شركات التغذيه منو احسن فيهم وجم نزلنى (الجزء الثانى وبالصور)

[فنار الكويت]

المجمع يديد على زاوية وصفطي بالباركنك لأن أشوف شرطي على طول يخالف
يكون قبل التأمينات بشوي صوب الإشارة اللي تدخلج على مجمع الوزارات بس اهو على الشارع واضح مكانه وفي دعاية همبورقر بره ،،،، هههههههههههههه
بعد أكثر من هالوصف ماأعرف

 

[عنيّد]

الي تبي تعرف نتيجة قطووه ، تدخل على موضوعها ، مانمت الا ومخليتها تنزل الخبر

 

[عنيّد]

فنار ،، يعطيج العافيه ، هممممم بعد مانزل من الجسر تصير صالة التزلج على يميني ، ماخبر اكو اشاره ;\
يعني قصدج اخذ يمين بيمين وتصير مره ثانيه التزلج على يميني وهناك برج جاسم ؟

 

[فنار الكويت]

عنيد اهو في برج جاسم كالوري كنترول صالة التزلج على يمينج تصادفج اشارة يكون البرج على يسارج

 

[فنار الكويت]

فهمتيني عنيد
الإشارة تاخذينها يمين تمشين شوي سيدة تصادفج اشاره المجمع على يسارج على زاوية وتلقين دعاية همبورقر تحت
انشالله فهمتيني وقاعدة ادور موضوع قطوه ليش ماحطت النتيجة اهني

 

[عنيّد]

فنار ،، اي انشالله اكون فهمتج عددددل ، باجر موعدي باذن الله ^ـــ^

وهذا موضوع قطوه http://www.q8yat.com/t932139-16.html

 

[كويتية82]

صبااااحكم ورد
رحبو فيني بتجمع الرشيقات
اخيييييييييييييرا وبعد ماقريت تجاربكم اللي تشجع صراحه واهنيكم على هالاراده القويه
قررت اشترك معاكم بهالتجمع وبشترك بكالوري كونترول

اول شي دقيت على دايت كير واللي ترد عالفون وحده نفسيه غصب اتحجى وغصب اترد عالاستفسارات وهونت ومااشتركت معاهم
ودقيت بعدين على دايت سنتر صراحه اللي ترد نفسيتها تهبل وترد على كل استفساراتج وبالها طويييييييل
واخر شي دقيت على كالوري كنترول وتشجعت صراحه من تجربة قطوه والبنات اللي مشتركين بكالوري كنترول
وردت علي وحده مصريه قلت لها ابي اشترك معاكم بس ماابي امركم ولا ابي مواعيد مع الاخصائيه ولان مكانهم بالشويخ على مااعتقد وانا بالمنطقه العاشره فبعيد وايد ومااقدر اروح لهم قلت طرشولي سايق اعطيه قيمة الاشتراك وطرشولي المنيو اختار
قالت لي انا بكلم الاخصائيه وارد لج خبر اذا يصير تشتركين بالتلفون او لا
تقريبا بو نص ساعه اتصلت فيني الاخصائيه اسمها مي
قالت انتي حابه تشتركين بالفون قلت لها اي قالت تكرم عيينك
وخذت كل بياناتي عالفون والطول والوزن وقالت لي اليوم نطرش لج السايق ياخذ المبلغ ونرتب معاج عالفون يومين شنو تبين اكل وعقبها يوصلج المنيو وتختارين ونكمل معاج عادي واشرحت لي كل اشتراكاتهم وصراحه ماقصرت جني قاعده معاها تاخذ وتعطي معاي شحلوها
واستانست ان في شركة تاخذ الاشتراك عالفون
بس الطامه الكبرى قالت لي ان بتكلم السايق عشان موعد التوصيل
شوي جان تدق علي وضيقتتتتت خلقي وقالت مايوصلون حق المنطقه العاشره
ااااااااااه ببجيييييييي
قلت لها عفيه حاولي قالت والله الادراه تقول ان شاء الله قريب
قلت لها انتو شركه كبيره مفروض تغطون كل مناطق الكويت
قالت ان شاء الله قريب
وقلت لها انزين اذا اشتراكين توصولون قالت ماادري بكلم الاداره وارد لج خبر >>>>>>>>> طبعا بنام براس رفيجتي عشان تشترك معاي منها نشجع بعض ومنها يوصلون لان اهي يم بيتنا
وقلت حق الاخصائيه مومشكله ادفع رسوم زياده عالتوصيل اذا تبون
وبيردون علي اليوم او باجر بالكثير
بنااااااات ادعولي يوافقون حدي متشجعه اشترك معاهم ان شاء الله مايخذلوني
تكفون بضعف صرت هالمتن والله جسمي صار يفشل
وشرايكم باختياري كالوري كنترول؟؟
والاهم ان عادي ياخذون الاشتراك عالفون حطيت مشاركتي بفيد البنات اللي يسألون مايبون يروحون لهم اشوف جم وحده تستفسر​

