شرايكم في تعامل زوجة أخوي مع أمي؟؟تخيلي تكون أمك!!

[{ انعم دفشة ~]

اللي بالاحمر..

معلوووووومه غلللللللللط والله في رياجييييييل يموتون على الارض اللي تمشي عليه امهم

بس لما تجيه حيه تتزوجه والله انها تغير حاله وتخليه يموت على ارضها

ويطنش الدنياا لعيوونها لو كانت اجكر جيكره ... سبحاان الله

مادري شنو هالسر ... اذا عرفتوه بنات علمووني ..

نفس الراي

 

[ياعيون مغليك]

الله يعين
عندنا وعندكم خير

 

[كتكوته ورديه]

فهمي اخوج ان امك اولا من الكرمه البيت وفهمه عن بر الوالدين وان امك اهي جنته ونار حرام المسكينه تنطر عوار الضروس يجنن الله يشافيها لا تسكتين هااشكال ما تستحي

 

[عشقي الجنوب]

الله يخليكم حبوبات ويسعدكم دنيا وآخره ويسمع منك وربي ودي أشكر كل وحدة بروحها وفي خاطري كلام كثير بس وقتي ضييييييييييييييييييييق يادووووب أطل على الموضوع فديتكم والله

عشان اللي فاهمين السالفه غلط بزيدكم مرة كانت أمي عندها طبعا أنا وأخوي في منطقة بعيدة عن أهلي وكانت أمي زايرتنا وأمي فديتها أستحت من زوجي تبقى عندنا خصوصا وأحنا على بداية الزواج فقررت تروح عند أخوي ,رحت وزرتهم أبي أسلم على أمي تخيلوووووووووا أيش لقيت لقيتها مسوية عشاء حق جيرانها بالشقق وكل مانقص شئ قالت خالة عندك فلوس وتآخذ وتشري لدرجة تشري أشياء مالها دخل بالطلعة ياعمري عليها مابخلت بشئ ولما شافتني جات تطلبني على بالها بعطيها قلت ماعندي فكه أبحرها بعدين سجلي بالسوبر ماركت سكتت ماعاد ردت ولما طلعت أخذت أمي معي وسويت هوااااش هذاك الليل لين ما أخذتها ولما سألت أمي قالت أيش تبيني أسوي لدرجة أني أذا رحت لدورة المياة(الله يكرمكم )تجي تفتش جنطتها شرايكم وربي أول ماقالت لي طار عقلي لو عندي مادري أيش بسوي فيها !!

المشكلة يابنات أنها تسوي نفسها حبوبه يـــــــــــــــــــــــــــــــــــــــــــــــــــااااارب أن كان قصدها تبعد أخوي عنا وعن أمي وناوية شر فينا أنك تكفينا شرها وتبعدها عن طريق اخوي يااااااااااااارب ماتنع فيها الطييييييييييييييييييبة أبد عقربة يابنات عقربه

 

[عشقي الجنوب]

ريمية آآآآآآآآآآآآآآآآآآآآآه من يفهمهم

 

[الشيخه فطامي]

انا مو ضد ولا مع او ماعندي حرمه اخو بعد
بس بقولج ماقدر احكم الا اذا عرفت عندج اخوان غيره ولا بس انتي وهو
اذا كان عندج اخوان غيره كل وحده بتفكر ليش ماقالت حق الثانيه شمعنه انا ليش ذيك ما توديها
حتى لو ماعندج اخت بتقول بنتها اولى ليش بنتها ما توديها انتي بتقولين زوجي شماله يدفع او هي بتقول زوجي شماله يدفع
يعني انتي حطي نفسج بمكانها بتسوين حق خالتج
انا اقولج احنا يالكويتيات عطينا طاف ولا تدرين عنه ولا تطلبين منه نييلج او نسويج دهينه لا تنكتين او اذا تدخلين او تتطلبين نعطيج طاف
مع احترامي للكل
بس في ناس عندهم هذي حمات او هذي جنه خلاص لو شنو تسوين لهم

 

[دنيا جديده]

صراحه عشقي الجنوب بس بليييز لاتزعلين ومانبي هواش ملينا

احسج محتره منها
مادام امج ماتحجت واخوج راضي انتي شكو
وبعدين شلون تكلمين اخوج عن امرته
افرضي لاسمح الله صارت مشكله عوده بين الريال ومرته
لالا والله غلط
وبعدين شلون تقولين امي اوله
لا ياماما اسئلي اكبر مفتي
وراح يقولج زوجته اولى لان المره مالها الا زوجها
اما الام عندها ابوج وعندها اخوانج وانتي ووخواتج وان شاءالله ماراح تقصرون
ونصيحه اذاشفتي شي على مرة اخوج وخصوصا هي بنت خالتج فخذيها على جنب واهم شي اخوج لاينتبه وصارحيها
اما انج تكلمين اخوج عن امرته
كللللللللللللللش ما حبيتها
واتمنى ماتزعلين مني(وجهة نظري)*

