شركات التغذيه منو احسن فيهم وجم نزلنى (الجزء الثانى وبالصور)

[عنيّد]

هي من خمس دكاتره بعيادة رجيمي مع الدكتور عبدالله المطوع

١- عبدالعزيز امير
٢- احمد ليري
٣- فاطمه حيدر (اول وحده عاليسار)
٤- انوار البالول
٥- شيخه الرباح


والدكتور قالي ان كلهم ماشين على نفس نظامه ، وكلهم مختارهم معاهم ماجستير بالتغذية من جامعات اجنبيه


Rijeemy Centre هذا اسم قروبهم بالفيس بوك

الله يذكر ذيك الايام بالخير :eh_s(2): والنعم بالدكتور عبدالله المطوع :rerrerek:

 

[عنيّد]

يعني قطوة بتوقف الاشتراكات

وعنيد بتعطي روحها فرصه اخيره مع اخر شركه

وفناار >>> شنو قررتي؟

عز الله بيوقف الموضوع ماكو مشاركات​

ماظن يوقف

ماني معطيه نفسي فرصه لان الشركه الاخيره هي من ظمن مخططي الي بديته من شهر ونص وانا ماشيه عليه انا مع الوجبات بشرطها وشروطها

بس ضد الاشتراكات الابديه :eh_s(4):

 

[فنار الكويت]

أنا ناويه بإذن الله شهر او شهرين بالشركات وعقب اشتري من الجمعيات لأني مو ملحقه على المصاريف والشركات بصراحة وااااااااايد غالية لو 150 بالشهر أتوقع السعر مقبول وبنتهز فرصة هلث كومبني وبشترك انشالله لأن بيكون الخصم مناسب
وعلى فكره ترى الشركات كل وحده من الطمع اللي فيهم وشافو اقبال عليهم وعلى الوجبات بيزيدون الأسعار مع ويهم ويشوفون الكويتيين يدفعون ماعندهم مشكله بالسعر يزيدون الأسعار مايقولون عندهم اقساط التزامات جنه المعاش بس حق هالشركات وكل وايد يزيد بالسعر من صوب ويقولون احنا الأرخص واهم كلهم اكثر من 180 دينار بالله وين الأرخص بس الطمع اللي فيهم
وكله اكل رجيم وكميته قليله ويتفلسفون اذا الإشتراك كل شخص نقول 190 ترى تكاليف اشتراكنا بال28 يوم اقل من 80 دينار مع التوصيل وحتى يمكن ماتحصل هالمبلغ وال 100 بجيبهم وتخيلو جم مشترك بكل شركة مو اقل من 250 مشترك وهذا اقل رقم
مادري ،،،، انا اعرف واحد بإحدى الشركات قالي شركات التغذية واااااايد مربحة بالنسبة له ودخله ألاف الدنانير بالشهر ليش لأنها غالية ماني عارفة ليش احنا بالكويت كل شي غالي عندنا واغلى من بره ماني عارفة هل لأن الكويتي يدفع اللي بجيبه ومايهمه مع انا الكل او الأغلبيه عايش بالأقساط والقروض او انه نظرتهم ان الكويتي يملك الأموال
والله انا محتره على هالغلا اللي بالديره الكويت بكل شي صارت غالية مقارنة للدول الثانية


​

 

[قطوووة]

الله يسهل

 

[عنيّد]

فنار ،، بصراحه محد جابر احد ، هذا سوق وكلمن عارض بضاعته ومحد مجبور يشتري !
الي اعرفه الاسعار متقاربه حيل بين الكويت والبحرين والسعوديه ، اما قطر فسعر الاشتراك بالشهر بحول 300 دينار
لوووول اشرايج :d

مو حلو الواحد يتكل على غيره دايم ، فتره مؤقته اوكي لكن مفتووووح للابد !!! لا والله لو معاشي بالشهر عشر الاف ماراح اشترك

يازين اكل البيت زيناااااه بس

 

[قطوووة]

عن نفسي
لؤ معاشي عشرالاف راح اشترك ههههههههههههههههههههههههههههههههههه


ياااي الجؤ رهيب ؤماكؤ سياره ارؤح الممشى .. قهررر من تعدل الجؤ ؤانا مارؤح

بشؤف اي احد يؤديني

 

[عنيّد]

قطوووه ،، خخخخخ ، هي مسألة مبدأ وانا متمسكه فيه
وعلى طاري الجو ، يقولج عيسى رمضان هالايام بترتفع درجات الحراره وتزيد الرطوبه ويمكن غبار :eh_s(2)::eh_s(2)::eh_s(2)::eh_s(2):

 

[قطوووة]

اي سمعت عن الغبار

 

[عنيّد]

كان موعد اخوي امس مع كالوري كنترول ، بس الاخ راحت عليه نومه
رجع يسألني شالاحسن ؟
عطيته الفرق بين الشركات ، لما عرف ان نزولي مع لوفات اكثر راح لهم
وانا يومها كنت منقهره من حركة كالوري كنترول فقلت له اي روح لوفات

