شركات التغذيه منو احسن فيهم وجم نزلنى (الجزء الثانى وبالصور)

[عنيّد]

اليوم بتكلم عن شركة لوفات بعد ماخلصت منها
وباجر انشالله بتكلم عن اشتراكي مع كالوري كنترول



:ggdw:

منتداي الحبيب
صبحكم ومساكم الله بالخير
:eh_s(17)::eh_s(17)::eh_s(17):


اول شي شكرا من قلبي على التشجيع المتواصل
:eh_s(7)::eh_s(7)::eh_s(7):


ثاني شي آسفه لأني ماكملت الصور معاكم بس حسيت بملل منهم سامحوني
:eh_s(22)::eh_s(22)::eh_s(22):


ثالث شي يوم الخميس 6-10-2011 كان آخر يوم لي بالوجبات
:eh_s(15)::eh_s(15)::eh_s(15):


رابع شي تبون رايي بالشركه مو ؟





رايي بشركة لوفات بشكل عام

مميزاتها ،، العروض دايم متوفره عندهم يعني اما العرض الي من 199 يصير 179 او العرض الي على كل كيلو تنزلينه يعطونج خمس دنانير

حاسبين حساب للاطفال "6-15 سنه " ومسوين لهم سعر خاص 149 دينار ، ومنيوهم نفسه منيو الكبار مع اختلاف ترتيب الوجبات

معاملتهم سواء بالتلفون او بالشركه ممتااااازه وحلوه ومحترمه ، ومواعيدهم ملتزمين فيها سواء بتوصيل الوجبات او بالمراجعات ، أخصائيتي وايد حليوه الله يعطيها العافيه اسمها تانيا سوريه او لبنانيه شي هيك يعني


سلبياتها ،، اكثر من مره تتكرر اغلاط بخصوص الاشياء الي ماحبها اشوفهم حاطينها بالاكل مثل الطماط تقريبا اربع مرات غلطوا هالغلطه وكنت اتصل وانبّه الاخصائيه وينضبطون ، بس آخر مرتين كانوا بالاسبوع الاخير وماعورت راسي ولا اتصلت ;\

ماعجبني انهم مايهتمون للتحاليل ، يعني سواء عندج او لا طاف !
ولا يسوون فحص للجسم عشان يعرفون نسبة الدهون والعضل والماي وهالاشياء

مومعتمدين الخبز الاسمر بوجباتهم ، الغالب العيش والخبز الابيض


أما رايي بأكلهم ، كان حليو ، ماراح اقول وااااااااااااو ومايتفارق ولا بقول يلوع الجبد ، لا والله عادي يعني مقبــول ، واعترف اني عسره وسوبر عسره بعد ، منيوهم متنوع بس يتكرر كل اسبوعين وانا عسره وما آكل اي شي فاختيارات وايد تتكرر ، اما اختي فتقول بالعكس مامليت وعادي لو اجدد معاهم مره ثانيه ، اما انا فخلاص عندي الشركه الي اجربها مره ما اكررها مره ثانيه

الزبده كانت تجربه حلوه ماندمت عليها
:rerrerek:
​

 

[عنيّد]

^ــــ^

أخيرا .. خامس شي وزني وأدري انه أهم شي وناطرينه هاااا
:d


أول مابديت أذكركم اني وزنت وانا متغديه وبالعه الدنيا ، وكنت قبلها مطلقه الرجيم يمكن شهرين وبكل ثقه وازنه بعد


كان وزني
86.900

واليوم كانت آخر مراجعه لي ووزني
79.100


يعني مجموع النزول 7.8 كجم

وخذت قياساتي طبعا بأول زياره وآخر زياره الي هي اليوم والحمدلله قياساتي نازله ، بس طبعا ماذكر الارقام ^ـ^


انزين ، عشان لا أتفلسف عليكم حبيت ارجع واذكركم اني اول ماوزنت ماكنت عارفه طريج الرجيم ، يعني عادي بأول اسبوع لما قطيت ثلاث كيلوات و900 جرام كان اغلبها سوائل مو اكثر ، اما الاسبوع الثاني كيلو ونص ، والاسبوع الثالث 600 جرام والاسبوع الرابع كيلو و 800 جرام

الاخصائيه كانت متشققه من الوناسه وقالتلي هالنزول ماينزلونه عندي البنات ، غالبا الاولاد الي ينزلونه ، قلت بقلبي والله انج مغتره فيني
انا عندي قناعه اني مونازله هالوزن بأمانه :d بس اذا بقول اني بقط من هالنزول كيلوين بدل غش
فاوكي نزولي الحمدلله حلو وراضيه عنه :yaaaaaarb:


