي جم تبين جم سعره حرارية .. و قلت لها 900 ..

يعني شلون كان بيدق علي يحدد عقب ما يبدون توصيل .؟
يمكن لأنه الأخصائي مسافر فصارت حوسة ..
لأني ما قعدت معاه و سألته كل شي و نقا معاي وجذي ..

 

[Ms.LoL]

هذا هو اشتراكي :

إللي فهمته .. إنه اللي مأشرين عليه بالرمادي اهو اللي بيوصلني كل يوم ..
أنا اخترت من المنيو .. الوجبات الرئيسية .. و السلطة .. والحلو .. ودايما اختار عصير .. وبس ..
ماذكر لو كان في شوربة بس لو كان في أكيد اخترت ..

اللي فهمته من الورقة فوق ..
- راح إييبون .. وجبة رئيسية أنا مختارتها
ومع الرئيسية إما ( هريس - جريس - تشريبة ) ---> حسب ترتيب منيو رمضان اللي بورقة منفصله ..
- سلطة ..
- شوربه ..
والسناك :
- حبة فاكهة
- حلو
- عصير .. وزيادة على العصير إما ( جلاب - تمر هندي )
و
- تمر ..

يعني 7 أشياء مع عصيرين ( عصيري اللي مختارته أو جلاب ) ..

إللي ياني :
الوجبة الرئيسية
سلطة
أفندية
تيرماسو
عصير كوكتيل
و
تمر

مافي هريس الزياده ..
مافي شوربة أساسا ..
مافي عصيرهم الزياده ..

منيو عادي و منيو ثانية مالت رمضان ..
ما طليت بمالت رمضان قعدت انقي من المنيو العادية ..

هذي اللي أقصدها ..
حتى بادين من الأسبوع الرابع بعدين الخامس .. !
مافي اشتراك 5 أسابيع ؟ :eh_s(10):
بعدين فجأءة الأول .. و الثاني .. و ماكو ثالث

------

عفيه اذا فهمتي فهميني يمكن أنا فاهمة غلط ..
يمكن قصدهم إما وجبة رئيسية أو من المنيو المنفصل .؟
والعصير مال رمضان اما هو أو عصير قواطي .؟

عالعموم تفطرت ..
وسطلتهم صج لذيذة خاصة الصلصة مو حامضه ..
والخس أمريكي أحلى من العادي ..
وايد عجبتني ..
و الوجبة لذيذة بعد .. و شبعت منها بسرعه ..
كانت بطاط وجزر بمرق .. مع قطعة كفته مشوية .. مع عيش مشخول ..
ماشربت عصير كوكتيل مالهم .. .. شربت مال بيتنا عصير فراولة طبيعي

 

[Day Dreamer]

الورقة الاولى ذاكرين فيها ان في عندهم هريس و يريش و تشريبه و باجي الاشياء
طبعا مو كل يوم بيسوون هريس+يريش+تشريبه
كل واحد من هالثلاثة بيوم
الورقة الثانية محددين لج اي يوم فيه هريس و اي يوم فيه يريش و اي يوم تشريبه

اللي تسوينه تاخذين ورقة المنيو العادية اللي فيها كل شي و تنقين اللي تبينه و تكتبين اذا تبين يريش و لا هريس و لاتشريبه بناء على الجدول


انا صراحة ما اشتركت بشركة قبل هذي اول مرة
بس انتي لانج مجربة قبل ففرق عليج

و انا ولا مرة يابولي شي ماطلبته فالمفروض تنبهينهم عشان لايكررونها كل شي ولا اييبون لج شي ماتبينه

لا رد الاخصائي قعدي معاه قعدة خل يضبطلج اشتراكج
اشوة انج اشتركتي بس اسبوعين عشان اذا ما عجبج خلاص تغيرين الشركة

 

[Day Dreamer]

اي وبالنسبه للعصير صاجة المفروض يكون في عصير فريش
بس انا عموما ساعات اشرب برتقال من بيتنا
لان احس العصير عشان يكون فريش لازم ينعصر و ينشرب مو حلو يطول فما همني الموضوع

 

[Ms.LoL]

الورقة الاولى ذاكرين فيها ان في عندهم هريس و يريش و تشريبه و باجي الاشياء
طبعا مو كل يوم بيسوون هريس+يريش+تشريبه
كل واحد من هالثلاثة بيوم

إي هذا اللي فهمته ..
بس عبالي تلقائي من غير لا أقول .. لأنه هم مسوين جدول ..

اللي تسوينه تاخذين ورقة المنيو العادية اللي فيها كل شي و تنقين اللي تبينه و تكتبين اذا تبين يريش و لا هريس و لاتشريبه بناء على الجدول

يعني يا اختار وجبة رئيسية من المنيو .. يا اختار هريس او يريش أو تشريبه ..
لأنه الحين يايبين وجبة و هريس ..

المنيو اخترت شاي اخضر ما يابو ولا ما يشمل ..؟
و الشوربة مو قاعد اييبون ..
تعبتج معاي ..
بس مو قاعدة أتصل لأنه أحس فشلة مشتركة اسبوعين و كل شوي داقه طاف ..
لي صار موعدي بشوف شنو يقول الأخصائي ..
معنهم للحين ما دقوا ولا قالوا متى الموعد ..
أدري ما رجع .. بس لازم ينسقون معاي موعد يناسبني ..

 

[Day Dreamer]

لا حبوبة تختارين الوجبة + هريس او يريش
الهريس واليريش يعتبرونها مثل مقبلات و الوجبة وجبة مثل ما هي فراح تاخذين الاثنين
وليش مايابوا جاي اخضر لا دقي قوليلهم شنو انتي دافعه لازم ايبون
والشوربة انتي حطيتي دائرة عليها؟ هي اخر شي بالورقه
يا اما تحطين دائرة عالشوربة المكتوبه
او تختارين عدس او شوربة طماط من منيو رمضان
تكتبين اذا تبينهم
العدس مالتهم لذيذه فيها ثوم اذا تحبينه بتعجبج
الطماط ماجربتها
المشروم و الذرة زينين

بس لازم تحطين دائرة عليها او تكتبين شنو تبين
اللي ماتحطين عليه علامة ما ايبونه

 

[Day Dreamer]

انا موعدي السبت من اول حاطته من قبل مايسافر
فانتي كلميهم السبت لان الحين سكروا و باجر مسكرين قوليلهم ابي اشوف الاخصائي و ابي موعد لان اشتراكي بس اسبوعين

 

[كشكش]

إي هذا اللي فهمته ..
بس عبالي تلقائي من غير لا أقول .. لأنه هم مسوين جدول ..



يعني يا اختار وجبة رئيسية من المنيو .. يا اختار هريس او يريش أو تشريبه ..
لأنه الحين يايبين وجبة و هريس ..

المنيو اخترت شاي اخضر ما يابو ولا ما يشمل ..؟
و الشوربة مو قاعد اييبون ..
تعبتج معاي ..
بس مو قاعدة أتصل لأنه أحس فشلة مشتركة اسبوعين و كل شوي داقه طاف ..
لي صار موعدي بشوف شنو يقول الأخصائي ..
معنهم للحين ما دقوا ولا قالوا متى الموعد ..
أدري ما رجع .. بس لازم ينسقون معاي موعد يناسبني ..

اختي الكريمه ..

كل هالملابسات واللخبطة لانج ما دخلتي على الاخصائي ..

انا مشتركة من زمااااااان معاهم وابدا ما حسيت بمشكله او لخبطة والامور معاهم تمام

بل بالعكس انا اعتبرهم من افضل الشركات بعد دايت كير لكن بنزول الوزن هم افضل

..

بالنسبة للعصاير منو قايلج ان الشركات توصل عصاير فرش كلهم لا باستثناء كالوري كنترول

وما اشوفها مشكله عادي .. بس استغربت انج تقولين في المينيو في بيبسي وسفن

انا ما شفت !!

ولا تستحين انج تدقين وتعطين ملاحظاتج لهم بالعكس هذا احسن لج ولهم ..

 

[Eng.shosha]

قوه بنات .. ماشاءالله تابعتكم وحيرتوني أكثر
ودي بعد العيد ان شاءالله وبحزت الدوامات أشترك بشركه ..
بس محتاره وين اشترك .. دايت كير ولا دايت سنتر ولا كالوري كنترول ؟؟
منو تعرف أسعارهم ؟ أكلهم شلونه ؟
مابي شركه أكلهم بايت أو مو حلو و ما عندهم تنويع ..
شرايكم ؟ شنو الأحسن من اللي ذكرتهم ؟

 

[ورده اوراد]

هلا خيتوا
انا كل الدوام عندي مشتركين بكالوري كنترول والله كلهم اضعفوا وصاروا رشيقات وانا بعد العيد ببدي بشتراكي معاهم وهم ما عندهم عرض العرض عندهم بشهر فبراير
*

 

[Day Dreamer]

انا عن نفسي مشتركة بهيلث كومباني
ولا مرة رحت موعدي و ماكنت نازله
اقل شي انزل كيلو و نص
و في مرات انزل 3 كيلو
اكلهم يعجبني ماعدا السمج زفر
ماعندهم شي بايت كل مرة اييبون اكلي فريش
النكهة في شركات يتفوقون عليهم
بس بالنزول يبردون الجبد صج تنزلين معاهم

 

[Eng.shosha]

هلا خيتوا
انا كل الدوام عندي مشتركين بكالوري كنترول والله كلهم اضعفوا وصاروا رشيقات وانا بعد العيد ببدي بشتراكي معاهم وهم ما عندهم عرض العرض عندهم بشهر فبراير
*

حبيبتي ما تعرفين اسعاره ؟
و و لا عليج أمر عندج رقمهم ؟

 

[oum 5ald]

السلاام عليكم



اكثر شي يضيق الخلق ان بنات القروب القديم مو موجودين للاسف


المهم هم اناا ودي عقب رمضان اشترك بس كلش مو عارفه احترت

مره جربت لو فاات بدون مراجعات وما ضغفت مع ان كان يمكن ٧٥٠ او ١٠٠٠

بما اني رديت حق المنتدى لووووول فانا رديت حق سوالف رجيم وعمليات بس خخخخ العاده ياعواده