اشترك بالعرض مالهم بو 179 ، مابغى الي على كل كيلو خمس دنانير يقول مومضمون لووول

المهم الخميس يبدون يوصلون له الوجبات ، هو مع اخصائيتي نفسها الله يذكرها بالخير تقوله اعرف اختك نزلت معانا وايد خخخ

 

[فنار الكويت]

من صجج عنيد سعر الشركات بقطر ٣٠٠ امبيه عيل محد بيشترك اذا ١٩٠ وايد
علي شنو كله اكل رجيم ،،،،انا مفكره اجرب اسبوع او عشر ايام باخذ من الجمعيه نفس رفيجتي حق يومين او ثلاث وبالشتا غداي مع عشاي لان الممشي بالشتا حلو الساعه ثلاث العصر بالشمس وغداي بيكون متأخر على الساعه ٥ واشتري سلطة فواكه تكون عشاي
بس شلون على الكالوري شلون اعرف هل مكتوب على العلب اهم شي علشان اسوي حسابي وانا جذي جذي اروح مركز سلطان فاشتري من هناك​

 

[فنار الكويت]

لوفات اكثر شركه نزلت عليها وكانت اول اشتراك واكلهم حلو بس مشكلتي معاهم الحلو

 

[فنار الكويت]

بنات اللي جربت تشتري من الجمعيه اكل الدايت على جم الاسعار مثلا طبق الغدا والفروت سلط والحلو تقريبا امممم قبل لاينتهي اشتراكي باخذ فكره اروح مركز سلطان واشوف الموجود بس انا شفت دايت كير عندكم فكره غير دايت كير شنو الشركات الموجوده

 

[فلبينية عبدة]

هليث كومباني ولوفات و دايت كير

موجود اكلهم بجمعيه الشامية

بس كالوري كنترول ماشفته موجود بالجمعيه

 

[فلبينية عبدة]

اكل دايت كير

برياني دياي ولحم على 1750

وبرياني خضار ارخص شوي

..
حلويات هيلث كومباني

كرات الشوكلاته ب400فلس
والتراميسيو ب750 بس طعمه عذااااب

ومجبوس لحم على 1750بس اللحم اكثر من العيش

 

[فنار الكويت]

فلبينيه يعني باليوم يطلع اربع دنانير تقريبا يعني نقول ١٢٠بالشهر انشالله الله يسهل رفيجتي اليوم كانت بتشترك بدينا ولينا واهي ماديتها موشي قلتلها تروح الجمعيه وتشتري احسن واوفر لها ،،،،شرايج عنيد االطريقه حلوه ولا نشترك وقت الخصومات
لما كانو هيلث كومبني يسوون بالعيد الوطني خصم ٢٠٪بصراحه وايد زين الاشتراك يطلع ١٦٠دينار وكنت اشترك ثلاث اشهر *
اليوم انا وايد تنرفزت لان كل مااروح مكان قاعدين يرفعون الاسعار ويقولون عادي اليوم رفيجتي رايحه تسوي صيانه حق اظافرها وكان السعر خمس دنانير قبل رمضان والحين صار ٧ دنانير وتقولي بيزيدون بيخلونها ١٠دنانير تخيلو يعني عشرين دينار بالشهر حق الاظاهر مرتين وتقول حق اللي تشتغل وايد غالي قالتلها عادي في كويتيين مايهمهم ويدفعون والله قهر على هالطمع ولا يمكن يزيدون الرواتب ماعينا خير وتقولولي ليش معصبه كل يوم اسمع شي يديد*

 

[فنار الكويت]

بنات سمعت هلث كومبني بيسوي خصم ١٥٪ يعني الاشتراك بيطلع ١٧٠دينار
للعلم فقط ماراح يسوون حاليا خصم ٢٠٪قلتلهم ليش قالولي ال٢٠٪ وقت العيد الوطني​

 

[عنيّد]

فنار ،، بالنسبه لقطر اي هذا كلام وحده من البنات قطريه معانا بالمنتدى كنت اشوف موضوع وحده من البنات مشتركه بالوجبات وحاطه السعر طبعا ، فردت عليها وحده من الدوحه قالت اسعارهم بحول 300 دينار ، الله يعينهم

حلويات لوفات مقبوله جدا . واشوفها احلى من حلويات كالوري كنترول

وجبات الشركات بالجمعيات ماعندي فكره عنها ، دايم اشتري من دايت كير "ابو يزره خخخ" موجود باغلب الجمعيات ، وماشتري غير الفطاير مثل اللبنه او الزعتر على نص دينار تقريبا ، ومره شريت صمونة فلافل باللبنه صراحه ماذكر الاسعار ، وطبعا عدد السعرات الحرارية موجوده عالاكل ، وترى اغلب الاكل والمشروبات الحين بكل الجمعيات صاروا يحطون عليهم السعرات ، يعني ماراح تتعبين وايد من هالناحيه ، حتى النت الحين فيه سعرات كل شي الاكل بس نصيحه اقولج لا تدوخين راسج بالسعرات ، عرفي الكميات من الشكل وراح تتعودين وبعدها تدربي على السعرات الحرارية ، هذا الي استفدته من الدكتور عبدالله المطوع ، بعد ماتعودت ع الكميات معاه ووصلت لمرحلة حساب السعرات شفت ان ماكو فرق يعني من الشكل اوصل للسعرات التقريبيه


