شركات التغذيه منو احسن فيهم وجم نزلنى (الجزء الثانى وبالصور)

[قطوووة]

العموم مختبص هههههههه

 

[عنيّد]

كله من الجو

 

[كويتية82]

مساء الخير بتبوتااات

ماتشوفون شر

حايشني كسل موطبيعي كله ودي انااااااااااام

يالله بروح انزل الصور الله يعيني عالتصغير والتحميل​

 

[فلبينية عبدة]

سلااامات يابنات ماتشوفووون شر

 

[منال القلب]

واااي كاتبة رد شطوله وكله انمسح افففففففف

=====

عنيد: نزلت كيلوا بأسبوع والحمدلله..

انا ما يبط جبدي الا لما يقولون سيستم والشيف
أوكي قلنا انكم أرخص شركة تغذية وأكلكم روعة وحلو وراهي
بس مو معناته حشاكم توكلونا تبن وتمسكونها علينا ارخص وارخص
شالملاقة!!

يعني الصراحة ابدا ماعندهم تعاون. أحاجييج عنيد لاني حاسة فيج
وصارتلي مشكلة وياهم. بس وقتها انا ماتكلمت. الله يسلمج انا جددت اشتراكي وياهم من 2-10 الى 29-10
وقبلها انا كنت مسجلة عندهم من 4-9 الى 29-9 وبتاريخ 29-9 الي اهي اخر وجبة وياهم. اتصلت عليهم بتاريخ 28 لأن ماراح يكون احد في البيت يعني ابوي وامي مسافرين وانا مع اخواني طالعين عندنا شغلة ضرورية والخدم مو موجودين.. انزين البوكس لي وصل وين بيروح؟ بينحط بالشارع؟ اتصلت عليهم واي شي أحاول وياهم علشان اخلي هالوجبة بتاريخ 1-10 كون ان هاليوم بيكون قبل اشتراكي اليديد الي جددته وياهم بيوم واحد بس ماراضوا.. يقولون احنا نمشي على سستم..
قلتلهم انزين هاتولي البوكس اليوم العصر أو بليل واخشه حق باجر جان يقولون لأ مايصير المطبخ الظهر يسكر >> شالمطبخ الي يسكر الظهر!! الي كلمني وقتها كويتي. واااي يعني يسكرونها بيوهج من كل صوب.. وبالاخير قلتلهم: خلاص بكنسل البوكس ولا تييبونه مابيه.. جان يقول:

أوكي راح يكنسل البوكس بس ترا ماكو تعويض..


صج صج حقدت عليهم عدل يومتها والله..


=======

عنيد على فكرة ترا " مغربية الدياي " رووووووعة طافج

 

[كويتية82]

باااااااااك


اليوم العاشر
22/10


فطيرة زعتر وحلووم

سناك 1

الغدا
محاشي كوسا
وفتوش

سناك 2


ايننننننننننننننننننننننننن
بروفيترول يمي يمي

العشاا
انا طالبه ناقتس دياي حاطين لي همبرغر لحم شكوووو ماادري
وللحين مادقيت عالاخصائيه


وسلطة حلوم وجرجير

​

 

[كويتية82]

اليوم 11


23/10


الريوق


كرواسان زعتر ماصورته


سناك 1


موزه




الغدا >>> ماطلبته الاخصائيه مغيره من كيفها بدق اتفاهم معاها


دياي كاري وعيش بالكمون مااحب الكمون

و

سناك 2
بلاك فورست

العشا بيتزا مرغريتا
وسلطة نخي

وبسس


علي بالعافيه ​

​

 

[عنيّد]

منال ،، اها يعني انتي متفقه معاي ، صراحه ابوووو السخافه
وعلى فكره هم مو ارخص اذا بتاخذين من ناحية العروض ، بس اكلهم احلى حبتين ، وانا قلتها من قبل يبقى كله اكل رجيم
يعني مثلا الشركات الثانيه عندهم الاشتراك الكامل قولي 200 دينار ، قوليلهم بدون ويك اند ، ماراح يلغونه خير شر لا ، راح يبقى عندج 28 يوم بس بدون ويك اند ، يعني اكثر من اربع اسابيع
وبجذي اليوم يطلع عليج بــ 7 دنانير
ونفس الشي مع كالوري كنترول الاشتراك الي بدون ويك اند 20 يوم بــ 140 دينار يعني اليوم يطلع عليج 7 دنانير

ماااااكو فرق بالسعر ، اللهم لعب بالبرامج بس



ااااخ حسافه عاد قبل يومين عطوني كرت التقييم ، ياريتني حاطه الملاحظة العبيطه ام السستم والشيف
اهم شي اني كتبت موقع كويتيات هو المكان الي عرفني على شركتهم




