شرايكم منو المفروض يروح يشتري ماجلة البيت!!

[بقلبي انت]

انا اروح مره في الشهر اشتري الماجله لاني احب افرفر بالجمعيه واشتري اغراضي الخاصه
وباقي الشهر اخلي زوجي يشتري النواقص

 

[-فلانة-]

انا شخصياً أعشق شي اسمه جمعية، حتى لو ما عندي سالفة أروح أوسع صدري فيها، و لااااازم بروحي من غير زوجي ولا بنتي لأن الإثنين يطلعولي قرون من الحنّة.
ساعات أدز زوجي حق الأشياء الأساسية اللي ما يضيع فيها خضرة و روب و لبن و هالسوالف بس طبعاً لازم يكون في شي زايد أو شي ناقص بالطلب، و نوعه اذا ما حصل شي ما يسأل وين ممكن ألاقيه، يطنش عادي و أبطل الجياس أتفاجأ فيها بصلة و طماطة و الباجي كاكاو و بفك و حلاو حقه و حق بنته.
طبعاً لحوم و دياي احنا نشتري أول بأول ما نشتري كميات و انا اللي أروح أييبهم و بالذات اللحم لأني أختاره من أماكن معينة بجسم الخروف و طبعاً التقطيع يختلف على حسب الأكلة فمالي أمل زوجي يعرف هالسوالف..يعني عموماً انا بالنسبة لي أفضل إني انا اللي أروح الجمعية.

 

[زوجة حياتي]

نرووووح مع بعض

 

[سكرررة]

الزوج ومافيها شي لو الزوجة حبت تشتري بعض المرات

 

[# غنوجة بيبي #]

اكيد الريال اهو اللي لازم اييبها

بس اذا بخاطري الجمعيه اروح معاه نتشرى بس اهو اللي يدفع

لانه اهو المسؤول عن الماجله

 

[دانة_ دبي]

لو زوجي شو ما كان مشغول

هو اللي يجيب" الماجلة " لانه رجال البيت و اساس البيت و هو عليه القوامه

مرات ما اقدر اروح لان عندي ولدي صغير بالشهور ولو اروح معاه الدفع عليه

مشكلتي من اروح ههههههههههههههههههههههههههههه والله ما ادري كأنه كل رفوف الجمعية تناديني تقول لي تعالي خذيني

ممكن لو ما كان موجود مثلا في شغله وما يرجع الا بالويك اند .. عادي بروح اشتري اشياء بسيطة جدا

 

[ام هيا العلي]

احب اروح واياه وانتشرى مع بعض ..بس ساعات يتحسف انه خذاني معاه هههههه يقول لي تكتبين طلباتج

بورقه لكن اشوفج تشحنين القاري بشغلات زياده.. ولمن يروح بروحه يجيب لي الاغراض ناقصه ....

والحمدلله اهم شي اهو قايم بطلبات اليت وكلنا واحد

 

[ملح الكون]

حلوو نشكر ردودكم

 

[لذه السكر]

الريال طبعا عيل على شنو قوامته وليش الحكومه معطيته زوجيه عشان يصرف عالبيت

وطبعا ممكن المرا بين فتره وفتره تكمل النواقص بس انا اتكلم عن الماجله الثقيله دخله اول الشهر

 

[مسـك]

مرات اكون وياه ومرات لا

 

[((shoOoshoOo))]

اثنينهم بس الدفع على الزوووج اذا ماعنده مانع يعني لووول

 

[مآيكبرني نك]

الآثنين مع بعض آحسن ،