شركات التغذيه منو احسن فيهم وجم نزلنى (الجزء الثانى وبالصور)

[فنار الكويت]

هاااااااااااااااااااااياااااااااااااات البنات اعتزلوووووو خلاص حياة زوجي اعتزلت الموضوع وبتجر البناااااات ورااااااااها​

 

[قطوووة]

انا ابشركم ؤصلت لشكل حيل راضية عنه

ؤاشتراكي مع فرش دايت بيخلص بعد اسبؤعين لاني ؤؤقفت اسبؤع العيد

ؤالحمدالله

 

[فنار الكويت]

لا زال مسلسل التخبيص مستمر وعقب باجر نرجع لقواعدنا بإذن الله​

 

[law love]

فنار لا تشترين ميزان الكتروني بسرعه يخترب و ما يضبط وزني بالصيدليه ولا نفس مال المستشفيات اللي تحركينه بايدج

 

[فنار الكويت]

مشكوره حبيبتي زين قلتيلي انا ميزان البيت زين. بس شككتني في اخصائية كالوري كنترول احس ميزانهم يزيد كيلو تقريبا عقب مااوزن بالبيت اروحلها احس اني زايده

اللي مشتركين بكالوري شرايكم بميزانهم مضبوط ولا لا

 

[قطوووة]

صباح الخير

شنؤ احسن نؤعية ميزان للبييت ؟:bbbiu:

 

[nono78]

صباح الخير ورجعت اليوم مع البوكسات وان شالله يبدا الالتزام خبصت بالعيد عالخفيف 

 

[فنار الكويت]

مساء الورد بنااااات

قطوه اخذيلج ميزان من سيتي سنتر واااااايد حلوين نفس مركز سلطان بس بنص السعر انا اخذتهم من مركز سلطان ب٥تقريبا وسيتي سنتر دينارين وشي

 

[shoshowoo]

شلونكم بنات انا بلش اشتراكي مع دايت كير ٢-١١ لي اليوم نازله ٢ كيلو الحمدلله انا لان وزني من النوع الي يثبت واي ترا بدون مشي لان توني والده وعندي يومين مخربتهم
ان شالله اشتراكي لي ٢٨ الشهر ولي رجعه عقب اسبوعين اعطيكم النتيجه النهائيه ان شالله

بالنسبه للاكل لذييييذ وحلو بس ماعجبني المربين زفر واللحم ذقت بس لحم مع صوص شي جذي وماعجبني بس غير جذي كل شي حلو ولذيذ صج يسوى
ماعرف انزل صور ولا كنت بسوي تقرير صغيرون او انزل صور بس ان شالله اتعلم وانزل لكم الصور

 

[عنيّد]

صباح الخير

عدنا مع عودة الدوامات :eh_s(16):

ماذكر عايدت عليكم والا لا > فيوزاتي ضاربه لاني معيده مع الفلونزا
المهم عيدكم مبارك

والأهم اني تبربس بالعيد كله ، لاحظوا مريضه وآكل ! بالضبط مكسوره وتبرد خخخخخخخ

وسحبت على هيلث كومباني ، مارحت دفعت ولا اشتركت اصلا لا انا ولا اختي مع ان كنا ثنتينا ناوين

قررت اني انهي عهد الاشتراكات مع شركات الوجبات ، خلاص برجع ع العبــــد والرجيم الشخصي
وباي باي للوجبات :eh_s(17): >> قرار مفاااااااجئ


خلأقرا اخباركم وارجعععع

 

[ام حمد 85]

صباح الخير

 

[عنيّد]