 

[كويتية82]

^
^
^
^
اوووووووله صج انا قرقه شكثر كاتبه هههههههههه
مومني بنات من الحره
ابي اصير رشييييييييقه​

 

[فنار الكويت]

كويتية 82
ليش تدفعين زيادة على الإشتراك بصراحة حرااااام كفاية اسعارهم غالية
شوفي الشركة اليديدة اللي بحولي فريش دايت شكلها يشوق وانا مو معاج بزيادة السعر حق التوصيل

 

[فنار الكويت]

عنيد حتى انا باجر موعدي بكالوري كنترول بإذن الله
رسيت عليهم وإنشالله أقدر أنزل ال 4 كيلو معاهم وبحاول قد مااقدر التزم واشتراكي بهيلث كومبني نص 10 ينتهي

 

[كويتية82]

كويتية 82
ليش تدفعين زيادة على الإشتراك بصراحة حرااااام كفاية اسعارهم غالية
شوفي الشركة اليديدة اللي بحولي فريش دايت شكلها يشوق وانا مو معاج بزيادة السعر حق التوصيل

شسوي فنار عشان يوصلون ابي شي مجرب ومضمون حتى لو ازيد ماكو مشكله ماابي اشترك باي مكان واجازف
يختج اناا واااايد عسره بالاكل:eh_s(4):​

​

 

[googoosh]

قوه بنات شلونكم شخباركم ..

راح احط يومياتي معاكم كل يوم .. انا مشتركة بدايت كير .. و اليوم اول يوم يوصلي الاكل .. ان شالله راح انزلكم الصور اليوم ..

انطباعي الاول عن دايت كير .. الصراحه اكثر من روووعه .. دقيت عليهم قبل اسبوعين و عطوني موعد اول امس .. رحت فرع العقيله .. الصراحه كلهم كانوا بقمة الاحترام ..

دشيت على دكتورة التغذية نسيت اسمها لبنانية .. حدهااا تهبل الصراحه خذت و زني و كل شي .. و جابلتني عدل بالاسئلة .. و قلت لها اني vegeterian .. قالتلي لانج نباتية انا بقعد معاج و نختار من المنيو .. و قعدت و نقت معاي و قالتلي شنو الحلو و شنو اللي تنصح فيه .. يعطيها العافيه ..

..............



السبب اللي خلاني اشترك بدايت كير .. اول شي و اهم شي طبعا اني بضعف .. ثاني شي و اهم شي اني نباتيه فشوي متأذية و مأذيتهم بالطباخ لان لازم يسوولي اكلي بروحي غير عن اكلهم .. فجذي مرتاحه يوصلي الاكل اللي ابيه لي عندي ..

وزني 60 للأسف لوول .. و طولي انا قصيرة 155 .. قالتلي الوزن المثالي من 48 لي 52 .. بس قالتلي اذا وصلتي 55 و 54 راح يفرق عليج وايد .. و قالتلي مع الرياضه راح ينزل وزني بسرعه ..

انا الصراحه ابي اوصل 50 و اكون مرتاحه بحياتي وما بي شي بعد لوول .. قالتلي بشهرين احتمال كبير تقطين هال10 كيلوات اذا مع رياضه التزام ..

