شرايكم موظفات ومتزوجات بالتقاعد المبكر

[عبير الشرق 19]

مشكوره حبيبتي عالموضوع الحلو انا بالنسبه لوضعي ما أوافق على التقاعد المبكر عشان دوامنا فله كله حريم وندخل ونطلع على كيفنا وكله أكل وسوالف وبناتي كلهم يدرسون يعني البيت فاضي

 

[كويتيه بنت المرقاب]

اي والله بس تعبنا صج الدوام وناسه وسوالف
بس من تردين البيت بس اتقفلين تبين اتنامين وترتاحين وما تقومين الا العصر
وهذا ما ينفع الي عندها عيال يضيع اليوم
اما لما تكونين بالبيت لا عندج وقت كافي ترتاحين وتهتمين بنفسج وتقعدين مع عيالج
انا صار لي 14 سنه اشتغل ودي اتقاعد وتو الناس على 40 باقي 7 سنين من الاشغال الشاقه

 

[^أم يوسف^]

انا مـع التقاعد المكبر بيتها وعيالها اولا اذا في اطفال

 

[" غـادهـ "]

ووووووووووي أكييييييد مع التقاعد المبكر ما يبله .,

أمبي أمي تقاعدت تقاعد طبي من تقاعدت وأمي شايفه الحياة ..

أول كله مرهقه وتعبانه وتحاتي الدوام وتحاتينى ولا يمكن نطلع بنص الأسبوووووووع ..

ألحين لااااا مرتاحه وقتها على كيفها والأهم نفسيتها بالعااااااااااال الله لا يغير عليها إن شاءالله .!

 

[saratee]

امممم اب للنقاش اكثر

 

[حبـ admant ـك]

انا ماصار لي سنه اشتغل
لكن من الحين افكر بالتقاعد ههههههههه

 

[saratee]

انا ماصار لي سنه اشتغل
لكن من الحين افكر بالتقاعد ههههههههه

وييييييه تو الناس عليج ...اسعدني مرورج

 

[أم عزيـز]

انا صراحه مع التقاعد في السن المبكر
لأن فعلا شقا وتعب وتدريس ومجابل
خاصه اللي دوامهم طويل مثلي

انا دوامي بالبترول 8 ساعات ارجع البيت الساعه 3 ونص
اطبخ غداي واغدي عيالي واريح نص ساعه وبعدين ابتدي اجابل دراسه
صراحه كلش ما عندي وقت
احس يومي ضايع بالدوام

واغلب الموظفات جذي خاصه اللي عيالهم صغار
انا عن نفسي توظفت صغيره عمري 20 سنه
وان شاء الله شهر 10 راح اكمل 12 سنه خدمه
تخيلوا بنات ان باقيلي على الأربعين 8 سنين بس على التقاعد المبر باقيلي 3 سنين

شالفايده لما تقاعد ويصير عمري 40 سنه الا عيالي طولي وشالين عمرهم
بس عيالنا الحين محتاجين لنا ولوقتنا ووجودنا معاهم لأن هذا سن التأسيس

جان زين يرجعون القانون القديم خدمه 15 سنه بس من غير ما يقيدها العمر
واللتي تبي تقعد اكثر تقدر تزيد سنوات خدمتها وما تطلع تقاعد
يعني يكون الشي راجع لنا مو مقيدين

 

[brettey]

طالما اني بصحتي بشتغل لان قعده البيت تييب الملل مع العلم اني متزوجه وعندي عيال

 

[غلاي غير]

يووووووووه ودي وما ودي

من الملل وقعدت الصبح ودي اتقاعد وانا ما صارلي 6 سنوات
بس من اخذ اجازه واقعد مظطره الصبح اقعد بالعيال والبسهم واوديهم اقول قاعده قاعده خل اداوم وابرك

 

[ام مضاوي]

الي تقاعدو ماخذو الا كيلوات شحوم ولحوم <<<<هذا الواقع الي اشوفه

 

[manaary]

طبعا مع التقاعد المبكر ... اول شي تشوفين نفسج رتاحين و لما اليهال يردون من المدرسة لج خلقهم تجابيلنهم لانج مرتاحة .. و الا قبل لازم انام الظهر و ارتاح و العصر او المغرب تعالي درسي و جابلي و خلصي من المواجيب جان عزا او ولادة ... الخ .. و بعدين منو يقول القعدة تمتن ..الا الدوام و الريوق اللي كانوا ايبونه ... اصلا انا مشتركة بنادي العب رياضة و تعرفت على بنات هناك و مستانسة الله لا يغير علي ... الصراحة ارتحت صار لي خلق بيتي و عيالي و حتى زوجي ... :aha:

 

[.،:"$الـعـوبــــة$":،.]