طبعا كنت ملتزمه برياضة المشي 45 دقيقه ثلاث مرات بالاسبوع
وملتزمه بشرب الماي 6-8 قلاصات باليوم



مشكورين للمره الألف على تشجيعكم الدايم
:eh_s(17)::eh_s(17)::eh_s(17)::eh_s(17)::eh_s(17)::eh_s(17):



الخطه اليايه انشالله ، اني اشتركت بشركة كالوري كنترول شهر كامل بدون ويك اند ، وبيبلشون معاي الوجبات من باجر الاحد ، وطبعا امس اليمعه واليوم السبت انا ماشيه حسب رجيمي "رجيم الدكتور عبدالله المطوع :eh_s(17):" يعني ماعطيت نفسي فجه للتبربس عشان لا اكفر وافتحها ع البحري :d
والحمدلله ارتحت نفسيا لما اكلت من اكل البيت وااااااي فديته من اكل محد يشبهه والله :eh_s(22)::eh_s(22)::eh_s(22):




اي صج لحظه ، نسيت اختي :d ، هالدبه من خلصت الوجبات يوم الخميس عزمت رفيجاتها بالبيت وخربطت :rgewrg: ومايات معاي اليوم يعني مادري شنو نتيجتها ! بس للأمانه كانت ملتزمه ومبين عليها الضعف

المهم انا مو ؟
مو

شكراً
:d

 

[فنار الكويت]

الف مبروووووووك عنيد الله يوفقج وتنزلين زياده ونستيني والله
وانشالله تحدي بكالوري كنترول انا وانتي ونشوف كل وحده جم انزلت عليه بدون اي خربطه

انا قاعده اختار المنيو ومتوهقه شوي في

 

[فنار الكويت]

بنات كالوري كنترول هيلب مي

سؤااااااال
المنيو معاي الريوق اخترته والمشوبات والغدا

طبق مكمل لوجبة الغدا اختاره ولا شلون
الشوربات اخترتها

الاخصائيه تقولي تختارين سلطه او سلطة فواكه بس انا اشوف صور البنات الاثنين موجودين يعني هل لو اخترت سلطة فواكه للعشا مااختار السلطه العاديه يعني يكون بس نوع واحد سلطه؟؟؟؟!!!!
والعشا اخترته بس قاعده اختار وخلاص لاني ماجربت الاطباق فاختار الشي اللي نعرفه
انا اخذ 1100كالوري

 

[قطوووة]

هلااااااااؤ

مشيت اليؤم ساعه الحمدالله الجؤ يهبل

فجيت ريقي بكؤب لبن اكتيفيا قليل دسم
غداي من سب ؤاي .. ؤجبة ( صمؤنه + دايت كؤك + كؤكيز )
مشيت ساعه بالهؤاء الطلق

الجؤ عجيييييييب :ggdw:

عقب الممشى شربت برتقال فرش بدؤن سكر


بس هذا كان يؤمي











دقت علي الاخصائية رباب اليؤم من دايت فرش تذكرني ان اشتراكي يبلش الاثنين

ؤهي عندها خبر اني مسؤية دايت مع شركة قبلهم غير ؤسالتني كم يؤم فرق بين الاشتراكين

بلغتها ان اليؤم 3 يؤم اؤف بعد الاشتراك اللي خلص

قالت اي احسن لان لازم اكل سعرات اكثر من الي تعؤدت عليه

لان ان تم الجسم ع عدد سعرات معينة خلاص مايحرق (( نظام الشؤك .. اؤصدمة الجسم ))



ؤاظن ان جسمي انصدم ؤخلص

 

[قطوووة]

بنات كالوري كنترول هيلب مي

سؤااااااال
المنيو معاي الريوق اخترته والمشوبات والغدا

طبق مكمل لوجبة الغدا اختاره ولا شلون
الشوربات اخترتها

الاخصائيه تقولي تختارين سلطه او سلطة فواكه بس انا اشوف صور البنات الاثنين موجودين يعني هل لو اخترت سلطة فواكه للعشا مااختار السلطه العاديه يعني يكون بس نوع واحد سلطه؟؟؟؟!!!!
والعشا اخترته بس قاعده اختار وخلاص لاني ماجربت الاطباق فاختار الشي اللي نعرفه
انا اخذ 1100كالوري

تختارين ؤجبة رئيسية + طبق جانبي لها ؤاحد بس
مثل عيش
خبز
سباغييتي

لج خيار ؤاحد


بخصؤص الحلؤ

فاكهه يكؤن اؤ سلطة فؤاكهه <<<< تخارين ؤاحد بس

ؤالحلؤيات يحطؤن لج اكثر من طبق تختاري 1 بس




السلطات
تختارين ؤحدة

الشؤربه 1


بس ان ماعجبج الشؤربات تختارين سلطتين بدؤن شؤربة ...