كويتية ،، اااااالله عليييييج بأأألف عاااافيه ، صج صج صج حنييييييت لحلويات هيلث كومباني بالذات هالمدلقم الابيض بالككاو خخخخ


قبل شوي دقيت على هيلث كومباني وقالولي الاسبوع الياي عندهم عروض ، باذن الله اذا الاسعار عجبتني راح ارجع لهم ^ـ^



قطوووووه ،، شنو قلتي اسم دكتورج ؟

 

[عنيّد]

دخلت على موضوعج قطوووه ، ولقيت اسم الدكتور :eh_s(15):

دقيت على هيلث كومباني فرع المنطقه الحره واخذت موعد عند د.ايلي عون

خليته عقب العيد انشالله ، احتيااااط لا اكثر ، مجهزه الدوا قبل الفلعه :krkrkr:

لاني ابي مواعيدي دايم يوم السبت ، ماااحب المنطقه الحره من زحمتهاااااا ، عشان جذي احسن شي يوم السبت وانشالله مايكون فيه زحمه :yaaaaaarb:

 

[جــــود]

وين مكانهم شركه هيلث كومباني وجم رقمهم بنات

 

[عنيّد]

هيلث كومباني

فرع المنطقة الحره : 24610466
فرع مستشفى الهادي : 25323609 "الاخصائية ميرا اخررررررطي مانصح احد يراجع عندها"

 

[كويتية82]

^
^
^
^
عنيييد صاااجه احلى شي يسوونه حلوياتهملا واليووم بعد براااوني بس كاااامله مو نص نفس هذيج المره لوووووولهددت الاخصائيه قلت لها لاتحطين لي نص قالت اوكي بس ترا بينقص من الغدا قلت لها مومشكلهواذا عرضهم قوي بجدد معاهم اذا مو قوي بشوفلي مكان ثاني انا اشتراكي يخلص عقب العيد اعتقد




ودقيت قبل شوي على سالفة تغير الوجبات قالت لي انتي طالبه حلو كامل مونص وطالبه غدا سعراته الحراريه عاليه فمضطره اغير الى شي اقل <<<<<<< قلت لها حبيبتي ياليت تدقين علي مره ثانيه لاتحطين لي اشياء انا مااحبهاا ​

مثل سالفة برغر اللحم تقول هاذي غلطة من المطبخ جان دقيتي بنفس الوقت نبدلج الوجبه وغدا اليوم بعد اهي مغيرته من كيفها حاطتلي لزانيا خضار ماحبيتها

​

بنااااات احس روحي ماضعفت كلش مو حاسه بخفة الرجيم النفسيه زييييييييرو ومالي خلق اكل اكلهم ماادري شفيني <<< بس الحمدالله ضابطه روحي ولا خربطت كلللللش

اي صج عندي سؤال​

صج لازم اول اسبوعين من الرجيم مانسوي رياضه لان الرياضه تبني عضل وجذي ماراح ينزل الوزن بسهوله

وقبل جم يوم بالموعد قلت حق الاخصائيه بسوي رجيم التمر واللبن
قالت لي اصحك تعمليه موووزييييين لان كله سكريات وجذي بيتعب البنكرياس وامكانية الاصابه بالسكر المبكر ؟؟
طبعا انا ماسألتها عشان اخذ رايها سألتها عشان تحسب لي السعرات الحراريه
وحسبتها وطلعت تقريبا اقل من 500 سعره يعني نص الكالوري اللي اخذه الحين
شرايكم ؟؟
مفكره عقب هالشهر اسوي رجيم التمر واللبن وعقبها ارد اشترك​

 

[كويتية82]

جود اكو بعد فرع بفندق المنشر بالفحيحل


عنييييييد شدعوه ماخذه موعد من الحين مااشوف عليهم ضغط وزحمه تدرين انا ادق اخذ موعد الصبح يعني قبل لااروح لهم بساعتين بس ​

 

[قطوووة]

عنيد
زين ااتسؤين

ؤتراه ميه ميه

 

[فنار الكويت]

مساء الخير متختخاااات
منال. القلب منو قال ان كالوري كنترول ارخص من باجي الشركات بالعكس غالي وعندج لوفات ارخص وهيلث كومبني خصومات حلوه

كويتيه بالعافيه الاكل واااي اشتقت لهيلث كومبني انشالله اذا خصم بشترك شهرين بصراااحه وايد زينيبن من كل النوااااحي بس العيب السلطات وماتلقين شركه زينه 100٪
عنيد اشتركي شهرين احسن احتياط اذا كان خصم 20٪ واذا زهقتي بيعي اشتراكج علي اي احد
انا وصلت مرحله واااايد حلوه قبل رمضان مع هيلث كومبني وكنت راضيه بس اللي خرب علي رمضان والاكل

