شركات التغذيه منو احسن فيهم وجم نزلنى (الجزء الثانى وبالصور)

[فنار الكويت]

قطوه بالعافيه عليج بس زبدة الفول السوداني وايد دسمه حسافه ماشيه صح بس هالزبده مصيبه بالكالوري ديري بالج

 

[حياة زوجي]

كل عام وانتي بالف خيررر


يا حيااتي

عقبال 1000000 سنه

حيااااااااااااااااااااااتى وانتى بخير وصحه وسلامه

كـــــــــل عام وانتي بخيــــــــــــر

الله يسلمج ويحفظج مشكووووووووووووووووووره

حياااااة زؤجي
العمر كله تكفين لا تخربطييين

بصراحه خربطت وادرى غلط بس ملزومه اخربط
واليوم فاجؤونى لينا ودينا بطاقه تهنئه ووصلوولى كيكه عيد ميلادى مع كوبونين اشتراك بالنادى هديه بصراحه ماقصرو



وهذى كيكه لينا ودينا

 

[nono93]

ونااااااااسه والله

عليج بالعافيه ماعليج
عيد الميلاده مره بالسنه
عاااادي ماعليج

 

[MooN22Q8]

سلام و عليكم بنات
انا ابي اضعف و مو عارفه شلون مو قادره استمر ب ولا ريجيم
و ان شاءاالله اذا الله راد بعد شهر ملجتي
ف ابي اشترك بشركات التغذيه بس مو عارفه وين
وايد انصحوني ب دايت سنتر و دايت كير

ابي رايكم تنصحوني بأي شركه مو شرط دايت سنتر و دايت كير و جم اسعارهم ؟

 

[وحدة كويتية]

ودي اشترك صراحه بشركه تغذيه
بس المصيبه انا ببيت حموله
وحمولتي مو شي كلش
فشله كل يوم ريوقي وعشاي وغداي الشركه تجيبه
قدامهم عاد ربعنا يحبون الطماشه والتعليقات

 

[حنان الروح]

قوووووه يا رشيقات :eh_s(7):
اخببارككممم انا قريت الموضوع من اوله ليما اخره وعجبني حييل قلت بشارك وابي دعم منكم دامكم مشاءلله عندكم خبره بالاشريكات التغذيه
انا بخاطري اشترك بدايت سنتر بس مو عارفه اخذ فحص دم عندهم اول ماروح واكون صايمه والا لا ؟؟
وابي اعرف اذا اقدر اختار دكتوره لانه مابي دكتور ماحب ابي اخذ راحتي
فا اذا وحده رايحه واعارفه كل شئ عنهم تقولي من اول مادششت ليما طلعت بليزز
حدي متنانه حتى حرمت نفسي من الطلعات والوناسه والسبب شكلي تعقدت :eh_s(16):
ويصير اروح لهم العصر مو شرط الصبح ؟

وشكرررااا

 

[amoOoNA Al_mazyoNa]

انا كنت بدايت سنتر نزلت كيلوين بس واكلهم حلو ومتنوع
والحاله هذي دايما تييني بس حاليا ملتزمه نوعا ما وانشالله خير

سؤال ناويه تجددين اشتراكج ولا بتغيرين الشركه
على فكره احنا بالتجمع هذا عشان نستفيد ونعرف الشركات ميزاتها وعيوبها وبالمرتبه الاولى التشجيع حاولي تعوضين اللي طافج ولاتتعشين بالليل واحنا نشجع بعض وساعات ناكل نفسيه ترى حاولي تعدلين نفسيتج وايًمكان في اكل سواء يمعه ولا طالعه اكلي بعدين روحي وتكونين شبعانه ولازم عندج اراده حلوه الحين فرصتج تضعفين لان لبس الشتا يمتن شوي والكل بيلاحظ انج ضعفتي اول ماتلبسين الصيفي راح يبين على طوووول فنصيحه اتعوذي من ابليس وبلشي الوجبات لان شعور حلو وجربته اول الصيف لما ضعفت والنظرات لي لان طول الشتا جاكيتات وشالات فمايبين
ادري قرقت بس حبيت اقول تجربتي عشان تستفيدين

عــــــــــدل كلامج والله ..

