شركات التغذيه منو احسن فيهم وجم نزلنى (الجزء الثانى وبالصور)

[فلانه و فلونه]

مرحبا يا رشييقات :eh_s(22):

انــــاا حيل متنت لاني كلش ما اتحرك مع ان اكلي اهوا اهوا ما تغير
علشان جذي انا اشتركت بالنادي و حابه اشترك بدايت كييير :>

بسس ابي معلومات لان هذه اول مره لي و منو الدكتور الزين اللي هناك و شنو طريقتهم و نظامهم و شنو تنصحوني فيه انا حيل حابه اشتغل على نفسي لاني حييييييييييييييل سمنت ​

 

[قطوووة]

انصحج تقرين اخر الصفحات فيها اجابات كافية لسؤالج وحياج الله

 

[حياة زوجي]

صباح الخير ويوم جديد مع كالورى كنترول



عصير جزر

فطيره زعتر وااااااااااااايد لذيذه وخفيفه

فاكهه

سلطه دجاج وجرجير

دجاج بصلصه الزنجبيل وخضار سوتيه

كيك جوكليت

سلطه خضار مشويه

دجاج نغتس وبطاط مشوي

 

[قطوووة]

صباح العسل جميعا ..:eh_s(7):

الريوق اليوم كورن فلكس + حليب خالي دسم .،،



حياة زوجي
عافية يارب

 

[فنار الكويت]

مرحبا يا رشييقات :eh_s(22):

انــــاا حيل متنت لاني كلش ما اتحرك مع ان اكلي اهوا اهوا ما تغير
علشان جذي انا اشتركت بالنادي و حابه اشترك بدايت كييير :>

بسس ابي معلومات لان هذه اول مره لي و منو الدكتور الزين اللي هناك و شنو طريقتهم و نظامهم و شنو تنصحوني فيه انا حيل حابه اشتغل على نفسي لاني حييييييييييييييل سمنت ​

عندج فرح الرفاعي تهبل وايد حبوبة وكيووووت
​

 

[فنار الكويت]

صباح الورد رشيقااااااااات

قطوه أنصحج وبكل أمانة دامج ضعفتي من مجهودج بدون شركات أنا أول وحده أشجعج تعتمدين على نفسج وتاخذين وجباتج من الجمعية وانشالله انا معاج وبسوي نفس طريقتج وأكل دايت كير رووووووعه ونظيف ولذيذ وبما انج طالبة انا اقولج لاتشتركين حرام وحتى لو عشرين ولا اربعين تفرق انتي اولى فيهم لأن كل شي غالي ومو ملحقين وانا بخلص من هلث ومثل ماقلتلج لازم اسوي مثلج وانشالله تفيد معاي لأني مو ملحقة على المصاريف وكل كل اربع ايام أخذ شغلي من الجمعية وانا رايحة الممشى وياااااااااااااارب أتمنى اعتمد على نفسي وانشالله بتحدى نفسي ودام الأكل موجود بالجمعيات تساهيل انشالله ووايد متحمسة على هالطريقة ووايد اشوف ناس تروح صوب دايت كير الجمعية وتشتري وجباتها عشان جذي تشجعت بصراحة وانتي اول وحده زفتني قطوه وشجعتني وطبعا من صالحي

عنيــــــــــــــــــد أيــــــــــــــن أنتــــــــــي
لايكون لاهية بالإنتخابات
​

 

[فنار الكويت]

قطوه سؤال اذا سمحتي
جم تتوقعين مصاريفي بالشهر اذا اخذت وجباتي من الجمعية من كل شي تتوقعين 100 دينار

​

 

[قطوووة]

يااااااااااااا رب ياااااا رب ارادتج تصير حديد وتحققين اللي في بااااالج بكل صحة وعافية
ولاتنسين الجاي الابيض وربي انه سحررررررررررررررررررر
والله يابنات انصحكم فيه حيل

وكلنا نشجع بعض .. انا معطيتكم ضوء اخضر اذا كتبت لكم اني خربطت زفوني ههههههههههههههههههه
ترى والله الزف مفيد وهو اللي خلاني اصير ادمية والتزم هههههههههههههههههههههههههههههههه

يلا سهالات يا رب ..