اخيرا بالنسبه للسعر بين الجمعيات والشركات ، شوفي انا ماعندي فكره عن اسعار الوجبات الرئيسيه بالجمعيات بس الشركات ارخص شي مثلا بالعروض 160 دينار على 28 يوم تطلع الخمس وجبات باليوم تقريبا 5 دنانير وكسور قولي 6 دنانير
بهالحسبه انا ماكنت اشوف فرق لاني حاسبه حساب المراجعات والتوصيل وحساب السعرات وراحة البال

بس اذا ماراح اخذ كل شي من بره ، يعني مثلا سعر السناك الي تبيعها الشركات بالجمعيات اغلى من سعر الككاوات العاديه بالجمعيه والي تصلح بعد انها تكون سناك

بكل الحالات اقولج شركات الوجبات مو حل نهائى ، حل مؤقت ، فحتى لو كانت ارخص لج او متساويه بالسعر مع وجبات الجمعيه فأقولج تعلمي تعتمدين على نفسج احسن

 

[فنار الكويت]

صاجه عنيد الواحد لازم يعتمد علي نفسه خليني انزل السته كيلو ويمكن خمسه بس واشوف الميزان عقب باجر ويصير خير،،، والواحد لما ينزل ويكون راضي بالوزن اللي وصله نخفف الاكل وانشالله مانمتن رفيجتي تقولي جددي لغاية شهر واحد اكون وصلت للوزن المطلوب انشالله وعقبها اعتمد علي نفسي واذا زهقت عندي ثلاجات الشركات ترس الجمعيات
وانا اقول لغاية شهر واحد والشركات بيسوون عروض علي شهر ٢عشان العيد الوطني بالله وينه ووين الاعتماد علي النفس واغراءات الشركات بتهل بالخصومات،،،مابي اسبق الاحداث ولكل حادث حديث خل ننزل هالخمسه كيلو ونشوف اذا الله حيانا انشالله

 

[عنيّد]

صبـــاح الخير

:eh_s(7):



نتابع الدرس الثالث مع : كالوري كنترول



اليوم #13 ... 25\10\2011


** المنيـــو **
نسيت اصوره ، الشغاله تحذف البوكس بره وانسى اصور :eh_s(4):



** الريــــــوق **

صاج زعتر + عصير برتقال ، حلو


** الغــــــــدا **
كنت توني قاعده من النوم وحدي متنحه ونسيت اصوره :eh_s(2):
كان عيش ابيض + دياي بمرقه بيضا ماعجبني وايد اكلت قطعه بس :eh_s(10):

+

فتوش


** السنـــاكــات **

مادري اشطاري عليهم العرموط هاليومين ، موسمه ؟

+

جيز كيك فراوله ، عادي


** العشــــا **

دياي محموس ببصل + خضار سوتيه ، عجبني + سلطه ماصورتها ;\

.
.

راحت علي نومه وتأخر غداي فمامشيت :eh_s(1):

،

الحمدلله
:yaaaaaarb:
​

 

[عنيّد]

فنار ،، يالله موفقه انشالله بهالمخطط ، وانا من البدايه حطيت ببالي 3 أشهر أكيد ، ولأني شفت باقي على نهاية السنه شهر واحد ، فقلت يالله احط شركه رابعه على الاحتياط ، بس مو اكيد



المهم بنات عندي خبر توووه فرييييييش وخلاني احتااااااااااار ، توني دخلت الدوام والا اشوف اعلان ان دايت كير "بوتفاحه" مسوين خصم حق دوامنا :eh_s(1):
اكثر من اشتراك بس الي شفته الكامل بو خمس وجبات شهر كامل بــ 200 دينار مسوينه بعد الخصم 160 دينار ...... صراحه عرض مغرررررري بس عاد دايت كير !! :eh_s(2):
ادري الكل يمدح اكلهم ، لكن مشكلتي مع هالشركه شيين ماغيرهم ، اول شي النزول معاهم معروف عسر وثانيا ان اكلهم يوصل المغرب يعني بس وجبة العشا فريش والباجي بايت :eh_s(4):
بس بصراحه العرض مغررررررري ، ومحتاااااااااره مادري شسوي

عاد قلت بدق عليهم وبتأكد من التفاصيل ، يمكن يطلع شي يعسر الموضوع >> بل شاللي حادج


اشرايكم بنات ؟