شركات التغذيه منو احسن فيهم وجم نزلنى (الجزء الثانى وبالصور)

[فنار الكويت]

موفقه قطوه

من صجج اوقف أنا لو وقفت اصلا بزيد وجني ماسويت شي واذا تذكرون لما خربطت كل يوم بطاط وشبس اتوقع هذا يعتبر خربطة وكسر الرجيم شوي ونص كيلو مكسرات حب مخلط اكلته بيومين بإجازة راس السنة بس اعترف اني اخربط
​

 

[فنار الكويت]

الميزان اللي رجعته ويها حلو علي لأنه نزلني ،،، بس الثاني الي اخذته وأغلى قطيعة زاد وزني ويهه نحس

 

[فنار الكويت]

سؤال قطوه : ليش ماستمريتي تشترين وجباتج من الجمعية بسإلج عشان استفيد هل لقيتي الاشتراك اسهل لج واوفر ولا لأ

 

[الآنوثه الطاغيه]

فنار ...اي لحقت حبيبتي عطوني اسبوع مجانا ..بس انا رحت الاثنين ....
بس وصل اكلي 12ونص واعتذرو على التاخير




انا ايفون شلون انزل الصور حبيباتي

 

[قطوووة]

فنار اول شي لازم تفكرين انتي ليمتى مع الوجبات وجذي ..يعني ماراح تتمين طول عمرج عالبوكس
وانا ليلة راس السنه رحت مركز سلطان خذيت 3 او 4 وجبات مخليتهم غدا ..
ومستمرة عالرجيم المنزلي ..
ريوقي شي بسيط عادتا قهوة لاتيه تروبيكانا ..
وهالايام جربت بسكوت دايجستف اللايت البسكوته الوحدة 65 كالوري
وشريت لايت تركي من امريكانا .. مع توست اسمر وجبن لايت اخليهم ريوقي مرات او غداي او حتى عشاي ..

السناك كاكاو او فاكهه ..

والعشا خفايف او اي شي .. بس هالايام نفسي مااشتهي اكل مادري ليش

وترى احيان عادي اتغدا من اكل البيت بس اقلل الكمية .. واكل بشكل بطيء ..
يعني مو حارمة نفسي من شي .. والحمدالله نعمة

 

[قطوووة]

اي صح ترى اكل البيت مايفرق عن اكل الشركات
بس يبيله شوية وعي وتحضير
انا شريت بعد لوفات مايونيز ..
واخذ اقل من نص قفشه للسندويتشه

 

[الآنوثه الطاغيه]

بنات انا تريقت توسته وجبن معطيني على 12 ونص ...يوم جت 2وربع خذيت التمر حاطيلي مع لبن ....الحين الساعه 3 اتغدا ولا انطر مصدعه المشكله قاعده من 7 وما تريقت الا 12ونص بسبة تاخيرهم

 

[قطوووة]

لا عادي اكلي

وحاولي تشربين قلاص ماي قبل الوجبة بنص ساعه

انا صراحة ماكنت اهتم بالاوقات واجد

 

[فنار الكويت]

الانوثه الطاغيه
اذا موعاجبج شي من العشا تقدرين تختارين من الغدا انا وايد اسوي جذي
واذا حابه سلطه وحده بس مو سلطتين تقدرين تختارين فطاير صغار يونسون انا اخر اشتراكي سويت جذي وهم من الاسبوع الياي يوم السبت انشالله ببلش مع هلث كومبني وانشالله ينزل وزني يارب

قطوه موفقه حبوبه والله يتمم عليج الضعف وانتي بصحه وعافيه يارب وعليج بالعافيه الوجبات
​

 

[نور مغليها]

مرحبآ بنات ..
انا عندي سؤال بسيط .. للموظفآت شلونكم ويا الرجيم .؟
شلون تسوون رجيم !
بسررآحه مو عارفه ودي اسوي رجيم بس تعرفون البنات يقعدون يتكلمون ماله داعي وانتي ضعيفه ومادري شنو اذيه شوي وبنفس الوقت ما اقدر اني اسوي رجيم وما ابين لهم لأنو بتريق وياهم اذا اكلت شغلات دايت بيقولون ها رجيم ويه ماعندج سالفه
ماذبحج الا الرجيم
ف شنو تسوون انتو ؟​

 

[فنار الكويت]

مرحبآ بنات ..
انا عندي سؤال بسيط .. للموظفآت شلونكم ويا الرجيم .؟
شلون تسوون رجيم !
بسررآحه مو عارفه ودي اسوي رجيم بس تعرفون البنات يقعدون يتكلمون ماله داعي وانتي ضعيفه ومادري شنو اذيه شوي وبنفس الوقت ما اقدر اني اسوي رجيم وما ابين لهم لأنو بتريق وياهم اذا اكلت شغلات دايت بيقولون ها رجيم ويه ماعندج سالفه
ماذبحج الا الرجيم
ف شنو تسوون انتو ؟​