 

[فنار الكويت]

حبيت أقولكم شي مهم جدا
إحنا وايد قاعدين نمدح بالشركات ونرفعهم السما وبحسن نية طبعا وبناء على اشتراكاتنا وتجربتنا معاهم وانا كنت اول وحده عقب تجربة قطوه اشتركت بكالوري كنترول ودايما نقول انها الأرخص بالسوق وطبعا فرق صغير عشر دنانير وهلث كومبني انا اشترك معاهم السعر ب170 طبعا أقل من كالوري كنترول
وطبعا مايصير لما نمدح كالوري كنترول حضرتهم بيزيدون الأسعار عشان مدحناهم
وأنا أول وحده بقاطع الشركات وبسوي نفس قطوه بعتمد على نفسي
أنا أخوي قالي ان كالوري كنترول ناويين يزيدون الأسعار لأنهم متابعينا ع النت ويقولون الشركات كلها أغلى بالسعر علشان جذي راح يزيدون الأسعار وهالخبر توه أخوي قالي عليه والخبر فرش ،،، وعلى فكره أنا كنت مكلمه صاحب الشركة على اساس يسوي خصومات هالكلام من كذا شهر ومارضى وسألته لكم نيه تزيدون الأسعار قال لا ماعندنا واحنا ثابتين بأسعارنا وطبعا لما مدحنا فيهم زادو الأسعار وطمعو وشافو في زيادة بالرواتب وناويين يزيدون شنو هالجشع بالديرة كل واحد بيغلى ويرفع السعر من صوب قطيعة الواحد يلحق على شنو ولا شنو والزيادة كلها بجيب التجار حسبي الله ونعم الوكيل
ونفس الشي هلث كومبني كان يسوي خصومات 20% ولما مدحناهم وزادو زباينهم خلو الخصومات بس 15% وكلهم مستفيدين واحنا اللي منضرين
اللهم اني بلغت وهالكلام توه واصلني وحدي منقهره

​

 

[قطوووة]

قطوه سؤال اذا سمحتي
جم تتوقعين مصاريفي بالشهر اذا اخذت وجباتي من الجمعية من كل شي تتوقعين 100 دينار

​

وايد اقل من 100 دينار .. وراح تنصدمين شكثر توفرين
يعني التوست والحليب والقهوة والجبن كلها اشياء اسعارها معقوووولة
وتكفيج مدة معقولة
هاليومين شريت مربى الرشاقة اللي سكرها يكون اخف
لاني اموووووووووت عالمربى والعسل :d

انا كل مرة ادش الجمعية اشتري شغلات تكفيني يمكن 10 ايام او اكثر شوي
مرات ادفع 5 مرات 10 مايزيد حسابي عن 15 دينار ..


ع فكرة فنوووووور انا بالجمعية لما امر صوب الكاكاو وهالاغراءات اقعد ااحاجي نفسي اقول لا لا الرشاقة احلى هههههههههههههه
اتوقع اللي يشوفني من بعيد احاجي نفسي يقول مينونه ههههههههههههههههههههه

 

[فنار الكويت]

انشالله بجرب الجاي
انا ناويه كل شهر احط 100 على جنب بمحفظة بروحهم واخليهم حق شغلات الرجيم

تدرين قطوه لما كنت مشتركة بالشركات والله كنت ساعات اقط السلطات يمكن قعدت اسبوع اقط السلطات فحرااااام والله وساعات ما اشتهي اتعشي فأغصب نفسي عشان لااقط النعمة وطريقتي بتكون غداي اهو عشاي واخليه متأخر يعني على السبع واذا يعت اكل نص توسته بالليل واغصب نفسي
والفطور مقدور عليه توست اسمر او بالحبوب من المخبر ومربي وجبن والحمدلله اهم شي يسد الجوع والله يعز ديرتنا كل شي متوفر فيها

ابي أسإلج شرايج بالغزال الطائر الجهاز جربتيه يقولون روعه
​

 

[قطوووة]

اي انا مثلج
سلطات كالوري كنترول كنت اكلها لان حيل عاجبتني
بس سلطات هيلث كمبني كااااانت مأساااااااه لدرجة اني طلبت اكثر من مرة يبدلونها لي بأي شي ثاااااني بس رفضوا
ولما وصلت حق فرش دايت اول شي قلت لهم انا وصلت مرحلة تمللت من السلطة شوفوا لي حل غيرها مااااابيهاااااا
بدلوها لي بفاكهه او شي ثاني ماذكر شنو المهم اني صج صج مليت من شي اسمه خضرا