شنووووووووووووووو زوجته أولى؟؟ شكو المفتي؟ الحين تنفين قول الرسول لما قال امك ثم امك ثم امك ثم ابيك تقولين اسالي مفتي؟ استغفر الله العلي العظيم الظاهر انتي اللي ممتلكه زوجج وامه عندج طااف شنو هالكلام حبيبتي؟ اهم شي الام بعدييييييييييين الزوجه الحمدلله اخواني حاطين زوجاتهم تحت وامي فوق رووسهم واهم شي رضى الوالدين تخيلي باجر ولدج يفضل زوجته عنج انتي امه ويعطيج طااااااف من قلب عادي عندج؟؟؟؟؟ . الله يهيدج بأأي

 

[حياةأبوها]

حبيبتي والله قلبي عورني على أمك ..نصيحه مني لا تكلمي أخوك زلا مرته مرااااح تستفيدين اللي ماحس من نفسه أيش الفايده ..
أنت خذي امك وعالجيها خليهم يفتشلون لمى يدرون ان زوجك وداهها للطبيب..
هذا رأي .....الله يهديهم مايدرون ان باب الجنه مفتوح طول ما الوالدين عايشين ..الله امك مثل امي ..بس الحمد لله حريم أخواني ولاأروع من كذا الله يديمهم لنا ..ويهديلكم مرت أخوكم

 

[عشقي الجنوب]

انا اقولج احنا يالكويتيات عطينا طاف ولا تدرين عنه ولا تطلبين منه نييلج او نسويج دهينه لا تنكتين او اذا تدخلين او تتطلبين نعطيج طاف
مع احترامي للكل
بس في ناس عندهم هذي حمات او هذي جنه خلاص لو شنو تسوين لهم
لاوربي لو أشوف خالتي تتعور وبعد ضيفة عندنا ما أعتررررررررررض أبدا يكفي أنها أعطتني قطعه منها بدون مقابل
وبعدين السطرين الأخيرة مافهمت قصدك أفتر راسي ياليت توضحين؟؟

دنيا جديدة يعطيك العافية يالغلا والله يخليلكم الغالية

حياة أبوها
أنت خذي امك وعالجيها خليهم يفتشلون لمى يدرون ان زوجك وداهها للطبيب..هذا اللي أفكر فيه

 

[ليمونه حلوه]

تبين الصراحة الشرة على اخوووج .. هذى امة وجنة ونارة .. ومن اللى قريتة

اخر شى عن مرت اخووج شكلها رقلة والله بالخير .. عطيها كلمتين بالعظم ... خل تعرف ان الله حق .. ترا اذا سكتى عنها

بتتمادى .. والله يعين امج على هالجنة

صراحه عشقي الجنوب بس بليييز لاتزعلين ومانبي هواش ملينا

احسج محتره منها
مادام امج ماتحجت واخوج راضي انتي شكو
وبعدين شلون تكلمين اخوج عن امرته
افرضي لاسمح الله صارت مشكله عوده بين الريال ومرته
لالا والله غلط
وبعدين شلون تقولين امي اوله
لا ياماما اسئلي اكبر مفتي
وراح يقولج زوجته اولى لان المره مالها الا زوجها
اما الام عندها ابوج وعندها اخوانج وانتي ووخواتج وان شاءالله ماراح تقصرون
ونصيحه اذاشفتي شي على مرة اخوج وخصوصا هي بنت خالتج فخذيها على جنب واهم شي اخوج لاينتبه وصارحيها
اما انج تكلمين اخوج عن امرته
كللللللللللللللش ما حبيتها
واتمنى ماتزعلين مني(وجهة نظري)*

امرج عجيب .. اللحين الزوجة صارت اولى من الام !!!!

ترضينها على نفسج .. ترضينها على امج !! ..

لو ربى يحدج على ولدج ويرد عليج سوووورى يمة بس زوجتى اولة ..

شنو شعووورج ووقتها ,,, يالمنقهرة !!!

 

[faith1]

الله يهديها ويهدي اخوك ان شاءالله ....بس صدقيني هالاشكال هذه تلقينها موجوده في اغلب البيوت

 

[.:SuGar^GirL:.]