اه يتي علي الجرح انا ودي اتقاعد وتحملت لين يصيرلي 15 سنه وطبقو القانون اليديد ان لازم العمر يكون 40 اوووف ليمتي بمتي بجابل بيتي وعيالي الله كريم
يعني تهقون في امل اطلع قبل ؟؟؟؟ تو الناس علي 40 سنه باقيلي 8 سنين ماني قادره اتحمل

لأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ
من قال ؟؟!
خلاص طبقوه ؟؟
لأ أمانة لأ !!
انا مالي خلق عالدوام تكفوووووووووووووووون !!​

 

[المدينه]

انا مع التقاعد المبكر لان بيكونون عيالي اصغار

 

[راعية الطويلة]

التقاعد المبكر فيه اجحاف بحق المرأة

لأنه ينقص تقريبا نصف راتبها

و المفروض الدولة بمساعدة بعض الجهات

اللي لا شغلة و لا مشغلة و تحدد

إذا كان هالتقاعد حتمي
و لا مجرد ملل من العمل

فأنا مع التقاعد المبكر المدروس

و ضد الظلم و الإجحاف

تسلمين موضوع راقي​

 

[Q8ytya]

انا عمري 28 وتوني متعينه يعني يبيلي 20 سنه على مايصير عمري 48 على ماتقاعد الله يعين

 

[كويتية أصيله]

ودي اتقاعد اليوم قبل باجر بس انطر اكمل ٤٠ سنه

 

[نـعـومـه]

اه يتي علي الجرح انا ودي اتقاعد وتحملت لين يصيرلي 15 سنه وطبقو القانون اليديد ان لازم العمر يكون 40 اوووف ليمتي بمتي بجابل بيتي وعيالي الله كريم
يعني تهقون في امل اطلع قبل ؟؟؟؟ تو الناس علي 40 سنه باقيلي 8 سنين ماني قادره اتحمل

منت بقول نفس الكلام

صح مايصير تقاعد قبل عمر ال 40

اذا متزوجه وعندها عيال وجنه بعد اذا مطلقه وعندها عيال يصير تقاعذ عقب 15 سنه بس شرط تكون 40 وصاعد واذا صارلها 15 سنه متعينه وعمرها بثلاثينات تنطر لي 40 سنه

 

[توتا5]

السلام عليكم حبايبي
انا الصراحه مع التقاعد المبكر
حتى لو عيالها كبار

 

[صمت المرافئ]

غريب تفكيركم !!!!
يعني بعد 15 سنة تبون تربون عيالكم !!!
ترى ماني ضد التقاعد المبكر
بس للأسباب الصح ...
وياليت الظروف تسمح للأمهات يقعدون ببيوتهم
يربون عيالهم ...
بس للأسف الوضع صار يستلزم إن الوحدة تشتغل
وتساعد في المصرف ...
أهم شي تربية الطفل في السنوات الاولى ...
آنا لما اولد على طول اجازة امومة ...
سنة كاملة أربي فيها الياهل وأرضعه واسهر الليل معاه
واتفرغ له بالكامل ...
صج المعاش ينقص قص ... بس اتحمل والحمد لله
أهم ما علي الياهل ...
بعد السنة شي طبيعي تقل الرضاعة ويتعدل نوم الياهل
ويكبر شوي ... فأرجع أداوم ...
والياهل ما يكون عند الخادمة بروحه
لازم تحت نظر أيدي أمينة
أنصحكم أما يكون تحت نظر أمهاتكم
إذا كانوا ربات بيوت ولهم خلق ...
أو دخلوهم حضانة ...
وبالنسبة للتدريس ... عادي جدا ...
منظمة وقتي وأدرس عيالي ...
ومن يكبرون شوي يعتمدون على روحهم ...
أو مدرسين خصوصيين للمواد الصعبة
:eh_s(7): وأخيرا مشكورة اختي على الموضوع الهادف :eh_s(7):
​