شرايكم في دخول الشغالة غرفة نوم الزوجين

[c a t w o m a n]

ممنوع بالثلاث

:eh_s(4):

إلا في حالات قصوى

 

[ام ^ دميعه]

مستحيل تدخل يعني الغرفه فيها فلوس ومجوهرات واشياء غالية
تدخل مستحيل
انا مومتزوجه ماتدخل غرفتي انظفها بديني

​

 

[FeShinGoOo]

عادي تدش تنظف وتطلع ..

والاشياء الخاصه قافله عليها الكبت يعني ماتقدر تشوف شي خاص فيني وبزوجي ..

عاد شقتي كلها غرفتين بعد ماتنظف غرفتي وماعندي مطبخ ختصير معزبه احسن لوول

بس ماخليها تدشها الا وانا قاعده .. عشان لا افقد شي من اغراضي فلوس ولا ذهب ولا شباصات

 

[ScarletteO'Hara]

^^^^^^
انا هم نفسها
شقتي غرفتين و صالة اذا ما نظفت داري شنو بتنظف؟؟؟
طبعا ذهبي و فلوسي كلهم بالتجوري
و ما اخليها تفتح كبتاتي لأني انا الي ارتب ملابسي و ملابس ريلي أهي دورها انها تطلع الملابس من الغسالة و تشرهم لي و تكويهم تحطهم لي بسلة و انا ارتبهم داخل الكبتات

 

[عزة وكبرياء]

والله حبيبتي انا زوجي مايرضى تطلع الخدامة ليفوق يعني أنا أنضف غرفتي والصالة برا وأحسن هذيلا موصاحين وما تعرفين شنو يحطون في بالهم لازم في خصوصية حقي وحق زوجي مايصير تطلع على اشياءنا ولما أطلع أقفل غرفتي واذا كان ولابد لازم تكونين قاعدة على راسها وأهي تنضف وتطلع من الغرفة قبلج وتعودينها على هالشي وبس​

 

[تمنيت موتك]

أنا ضد طبعاً ،،
وربي النعمه أكثر اللي يصابون بالعين بين الزوج وزجته من الشغاله لما تخش غرفة النوم
ياجماعة الخير ترها أدميه تحس حالها حالكم والعين حق ديرو بالكم ،، يا كثر اللي أعرفهم
راحو وطي من العين والسبب الشغلات

 

[PuPa^^SWeeT]

اهيا اتدش اخر عملية التنظيف

يعني الحين بتمش الارض بماي و ديتول


الاثاث انا المعه و المخمة انا استخدمها

 

[خالف تعرف]

انا كنت ادخلهم وباقوني بوق والحين في امها خير تفكر تدش

 

[الـجـميلة]

انا بنسبة لي عادي بس زوجي يكون صاحي مو نايم داخل بس واغراضي المهمة ذهب فلوس لهم مكان مخصص لان انا ماحب اتشوف يمكن اهي ماتقدر وكسر خاطرها :rgewrg: اما بنسبة للسرقة هاذي ما خفت منها لانة كذا كذا راح الاقية انا افتشها لما تجي تروح لديرتها :nbvppw: وبس

 

[تبطي عظم!]

تدهل وتنظفها على عيني تخمها وتغير الزباله وتغسل الحمام الفراش انا اسويه وملابسي انا ارتبها هي عليها الخم والمسح وغسيا الحمام

لان اتعب خصوصا مع الحمال مااقدر انظف شيء واذا جدام عينج شنو يعني ماراح تفتش بالخصوصيات انتي موجووده

 

[RowTow]

آنا عادي عندي أي أحد يدخل غرفة نومي ما دامت مرتبة و مو وصخه أو نجسه.

و آنا ما أخلي أصلا شي غالي عندي, عندي بس الأوراق الرسميه و الفلوس و هذول بالدرج اللي يمي, فمحد يقدر يمد إيده عليهم.

بعد غرفة النوم غرفه مثلها مثل غيرها, مو بس حق الـ....... , فيها كبت فيها تواليت فيها أغراض. عادي يعني.

و الخدامه عادي تنظفها بس أكون آنا و زوجي متعاونين قبلها و مغيرين الشرشف, و آنا قاطته بالغساله. و كذلك هدوم زوجي ما تلمسهم, عيب و حرام. آنا أغسل هدومه و أسفطهم و اهي عليها هدومي و التنظيف.

 

[a7la.moon]

أنا أدخل الخدامه تنظف تمسح الكبتات تمسح الارضيه تنظف دريشتي تنظف ورا الكوميدينه

تنظيف سطحي فقط لا غير وانا اكون موجوده

مسستحيل تبطل كبتي او حتا الادراج بس مثل ماقلت سسسطحي .؟

 

[فوولي]

لالالالا ضدهااااااااااااااااااااااااااا

لن خصوصيه ودج ماحد يتعدهااااا

 

[قـــمـــرهم]

لي الحين ماجبت خدامه

بس ما راح اخليها تدش غرفتي .. ما احب !!!

 

[%دانة%]

صديقتي ماشالله عليها هي اللي تنظف غرفة امها وابوها مع خواتها
الله يوفقهم ويكثر من امثالهم ويبلغ امهم وابوهم فيهم

 

[دانة_ دبي]

انا ضذ دخول الشغالة لغرفة النوم نهائيا او ع الاقل الزوجة تقفل الباب و لو بتسمح للشغالة تدخل مثلا تنظف الغرفة او تغسل الحمام و يكون بوجودها فقط

 

[mrs.abk]

بأمانة أنا أرتب فراشي بشكل يومي بس أدخلها يوم وترك وأنا معاها تنظف الحمام وتغسل الأرضية .. أنا حامل ما أقدر على هالشيء غرفتي كبيرة ..

بس أغراضي في غرفة الملابس المقفولة واللي ما تدخلها إلا مرة كل أسبوع ., أنا بروحي أدخل ملابس زوجي وأرتب أغراضه

وعموما ما أحب أي شخص غير أنا وزوجي ندخل غرفة النوم وغالبا لو هو موب موجود حتى أنا ما أدخلها ..

 

[قلب الزعابي]

أنا خدماتي توها يديده

اخليها تنظف الغرفة وتطلع بالنسبة للذهب والأشياء الثميني كلها فالتجوري

قمصان النوم أنا أغسلهم وأكويهم

وقت النظيف أروغ ريلي برع ههههه وانا اكون موجوده واراقبها

راس مالي غرفه واصله وحمامين عيل اذا ما نظفت الغرفة ليش يا يبتها ترا عشان ارتاح

وهم شر لابد منه

ولاني مجبوره عيالي صغار وماقدر أوفق بين البيت والعيال ولا ريلي

والخصوصيات الثانيه من أغراض الزوجيه حاطتهم في صندوق مقفول وقت ماباه أفتحه

يعني ماعدا مجال تشل شي

واللي بتساوي سحر الحمدلله يوميا أحصن نفسي وبيتي وريلي وعيالي وما أظن الخدمه ولا سحرها أقوى من رب العالمين

وبس

 

[om . alzeen]

انا اخليها تنظف لاني حامل وتعبانه وومنوع علي الشغل يعني ضروره واشيايي الخاصه ماتكون مكشوفه الحمدلله تكون بمكان مخصص والخدامه عليها الخم والتمسيح فقط وغسل الحمام ماراح تشوف خصوصياتي نهائي

 

[ملگه]

لا طبعا
تدخل غرفتي
كلها غرفه موكسلانه لهدرجه انظفها