إختي منقهره من متى الزوجه أولى من الأم ؟؟!!!!
لا حبيبتي غلطاااااااانه
وبعدين مرة أخوها الله يهديها بدال ما تشجع زوجها على الطيب مع أمه تقط هالنغزات
يعني بالله أشكره تقوله لا تنسى أخوي!! وهو شكو بأخوج ؟؟ مو مكلوف فيه
وإذا على كلامج أمه عندها غيره ... لو كل واحد بالله قال هالكلام من إللي بيبر بأمه
هذا بدال ما يتسابقون لرضاها تقولين عندها غيره ؟؟
وبعدين شوفي أحاديث الرسول صلى الله عليه وسلم وإحكمي

ثبت في الصحيح عن أبي هريرة - رضي الله عنه - أن رجلاً قال :
(( يا رسول الله ، من أحق الناس بحسن صحابتي ؟ ، قال : أمك ، قال : ثم
من ؟ ، قال : أمك ، قال ثم من ؟ ، قال : أمك ، قال : ثم من ؟ ، قال : أبوك . ))


شفتي قال أمك ثلاث مرات وبعدين قال أبوك وماجاب طاااااااري الزوجه
يعني حضرة الزوجه تعرف مكانها إنه بعد الأم والأب

//////////////////////

حكى أنه كان في زمن النبي صلى الله عليه آله وسلم شاب يسمى

علقمة ، كان كثير الاجتهاد في طاعة الله ، في الصلاة

والصوم والصدقة ، فمرض واشتد مرضه ، فأرسلت امرأته إلى

رسول الله صلى الله عليه وآله وسلم : إن زوجي علقمة في

النزاع فأردت أن أعلمك يارسول الله بحاله . فأرسل النبي

صلى الله عليه وآله وسلم : عماراً وصهيباً وبلالاً وقال امضوا

إليه ولقنوه الشهادة ، فمضوا إليه ودخلوا عليه فوجدوه في

النزع الأخير، فجعلوا يلقنونه لا إله إلا الله ، ولسانه

لاينطق بها ، فأرسلوا إلى رسول الله صلى الله عليه وآله

وسلم يخبرونه أنه لا ينطق لسانه بالشهادة فقال النبي صلى

الله عليه وآله وسلم : هل من أبويه من أحد حيّ ؟ قيل :

يارسول الله أم كبيرة السن فأرسل إليها رسول الله صلى الله

عليه وسلم وقال للرسول : قل لها إن قدرت على المسير إلى

رسول الله صلى الله عليه وآله وسلم وإلاّ فقري في المنزل

حتى يأتيك . قال : فجاء إليها الرسول فأخبرها بقول رسول

الله صلى الله عليه وآله وسلم فقالت : نفسي لنفسه فداء

أنا أحق بإتيانه . فتوكأت ، وقامت على عصا ، وأتت رسول

الله صلى الله عليه وآله وسلم، فسلَّمت فردَّ عليها السلام

وقال: يا أم علقمة أصدقيني وإن كذبتيني جاء الوحي من الله

تعالى : كيف كان حال ولدك علقمة ؟ قالت : يارسول الله

كثير الصلاة كثير الصيام كثير الصدقة . قال رسول الله صلى

الله عليه وآله وسلم: فما حالك ؟ قالت : يارسول الله أنا

عليه ساخطة ، قال ولما ؟ قالت : يارسول الله كان يؤثر علىَّ

زوجته ، ويعصيني ، فقال: رسول الله صلى الله عليه وآله

وسلم : إن سخط أم علقمة حجب لسان علقمة عن الشهادة ثم قال:

