شرت كفر بـ95ولقته بمكان ثاني بـ35 والله قهر(( عطونا تجاربكم ومواقفكم خلونا نستفيد ))

[noni07]

حنا في الرياض عندنا محل اسمه الهرم فظيع خرب لى لعالم اول ما فتح من عشر سنين كانت احلى البجامات وقماشها روعه ما تزيد عن 20 ريال يعني اقل من دينارين والله اني شاريه من السيد 100 ريال ولقيته ب15 ريال او اكثر شوي اللحين رفع اسعار البجامات بس بجامات الأطفال ب10 و15 خياليه وحتى مثل بجامات تامي بالضبط وأخرها شاريه النعال الزبيريه ( النجديه 50 بعد التخفيض ريال هو يبيعها 20 وفيه شي عندنا اسمها المعارض المتنقله بعض البنقلاديشين ييبون استوك نكست ومذركير واh &m ب10 و15 و20 ريال تجنن وغسيل ولبس وموديلات جديده موقديمه

صاااجه والله

عاد اللي يروح الشرقيه يلقا الهرم بالدمام مادري الخبر حداهم .. المهم ونفس بضاعته طابا بس عيب طابا ان بضاعتهم وااجد ومكدسه وماتشوفين الزين من الردي

انا رحت لمبارك اللي بعنيزه .. ماكنت ابي شي بس طلعت منهم وخااامه الاكو والماكووو :dddds:

والشي اللي يغث .. ان المحلات الشعبيه اللي هناك احلى وارخص مليووون مره من المحلات اللي هنيه

 

[فرفورة2]

اي والله قهر من قلب

ذاك اليوم قاعدة اسولف حق رفيجاتي عل هالموقف هذا اللي صار فيني من القهروالحرة
شريت مرة جنطة شانيل وبوكها من سلمان الدبوس اللي بالفحيحيل على 15 دينار تقليد طبعا بس تهبل وبيوم من الايام وانا رايحة بسوق الديرة وبا امر محل جناط جان يشوف راعي المحل جنطتي كان يقول هاذي ما خذتها من عندنا قلتلة لا من الفحيحيل جان يسأبني بجم قلتلة الصج ب15دينار مع بوكها كان يضحك ويطلعلي نفس الجنطة وفي منها كذا لون سألته بجم
قالي 5دنانير بس ومع البوك ب7دنانير
اخترقت اعصابي وذاق خلقي اشوي وابجي بعدين فلت الخمدالله ب15 مو اكثر كان انفجرت من القهر

 

[موزة ام فارس]

طبيعتي ما اركض ورا المسميات للمحلات

أو ماركات معينة هابين فيها الناس

اللي يعجبني بالسوق حتى لو محلات رخيصة اخذ منها
وازيد عليها من لمساتي واريح لي بال

بعدين اسمحوا لي الكويت مو ثقة بهالسوالف ولا عند تجارنا مصداقية أبداااا الا من رحم ربي
كل من هب ودب حطله محل وماركة معينة وهو يايبها من الصين

فـ من جذي ما أصدقهم كلش

 

[زوجي غرامي]

ابي اصدمكم حييييييييييييييييييييييييييل
عيل شرايكم وحده شاريه قميص من العثمان ب 80 دينار ( هذا الفسق )
وفجأه رايحه المحاميد اللي بخيطان بعد ها وله نفس القميص
اخوووووووووووه والخامه خامته وطيررررررران خذيته >>>>>>>>شوف اللعانه
وله بجم











ب 500و3
بثلاث دنانير ونص





اللـــــــــــــــــــــــــــــــــــه اكبر


ماتت من القهر انجلطت المسكينه



الحريم بسرعه ينقص عليهم

 

[legally blonde]

انا اشطر منكم والله اروح اشوف البدله اذاااعجبتني حيل وسعرها غالي اقول لها عطينياها بقايسها واوديها بغرفة القياس واصورها بتفاصيلها حته حته واروح اشتري الخام واخيط نفس الموديل وانا اللي ربحانه واحرص اني اخذ الخام نفسسسسسسه بالظبط يعني البدله سعرها مثلا 100 انا اخيطها تطلع لي 30


والعطورات اشتريها من الهندي بحوش السالميه انشف ريجه واطلع له قرون اكاسره واشتريها بدون كرتون وتطلع لي ارخص وايد من سعرها الاصلي بس موكل العطورات الاقيها جذى بعضها

والكفرات والشراشف والمفارش ماكو علي المحاميد والميقات دوم اخذ منهم واغير الكفر كل شهرين منها اغير ديكور غرفتي ومنها الكفر سعره موغالي ماتحسف عليه حتي المناشف اشتريها منهم

قمصان البيت احرص بوقت التنزيلات اشتريها من الطاهر بعضها اللي اشكالها غريبه والبجامات من المعلم .........صيروا شطاااااااار ولاتقطون فلوسكم قبل ماتقارنون بالاسعار

تعرفين خياط شاطر يضبط الموديلات؟؟

 

[legally blonde]

