شرت كفر بـ95ولقته بمكان ثاني بـ35 والله قهر(( عطونا تجاربكم ومواقفكم خلونا نستفيد ))

[^كويتية^]

امبيه وحده تصيرلنا جذي شارية بدلة سهرة من العثمان بـ 300 وشي والسعر محدود.. أبد طلعت من المجمع راحت محاميد حولي بتشتري شغلة ولا نفس البدلة نفس الليبل نفسها اختها من امها وابوها معروضة بالمحاميد على الدري ..!!


ردت العثمان على انها بتردها .. بس خلاص طاحت من عينها !!
ما رضى جان تمسكه على صوب وتفهمه وردلها فولسها بالتمام والكمال !!

 

[{.تخُفي غلآإهُـآإ ..!]

وكريم ماجك للتبييض الاقيه عند الفلبينيه في سوق المتحده بـ2ونص ووحده تشتريه من مره تبيعه عندهم بـ8 دك

انا اشتريه من فلبينيه ب 7

وين هذا سوق المتحده ؟؟

 

[((سعوديه بالكويت))]

انا اشتري اغراض من السوق بنص ودينار والاقيهم عند بو مية فللس

 

[مزيونه وشقره]

شكرا للمشاركه

مع تحياتي يا حياتي

مزيونه وشقره​

 

[الريان]

انا خبرتي اصعب اشتريت دراعه لتجهيز عرسي ب120 دينار وقصتها عاديه وسيده بس عجبني خامها وبعد العرس مريت سوق الجمعه لقيت خامها بربع دينار واهي حالفتلي ان الخامه من بره.......

 

[رفرف]

وانا شريت بدلة حق بنتي من بنت بالنت ب15 لقيتها بفاشن مل ب6 وشي !!!!

 

[GAP]

وااااااي شقول شحجي لو بقول بذكر وببجي
وايد وايد ينقص علي بس الحمدالله على كل حال

 

[امون حبيبة زوجها]

انا شريت كريم ماجك ب4ونص لقيته عند احمد المغربي ب2ونص
ولوشن ماجك الصغير شريته ب5ونص لقيته ب2ونص

 

[عنايد]

رفرف صاجه بغيت اشتري هالبدله واشواا لقيتها بمجمع منيره وخذيتها وازيدج من الشعر بيت نزلت حق فاشن مل تحت عقب ماشريت البدله لقيتها ارخص بنص دينار بس قلت مايسوا اصعد له مره ثانيه وابدلها عشان نص
بنات تكفوون قبل لاتشترون اي شي من دبنهامز او زارا روحو الجوهره او فاشن مل او سنا مره شاريه بدلة بنتي من زارا مركبه بلوزه مع برمودا جينز جان تقول لي اختي هذي من الجوهره قلت لها لا والله من زارا جان تقولي روحي شوفيها بالجوهره تصدقون رحت للجوهره مشوار مخصوص عشان اشوف البدلة جان القا البدي اخوه ولد امه وبوه وبسعر اقل ومره شفت بدلة بدبنهامز بغيت اشتريها حق بنتي بس ترددت البدي بروحه ب7 والبنطلون جنه كان ب7 او8 المهم رحت لفاشن مل والله يابنات نفسها بالضبط لاتقولون لي الفيشنج مو نفسه لا نفسه بالضبط والبدلة كلها ب7 تخيلوووو
ومره قاعده اتمشا بسناء جان اشوف بدي نفس بدي بنت اختي ماخذته من برومود ب13 يمكن بس البدي اللي لقيته حق اطفال وبرومود ماينزل اطفال جان آخذه حق بنت اختي الثانيه عشان احرررهااااااا خخخخخخ
عشان جذيه تكفووون قبل لاتروحون للسوق مروو فاشن مل والجوهره
ايه تذكرت شي بنت حماي شاريه بدلة سهره من جده بحدود 40 دينار خالتها شايفتها بزهره ب250

 

[عنايد]