عنيد انا اليوم عشاي كباب لحم وماغيرو بالاكل والمفروض كالوري كنترول يرضون الزبون والواحد ياكل على مزاجه مو مزاج الشركه والله حاله​

 

[فنار الكويت]

منال القلب لو انا منج ماكنتي جددتي اشتراكج وجان كتبتي علي طول بالمنتدي عشان يتأدبون صج نحاسه والله وطايرين بالشركه بالسما واهي في الاحسن منها هالشركه وارخص انا اشتركت بلوفات حلوه ومعاملتهم رووووعه وهيلث طبعا لايعلى عليهم حتي الاخصائيين بهلث اذا نسو المطبخ اي شي يقولولي الحين نطرشه لج عشان يتأدبون المطبخ. وماينسون مره ثانيه شي ودايت كير معاملتهم زينه واي شركه مجرد ماطلعينها السما صدقيني يزيدون الاسعار ويكتفون بالزباين اللي عندهم ومايسوون حساب لاحد لانهم اكتسبو سمعه ولو انا منج ماكنتي سكتي كنتي سويتيلهم لويه مو عشان وجبه ولا يوم راح عليج بس لانج زبونه عندهم وجددتي اشتراكج والمفروض الزبون يحترمونه غصبن عنهم اخييييه لوصايره معاي انااااااا جان عفستهم لاني دافعه فلوس ومختارتهم من بد هالشركاتً اللي دارسه الديره
وبصراحه انا مومقتنعه بالاخصائيين اللي عند كالوري ماتوقع دارسين التخصص يعني بس موظفين والسلام لان اشكالهم ماتوحي انهم دارسين نهائي تغذيه ي​

 

[عنيّد]

^
عنيييد صاااجه احلى شي يسوونه حلوياتهملا واليووم بعد براااوني بس كاااامله مو نص نفس هذيج المره لوووووولهددت الاخصائيه قلت لها لاتحطين لي نص قالت اوكي بس ترا بينقص من الغدا قلت لها مومشكلهواذا عرضهم قوي بجدد معاهم اذا مو قوي بشوفلي مكان ثاني انا اشتراكي يخلص عقب العيد اعتقد

غالبا هيلث كومباني يخصمون عشرين بالاميه يعني يصير الاشتراك بحول 160 دينار ، حليو ويسوى


ودقيت قبل شوي على سالفة تغير الوجبات قالت لي انتي طالبه حلو كامل مونص وطالبه غدا سعراته الحراريه عاليه فمضطره اغير الى شي اقل <<<<<<< قلت لها حبيبتي ياليت تدقين علي مره ثانيه لاتحطين لي اشياء انا مااحبهاا مثل سالفة برغر اللحم تقول هاذي غلطة من المطبخ جان دقيتي بنفس الوقت نبدلج الوجبه وغدا اليوم بعد اهي مغيرته من كيفها حاطتلي لزانيا خضار ماحبيتها

شوفي الواقع يقول ان ماكو شركه ماتغلط

​

بنااااات احس روحي ماضعفت كلش مو حاسه بخفة الرجيم النفسيه زييييييييرو ومالي خلق اكل اكلهم ماادري شفيني <<< بس الحمدالله ضابطه روحي ولا خربطت كلللللش

بالضبط كنت احس نفس الاحساس بأول مره اشتركت وكانت مع هيلث كومباني ، بس كنت كل اسبوع انزل كيلو
وابشرج ، انا الحين مع الشركه الثالثه ، وللحين احس نفس هالاحساس

​

اي صج عندي سؤال​

صج لازم اول اسبوعين من الرجيم مانسوي رياضه لان الرياضه تبني عضل وجذي ماراح ينزل الوزن بسهوله

غالبا يقولون الدكاتره بأول اسبوع من الرجيم لا تسوين رياضه ، بس سالفة العضل شئتي ام أبيتي مع الرياضه راح يزيد ، عادي هالشي ممتاز ويشد الجسم ، عشان جذي يقولج الدكتور انا مايهمني الوزن كثر قياسات الجسم ، هي الاضبط :eh_s(15):
​

وقبل جم يوم بالموعد قلت حق الاخصائيه بسوي رجيم التمر واللبن
قالت لي اصحك تعمليه موووزييييين لان كله سكريات وجذي بيتعب البنكرياس وامكانية الاصابه بالسكر المبكر ؟؟
طبعا انا ماسألتها عشان اخذ رايها سألتها عشان تحسب لي السعرات الحراريه
وحسبتها وطلعت تقريبا اقل من 500 سعره يعني نص الكالوري اللي اخذه الحين
شرايكم ؟؟
مفكره عقب هالشهر اسوي رجيم التمر واللبن وعقبها ارد اشترك

شاللي حادج تسوين شي موصحي !! جد ماتخافون على عمركم ؟ :eh_s(1):
اول شي مو صحي وثاني شي راح تحرمين نفسج وفجأأأه بتصير عندج ردة فعل وتاكلين الخضر واليابس وترجعين الي نزلتيه !
انا اقول خلج ع الرجيم الصحي احسن
وانا اقتنعت بشغله قالتها اخصائيتي بكالوري كنترول ، تقولي ليش تعودين جسمج عالقليل وانتي اصلا جسمج يحتاج اكثر !


