شرب الماي وقت لنفاس

[q8 knosha]

السلام عليكم بنااات

شلوونكم و شخبااركم..؟

اليوم وانا طالعه مع بنت خالتي ولا تقولي سالفة رفيجتها انها صارلها فتره من يوم طلعت من الاربعين زين وان هل بنت بنفاسها كانت واايد تشرب مااااي فصارت وسيعه من تحت بسبة الماي!!

مادري انا مادشت الفكره براسي لان ماي يعني اذا مافادج ماعتقد بيضرج والكل ينصح فيه...


بس سؤالي صج انا كثرة شرب المااي وقت لنفاس يخلي الوحده وسيعه من تحت؟؟​

 

[لولوه1]

رد : شرب الماي وقت لنفاس

هههههههههههههههههه ما دري والله
اول مرة اسمع بالسالفة
سالي دكتورة وتأكدي
*_*

 

[miss-winter]

رد : شرب الماي وقت لنفاس

لا شكو الماي معروف يغسل جسمج من داخل عشان تبولين وانتي بكرامه وايد ينزل السموم من الجسم

 

[Tender Heart]

رد : شرب الماي وقت لنفاس

سمعت جذي بس مادري اذا صح ولا لا ..

 

[q8 knosha]

رد : شرب الماي وقت لنفاس

مشكووره مس على الرد ..

 

[نبرمان]

حبيبتي

حريم قبل كلش مايشربون ماي .. ويقولون انه يخرب الحرمه !!

اختي مسجيينه كات اول نفاس ابيتنا وكانت تشرب مااااااااي بالحسره عن خاطرها بس

واسم الله عليها طلعت زينه


انا بنفاسي اشوي تطورنا هههههههههههه وكنت اشرب ماي بالهبل لاني ارضع و وااايد اعطش وصيف

ومافيني الا العافيه والله نفاسي كان واايد زين


وللمعلوميه .. الحرمه اصلن الخراب فيها يبدأ بعد النفااس باربع وست شهوور وطاااااالع

يعني مو بس تتنفسين بهلفتره وخلاص ماتخربين ؟ حطي ابالج كلللللللللللللللل دوره تاخذين ادويه مثل نفاس

لانه ايقولج من كلام يدتي انه كل 3 دورات ورا بعض جنها نفاس : )


والله يسهل لج يارب

 

[q8 knosha]

رد : شرب الماي وقت لنفاس

سمعت جذي بس مادري اذا صح ولا لا ..

ايه مو عشان جذي انا قاعده اسأل بتأكد

 

[q8 knosha]

رد : شرب الماي وقت لنفاس

مشكووره نبرمان على المعلومات الحلو

 

[chokolatah]

رد : شرب الماي وقت لنفاس

يمكن المقصود الموية الباردة
لأن اللي اعرفه المشروبات الباردة تخرب الحرمة سواء بالنفاس او الدورة ..

 

[*Little**Angel*]

كلام فاضي

انا توني طالعه من النفاس تبارك الرحمن الحمدلله ولا اروع
واحسن من قبل حتى

وكنت اشرب ماي عادي بس مو بارد

 

[_Pure_]

ههههه

خرابيط اهم شي و شرب الماي بكثره بالنفاس وايد مفيد
حجي حريم اول انا مو مقتنعه فيه

 

[سبيجه الروضان]

امبيه انا نفاس وصارلي اليوم 12 يوم وطايحه بالماي بس امي تعطيني دافي وتقولي شربي عصيرات وماي بس يكون موباردين وهذا اللي اعرفه تكفون مانبي تخرع بروحي احاتي نفسي شلون بكون خصوصا اني بجر وهذي اول ولاده لي وماشالله الياهل يرضع من صدري واحس اني انشف وابي ماي وايد لاتعليق على هالسالفه الله يستر بس ومشكوره صاحبة الموضوع

 

[اريج الجوري]

رد : شرب الماي وقت لنفاس

هالكلام ماله اساس من الصحه ,,,

وكلام حريم اول ,,,

انا كل دكتور ادش عليه اسأله هالسؤال ,,,

ويقولون لي ان الماي مفيد جدا وقت النفاس لأنه ينظف الجسم ,,,

والجفاف مو زين للنفاس ولكل الاوقات ,,,

لكن لايكون الماي بارد حيل ولا حار لأنه مو شاي ,,,

خليه ماي فاتر عادي ,,,

تحياتي ...

 

[om.7madiiin]

رد : شرب الماي وقت لنفاس

لا يبه مالج شغل انا بنفاسي كل ربع ساعه رايحه لاكة بطل كاامل
لا ماالج شغل دام ترضعيين زين يفيييد و يخليييج تبولين وايد و ينضف جسمج
مالج شغل بحريمقبل يضحكون

 

[q8 knosha]

رد : شرب الماي وقت لنفاس

يسلمووو بنات على الردود

 

[bdora]

أكثر وحده تشرب ماي بنفاسها انا والحمدلله اموري عال العال لان الاكل الصحي والادويه هي اللي تظبطج
واهم شي اللحم والدجاج اول اسبوعين يرد قوتج وعافيتج

 

[الأميرة جوري]

رد : شرب الماي وقت لنفاس

لا ما اعتقد بس يقولون البارد موزين

 

[_ظل الياسمين _]

بس احنا اللى نوسوس بهالسوااالف ..

كاهم الاجانب عايشين حياتهم ايزى.

 

[حلوة الروح]

انا اللي سمعته انه ما يوسع المره لالا يخليها رطبه من تحت

يعني على طول افرازات

هذا مو كلام كلام كبار السن خخخخخخخخخخخخ

 

[Zen&7ala]

رد : شرب الماي وقت لنفاس

انا امي تقولي مالج شغل شربي ماي و خالتي تقولي مالج شغل اب امج لا تشربين ماي !! شسوي لا ييت فتره الفناس