ايه تذكرت شي تحسووون ناصبين علي لين قالو بس خخخخخخخخخخخخخخخخخ
<<<< قلبها مترووووسه
مره خذيت من الفليبينيات اللي بالايوب تحت شباصات حق بنتي حق الروضه يشوووقووون عاد تعرفون شغل الفليبينيات مرتب والشباصه نفس الباند نفس الكليبس يعني شغل مرتب واقعد اقش حق بنتي شي بنص وشي بربع يوم رحت للمباركيه تخيلووو
وين لقيتهم عند ابو امييه انا انصدمت ان ابو اميه يجيب هالمستوا تخيلووو من الحره جان آخذ منهم << زين انتي ماخذه من قبل ليش عااد ؟؟خخخخخخخخخخ

 

[حرير]

عادددددي..........شبعت من هالسوالف وساعات الحمدلله اتردد في شغله والقاها في مكان ثاني ارخص....

 

[وسن 11]

اي والله قلبها متروسه سامعه هلكلمه لووووووووووووووووووول


يسلمووووووووو عنايد

 

[أم زياد]

والله شوقتوني ..أروح فاشن مل ...

فتحتوا عيوني صرااااحة

أكيد مقصوص علي وااايد لأني ما أحوس وعلى المحلات المعروفة

 

[سويتي الحلوه]

ايييييييييييييييييييييييييييييييييييييييه


صارت بس شنسوي شنسقول
غير حسبي الله ونعم الوكييييييييل

 

[ورد الاوركيد]

مزيونه وشقرا اشلونج حبيبتي
تصدقين يا كثر ما تصير فيني
مره شريت ساعه ب 120 ولقيتها بمكان ثاني ب 35
ومره شريت بدله ب 60 تخيلي بالتنزيلات صارت 10
وعادي تصير فيني اشكثر مع اغراض عيالي
ومره شريت كفر ب 200 ولقيته ارخص بوااايد بمكان ثاني
؟؟؟؟؟؟؟؟؟؟؟؟؟؟؟
بس ميخالف نتعلم:eh_s(10):
هههههههههههههههههههههه

 

[سبائك]

والله وحده تسولف علينا تقول في بنات اييبون بدل ودراريع من الهند

من المصمم الهندي(رنا) تحلف تقول شفناهم هناك بالهند ما يتعدون40 و50 دينار

وربعنا هني يبيعونه على 400 و500!!!!!!!!!


وانا من فتره رايحه ليلى جاليري ودشيت محل الخطوه المريحه

شفت جنطه عجبتني يوم مسكتها جان يقول لي البياع ترى كانت ب130 صارت ب30!!!!!!!

وجوتيها كان ب140 صار ب40!!!!!


يعني شنو تنزيلات تطيح 200 دينار مو شويه ترى

واتوقع ربحانين فيها بعد

 

[ام الدلال]

والله بنات كل كلامكم عدل الناس اهي اللي شجعة التجار كنت اول اشتري علي طول من محلات معينه حق عيالي او حقي وبعدين ينقص ويهي لما اشوف احد لابسه بنص السعر والمصيبه لما رحت كولومبو وشفت الماركات ملابس بس واسعارها حلفت بعد ما اشتري من هالمحلات بس ادخل واطمش لانه والله حرام حرام حرام وحتي بالكويت لازم ما نشتري الا بالتنزيلات وانشالله نستفيد:eh_s(15):

 

[مزيونه وشقره]

مواقفكم قويه قويه


مع تحياتي يا حياتي

مزيونه وشقره​

 

[ملاك هدية]

مزيونه وشقره
الموضوع حده عجيب وتفاعل البنات حلو
قريت كل الردود واعجبتني
طرحج للمواضيع يعجبني
مشكوووووووووووووووووووره

 

[مخلط العودوالعنبر]

بالنسبة للأخت السائلة عن مكان (ماكس)حولي : حولي شارع تونس مجمع البحر



الموضوع قيم ومفيد


​