شرايكم من حقها أو لا

[بنت جنيف]

السلام ابلات عندي سؤال هل من حق الناظره تمنع مدرساتها ايودونو ايبون عيالهم من المدارس اثناء الدوام ؟؟؟؟

ناظرتنا منعت الشي هذا وانا ماعندي احد يوديها ويبها غيري ريلي مايسمح دوامه لا وتقول في ابلات مناوبه عندهم تخيلواا الروضه يطلعون 12 يعني انقع بنتي ساعه وونص عند ابله المناوبه لين انا انهد 1وثلث ؟؟؟

 

[pama girl]

الله يعينج ويعيين كل المدرسات
ايي انا سامعه بهل سالفة
في وايد ناظرات مايرضون يطلعون المدرسات
عشان يمرون على عيالهم
ماكو الا اتنسقين مع ابو العيال
والله يعينكم

 

[ضحـاوي]

باللوائح من حقها

لكن انسانيا كللللش مو من حقها

الله يهديها ليش تعسر على الناس امورها

حاولي تروحين لها انت مع مجموعه وكلموها بهدوء يمكن الله يهديها وتطخ

 

[*أم*خالد*]

الله يعينكم ويهديها

 

[بنت جنيف]

شكلي باجر بكلم المدرسات عشان نكلمها يعني على حظي يوم دشت بنتي الروضه منعت ولاالسنوات الي طافوا عاااادي ماعندها مانع

 

[رفرف]

الله يعينكم ..

اظن من حقها .. للأسف الشديييييييييد

 

[* @ * كرستال * @ *]

شكلي باجر بكلم المدرسات عشان نكلمها يعني على حظي يوم دشت بنتي الروضه منعت ولاالسنوات الي طافوا عاااادي ماعندها مانع

في هذه الحالة اذا معاج بالدوام أمهات عيالهم مع بنتج بالروضة تتناوبون وتتفقون اللي ما عليها الفترة الأخيرة تيبهم​

 

[بنت جنيف]

هلا كرستال لا بنتي مامعاها احد وحتى لو معاها ماترضى ترد مع احد غريب

 

[هيبة ملك]

المفروض تكون أكثر مرونة

وإنسانية حرام عليها

حاولي تكلمينها بهدوء

 

[Miss Golden]

يعني حتى برمضان الانسانية والرحمه معدومه!!!!!


حسبي الله و نعم الوكيل..


الله يهديها يارب ويهدي كل الناظرات

​

 

[أم أنور]

والله حرام عليها
يعني الحين الناظرات كلش ماحملوا ولا يابوا يهال كلللش

 

[paraka]

شرحي للناظرة ظروفج .. وإن مافي أحد غيرج يقدر اييبها ..وحرام البنت تنطر أكثر من ساعة وكل اليهال ردوا بيتهم
الله يهديها إن شاء الله .. يعني مافيها سي إذا رحتي يبتي بنتج ورديتي الدوام , أنا كنت جذي أطلع من الدوام على الفرصة الثانية أوصل بنتي البيت وأرجع الدوام وإذا كانت عندي حصة سابعة مايمدي أردها البيت آخذها معاي المدرسة تنطر لما ننهد .

 

[james546613]

حاولي فيها واذا حظك حلو يكون في المدرسة عندهم عيال مثلك - كنا نخش عيال المعلمات في قسمنا وجكتنا الوكيلة -بس غضت النظر وماتبي احد يدري -وبعدين لقينا ولية امر توصل العيال وانحلت المشكلة

 

[كولوراديه]

شالحجي
عيل منو ياخذها ؟؟ ولا نست ان في قانون اذا مرت ساعه و ولي امر الطالبه ما يه علطول يودونه المخفر

 

[ليالي الكويت]

واااااي ناظرتنا مره قدامي مشرفه تقنيات جايبة بنتها معاها بلبس الروضه قالت للناظرة عند التوقيع بوقع واودي بنتي الروضه حيل قريبه قالت وقعي اسئذاااااااان

 

[nero]

الظاهر تبي تطبق على عيالكم سالفة الي يتاخرون عليه اهله يودونه المخفر

الله يهديها كلمووها يمكن تحن عليكم شوي

 

[ضيم الليالي]

الله يكون بعونج هو من حقها تمنعج
انتي حاولي ويمكن هي لما منعت هالشي بعد ماكانت موافقه لقت في ناس يستغلون هالشي..انا اعرف معلمة استمرت سنوات تقول انها تجيب عيالها من الروضه وطلعت ترجع البيت تطبخ الغداء وتقصص السلطه

المهم انتي حاولي وجيبيلها لمن يهمه الامر عن دوام زوجج ومن روضة بنتج.

 

[بنت جنيف]

لا انشالله بنا ت باجر بكلمها انا اليوم ضاق خلقي وماداومت خذيت عرضي الله يهداها

 

[nayswman]

حسب الادارة