صباح الخير مره ثانيه


على طاري كالوري كنترول ، خلأقولكم زبدة تجربتي ، بما اني آخر يومين من الاشتراك كنت داخله بالفلونزا فتقريبا ماكنت آكل ومره بدلت غداهم بكوب عيش مشخول وروب
وللأمانه كنت اخربط يوم كامل بالاسبوع الي هو يوم الميزان "السبت" بس باقي الايام ملتزمه وأمشي ثلاث ايام بالاسبوع 45 دقيقه
ومن بعد اشتراك دام شهر كامل ، مارحت مراجعتي الاخيره وسحبت عليهم
بصراحه ماكنت اقدر يومها استأذن من الدوام وكان آخر يوم قبل العيد يعني ماكو مجال أأجل
المهم نزولي معاهم بأول ثلاث اسابيع كان 1.600 فقط لا غير ، ومع نهاية الشهر تقريبا نازله كيلوين او كيلوين وكسور لاااا أكثرررررررررر وهذا كان المجموع بالشهر كيلوين او كيلوين وكسور

اعتقد والله اعلم ان كالوري كنترول نفس دايت كير ، أكل حلو وراهي بس النزول مايبرد الجبد + الاخصائيات مو متمكنين "اخصائيتي ريم" + اسعارهم عاديه لا تغركم العشر دنانير الاقل لان باقي الشركات اذا سووا عروض بيكونون ارخص منهم
وغير هذا وايد عسرين بذوق الزبون يعني مايلغون أي شي من الوجبه الا بموااااافقة الشيييييييييف اذا تكرم عليج وقالج اوكي الغيه والا ردهم كالعاده ان السستم مايقبل ، مالت على هالسستم ، وبجذي يلغون الوجبه بكبرها ويبدلونها بوجبه ثانيه

كانت تجربه لا باس فيها ، الاكل كان حلو ، بس ماعندهم مرووونه بالتعامل من ناحية ذوق الزبون والنزول مايبرد الجبد صراحه :bbbiu:

 

[عنيّد]

ام حمد ،، صباح الخيرااات عاش من شافج :d

 

[ام حمد 85]

عاشت ايامج اشلونج عقب الفنونزا

 

[عنيّد]

والله الحمدلله ، للحين بقاياها الاخيره الله يعديها على خير ياكرهها


ها شخبار لوفات ؟ منو اخصائىتج ؟

 

[فنار الكويت]

حمدلله ع السلامه عنيد نورتي

البنات مادري وينهم صخه مالهم حس اليوم اول يوم مع هلث كومبني ومشتركه شهرين بس بشترك شهر والشهر الثاني برحله حق بعدين وبشترك مع لوفات او كالوري كنترول بس راح اغير الاخصائيه لو جددت بكالوري لانها ماتعجبني نهائي

 

[فنار الكويت]

عنيد ابي رايج شنو الفرق بين لوفات وكالوري كنترول ومنو الاحسن بالنسبه لج تقييمج جم بالميه لكل شركه

 

[توتا الكتكوته]

بنات بسألكم سؤال شفت موضوع اليوم وحده منزله عن

قشر القهوه شلون تسوونه مع الزنجبيل

ما اعرف يعني اروح للمطحنه ابن العميد مثلا لوول اهم شي

ما اعرف غيرها واطلب قشر القهوه وبعدين شلون اسويها

والزنجبيل البودره المطحون ؟؟

صج تضعف من جربتها ؟؟

 

[فنار الكويت]

قشر القهوه تلقينها بمطحنة سمراء عدن بشرق صوب دوار شهرزاد وبن العميد ماعندهم قشر القهوه

وماتوقع في شي يضعف صكري حلجج وبتضعفين عن تجربه

 

[ام محمد 20]

السلام عليكم جميعا للعضوات
بصراحة ابي اشتركم معاكم في الرجيم بس بدون شركات التغذية
انا اسوي اكلي بروحي دايت بس بنات صراحة ابي منكم التشجيع:ggdw: خصوصا اني صاحبة الوزن الاكبر في المجموعة 131 كيل:krkrkr:و +الطول 162

وعساكم علي القوة وانشالله ننزل بصحة وسلامة:ggdw::ggdw::ggdw: