شركات التغذيه منو احسن فيهم وجم نزلنى (الجزء الثانى وبالصور)

[عنيّد]

نتيجة المراجعة الاولى مع كالوري كنترول


رحت للشركة يوم الخميس 6\10\2011
وزني كان 79.6

بديت بالوجبات يوم الأحد 9\10\2011

مراجعتي السبت 15\10\2011
وزني صار 79

يعني نازله 600 جرام ، طبعا اول يوم بالدوره :eh_s(4):

كنت ملتزمه بالرجيم 100% الحمدلله والأكل راهي ويشبع ، مشيت بس يومين بالاسبوع 45 دقيقه بسبب الدمله الي فيني ماكملت اليوم الثالث للمشي

المهم قلت للأخصائيه ابي تقللين الكالوري لاني ماراح اقدر امشي ، قالتلي انتي المفروض 1270 كالوري بس احنا مقللين 1200 ليش بتنزلينهم اكثر !! باجر اذا وقف وزنج بنقلل وانتي استحااااله تاخذين اقل من 1000 كالوري لا تعودين جسمج عالقليل وبعدين اذا احتجتي تقللين بثبات الوزن جم تبين تاخذين !
قلتلها شسوي انقطاع المشي بيأثر فأبي تعطيني 1100 ، قالت يعني بدون مشي ماراح تنزلين كيلو بالاسبوع ؟ عاد انا سكت اهني لأني مع هيلث كومباني ماكنت امشي بس كنت ملتزمه بالاكل ونزلت بكل اسبوع كيلو ، عاد قلتلها خلينا نجرب ماعليه ، قالتلي جربي بأول يوم وشوفي اذا حسيتي بيوع كلميني ونرجعهم 1200
المهم طلعت منها ورحت للدكتور عشان الي بصدري وسألته عن المشي قالي ماعليه امشي عادي بالعكس تنشيط للدوره الدمويه .... استااااانست :eh_s(9): دقيت عالاخصائيه قلتلها خلاص بقدر امشي رجعيهم 1200 خخخخخخخخخخخ :krkrkr:



ملاحظه : اكو شغله ماعجبتني كلش كلش كلش بكالوري كنترول ، المعكرونيه من الكشري ماتنلغي ، صلصة البستو ماتنلغي ، الكجب وهالاشيا ماينلغي !!!! ، قلتلها شكو !! شنو فايدتكم شركه عيل ! ، قالت انا اتفق معاج بس هو الشيف يعرف اكثر بخصوص الاكل والانسب له ! قلتلها بس انا موطالبه ذوق الشيف ، ذوق العميل أهم وهو يعرف شنو يحب وشنو مايحب !!! :eh_s(14)::eh_s(14)::eh_s(14): قالتلي انا معاج بس هذا الي حصل ، يعني مثلا الكشري هو يطبخ كميه فمايقدر يلغي لج المكرونه لشخص واحد ،قلتلها المعكرونيه ماتنطبخ مع العيش هي تنضاف للطبق ونفس الشي الصلصات ، قالت صح بس السستم يرفض اني ادخل مثل هالمعلومات ولازم انا بنفسي اتصل عالشيف وابلغه ومن تجارب سابقه الشيف مايلتزم وينسى يعني ماظمن لج بيوصلج حسب الي تبينه
كلللللللللللللللللش ماعجبتني هالحركه ابدددددددددن ، واضطريت اكنسل جم وجبة عشا وابدلهم بأصناف من الريوق
طبعا ماكو بدائل للوجبات الرئيسيه ، يعني الي مايعجبني من خيارات الغدا ممكن ابدله بصنف من العشا ، والي مايعجبني من العشا ممكن ابدله بصنف من الريوق ، بس تقول غالبا السندويشات مثل الجبن واللبنه هذي شي بسيط فممكن يحطهم لج بالعشا بأي يوم عادي

