.::" شرح كامل للحصول على صورة عالية الدقة و بالوان رائعة (روتوش) "::.

[بنت عبدالغني شربت]

شلونكم بنات انا وحده ميته واعرف حق الفوتوشوب وتغير الصور سويت سيرج ولقيت هالموضوع يهبل عجبني والصراحه جزاه الله الف خير صاحبه لاني واخيرا انحلت عقدتي وراح انقل لكم الموضوع علشان تستفيدون وان شاء الله انبدع ونحط تطبيقاتنا طبعا بعد اذن جااايونه لانه موضوعها قبل وبعد نفس الموضوع بس انا حطيت خطوات سهله حق الي ما عندهم فكره زي حلاتي :ggdw:

صورتك غير واضحة؟!
مظلمة ؟!
الألوان غير طبيعية؟!
لون الصورة فاتح ؟!
كبرت حجم صورتك بس النقاء و الدقة نزلوا لأدنى مستوى؟!
و تبي صورة عالية الوضوح و الدقة ؟!
اذن انت في المكان الصحيح ...
خدمة بسيطة و مهمة في نفس الوقت
مهمة الى درجة انها تاثر في جمال تصميمك تاثير اكبر مما تتصور
وايضا تقدر تزيد جمال صورك المصورة بالكاميرا بهالادوات و الطرق السهلة (روتوش)
شوف الصورة التالية:

بشعة صح؟!
طبعا بشعة لأن:
1-الوانها غامقة
2-غير دقيقة و على شكل بيكسلات (مربعات)
3-باهتة
والان شوف نفس الصورة بعد عمليات التجميل ^_^

1-الألوان فاتحة و مشعة
2-صافية و نقية
3-عالية الوضوح
هذي نتيجة كم فيلتر و كم عملية سهلة و وقت قليل ليس الا

طبعا احب اذكر انه هالعمليات اكثر شي تحتاج للمهارة يعني نجاح الطريقة تنطبق بنسبة 50% على مهاراتكم و الطرق كلها خبرتي الشخصية ( احم احم)

اول شي خل اشرح لكم الأدوات اللي راح نستعملها
و راح اشرح القوائم الموجودة باصدار فوتوشوبCS


قائمة Image>Adjustments
(لتغيير الألوان و درجاتها)



<<Curves>>
يضبط درجة الألوان و يجعلها (غامقة / فاتحة)


<<CoLor Balance>>
يقلل او يكثر من درجة الالوان ( الألوان الرئيسية: احمر/ازرق/اخضرRGB(
و الوان مثل: الاصفر / البنفسجي / التوركواز

<<Brightness/Contrast>>
يشبه الى حد كبير ال Curves بس استعماله اسهل


<<Hue/saturation>>
يتحكم بدرجة الألوان يقلل و يكثر من درجة الالوان و تقدر تتحكم بلون الصورة و تحولها الى لون واحد بدرجاتها من خلال تفعيل خيار
Colorize
<<Match Color>>
بدل تبديل الصورة الى لون واحد تقدر تقرب الوان الصورة الى لون معين و هذا يضيف تاثير احلى من الخيار السابق

<<Replace Color>>
انا شخصيا استخدمه اكثر شي لجعل الوان الصورة فاتحة و اظن انه افضل خيار لتفتيح البشرة او الشعر


<<Selective Color>>
يشبه Color Balance
بس عنده خيارات اكثر و تقدر تقرب الصورة الى أي لون تريده


<<Channel Mixer>>
يزيد و يخفف الالوان الأصلية بكثرة يعني يتغير لون الصورة تغيير كبير

<<Photo Filter>>
يزيد تاثير لون معين بس بشفافية قليلة و تقدر تتحكم بشفافية اللون مع هذه النافذة اكثر من أي اداة اخرى


<<Shadow /Highlight>>
نافذة صغيرة بس بتاثير رائع جدا
فمن خلالها تقدر تزيد الشادو او الظل في ناحية و تخففها في ناحية اخرى من الصورة