ما أعتقد راح أجدد يمكن أسوي رجيمي بروحي و إذا فكرت أشترك بروح شركة ثانية

لأن ما أحب أكرر الشركة شهرين ورا بعض .. و انا مو وايد أشترك بهالشركات

لأن هدفي الأساسي من هالاشتراك إذا شفت نفسي زايده وعقبها أسوي رجيم أو تخفيف

و ماني قادره أضبط نفسي اهني أشترك .. أشترك بس علشان ألتزم و أضبط نفسي

أحس الشركات من هالناحية مفييده و حييييييييييييل تعطي دااافع إنج ماتخربطين

وتتحكم بالشهيه .. انا صج ما أنكر إني خربطت معاهم بس بصراااحة أهوون من قبل

بوااايد ..الحمد لله

 

[قطوووة]

MooN22Q8

انصحج
فرش دايت ب 179
اؤ كالؤري كنترؤل ب 189
اؤ هيلث كمبني ب 200

وحدة كويتية
اهم ماعليج صحتج
ؤ ع فكرة الاكل يجي مرة ؤحدة الصبح
صندؤق فيه كل ؤجباتج + السناك ..تحطينه بثلاجتج


حنان الروح
دكتؤرة رباب بفرش دايت حيل زينه
جربيها

الفحص احسن لج عشان تقارنين نسبه الدهؤن ؤجذي ؤاذا فيج سكر لا سمح الله اؤ لا
ؤمؤ كل الشركات يطلبؤن فحص

ؤعادي المؤاعيد انتي تختارين الؤقت الي يناسبج



حاليا افكر ارؤح صيدليه بؤتس بجمعيتنا .. اؤزن .. ؤاشؤف ؤزني .. ؤافكر مارؤح :bbbiu:

 

[حياة زوجي]

سلام و عليكم بنات
انا ابي اضعف و مو عارفه شلون مو قادره استمر ب ولا ريجيم
و ان شاءاالله اذا الله راد بعد شهر ملجتي
ف ابي اشترك بشركات التغذيه بس مو عارفه وين
وايد انصحوني ب دايت سنتر و دايت كير

ابي رايكم تنصحوني بأي شركه مو شرط دايت سنتر و دايت كير و جم اسعارهم ؟

شوفى اغلبيه الشركات الشهر ب200 دينار
عندج انا حاليا مشتركه بلينا ودينا واكلهم روعه ولذيذ وانا يوميا انزل اكلهم بالصور
وايد مرتاحه معهم
بس اهم شى الالتزام وراح تلاحظين وزنج راح ينزل معاهم ومكانهم بالسالميه مجمع البستان ورقمهم 25747096 دقى عليهم وحطي لج موعد وراح تدعيلي

 

[حياة زوجي]

قوووووه يا رشيقات :eh_s(7):
اخببارككممم انا قريت الموضوع من اوله ليما اخره وعجبني حييل قلت بشارك وابي دعم منكم دامكم مشاءلله عندكم خبره بالاشريكات التغذيه
انا بخاطري اشترك بدايت سنتر بس مو عارفه اخذ فحص دم عندهم اول ماروح واكون صايمه والا لا ؟؟
وابي اعرف اذا اقدر اختار دكتوره لانه مابي دكتور ماحب ابي اخذ راحتي :d
فا اذا وحده رايحه واعارفه كل شئ عنهم تقولي من اول مادششت ليما طلعت بليزز
حدي متنانه حتى حرمت نفسي من الطلعات والوناسه والسبب شكلي تعقدت :eh_s(16):
ويصير اروح لهم العصر مو شرط الصبح ؟

وشكرررااا

انا انضم مع كلام قطوه
حاولى اذا اشتركتى خشى الكرتون بثلاجتج ولما يجتمعون ويحطون الاكل قولى لهم انج مسويه رجيم عادى
ومن ناحيه التحاليل مو شرط تكونين صايمه عادى وعلى فكره انا كل الشركات ما اسوي تحاليل اقولهم بعدين وطاف الا اذا انتى تبين تتاكيد لصحتج سوى تحاليل
وكل الشركات عندهم اخصائيه تغذيه لما تسوين موعد وتتصلين عليهم طلبي اخصائيه تغذيه ونسقى معاهم يكون موعدج العصر
ويارب ينزل وزنج بصحه وعافيه

 

[حياة زوجي]

اليوم باذن الله راح التزم مع لينا ودينا نبتدى


كرواسون بالتركى

قطع فواكهه مع الصوص اللذيذ انا احبه

سلطه قيصر

مرق سمك

قيمات

مجموعه خضار

باذنجان مع الكوسا بالباشاميل

روب بالفاكهه

 

[فنار الكويت]

صباح الخير بنات اليوم موعدي والله يستر. قطوه روحي وزني وطمنينا عشان نتشجع وانشالله انا وانتي نكون نازلين بالوزن
انا ارشح شركتين من اللي جربتهم هيلث كومبني + كالوري كنترول اكل هالشركتين نظيفه وايد وهلث كومبني دايما يسوون خصومات يطلع عليج الشهر ١٧٠دينار بس حاليا مافي عروض
وعلى فكره مولازم فحص الدم عشان تشتركين قوليلهم بعدين وخلاص وانا كان فيني انيميا الشركات ماسوولي شي يعني بس جذي يبون التحاليل
​