انا شاريه كفر ولادتي من صفاة الغانم ب120 دينار والاذاك اليوم اتمشى عند بلال بلازا في الضجيج والا الاقيه مرتز ب26 وتاخذين عليه هديه كفر مجاني
ومره خذيت كفر من بلال بلازا ب 26 تقريبا والا الاقي اخووووووووووووه بالافنيوز عند محل الاثاث الي يم البيت المغربي رازينه ب92 بالسيل الصراحه قهررررررر بس جان زين نتعلم هم نشتري

هذا شنو بلال بلازا؟
بالضجيج اي صوب؟
يبيع كفرات بس وللا في اشياء ثانيه؟؟

 

[legally blonde]

و السؤال الاخير
المحاميد و خان الخليلي وين مكانهم ؟؟

 

[كل الغلا زوجي]

الموضوع وايد حلوو بنات تصدقون بنات إنني احس بالقهر البارح كنت بسوق اليمعة الحراي جان ألاقي جوتي بدينارين وشارينة ب 18

لا يوقف بنات خلونا نصير اشطر منهم ترا والله مو بالساهل الفلس نحصله كافي قومة الدوام الصبح ....

والله ما يحب المسرفين ....


لا يوقف

 

[meen_ana]

نااطرين كل شي يديد لا توقفوون بنات

 

[meen_ana]

الموضوع وايد حلوو بنات تصدقون بنات إنني احس بالقهر البارح كنت بسوق اليمعة الحراي جان ألاقي جوتي بدينارين وشارينة ب 18

لا يوقف بنات خلونا نصير اشطر منهم ترا والله مو بالساهل الفلس نحصله كافي قومة الدوام الصبح ....

والله ما يحب المسرفين ....


لا يوقف

تصدقين من فترى طااق في باالي اروح سوق اليمعه بس اتمشى
يقولون في شغلات حلوة :eh_s(6):

 

[bobo lover]

صراحة لليحين ما مرت علي هالمواقف // لأني الحمدلله أسأل و أفتر بالسوق قبل لا أشتري

 

[فوق الكل]

يآآآآآآآكثر ماتصير معاي واقرب مثل شريت كتب بـ 70 والله اختي شرت نفسهم بالظبط بـ 12 بالله شوفوا يعني حتى مو نص السعر
وعلى البدلات شريت تنوره والله مااتذكر بالضبط من اي محل بـ 75 وبعد فتره لقيتها بماكس والله بـ 7 من كثر ماانقهرت عليها كرهتها وماقمت البسها
العوض من الله

 

[بنوـوتـه قمـر]

هالمواقف ما اعتقد رااااح نفتك منها ...

والله انا اشتري اي شي يعجبني وبدوووووون تفكير

وبالأخير يبقى بقراطيسه وما استخدمه ...

وياكثر ماتصير فيني هالسوآلف فرق الأـسعااار ...

 

[ملح بدويه]

صج نصب عيني عينك

 

[روعة خيال]

بيـــــــــــــــــــــه شكثر يحصلي هالشي

انا وقت تجهيزي بنفاسي شريت كفر راااااااااااااااااقي من سيرز بـ 65 ديناار لقيت نفسه copy paste بـ 15 ديناار بالشاهبندرر
تمكيجت بحنان دشتي ب 65 ديناار و حماتي نفسه بالضبط (ماخذين نفس الصورة) و احلــى بـ 20 ديناار
شريت همن بتجهيزي شفاط الحليب بـ 21 من صيدلية غدير بالجابرية و خالتي شرت نفســـــــــــــــــــــــــــه بـ 75 من الغانم
رفيجتي عندها ساعة اجنرب 1050 ديناار و عند عمتي نفسسسسسسسسسسسسسسسسسسسها بالضبط ب 8 دنانير من الصين (هذا اللي صدمنــــــــــــــــــــــــــــــــــــي)

و البقية تأتي

 

[legally blonde]

صارلي جم يوم اروح السوق و اخاف اشتري
تعقدت عقب ما دخلت هالموضوع

 

[meen_ana]

بناات نااطرين كل شي يديد خااطري بملابس الطلعه والقمصان الطوال

 

[رشيقه]

حلو الموضوع كملو بنات

 

[بحرينيه كول]

والله انا تصير لي اكثر شي مع اليهال اشتري من الماركات مثل bhsوماذركير ونكست وغيره واخرتها نفسه شي القاهم في ماكس ارخص بوااايد وبعدين انصدم الحين بس بشتري من الماركات في التخفضات والايام العاديه من ماكس وربعه
والله انتو يااهل الكويت شحلات سوقكم من سوق الجمعه والمحاميد وربعه وخاصه لملابس البيت صج فله

 

[legally blonde]

اليوم شريت من ترليوفاليو جرس للخدم (عشان اذا راحوا الحوش وللا عند حمولتي أدق الجرس و يكون بمخباتها تسمعه و تييني)
خذيته من تروفاليو ب 2,600

صدفه رحت رامز و لأول مرة اروحله

جان القى نفس الجرس و نفس اللون و الماركه و الغلاف
اهوا اهوا الجرس نفسه بس ب 900 فلس


و لقيت علب البهارات ب دينار و كنت شايفته ب6 دنانير عند محل المواعين اللي بسرداب محمع الايوب