<<Variations>>
واريشنز او واريانس
نافذة رائعة بس صعبة الاستعمال
من خلال الضغط على الصور الموجودة في اطراف الصورة الأصلية تقدر تشوف نتيجة تغيير الوان الصورة

و اخيرا و ليس اخرا انتهينا من شرح النوافذ و الخيارات الموجودة و الأكثر استعمالا في قائمة Image > Adjustments
لتغيير الألوان و درجاتها
و الان باقي لنا زيادة الدقة و النقاء





الفلاتر Filter
طبعا الفلاتر شي مهم في حياة كل مصمم فوتوشوبي ^_^
و اليكم بعض الفلاتر اللي تنفعنا في هالمجال :
.:: ( قائمة Artistic )::.
عندنا
Paint Daubs
و Poster Edges
يجب استخدام هالفيلترين بنسبة قليلة لأنه تاثيرهم قوي جدا على الصور


.:: ( قائمة Blur)::.
و تشمل
Gaussian Blur
و Smart Blur
لاستخدام الفيلتر الأول لازم تحدد الأماكن المراد تطبيق الفيلتر عليه بواسطة أي نوع من انواع ادوات التحديد ( اقترح استخدام العصا Magic Wand Tool)
و الفيلتر الثاني أي ال Smart Blur
استخدامه سهل و تقدر تغير اعدادات الخيار السفلي في النافذة : Threshold
حسب الحاجة ^_6





هناك فيلتر اخر لاضافة الاضاءة في قائمة Render
و هي Lighting Effects
بس اظن بوجود ادوات قائمة الايمج اللي شرحناهم في البداية ما تحتاجون لهالفيلتر



و الآن خلونا نبدا بشرح بعض الطرق و الأمثلة عن كيفية استخدام الأدوات المشروحة
اخترت لكم في هالفقرة الطرق السهلة اللي تعطي نتائج مذهلة

 

[بنت عبدالغني شربت]

.::" المثال الأول "::.

مثل ما انتو شايفين الدقة و وضوح الصورة مناسبة بس اللألوان باهتة و غير ملفتة للنظر
اول خطوة اعملها هي تفتيح الألوان
و ذلك بواسطة نافذة Brightness/Contrast
ماراح اكتب الاعدادات لأنه كل صورة عندها درجات خاصة من الألوان و يمكن اعدادات الصورة اللي استخدمها تختلف عن اعدادات صورتكم
فبالنهاية انتم لازم تختارو الاعدادات الأنسب

لعبت بالاعدادات حتى تطلع لي النتيجة اللي ابغاها
الحين الألوان صارت فاتحة طيب ننتقل ل Replace Color
و احط اللون الأسود في المربعين مع تفعيل خيار : Image
و ازيد اعدادات الخيار: Fuzziness
علشان احصل على ظل داخلي خفيف للصورة:

ماتبين وايد...
المهم
في المرحلة الثالثة ننتقل ل Shadow/Highlights
,و تلاحظون مع اضافة اعدادات ال هاي لايتز ( زيادة الأمونت Amount)
كيف الظل الخفيف اللي عملته وصل لأطراف الصورة

بالنهاية استخدم فيلتر Paint Daubs
مع وضع الرقم 1 في كل مربع في نافذة اعدادات الفيلتر
لأنه مثل ما شرحت بالبداية تاثيره كبير على الصور و احنا نبي تاثير خفيف من كل اداة
النتيجة النهائية:

 

[بنت عبدالغني شربت]

.::" المثال الثاني"::.