عشان جذي ..انا اسوي رجيمي .. وباختياراتي واراقب الكالوري .. مو شي صعب ولا مستحيل
واكثر وانوع من الخيارات عندي عشان ماامل
شوفي هالموضوع حلو فادني وعطاني افكار حلوة
%مشترواتكم للرجيم..... من الجمعيه بالصور% ‏



توني رادة من الجمعية اشتري اغراض للبيت مو حقي ولا حق رجيمي

وشفت شكثر في خيارات بس ماشريت لان قبل كنت اشتري واكدس وانسى ويختربون الاغراض واقطهم
الحين صايرة اشتري اذا خلصت اغراضي بالاول ( ترتيب اكثر )

ونويت اشتري التلبينه مالت معجزة الشفاء عجبتني
وبس سلامتج







بخصووص الغزال الطائر مدحوه لي شكثر بنات وقالوا صج يقسم الجسم
بس انا من النوع الملول اشتركت بنادي شهر وكان دايما محجوز الجهاز

افكر ارد له لان محتاجة جسمي يشد خاصة زنودي وصدري يبيلهم شوية
اما الجزء السفلي من الجسم دامج ملتزمة بالمشي فهو يشد وهالشي لاحظته الحمدالله

 

[فنار الكويت]

اشتريلج الغزال الطائر تلقينه بالوسيط على 30 وشي وايد حلو ويتسفط بعد

ومشكورة قطوة وانشالله بميزان حسناتج نصايحج
​

 

[قطوووة]

حاضرين حبيبتي ..

وهذا سناك اليوم .. كنت شاريته من مركز سلطان

في منه 3 انواع

بالجبن .. كان حلو وهذا بالحبوب وبحب شمسي ولذيذ
وباجي بالكاكاو للحين ماجربته


الجيس وزنه 62 جرام

 

[فنار الكويت]

قاعده اقرا مشترواتكم من الجمعية للرجيم تشوقت قاعده اعد الأيام عشان انضم لقروب الإعتماد على النفس وايد متحمسة ويرب هالحماس يظل لغاية اخر يوم الإشتراك وسيده للجمعية وانشالله اكون نازلة لنهاية الإشتراك ياااااااااااااااااارب

قطوة كورن فلكس الفواكه حلو طعمه ولا عادي وتاكلينه بروحه ولا مع حليب شكله يشوق واذا في انواع ثانية بالجمعية
​

 

[قطوووة]

ماجربت اللي بالفواكه بس مرة شريت واحد جنه فيه فاكهه مجففه كلش ماعجبني


انا احب مال نستله الاصفر مالقيت صورته بالنت

نفس هذا بس لونه اصفر

عموما الحين شاريه نوعين واحد بالدارسين والثاني نسيت اي نكهه خذيته

تحت التجربة ان عجبني بذكرهم لج

 

[فنار الكويت]

مشكورة قطوه ماقصرتي انا عند كلمتي ماراح اشترك باي شركه بطلنا لاني تضايقت اليوم من الشركه حاطيلي دياي ربع كف الايد مو مثل كل مره الحجم والله جني اطر منهم واشتراكي هذا وايد مقللين الاكل الشركه مو مثل كل اشتراك كفايه الغدا نتفه والعشا بعد وسبحان الله ربي قاعد يعلمني عشان ما اشترك واكره الشركات
يالله متى اخلص واعتمد على نفسي وااااااايد متشجعه منها اعتماد على النفس ومنها توفير

قطوه عندج فكره لو ابي الصبح احط مع التوست جبنه كرافت جم احط كفشه مثل كفشه صغيره ولا ممنوع اكله
وعلى فكره اليوم شريت الجاي الابيض بس هم ابيج تقوليلي على كوب جم الكميه من الجاي احط وهل تحطين سكر والا مايحتاج

 

[قطوووة]

والله فنور انا مااعد بس تقريبا قفشة صغيرة
او مرات جبن سلايز يكون فري فات وعالشواية يصير يمي :rerrerek:

الجاي الابيض
اانا تقريبا احط قفشة كبيرة من الجاي فله واصب عليه الماي الحار واخليه يركد

كل نوع له رقم معين وطريقة معينة شوفي الجيس مكتوب فيه جم دقيقة تخلينه وبعدين تشخلينه

انا النوع اللي عندي مكتوب خليه دقيقتين وشخليه

 

[فنار الكويت]

الجاي نفس الرقم اللي ذكرتيه وقاعده اشرب منه الحين ومايحتاج سكر​

 

[قطوووة]

اي ديري بالج تحطين سكر
وطعمه مقبول جدا

وانا ملتزمه فيه لي فتره