يابلال إنطلق واجمع لي حطباً كثيراً ، قالت: يارسول الله

وماتصنع؟ قال : أحرقه بالنار بين يديك . قالت : يارسول

الله ولدى لايحتمل قلبي أن تحرقه بالنار بين يدي . قال

ياأم علقمة عذاب الله أشد وأبقى ، فإن سرك أن يغفر الله له

فارضي عنه ، فوالذي نفسي بيده لا ينتفع علقمة بصلا ته ولا

بصيامه ولا بصدقته ماد مت عليه ساخطة ، فقالت : يارسول

الله إني أشهد الله تعالى وملا ئكته ومن حضرني من المسلمين

أني قد رضيت عن ولدي علقمة . فقال : رسول الله صلى الله

عليه وآله وسلم : إنطلق يابلال إليه انظر هل يستطيع أن

يقول لا إله إلا الله أم لا ؟ فلعل أم علقمة تكلمت بما ليس

في قلبها حياءاً مني ، فانطلق بلا ل فسمع علقمة من داخل

الدار يقول لا إله إلا الله . فدخل بلال وقال : ياهؤلاء إن

سخط أم علقمة حجب لسانه عن الشهادة وإن رضاها أطلق لسانه ،

ثم مات علقمة من يومه ، فحضره رسول الله صلى الله عليه

وآله وسلم فأمر بغسله وكفنه ثم صلى عليه ، وحضر دفنه . ثم

قال (صلي الله عليه وسلم) : على شفير قبره

(( يامعشر المهاجرين والأنصار من فضَّل زوجتـه على أمُّه فعليه

لعنـة الله والملا ئكة وا لناس أ جمعين ، لايقبل الله منه

صرفاً ولا عدلاً إلا أن يتوب إلى الله عز وجل ويحسن إليها

ويطلب رضاها . فرضى الله في رضاها وسخط الله في سخطها ))

هاااااااااااااا شرايج حبيبتي الزوجه أولى ألحين وإلا الأم ؟؟؟

 

[.:SuGar^GirL:.]

أما بالنسبه لإختي عاشقة الجنوب
فإسمحي لي أقولج أخوج ما فيه خير
ألحين مرتي تتحكم بفلوسي وعلى منو أصرف لا وتمنعني أصرف على أمي
والله لو فيه خير جان دقرها على هالحركه البايخه إللي سوتها قدام أمه
إسمحي لي إختي بس هذا رايي

 

[عشقي الجنوب]

الله يحفظكم ويحقق لكم مرادكم يارب ويرزقكم الذرية البارة الصالحة المعافاة مشكوووووووووووووورين يا أحلى خوات

الله المستعان بلاني الله بأخ ردي الله يصلحه

مرزوقة سيسم بأذن الله بنسخ له قصة علقمة وأرسلها له بما أنه في الدوام بعيد عن السوسة لو شافتها متأكدة أنها بتمسحها

دعواتكم

 

[نبض انثى]

لاحول ولاقوة الا بالله

المفروض اخووج الي يكلمهـأ ويآدبها .. والمفروض مايرضى على امهـ

بس ماقول إلأ الله يهديهاا ياارب

ويحفظ لكم الوالده ان شااء الله

موفقين

 

[شواخي]

صراحه عشقي الجنوب بس بليييز لاتزعلين ومانبي هواش ملينا

احسج محتره منها
مادام امج ماتحجت واخوج راضي انتي شكو
وبعدين شلون تكلمين اخوج عن امرته
افرضي لاسمح الله صارت مشكله عوده بين الريال ومرته
لالا والله غلط
وبعدين شلون تقولين امي اوله
لا ياماما اسئلي اكبر مفتي
وراح يقولج زوجته اولى لان المره مالها الا زوجها
اما الام عندها ابوج وعندها اخوانج وانتي ووخواتج وان شاءالله ماراح تقصرون
ونصيحه اذاشفتي شي على مرة اخوج وخصوصا هي بنت خالتج فخذيها على جنب واهم شي اخوج لاينتبه وصارحيها
اما انج تكلمين اخوج عن امرته
كللللللللللللللش ما حبيتها
واتمنى ماتزعلين مني(وجهة نظري)*

عين العقل

شفيج عليها ... صج ساعات تحترين من مرت اخوج بس عاد انتي دخلتي بينهم

 

[عشقي الجنوب]

شواخي وجهة نظر أحترمها بس أذا ماعندك أم أو حماة ماكان له داعي تردين مبين من كلامك

عموما مشكور ياقلبي

اللي يكدر خاطر أمي لو ثانية والله لأكدر عليها ساعات عمره هذي الغالية وماحد بياصلها

 

[اجمل نساء 2011]

