شرايكم يوم الملجه ولا الشقه؟؟

[M!$_ $heme]

السلام عليكم



شلونكم يا عروسات

بما ان ملجتي بقا عليها شهر و5 ايام بالضبط

وانا ماراح اسوي عرس يعني ملجتي وعرسي بوم واحد

وبدون حفله وانا بخاطري البس الابيض واصور فيه

فتنصحوني البس واييب المصوره واروح الفندق بنفس يوم الملجه ؟؟

ولا على ماتجهز الشقه قبل ما نسكن بيوم اروح الفندق والبس

نفنوف الابيض؟؟


ناطره ردودكم:eh_s(7):​

 

[مس جلاميروس]

والله غريبه مافهمت عاداتكم ..
بس احس مو حلوه تلبسين فستان ابيض يوم الملكة وبعدها تردين بيت اهلك :$
ما ادري اذا فهمي صحيح للموضوع
لكن احس احسن بعد ما تجهز الشقه لبسي الابيض وسوي عشا صغير بالبيت اهلك واهله بس وتصورو .. بيكون فرح حقيقي حتى لو صغير .. اهم شئ مرتب .. واهم شئ التصوييييييييييير .. لان هو اللي بجد يبقى ..

انا بخطوبتي سويت نفس الشئ لان بعد احنا بعيلتنا مايسوون حفلة خطوبه بس انا كان نفسي اعمل خطوبه واتصور
فسويت عشا صغير بس امي وخواتي وامه وخواته .. يعني كنها زياره عاديه ..
ولبست فستان ناعم وسويت مكياجي لنفسي عادي
بس رتبت البيت وسويت كل اللي نفسي فيه ورد وضيافة وكل حاجه .. لكن ماكلف طبعا لان العدد مره قليل .. وبنفس الوقت كان كل شئ واضح والاجواء كانت حلوه
حطيت ميوزك عادي من اللابتوب بس شبكته بسمعات صغيره وزعتها بغرفة الضيوف وحطيت ميوزك هاديه طوال الجلسه وكان حلو سوالف وبسطه
وباخر الجلسه شغلو اغاني ورقصو شوي
وتصورنا ..

يعني اهم شئ اعملي لنفسك جو .. حتى لو بالبيت لحالكم .. والله تنبسطين اكثر من اكبر فرح وحفله ..
والله كان مره حلو بلا زحمه الناس واللويه والضغط النفسي بدون داعي ..
والله انا نفسي اسوي الفرح نفس الشئ من كثر ما انبسطنا ..
للاسف بهالزمن قليل الناس اللي بجد تفرحلك والافراح صارت مظاهر ونفسيات وخساير على قلة فايده ..

 

[M!$_ $heme]

والله غريبه مافهمت عاداتكم ..

مافهمتك عزيزتي شنو الغريب بعاداتنا؟؟


(بس احس مو حلوه تلبسين فستان ابيض يوم الملكة وبعدها تردين بيت اهلك :$
ما ادري اذا فهمي صحيح للموضوع )

صح انا راح املج وارجع بيت اهلي والمشكله ان حتى العشا ماقدر اسويه ولا بين الاهل لان عندنا حالة وفاة

وانا اقصد لاني ماراح اسوي حفله لا ملجه ولا عرس فودي البس ابيض واصور

لان العروس اذا سوت ملجه عادي تبس فستان حفله (اخضر_بيج_وردي_ابيض قليل )

وترجع بيت اهلها ماتروح الشقه فكنت ابي اعرف راي الاغلبيه؟؟

 

[مذهلة2013]

مممم خليها لما تجهز الشقه احس احسن لانه تكونين عنده برأيي احسن او تقدرين تحجزون بفندق وعادي مافيها اشكال ريلج بعد

تقعدون جم ليله بالفندق وتلبسين ابيض موفقة

 

[عـيّــآره]

دام عندكم حالة وفاه ولاتقدرون تسون عشا لبسي فستان حلو وكشخي يوم الملجه

الفستان الابيض خليه يوم تروحين الشقه او تحجزون بفندق بتكون مرت فتره على حاله الوفاه واتوقع تقدرين

تسوين عشا خفيف مع اهلج واهله وتلبسين الابيض وتصورون

الله يكتب لج اللي فيه الخير ​

 

[M!SS.LOBY]

افضل انج تكشخين بيوم دخلتج وتصورين افضل

 

[Pinky -cat]

حبوبه شي مو حلو انج تلبسين النفنوف الابيض وتردين بيت اهلج ، اصلا فال مو حلو ومالها فرحة كبيرة

بيوم الملجة لبسي نفنوف بس مو ابيض ولمن تجهز شقتج وكل شي تمام عاد هني لبسي الابيض وبدعي
وموفقة

 

[CANDLES]

لما تجهز شقتج لبسي الابيض وروحوا فندق جم يوم
وبالتوفيق

 

[M!$_ $heme]

مشكورين خواتي كلكم فديتكم.....

والله يجزاكم خير

 

[Sohai]

السلام عليكم



شلونكم يا عروسات

بما ان ملجتي بقا عليها شهر و5 ايام بالضبط

وانا ماراح اسوي عرس يعني ملجتي وعرسي بوم واحد

وبدون حفله وانا بخاطري البس الابيض واصور فيه

فتنصحوني البس واييب المصوره واروح الفندق بنفس يوم الملجه ؟؟

ولا على ماتجهز الشقه قبل ما نسكن بيوم اروح الفندق والبس

نفنوف الابيض؟؟


ناطره ردودكم:eh_s(7):​

لزم يصير فرق بين الملكه وبين الزواج لكن إذا انتي حابه هاكذا الله يسعدك دنيا وأخره

 

[<miss botamba>]

دام عندكم حاله وفاه نطري لين تخلص الشقه و لبسي الابيض احلى و تقدرين حزتها تسوين حفله عشا صغيرونه وتدخلين وياه

بس اذا المعرس مستعيل عادي سوي الحين وردي بيتكم مافيها مشكله بس احس تلبسين سهره مو ابيض