اي والله حلوه هذي الشيف يدري شنو الانسب للاكل ، مع ويهه


،
،


للتذكير .. يومياتي مع كالوري كنترول ^_~
http://www.q8yat.com/27331928-post1367.html
http://www.q8yat.com/27350989-post1391.html
http://www.q8yat.com/27369399-post1411.html
http://www.q8yat.com/27390662-post1444.html
http://www.q8yat.com/27409560-post1455.html
​

 

[فنار الكويت]

مبروك النزول بناااات

عنيد حطي ايدج على مكان الدمل وكرري ثلاث مرات بسم الله انشالله خير واقري الكرسي والمعوذات ونفخي مكان الجرح العين مامنها مفر اكثر وحده عانيت منها والحمدلله على كل حال

وبالنسبه للوجبات الحمدلله راضيه عن الشركه وحبيت اكلهم اليوم والسلطه بالربيان وايد حبيتها وانشالله نضعف يااااارب واليوم ملتزمه بس اكلت روب خالي الدسم مادري جم كالوري وباجر التزام التزام التزام زياده​

 

[كويتية82]

صبااحكم ورد وفل وياسمين

شلونكم بنوتاات

خل اقولكم قصة حياتي
الله يسلمكم اشتركت بهيلث كومباني بلشت معاهم من يوم الخميس وزني 83.9
اشتراكي 200 د.ك مع الويك اند
المهم كل شي تمام اكلهم حلو بس ماتعجبني سلطااتهم كللللش كلها خس وصلصاتهم موحلوه والنقطة الثانيه اللي ماعجبتني اكلهم نتفه نتفه مايشبع
امبييييه طول يومي يوعانه ببجي
ويوم الخميس موعدي معاهم ان شاءالله اكون نزلت
وصورت اكلهم بحط الصور هنيه وبموضوع منفصل في يومياتي
وبس وسلامتكم وتعيشون
شجعوني بنااات وعطوني حل شسوي مع سالفة اليوع هااذي اكلهم ماااااااايشبع كلش​

 

[كويتية82]

منال القلب وعنيَد ماتشوفون شر الف لاباس عليكم

 

[فلبينية عبدة]

مبررروك عنيييد ع النزووول


وان شاء الله المراجعة الجاااية تنزلين اكثر ^_^

 

[عنيّد]

مساء الخير

تسلمون بنات الشر ماييكم والله يبارك فيكم
:eh_s(22):




فنار لا تزعلين بس انتي شكلج برمجتي نفسج على التخربط ، لا تقولين روب خالي الدسم ولا غيره ، حرام والله انتي من متى قاطه فلوسج بهالشركات ولــــــي متى !!!
عاد كالوري كنترول بالذات صج صج صج مالج اي عذر ان تخربطين معاهم ، اكلهم يشببببببببببع لدرجة بديت اشك انهم يحطون شي يسد الشهيه مع الاكل :eh_s(1):
لانه صج اغلب وجباتي صرت ماكملها او اني اجبر نفسي اكملها
تعوذي من ابليس وخلج ملتزمه بالكرتون 100% :rerrerek: ولا تستهينين باللي تاخذينه بره الكرتون ترى شي يسحب شي
انا لما قلت للاخصائىه اني اشرب دايت بيبسي الصغيييير مره بالاسبوع او مره بالاسبوعين قالتلي مايصير التزمي بالكرتون فقــــــط :eh_s(4):
وانا متأكده ماقالت هالكلام لان الكالوري يزيد لا ابد الدايت مافيه الا 1 كالوري ، بس لانها ماتبيني استهين بالامور وشي يسحب شي :eh_s(15):




​

 

[عنيّد]

نتابع الدرس الثالث مع : كالوري كنترول



اليوم #6 ... 16\10\2011
يوم التتنيحه العالمي ، نسيت أصور أغلب الوجبات الرئيسيه ! :eh_s(2): كله من الابر

