شركات التغذيه منو احسن فيهم وجم نزلنى (الجزء الثانى وبالصور)

[نيرة الذهب]

السلاااام
بااااك مع اشتراك جديد بدايت كير بعد انقطاع سنة وشوي بسبب الحمل والولادة
الحين ثالث اسبوع معاهم والحمدلله نزلت 3 كيلو
بس مشكلتي اني اخرررررربط ومااسوي اي رياضة
حياة زوجي اشلونها ؟؟
اليوم ريوقي صمونة فلافل بالطحينة وكوب حليب
الغدا : دجاج تندوري مع ماش بوتيتو بالاعشاب وخضار مشوية وفتوش وشوربة عدس
السناك : حلو الاوريو
العشا : همبرجر ووسلطة تايلندية
اشوفكم باجر ان شاء الله

 

[قطوووة]

عليكم السلام

نيرة حرام تخربطين < طاع من يتحجى :d

 

[فنار الكويت]

صبااااااااااااحو

مشكورة قطوه على التصحيح وهم أرد وأقول الله يعينه على الغلا نلحق على شنو ولا شنو

انا بإذن الله عزمت على كالوري كنترول انشالله بروح هالأسبوع اراجع وأدفع ونص 10 ابلش معاهم
​

 

[nono78]

غداي اليوم حده لذيذ من دايت كير

جكن كوردون بالجبنه ومعاه خضار سوتيه وميش بوتاتو

وسلطه مكس بيذيان ورمان ونخي وخس وبقدونس

سامحوني صورت وانا ميته يوع خخخخخ ماكله من السلطه

 

[قطوووة]

عاااافية

 

[نونة حبيبها]

مرحبا بنات
اخيرا اشتركت بدايت سنتر الخبر
راح ابلش معاهم من الاربعاء ان شاء الله بدون الويكند
بنات بسالكم لو فرضا بدون الويكند الخميس عادي بكون برا نصف النهار فباكل اكل صحي
بس الجمعة الغذا ببيت اهل زوجي عادة يكون رز ابيض وشوربة وسلطة مع سمك مقلي بس انا دوم احط لي صحن صغير انا وولدي فيه وماكثر عن سمكة ويمكن اقل بعد
تتوقعوا بياثر في وزني هالوجبة ولا ؟؟
متحمسة كثير واحس بوصل لهدفي قريب ..
ان شاء الله اقدر انزل وجباتي هنا

 

[فنار الكويت]

عنيد شجعيني ابي اشترك بالشركه اليديده تحمست حق نزول فانتا ستروبري
يعني لو بالاشتراك اربعه كيلو نزول وااااايد تمام تشجعت لما شفت نزولها كيلوين ونص باسبوعين ماشالله الله يتمم عليها
بشوف نفسي وباخذ موعد واقرر الخميس اي شركه اتجه بس شكلي بلحق على الخصم لان كالوري كنترول ماعندهم خصم

 

[نيرة الذهب]

هااااااي باك
اليوم اهو اليوم ٢٠ يعني باجر اخلص ٣ اسابيع ان شاءالله
نزولي مع التخربط وعدم ممارسة الرياضة ٢.٧٠٠ كيلو باخر موعد اللي كان الاربعا
موعدي الجاي الاحد وراح اكون تميت الشهر
على فكرة انا كنت من رواد الجزء الاول واشتركت مع دايت كير ٣ شهور ونص ونزلت والحمدلله ١٣ كيلو
قبل ٤ سنين جربت كالوري كنترول وصراحة سالفه المراجعه بالتلفون ماتعجبني والسلطات موذاك االزود
ونفس الشي لبعض الاكلات بعكس دايت كير
لذييييييذ
اليوم ريوقي ساندويش فيتا مع الزيتون والاعشاب
الغدا برياني ربيان لذييييييييذ مع سلطة خضرا بصلصة المايونيز والخردل
الشوربة عدس ( نادر مااغيرها)
الحلو تجيز كيك شوكولاته تحطيييييم

العشا
هامبرجر مع صلصة الباربيكيو وسلطة سيزر

 

[دلع طفوله]

نونة حبيبها انا مثلك نفس الشركه

دايت سنتر يلي بلخبر


انتي مع اي اخصائيه؟؟؟



الله يوفقنا

 

[عنيّد]

نيرة ذهب ،، الله يهداج الشركات بين سنه والثانيه تتغير ، وانتي من اربع سنين ;\
كل البنات الي اشتركوا معاهم الحين يمدحونهم ، حلو الواحد يتطور من السيء للافضل ^ـ^


فنار ،، رديت عليج بموضوع فانتا خخخخخخخخ

 

[nono78]

والله كلام البنات خوفني من عدم النزول مع دايت كير

بس وايد ناس اعرفهم انزلوا بال 15 و 20 كيلو

ولو كل اسبوع انزل كيلو انا راضيه

اتوقع الي ما ينزلون ما يلتزمون بالوجبات الي داخل البوكس ويخربطون

انا صراحه ملتزمه بالوجبات و4 مرات بالاسبوع اروح النادي العب لمده ساعه ونص مشي و قاري

والله كريم

 

[نونة حبيبها]

دلع انا ماراجعت اخصائية ..
انا اشتركت بدون مراجعات وبكرة اول يوم معاهم بس خوفي يتاخرون ..
بنطر ل 8 اذا ماجابوا الاكل بفطر لين مايجيبوا الاكل

 

[قطوووة]

بنااااااااااااااات

بعد ساعه مؤعدي ؤحايشني احباط رهيب جدا

خاصة ان باجر يخلص اشتراكي

احس اني منتفخه


نفسييتي زيرؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ


دعؤاتكم


طبعا صايمة انا



معنؤياتي جدا بالارض حتى افكر اني اكنسل اشتراك فرش دايت :eh_s(2):

 

[أإأم روويم]

بشري قطووة ؟؟

 

[عنيّد]

نونا ،، دام تسوين رياضه لا تحاتين انشالله بتشوفين نتيجة تعجبج ^ـ^

 

[nono78]

الله يسمع منج عنيد

وبشري قطوه

وعادي ترا النفسيه مرات تخترب من الرجيم

 

[ام حمد 85]

صباح الخير

 

[فنار الكويت]

صباااااااااااااحو بنااااااااااااات

قطوه بشرينا شنو صار معاج انشالله نازلة
​

 

[عنيّد]

صباح الخيرات


قطوه ،، انتي الي قلتي مراجعة كالوري كنترول كل اسبوعين ؟ :eh_s(10):
توني دقيت عليكم أأكد موعدي ، قالتلي كل اسبوعين او اذا تبين كل اسبوع عادي >>> انا مارتاح الا اذا شرفتهم كل اسبوع صراحه الحين ارتحت نفسيا


احم ، ابي وصف برج جاسم بالزززبط ، ادل صالة التزلج لما اكون بالطريق السريع وهي على يميني ، وبعدين ؟ :eh_s(22):

 

[فنار الكويت]

عنيد صالة التزلج على يمينج امشي شوي تلقينه على يسارج صوب الإشارة