نسيت اسم الاشتراك بس سعره 199 و مع فتح الملف 25 .. يعني 224

و الله كريم نشوف شيصير ..
​

 

[عنيّد]

كويتيه82 ،، وانا مع كلام فنار ، شكو تزيدينهم ، لا تخربونهم علينا تكفون
ترى مومقصرين بالاسعار حارقينا حراق ، واذا هم مايوصلون الف شركه غيرهم توصل
بس الي اعرفه ، انتي بتلتزمين اذا ماراجعتي الاخصائىه ؟
يعني لاحظت نفسي ووايد غيري اذا بدون اخصائى تغذيه مايلتزمون او يخربطووون لانه محد على راسهم
حرام انتي دافعه دافعه ليش ماتخلينهم يتابعونج اول باول !


فنار ،، تمام تمام :ggdw: على جذي راح تبدين عقبي اتوقع ، انا باجر آآآآآآآآخر يووووووووم واااي عييييييييييييييد
وبشترك بالاشتراك الي بدون ويك اند ، فبخلي اليمعه والسبت من اكل البيت بحدود الرجيم طبعا انشالله ، ويبلشون معاي توصيل الوجبات من الاحد :rerrerek:


googoosh ،، هلا فيج ، زين تسوين دام ان صعب تحصلين اكلج بالبيت ، تمي ماهم هالشهرين واوصلي لوزنج المثالي بس بعدها عاد اعتمدي على نفسج لان مومعقوله طول عمرج ع الوجبات ، يعني تعلمي من الاكل الي بيوصلج اصناف الاكل النباتي
ودام انج بدايت كير شدي حيلج بالرياضه ، معروفين النزول عندهم يحتاج للرياضه
وربي يووفقج

 

[googoosh]

قوه ..

اليوم أول يوم لي بدايت كير ..

الصراحه الأكل رووووووووعه شويه عليه .. نظيف و فرش و أحلى من أكل المطاعم بعد ..

بنات شكثر تسوون رياضه باليوم .. انا مفكره امشي ساعه و قاري و شويه رياضه حق البطن ..

و سؤال ثاني .. شلون تقسمون أكلكم باليوم ؟؟ و اذا طافكم الريوق او اي وجبه عادي تاكلونها بعدين و لا خلاص تكنسلونها ..

اي و نسيت أقول الدكتورة عطتني 1150 كالوري ..



هذا الصندوق ..






الريوق ..

توست اسمر و جبن ملفووف بالبيديان .. وايد عجبني ..





الغدا ..

سلطة خس و جزر و خيار مع صلصة الخل بالنعناع .. حلو عجبني ..
و باستا بالجبن .. لذيييذه ..
و شوربة طماط بالريحان و الكريمة .. خيااااااااالية وااايد عجبتني ..






العشا ..

سلطة روب و خيار ..
صمونه بيديان ..
و حلو الجزر .. باكلها بعد شوي

و العشا لي الحين ما تعشيت عشان اقول رايي بالاكل .. بس نتفه العشا ..




و هذا المنيو





الأكل لذيذ الصراحة اعطيه 10 من 10 ..

بس اللي ما عجبني التوصيل .. لان ما يوصلون الصبح بس من ال 11 لي 2
​

 

[نونة حبيبها]

مراحب
اليوم كان اول يوم مع دايت سنتر
كنت شايلة هم التوصيل خفت يتاخروا
7 ونصف دقوا علي ونزلت جبت البوكس بس تفشلت اصور بالدوام لووووول
الفطور كان سينبون رول مع كافيه لاتيه
الغذاء شرايح دجاج مع بطاطس+شوربة خضار وسفن اب دايت
السناك كيكة محشية شوكولاة كانت جد يمي يمي مع عصير تفاح
والعشا بيكون اصابع سمك مع بطاطس ولبن لو فات
الشي الي ماكلته السلطة لانه ماحب مرة السلطات وزدت الكافي لاتيه مع السفن اب