** المنيـــو **

عندي سلطتين لأني لغيت الشوربه



** الريــــــوق **

الشابوره كان فيها شي مخرب طعمها بس مادري شنو


** الغــــــــدا **
نسيت أصوره :eh_s(2):
+

المهم كان عباره عن بقوليات عيش اسمر وعدس ونخي وفاصوليا حمرا + دقوس ، أكلت النخي والفاصوليا الحمرا والباجي ماشتهيت آكله


** السنـــاكــات **

+

أول مره أجرب الكريم كراميل وكان حليــو


** العشــــا **
بعد نسيت أصوره :eh_s(2): كان عباره عن ثلاث لفّات صاج فيهم لحم مقطع صغار ، أكلت وحده بس ماكنت مشتهيه ، وبس خلاص قرررررت اني ماحط لحم بعشاي دام أدري اني ماتقبله شكو أختاره مادرييييييي :eh_s(4):

+

ماذقتها ، دايماً أكتفي بالفتوش ع الغدا والعشا

.
.

مشيت 45 دقيقه

الحمدلله
:yaaaaaarb:
​

 

[أريد حلا]

ماشاءالله بالعافيه

 

[فنار الكويت]

عنيد نفس وجباتي الغدا والسناك واللي يعجبني صوص السلطه رووعه
بس انشالله من اليوم الزام ومافي اي تخربط نهائي​

 

[عنيّد]

يعافيكم

فنار ،، انا ماجربت غير صوص الفتوش ، لأني ما آكل غيره ;\
والسلطه الثانيه مخليتها للبيت :d
انشالله تلتزمين اليوم وكل يوم ، وحطي ببالج ان اكلهم يشبع

 

[فنار الكويت]

الحمدلله عنيد اموري وايد تمام مع الشركه الغدا اختياري موفق والعشا رووووووعه همبرقر لحم وبطاط وجز وشوربة عدس والحمدلله اليوم ماتزمه عدل

سؤال عنيد
اليوم الشركه يايبين بابونج بالاعشاب اشربه وبصراحه شربته ورا الغدا رووووعه وانا مااحب البابونج اصلا
فياريت تشوفين الجيس ماله اكيد حاطيلج تعرفين شنو ماركته دورته بمركز سلطان مالقيته وايد ريح معدتي بعد الغدا وانا اعاني من عوار المعده صارلي سنين​

 

[عنيّد]

فنار ،، عليج بألف عافيه ، بالنسبه للبابونج انا مادري شنو حاطيلي اليوم لأني اصلا مو حيل مع الجاي والقهوه وهالاشياء فكل يوم اخليه مكانه والخدم يشيلونه مادري وين لووول ، بس اليوم صج شفت شكل الرسمه الي على الجيس غير فشلته وقلت حق اختي تجربه ، ذقته معاها مايازلنا ، بس الجاي بأول يوم كان اشحلااااااااته حتى ماحطيت فيه شكر
وماذكر والله شسمه بس اذكر ان لهم موقع ع النت ، فمايندرى اذا ينباع بالكويت والا لا
يبيله بالمراجعه اليايه نسأل الاخصائيه

 

[كويتية82]

بنات اليوم شفت هالاعلان بالجريده

دقيت عليهم قالولي اشتراكهم 189 وشرط انزل عالاقل 7 كيلو بشهر واذا مانزلت 7 يجددون لي الاشتراك على حسابهم حجزت موعد الخميس بروح لهم اشوف الدكتور واشوف المنيو


اذا عجبني بشترك عقب مايخلص اشتراك هيلث كومباني


منو مجربته بناات او سامعه عنه ؟؟
انا اول مره اسمع عنه رجيم سنتر ​

 

[فنار الكويت]

اشتركي بكالوري كنترول وايد بيعجبج اكلهم ونفس السعر
لاتجازفين بشركة ماتعرفينها حرام
وإذا مصره لازم يكتبون بالوصل هالشرط اذا مازلتي يجددون الإشتراك اخاف نصابين
​