والله مادري شقولج من رايي اذا كنتي مقتنعه بالرجيم فمالج شغل فيهم وسوي اللي تبينه بس المشكله والله بالحنه بصراحه وهذي اللي مااحبه احنا ماناخذ من الدوام غير الملاحظات والنصايح السخيفه والحسد والعين عليج محد يخلي الثاني براحته ودامج قاعده معاهم لاتقولين رجيم قوليلهم اخفف من الاكل الصبح بس لان بالبيت وايد اخبص بالحلويات فيعني تعادلين او قوليلهم جسمج معبي ماي وتبين تنزلين الماي ،،،،،بصراحه متوهقه ماني عارفه شقولج الحمدلله انا اصد شوي عن الرايح والراد واتريق اول مااوصل الدوام ،،،، اكيد بتلقين سبب او عذر بس اهم شي انج مقتنعه للضعف والبنات بكيفهم هذي حريه شخصيه اتمني اكون فدتج شوي بس ياكثر الاعذار او قوليلهم انج تشربين نسكافيه بالبيت وسد شهيتج شوي ً،،،،اتمني اكون ريحتج وماقرقت

 

[meondiet]

شلونكم بنات كل عام وانتو بخير كنت مشغوله الفتره اللي طافت
ولهت عليكم

 

[فنار الكويت]

شلونكم بنات كل عام وانتو بخير كنت مشغوله الفتره اللي طافت

ولهت عليكم

وإنتي بصحة وسلامة وسنة حلوه عليج وين هالغيبة وبأي شركة حاليا نبي أخبارج

 

[قطوووة]

تم شراء 3 وجبات من مركز سلطان

دايت كير
كشري < ثاني مرة اشتريه عجبني

وكبسة سمك .. لذيذة

وحمص .. عجيب حبيته

ومهلبية .



وشريت دايجستف نوعين
لايت وبالالياف





والحمدالله

 

[حياة زوجي]

مرحبا صبايا
طبعا هذا ثانى يوم الرجيم القاسى وبصراحه انا امس مت من اليوع وخربطت
بس اليوم بقاوم والله يستر




حليب وكورن فلكس بالقمح

قطع فواكه

مرق سمك وخضار

قطع برتقال

بنكوتا بنكهة التوت البري

قطع شمام

هوت دوغ

 

[فنار الكويت]

حياة زوجي اكلج شويه واكيد بتيوعين حرام انتي دافعه فلوس والريوق حلاته سندويشات ونفس الشي العشا بصراحه ما ايد طريقتج وشي طبيعي بتخربطين حاولي من السبت تدقين عليهم ويعدلون وجباتج قلنا حرمان ورجيم بس مو بهالطريقه وانتي دافعه ٢٠٠ يعني حرام
انا من اليوم خربطه وباجر بعد ومن السبت بداية وجباتي مع هلث كومبني لان نزولي بايخ مع كالوري وبصراحه ناويه نيه شينه مع هلث ان استغني عن ايوم وترك وطبعا الحين الوزن معند بس انشالله خير

سؤال لو سويت زنجبيل مع دارسين وليمون وكمون حق نفخة البطن اي وقت اشربه قبل او بعد الوجبه ضروري اللي تعرف تفيدني ​

 

[!! شوق !!]

معوريني قلبي اكلت قطعت صاج وباجر بخبص بلز


شالسالفه الاغلب مانزل مع كالوري كنترول؟

 

[قطوووة]

فنار

الزنجبيل خليه عقب

شوق
ان خربطتي كنسلي واحدة من السنااكات

انا كنت اسوي جي:d

 

[فنار الكويت]

صباح الورد وجمعه مباركه

شوق اقولج شغله مهمه تري انا ماانكر اني خبصت بصراحه بالاكل بس ساعات لو اكلت شبس اكنسل سلطه مثلا وحتى لو كان الشبس الكالوري ماله اعلى فانا اخذ ١١٠٠كالوري من الشركه وهم لاتنسين اني مو متينه بس زياده شوي بالوزن علشان جذي الجسم يكون نزوله بطئ ويعند بس انا من الاول دهوني صعبه بالنزول مع اني هالشهر صرت امشي تقريبا ساعه وثلث يعني زدت اوقات المشي وحتى يوم الجمعه امشي وكمية الاكل مالت الشركه شويه الريوق والعشا الصمون شويه بس هم جسم عن جسم يفرق وكل اللي اعرفهم ينزلون كيلوين بالضبط مع كالوري كنترول لحد الان ماسمعت احد نزل حتى لو ثلاثه كيلو وانا بكل الشركات كنت انزل كيلوين بالضبط لان جسمي صعب بالنزول بس اكلهم حلو بصراحه​

 

[نور مغليها]

والله مادري شقولج من رايي اذا كنتي مقتنعه بالرجيم فمالج شغل فيهم وسوي اللي تبينه بس المشكله والله بالحنه بصراحه وهذي اللي مااحبه احنا ماناخذ من الدوام غير الملاحظات والنصايح السخيفه والحسد والعين عليج محد يخلي الثاني براحته ودامج قاعده معاهم لاتقولين رجيم قوليلهم اخفف من الاكل الصبح بس لان بالبيت وايد اخبص بالحلويات فيعني تعادلين او قوليلهم جسمج معبي ماي وتبين تنزلين الماي ،،،،،بصراحه متوهقه ماني عارفه شقولج الحمدلله انا اصد شوي عن الرايح والراد واتريق اول مااوصل الدوام ،،،، اكيد بتلقين سبب او عذر بس اهم شي انج مقتنعه للضعف والبنات بكيفهم هذي حريه شخصيه اتمني اكون فدتج شوي بس ياكثر الاعذار او قوليلهم انج تشربين نسكافيه بالبيت وسد شهيتج شوي ً،،،،اتمني اكون ريحتج وماقرقت

حبيبتي فديتج والله تسلمين وما قصرتي ومآكو الا إني اطنش ولا ارد عليهم
مشكووره :eh_s(7):