بصراحة قهرتني مرت اخوج ولا وبعد بنت خالتج انصدمت منها فعلاً الله يعينكم على هيك ناس لاتخافين الله بينتقم لامج عاجلاً غير اجل وانا مرت اخوي دابله جبدي كله تجينا هي وبناتها ماعمرها عزمتنا على بيتها وبناتها ماشاءالله واجد وكلهم دقدق صغار ولا جو تعالي شوفي الزعاج وامي مرة كبيرة تبي ترتاح ماصدقنا خواتي راحوا مو مشكلة تعالي سيري بس اسبوع عندنا واسبوع عندج اوبعد شهرين 3شهور عندج تخيلوا الكل طب بيتها وتعزم وتسوي وامي ماتنعزم مع ان اقسم لكم بالله انها ماراح تلقى مثل امي وطيبتها ودايما كل ماقعدت معاها الا تقط نغزة علي اشكره على عينك انا مثلاً مالله وفقني بشغلة تو جان تقول اخر مرة شفتي فلانة الله ماوفقها شفتي ربج شسوى فيها انا اقدر اقط عليها الف نغزة ونغزة بس استحي والله اهي باجر بتسير بس قررت ما اقعد مع هالاشكال شبعت تنغز منها بخليها تفهم اني مابيها ولا ابي اقعد مع اشكالها مع ان كل مرة اقعد معاها ونسولف المهم واللي قاهرني ان بيتها 3ادوار قسيمة وكبير برمضان اللي طاف ما اعزمت امي وابوي حتى على قهوة وشاي شرايكم بتصرفها مع ان مو مقصرين معاها بشي واذا طلعت من الاربعين تخيلوا ماتعزمني مع رفيجاتها وقرابينا اذا طلعوا تعزمهم واحنا اذا هي طلعت من الاربعين تسويلها امي حياتي عشا عفيه قلوب عليهن و3 ادوار تخيلوا اخوي الله يسامحه ماحط لامي غرفة او نص غرفة بناته كل وحدة غرفة مع حمامه نسى امي شلون ربته وتعبت وتحملت اشياء من ابوي محد يتحملها عشان اخواني بس للاسف طلعوا فعلا اخوان المرة ومن مواقفعا البايخة لمن كانوا يبنون بيتهم زاد عندهم سيراميك وقال اخوي بما ان امي تسوي صالها عندنا سيراميك زايد لاتشترين بعطيكم قالت امي مو مشكلة وركبت امي بعض السيراميك مادرينا الا اهي جاية جان تقول جيبوا السيراميك امي تبيه صج ماتستحي ووقحة بمعنى الكلمة كسرت خاطري امي راحت شرت سيراميك جديد وطلعت الصالة مرقعة ومن مواقفها اللي قهرتني فعلا بغيت اموت وابي تعلقون يابنات على موقفها هذا بالذات اقسم بالله مقهووورة منها يومين وانا مقهورة بغيت اموت المهم جيت ابروح انا وزجي البر وبغتهم اختي قالت فلانة جاية مع زوجها شوفوا الموقف يابنات وربي شي يحر يعني انتي عندج خبر انا الرجال بيجي هو ومرته المهم وانا وززجي صفطنا اللي ذيج المرة الواقفة قدام المخيم لانقاب لاشي لابس كبوس يعني اغراء وكرشها ناطة الف متر جدامها واحنا بدو لازم نقاب المهم تخيلوا السيارة صارت جنبية يعني لو تلف لفة بسيطة بتشوفنا ماقدرت اتكلم غبية طافتني ماقلت لزوجي دق هرن راحت علي من الصدمة المهم حاولت اتحرك بعبياتي عشان اتشوف واهي لاهية مع التلفون جذابة ليش لان لمن راح زوجي كانت فعلها بااااااردة كلش قالت اف فشلة الرجال شافني بطت جبدي بنتها تقولهاماما روحي جان تضحك وتدش داخل ببرود اعصاب شرااااااايكم بالله مو موقف ينرفز بس افا عليكم اختي كلمتها صار نفس الموقف عن اللي ينتبه واللي ما يبنته جان تقولها اختي هذا انتي لمن جا فلان وزوجته ماانتبهتي جان تقول والله ما انتبهت وزوجي سالني قال مني هالمرة اللي واقفة قلت مرت اخوي بس ترى ما شافتك قال مو معقولة واضحين واحنا قريبين مو لهالدرجة ؟.؟؟

 

[اجمل نساء 2011]

ابي رد منكم سرييييييييع لاتنطنشووووووون حدي مقهورة منها يليتنا من النوع اللي يقط نغزات والله نستحي جان عشنا مثل باقي الحريم والله يابنات قهرتني على موقفها الاخير قلت يمكن ماشافت بس والله يابنات واضحين وضوح الشمس جذاااااابة

 

[غلاتي ديرتي]

لو انا مكانك ماسكت اروح اكلمه ع طوووووول



هذي امي نور عيوني ماسمح لاحد يعاملهااا جذي!!!


ومن منو من مرت ولدها وبنت اختهااا؟؟؟ شصاير بالدنيااا


حبيبتي ع طوووووول كلمي اخوج وكلميهااا اهي بعد يمكن تستحي على دمهاااا شوياا