 

[عنيّد]

مساااءووو
​

نتابع الدرس الثالث مع : كالوري كنترول



اليوم #7 ... 17\10\2011


** المنيـــو **

عندي سلطتين لأني لغيت الشوربه



** الريــــــوق **

ابووووو الدلع عيبها انها سميكه ، بس تشببببببع اكلت نصها انغثييييت بس قلت تأبى الا اكملها خخخخخخ


** الغــــــــدا **

+

آآآآخ اشكثررررر كنت مشتهييييييه الكبااااب ، وهذا الي احبه خفيف وناشف ايننننننن


** السنـــاكــات **

+

** العشــــا **

يتراوالي الصوره تنطق مو ؟ راااهي هالعشاااا واشحلااااته يترس العين والكرش بعد

+

.
.

مشيت 45 دقيقه

الحمدلله
:yaaaaaarb:
​

 

[عنيّد]

كويتية ،، هالشركات تجاريه وانا ما اثق فيهم كللللللللللللش

الله يذكرها بالخير "حياة زوجي" مايندرى وينها ، بس هي تذكر اسامي الشركات الخرطي ، اكو وحده من البنات معانا بالقروب بعد كانت مشتركه بشركة نفس هاللي بالاعلان بس ماذكر اسمها ، وكانت شركة نصصصصصصصصب

هذا اكل يعني شي بيدخل جسمج ، لا تجازفين بالذات ان اسعارهم حالها حال باجي الشركات المعروفه

 

[فنار الكويت]

بالعافية عنيد شهيتيني بالكباب انشالله بطلبه المره اليايه وناويه اجدد معاهم بإذن الله

 

[قطوووة]

عنيد تصدقين انا ؤدي اجدد مع كالؤري كنترؤل من شفت الجيرمن سلاااااد ؤاي عذاب

عافيه عمؤما


كؤيتية
تبين تسدين جؤعج شربي ماي قبل الؤجبة بنص ساعه



انا هاليؤمين تعبانه + تخبيص + مريضة :eh_s(16):

اكلي قاعد يتكؤد ما اكله حرام :eh_s(11):
تؤني دقيت عليهم طلبت تؤقيف يؤمين الخميس ؤالجمعه
لان صج حرام في اكل عندي ماقاعده اكله ؤيزيد ..


امس رفيجتي احرجتني .. عزمتني ع عصير مع اني احن عليها انا دايت اانا دااااااايت فهمي

بس قلت عصير مؤمشكلة لان سالت الاخصائية قالت لي عادي عصير طبيعي بس طؤفي السناك الحلؤ عشان تكؤنين بالسليم < مقدؤر عليها

ردت رفيجتي عزمتني على برد المهم قلت خاربه خاربة احرقها ان شاء الله بالمشي :yaaaaaarb:


بس طحت مريضة يؤمها ههههههههههههههههههههههههههههههههههههههه



اليؤم تعبانة نفسيا بسبب دكتؤري بالكلية ... ملطعني 3 ساعات انطره :rgewrg:

المهم رديت البيت المزاج حده × .. قالؤا لي الغدا ربيان جان اتحطم قلت بتغدى اليؤم

يعني خربطت خربطة اختيارية .... :bbbiu:




يالله انا سردت الكلام عشان اكؤن صادقة مع نفسي ؤمعاكم
تحياتي :$

 

[فنار الكويت]

في وحده من البنات ماسمعت الكلام بشركة رجيم سنتر وانصبو عليها ماذكر منو انشالله تقرا الكلام وتعلق وتشارك
نصيحه لاتجازفين مايسوى عليج قاطه فلوس وماعليج من اعلانهم اذا مانزلتي تجددين الاشتراك خربوطه ومومعروفه هالشركة

 

[قطوووة]

احسن شي بهالمؤاضيع ترؤحين لمكان سمعه