 

[عيون سارة]

صباح الخير بنات
اشلونكم

بقول لكم عن وضعي الصحي
ماشاء الله انا الحين حامل وبالسابع
وموعد ولادتي اخر 2 اول 3
وقلت خل احافظ على وزني
وقمت اشتركت بفرش دايت

وبعد 16 يوم اروح لمراجعتي للدكتور لقيت روحي زايده 3كيلو
امبيه صدمه

المهم قلت له الوضع
قال لي مهما سويتي راح تزيدي لانج بفترة النمو المتسارع للبيبي

وانا ماشاء الله على من النوع الى انتفخ بسرعه
حدي محبطه
ووقفت اشتراكي
وقلت بالاربعين ازورهم مره ثانيه

ياربي وراي درب
ووزني اشكثر ينزل الله يساعدني

وسلامتكم

بتابعكم لان شكلي بحاول اقلدكم
بالافكار
لان بحاول اخفف قد ما اقدر

وحياه حبيبتي ولكم باك

 

[حياة زوجي]

عيون ساره
عسالله يقومج بالسلامه
بس انا بقول رايي وانتى كيفج انتى غلطانه تسويين رجيم بالحمل
الحامل تحتاج الاكل علشان البيبي يتغذى لاتحرمين نفسج فتره الحمل
واذا قمتى بالسلامه عندج وقت النفاس حاولى تاكلين مشاوى ومفيوح او تكملين مع الشركه اكل دايت وبالتالى راح ينزل وزنج ويطلع جسمج سمبتيك من الاربعين

 

[قطوووة]

رحت بؤتس
ؤالنتيجة

نص كيلؤ زايدة ..



بس احس ميزانهم خؤاره .. لان منقصين طؤلي

ؤمرة ؤزنت عالجهاز ايام كالؤري كنترؤل هم طلع مزيد ؤزني ؤطؤلي ..


بس بعتبرها قراءة صح ..





زيااااااااااااااااادة ؤزن

الاسباب
اني ماقمت امشي مثل قبل
قله شرب الماي
التخربط

ؤراح ارد امشي













ريؤقي اليؤم

:ggdw::ggdw:

شريحتين تؤست
ؤحدة مدهؤنه لبنه ؤطماط
ؤؤحدة جبن ؤطماط
جبن ؤعسل
جبن ؤخردل


كـ تنؤيع بالطعم يعني

 

[حياة زوجي]

قطوه
عليج بالعافيه
على فكره لا تشوفين الميزام وايد مرات يخليج كله تحاتين
وبعدين اذا الميزان خربوطه انتى تحسين بنفسج اكثر
مرات الميزان يسوي هلوسه الحين انا ميزانى مع الشركه احسن

 

[فنار الكويت]

انا ضد الحامل تشترك بالشركات زيدي على كيفج بالوزن وعيني من الله خير وبعدين اشتركي عطي البيبي حقه حرام

انا اليوم حالتي حاله. مع كالوري عصبت وطلعت حدي تضايقت رحت موعدي ولا الاخصائيه مستاذنه طيب احنا شنو ذنبنا طيب دقو خبرونا طناش وقلت لهم بس ابي اوزن واطلع قالو انشالله الحين تدخلين على ريم تشوفلج الوزن وانتضرت نص ساعه وبالاخير تشرف الاخصائيه ريم وتاخذ زباين ثانيين وتحلطمت بالرسيبشن وقلت لهم لو داقين ومخبرينا جان ماييت واخذت موعد ثاني والله طلعت وفيني حره​

 

[فنار الكويت]

قطوه اشتريلج ميزان من سيتي سنتر ترى مضبوط ونفسهم بالضبط بمركز سلطان بس سيتي سنتر ارخص بنص السعر عن مركز سلطان بسيتي سنتر اقل من ثلاث دنانير اذا ماني غلطانه
بوتس على جم قياس الوزن انا حدي ضايق خلقي عشان ماوزنت اليوم بكالوري كنترول وحايشني احباط الحين من الموقف والمعامله ​

 

[MooN22Q8]

مشكوووورين بنات و يعطيكم الف عافيه
انا قررت اشترك ب دايت كير من بداية شهر الياي و مره ووحده بشترك بنادي بعد عشان انزل عدل

 

[nono93]

فنار الكويت

ماعليه حبي لاتعصبين


شنو تسوين يعني
بس لا تتحبطين

دقي باجر وقوليلهم بجي
وروحي قيسي وزنج لا تخربطين وتتحبطينن