في حال ماعجبتج السلطات .. في سلطة يؤمية هي سيزر ...

في حال ماعجبج المشرؤب .. في مشرؤب يؤمي هؤ برتقال

اتمنى شرحي كفى :d

 

[فنار الكويت]

ماعليه اذيتج
يعني قصدج يحقلي. سلطه وحده وحلو واحد باليوم ومشروب طبعا واحد
والشوربه اذا ماعجبتني اختار سلطه ثانيه .....صح فهمي

 

[دلع طفوله]

هلا حلوات

اليوم فطوري مناقيش جبن وزعتر


والغداء كوشري وشوربة هليوووووون


الكوشري لذيذ اما الشوربه عاديه


العشاء


شاورما دجاج وسلطة سيزر


والحلى قطايف بلقشطه


وحبتين فواكه


وماء وحركه قد ما اقدر



صايبني احباط بنات انا بالاسبوع الثالث جد نقصت 5 باسبوعين بس بشكلي مو حاسه بتغغيير

واحس اللي حولي بوجهم استفاهم خصوصا البنات بالدوام


اني باسبوع 3 وشكلي ماتغير

 

[توتا الكتكوته]

بنات ابي اكل يوعتوني ههههههههههههههههههههه

 

[عنيّد]

يبارك بعمرج فنار
تصدقين هم انا حسيت بلويه بالمنيو لووول

انا ماني فاهمه ليش يختارون اسامي غلجه للاكلات او موواضحه ، كتبوا المكونات والسلام ، مومعقوله كل شوي بسأل هذي شنو وذيك شنو
حدييي تنرفزت وقلتلها بسوي بس عشر ايام وبعدين اكملهم :eh_s(4):
عندهم ورقه فيها وصف الاكلات ، اخذتها اغلبها عناوين ماكو اي وصف للاكله !

والظاهر ان الحق من الباطل بيبين بعد اول اسبوع

وعلى فكره عندهم ٣ سلطات يوميه ثابته حتى لو مومكتوبه بالمنيو ، سلطة سيزر + فتوش + ماذكر الثالثه

ويسلمو قطوووه على معلومة عصير البرتقال ، انا ماحب كل انواع العصاير فاخترت ببعض الايام كبجينو ولاتيه مع اني مووومن ربع هالسوالف ابددددددددددد ، بس اضطريت وماكان لي خلق اسال زود اذا اكو خيارات ثابته لاني طفرانه من الاستفهامات بباقي اسامي الاكلات :eh_s(14):


اي صج ، اخصائيتي اسمها ريــم ، اول ماشفتها استغربت حسيتها ياااااهل جد صغيرونه بس انشالله خير معاها

 

[توتا الكتكوته]

دايت قطوووواااااا صج الجسم اذارتعود عالريجيمات وكل مره تغيرين ما يضعف


انا اقول توكلو و سوا تحزيم لان المعده الوسيعه ما هما سويتي رجيم ما تضعف


نفس الهام الفضاله كانت تسوي رجيم عند طالب الشمري و مافاد معاها الا التحزيم


وكذلك هدى حسين ما ضعفت الا بالاحزيم


خاصه الوزن بعد عمر ال ١٨ او ٢١ سنه يثبت يصير من الصعب فقدانه بالتفق وحرمانات وغيرها



والرجيم بضعفج بس ما يوصلج للشكل المثالي مثل ديانا كرزون


للحين ما شفنا وحده مشهوره ولا غير مشهوره جسمها ضعف وصار سكسي وووااوو الله يخلي الشفط و الكريمات

وغيرها

حتا الفنانه زهره عرفات ماشاءالله طول واهي بالاساس بشبابها ضعيفه ما ضعفت مع رجيمات سوت شفط لبطها و صرحت بهالشي



ذكرت لج اسامي فنانات اهما بالاصل كانوا ضعاف بس سبحان الله ما قدروا يستعيدون رشاقتهم الا بالعمليات ؟!