عنييييييد شدعوه ماخذه موعد من الحين مااشوف عليهم ضغط وزحمه تدرين انا ادق اخذ موعد الصبح يعني قبل لااروح لهم بساعتين بس
صح احصل عندهم ، بس ما اظمن احصل بنفس الوقت الي يناسبني ، ماني خسرانه شي ، احط الموعد واذا غيرت رايي اكنسل عااادي جدا جدا
انا حتى مراجعاتي احطهم كلهم من اول يوم ، عشان اختار الايام والاوقات الي تناسبني

​

 

[عنيّد]

عنيد
زين ااتسؤين

ؤتراه ميه ميه

انا الي كان رادني عن هيلث كومباني الاخصائىة الكحيانه "ميرا" الي بفرع الهادي ، وكنت متثيييقله اروح فرع المنطقه الحره عشان الزحمه لاني احب مواعيدي تكون الصبح ، بس اليوم رفيجتي قالتلي خلي مراجعاتج كلها السبت وبجذي ماكو زحمه
صح كلامها توني استوعب هالشي خخخخخخخخ ، عاد دقيت بنفس الوقت واخذت الموعد معاه ، وانشالله يارب ختامي يكون مسك :yaaaaaarb:

عنيد اشتركي شهرين احسن احتياط اذا كان خصم 20٪ واذا زهقتي بيعي اشتراكج علي اي احد
انا وصلت مرحله واااايد حلوه قبل رمضان مع هيلث كومبني وكنت راضيه بس اللي خرب علي رمضان والاكل

عنيد انا اليوم عشاي كباب لحم وماغيرو بالاكل والمفروض كالوري كنترول يرضون الزبون والواحد ياكل على مزاجه مو مزاج الشركه والله حاله​

ابداااااااا ولا افكر اسوي هالحركه
اول شي انا ماظمن اني استمر مع الشركه مهما كانت ، لازم الواحد يعاشرها

ثاني شي انا من البدايه متفقه مع نفسي اني اشترك بثلاث شركات فقــــــط سواء وصلت للي ابيه او لا "مع اني بصراحه حاطه مجال لشركه رابعه ، بس ماودي"
وآخر شي انا موراعية بياعه

على طاري اخصائية كالوري كنترول ، صراحه هم انا مومقتنعه فيهم ، ذكرتني بالاخصائىة ميرووووو مالت هيلث كومباني فرع الهادي ، كنت اقول والله لو اييبون بواب عماره يقعد مكانها بيقدر يسوي شغلها ، ماغير جك جك جك ع الكمبيوتر والسستم يحسب كل شي ، مااااتفيد اصلا اخررررطي ، اااخ لليوم منقهره منها :eh_s(4):

 

[فنار الكويت]

اللي اعرفه ان من اول يوم رجيم لازم تبتدين رياضه من يومين على قناة الحياة دكتور رجيم قال هالمعلومه وحاولي تمشين الجو الحين تحفه تحفه تحفه لايطوفج المشي الحين الممشي زحمه والكل ينتهز المشي بالجو الحلو شدو حيلكم المشي حلو حق الجسم والرجيم والعظام والهشاشه وحق كل شي انتهزو فرصة الجو وضعفو قبل الصيف
كلها جم شهر وتطير بسرعه الاشهر ونرجع حق الحر وتكرهون تمشون بالحر
كنت مشتركه بهلث كومبني ومامشيت اسبوعين وتصدقون ضعفت كيلوين وعقب مشيت كل يوم حتي يوم الجمعه وماكنت انزل غير اقل من نص كيلو الظاهر فعلا المشي له علاقه بالعضل وانا جسمي حده بايخ ماينزل
الله يستر موعدي الخميس مع كالوري كنترول ويصيرلي مشتركه اسبوعين واول مراجعه لي خايفه من الصدمه وبالذات ان اخصائيتي ما احس انها متمكنه من مهنتها عدل​

 

[فنار الكويت]

عنيد سألي هيلث كومبني ميرا موجوده ولا لا
اللي اعرفه بتطلع منهم يمكن راحت لاني سمعت بتسافر ديرتها