مع هذه الصورة ساشرح طريقة استخدام فيلتر Gaussian Blur
اول شي لازم نحدد الأماكن اللي نحتاج تكون صافية مثل الوجه:

و هذا يتم بواسطة ادوات التحديد
افضل اداة لهالمرحلة هي ال Magic Wind Tool
(ملاحظة : كل ما كان ال Tolerance اقل التحديد راح يطلع ادق)
و الحين نستخدم الفيلتر :

لاحظوا كيف البشرة صارت صافية و بدون عيوب
النتيجة مع اضافة القليل من فيلتر Paint Daubs و تفتيح الألوان

 

[بنت عبدالغني شربت]

.::" المثال الثالث"::.
احيانا تكون الوان الصورة بدرجات غامقة جدا

نقوم بتفتيح الألوان بواسطة Shadow / Highlights
بس زدت Amount ال Shadow لأنه هدفي تفتيح الألوان و هذا الخيار يخفف او يبعد الظل عن الصورة :

و الان نبي الوان زاهية و ملفتة للأنظار
مع ادوات مثل Match Color
و Color Balance
الألوان صارت احلى

نقدر نوقف و نحفظ الصورة او نضيف تاثيرات خفيفة اخرىمثل ال Paint Daubs

 

[بنت عبدالغني شربت]

.::" المثال الرابع "::.
هنا ساستخدم فيلتر
Poster Edges



على صورة جاهزة (ما تحتاج لتغييرات)

اول شي ناخذ نسخة من الصورة عن طريق Duplicate Layer

ثم نطبق الفيلتر و انا استعملت الاعدادات التالية
Edge Thikness = 0
Edge Intensity = 0



Posterization = 6

مع انه استعملت اقل الاعدادات الممكنة بس التاثير طلع كبير عالصورة
علشان كذا نخفف شفافية اللاير المنسوخ من الصورة الأصلية

الحين نقدر نسميه تاثير خفيف ^_^
.:.:.:.:.:.:.:.:.:.:.:.:.:.:.
هذه كانت امثلة و تطبيقات عن بعض الأدوات اللي شرحتها
و اضفتهم بس علشان تتعرفوا اكثر على الأدوات و كيفية تحويل الصور الى اروع مما كانت
و لا تنسوا كلما كانت الصور المستخدمة في تصاميمكم صافية و واضحة
كل ما كانت البطاقة او التصميم اجمل
تعبتكم وايد معاي بس ان شالله استفدتم
^_^

 

[بنت عبدالغني شربت]

الحين احطلكم تطبيقي عشتو :ggdw:

الصوره غيرت الوان تكرمون الجلب ولاحظوا لسانه وغيرت الاضائه وهذي اول تجربه لي لانه انا ما استوعبت الا من هالدرس


قبل



بعد

 

[بنت عبدالغني شربت]

وفي صوره ثانيه بعد

بعد

غيرت لون الزرع الي بالزاويه ولون الخشب ولون الحيه ورفعت الاضاءه يا عيني علي :dddds:

 

[ام مهودي]

يعطيييج العافيه شربووته موضووع روعه وان شالله بحط تطبيقي

 

[بنت عبدالغني شربت]

الله يعافيج يا ام مهودي ناطرين ابداعاتج

 

[ام مهودي]

هذا تطبيقي
قبل


بعد

 

[بنت عبدالغني شربت]

يا حلالات الحصان ام مهودي بس يبيله قبل احلى من بعد هههههههههههههههههه بس هم حلوووووووو :ggdw:

(--- شوفي من يتكلم يه يه يه

 

[zoozoo]

يعطيج العافية روعة

 

[xxx]

مشكورة شربوت على الدرس المفيد

 

[بنت عبدالغني شربت]

العفو بنات وحياكم الله

 

[MassComm]

مشالله خوش شرح
يعطييج العافية

 

[بنت عبدالغني شربت]

الله يعافيج حبوبه

 

[digital]

عجيييييييييييييب


ماشاء الله ودي اتعلم ششلون اصلح الصور

 

[طوق البنفسج]

رووعه خوش درس

ام مهودي .. انا عندي قبل احس الانه بعد صار جسم الحصان برتقالي جنه تكملت السرج ..

هذا مجرد ملاحظه و ان شاء الله التجارب اليايه احلى

 

[غروري ضروري]

روووووووووووعه

تسلم ايدج

 

[NoWay2know]

مفيد وايد موضوعج
يعطيج العافية