فما بالكم بوحده اهيا دبه من فترة مراهقتها و بلوغها

 

[عنيّد]

توتا ،، لو اتم طول عمري اسوي رجيم وازيد وارجع انقص ، ولاااا افكر اسوي عملية
اسمالله علينا ، الوحده من تدخل تولد قيصري الف لا اله الا الله عليها وخوف وتخرع
اشلون بعد تدخل بريلها للعمليه !!
يكفي ان فيها شي اسمه بنج كـــــامل ، يمه ;\

شخصيا ما أأيد هالاشياء ابددددد ، وماكو على الامور الطبيعيه والله ، ان مافادتج ماضرتج

 

[توتا الكتكوته]

عنيد انا معاج ان العملية خطره والخ بس انا اقصد الللي بطنها كبير من الداخل سبحان الله اي شي تاكل يزيد وزنها مثل هيا الشعيبي


هذي ما تنفع معاها الريجيمات و حتا شكلها مسكينه

واللي فيهم سكري مثل ابوي ما ياكل شي و ما يضعف سبحان الله مع ان اهوا بشبابه ضعيف كان بس الجسم مع الوقت حتا لو الوحده

ضعيفه يعرض ما ادري ليش

 

[قطوووة]

فنار

اي عدل صح


عنيد
انا معاج ضد العمليات

 

[فنار الكويت]

توتا الكتكوتة
حراااااااااااااام عليج المفروض تنصحين البنات ضد العمليات بالعكس وايد بنات تضعف بالرجيم
والإرادة حلوة والفلوس اللي نقطها على العمليات نقطها على الشركات أحسن وأضمن
أنا ابي اسوي شفط حق بطني وخايفة شلون لو تشيلون من المعدة ولا تصغرون
العمليات هذي ساعات تكون عكسية ومضارها وايد وتخلي الواحد شكله جنه مريض ومافي حيوية نهائي وبالذات تلقين اول ما يخق الجتوف هيكل والويه مصطره
ل يحووووووووووووووووووووشك الله لا يحدنا على عمليات المعدة والتصغير وهالسوالف
وعلى فكره هالعمليات مدتها 3 سنوات حسب سمعي وعقب ال3 سنوات يرجع الجسم

عنيد انا نفسج اخصائيتي ريم
ومتوهقة بالمنيو وبروح اختار معاها لأني حايسة حدي ومااعرف شنو مكان الثاني
​

 

[عنيّد]

وصلني كرتون كالوري كنترول >>> البدايات ك.ك.ك خخخخخخ

المهم مالي خلق اصور بس ضميري مأنبني :eh_s(2):

بكرر كلامي الي قلته لرفيجاتي ، من الشغلات الي جذبتني لكالوري كنترول "الستكرز" صباح الخير غدا العافيه تصبح على خير >> ياهل

ماعجبتني شغله ، انهم مايحطون المنيو او اسم الاكله ، فمادري انا شقاعده اكل !! طيب يمكن اشتهي اكرر اشلون يعني :eh_s(4):


شكلي بسوي نفس فنار واخذ نسخه من المنيو بعد الاختيارات

 

[عنيّد]

احم ، كنت احوس بموضوع شيرازيه واكتشفت ان المنيو ملصووووووووق عالكرتون
اشوه ماقطوه ;\

 

[فنار الكويت]

عنيد اخذي نسخة من المنيو احسن علشان تكتبين ملاحظاتج احسن من الورقة المرفقة تكودين اوراق وبس اختيارج غير المنيو تحطين ملاحظة انج اخترتي الوجبة مثلا بيوم

 

[فنار الكويت]

تصوير عنيد بليييييييييييييييز لأني ببلش نص 10 باخذ فكرة عن اختياراتج وابي ملاحظاتج على الأكل حلو ولا مو حلو

 

[عنيّد]

فنار ،، حتى المنيو منهم بيكون اوراق يعني مافرقت ! خخخخخخ
بس اتوقع احسنلي منيوهم لانه ورق صجي ، اما الحين فهم يلصقون ستكرز عالعلبه فلازم اقص الكرتون !!
العصر بكلم الاخصائيه اقولها تدزلي نسخه من منيوووي مع بوكس باجر


اوكي يعني تبين صور لازم ؟ آخ زين حاضرين للطيبين -___-
لكن ماني فاتحه موضوع خاص ، بحطهم بهالموضوع عشان لما تشتركين اوقف تصوير

عاد اول اسبوع انا اسميه اسبوع المقالب ، احس مايبين فهم الاكل الا من بعد هالاسبوع