 

[عنيّد]

googoosh ،، بالعافيه عليج ، والله شكل الاكل واااااااااااااااايد
بالنسبه للوجبات عالاقل بين كل وجبه والثانيه ساعتين ، والعشا قبل النوم بساعتين ويفضل ماتتعدين الساعه ٨ ونص
الاكل الي يطوفج خلاص تكنسلينه مايصير تدمجين وجبتين مع بعض
يعني ريوق - سناك - غدا - سناك - عشا

الرياضه ٣٠-٤٥ دقيقه باليوم ، ٣ مرات بالاسبوع تكفي انشالله

 

[عنيّد]

googoosh ،، بالعافيه عليج ، والله شكل الاكل واااااااااااااااايد
‎بالنسبه للوجبات عالاقل بين كل وجبه والثانيه ساعتين ، والعشا قبل النوم بساعتين ويفضل ماتتعدين الساعه ٨ ونص
‎الاكل الي يطوفج خلاص تكنسلينه مايصير تدمجين وجبتين مع بعض
‎يعني ريوق - سناك - غدا - سناك - عشا

‎الرياضه ٣٠-٤٥ دقيقه باليوم ، ٣ مرات بالاسبوع تكفي انشالله

 

[أم الأسلوب]

بنات انا اشوف الاهل مشتركين بس ما اشوف ضعفوا ومنتظمين

انتوا للامانه تحسون انكم ضعفتوا ؟؟


يعني يفرق لما تشتركين مع دايت كير

ولما تروحين عند دكتور مخصص معين ؟؟؟


شنو الفرق بنات مو جنه نفس الذكاء ؟؟؟

يعني مثلا اشتركتي بدايت كير و اشتركتي بنادي ؟؟؟

جم بتدفعين على الاثنين ؟؟


ولا مثلا بمراجعتج للدكتور و اشتركج بالنادي ؟؟


ايهو اوفر واحسن لكم ممكن الرد على سؤالي ؟؟؟

 

[عنيّد]

السالفه ببساطه لا اوفر ولا بطيخ
الاوفر انج تسوين رياضه بالبيت وماتقطين فلوس ع النادي
الاوفر انج تاكلين بالبيت ولا تقطين فلوس ع الوجبات
الاوفر انج تاخذين رجيمات من النت او من مستشفيات الحكومه بوبلاش وماتقطين فلوس على اخصائى تغذيه خاص

هذي اذا المسأله ماديه بحته

بس الزبده من هالموضوع ، ان الناس لاقيه راحتها بشركة الوجبات من ناحية الالتزام بالرجيم ، من ناحية تحضير الاكل ، هذا كل شي لا اكثر ولا اقل

 

[أم الأسلوب]

السالفه ببساطه لا اوفر ولا بطيخ
الاوفر انج تسوين رياضه بالبيت وماتقطين فلوس ع النادي
الاوفر انج تاكلين بالبيت ولا تقطين فلوس ع الوجبات
الاوفر انج تاخذين رجيمات من النت او من مستشفيات الحكومه بوبلاش وماتقطين فلوس على اخصائى تغذيه خاص

هذي اذا المسأله ماديه بحته

بس الزبده من هالموضوع ، ان الناس لاقيه راحتها بشركة الوجبات من ناحية الالتزام بالرجيم ، من ناحية تحضير الاكل ، هذا كل شي لا اكثر ولا اقل

مره سألت بنات جذي قالواا لااااا شلون تسوين رجيم مال وحده غيرج

اللي بالنت يمكن ناسب جسمها ما يناسب جسمج

لما تروحين للطبيب يسوي لج فحص ويشوف شنو الزايد والناقص عندج

وعلى هالاساس يسوي لج جدول خاص لج


هالكلام شبعت وانا اسمعه ؟؟؟

والرياضه المشي وين امشي بحوشنا مثلا هههه صعبه لازم جهاز مشي

طبعا ممشى اهني بكويت حرر مووت وهلاقه

يعني لازم نادي


ولا اشرايج باللي قلته ؟؟؟؟؟