شرايكم بمشكلتي انا معاي حق ولا لا ؟؟؟؟؟؟

[جوري الكويت]

مشاركة: شرايكم بمشكلتي انا معاي حق ولا لا ؟؟؟؟؟؟

حبيبتي عنايد ...الله يعينج بصراحه وأتوقع ان زوجج يعاني و ما عنده ثقه بنفسه لأن مثل ما انتي قلتي عنده عجز والريال العاجز يكون انسان مهزوز و مو واثق بنفسه ولا في مرته و يتوقع انها بتتركه ,,, و يتصرف تصرفات غريبه ,, انا ماشجع الطلاق بس حرام يضيع من عمرج أكثر من اللي ضاع ,, لأن الريال اللي عنده عادي ان مرته يصرف عليها أحد غيره حتى لو كان أبوها ولا أبوه فهذا انسان ما يستحق ان الوحده تعيش معاه لأنه ماعنده احساس بالمسئووليه مع انه كبير مو صغير !!!

 

[*^بطـاليه^*]

مشاركة: شرايكم بمشكلتي انا معاي حق ولا لا ؟؟؟؟؟؟

الله يعينج اختي والله قلبي معاج بس انتي ماعليج الا الدعاء والصبر هذا ابتلاء من ربج وانشالله كله بأجره
وهالريال خلييج منه لان الي اصله مو طييب من وين بييب الطيب مامنه فايده
ولاتفكريين فييه لا اهو ولا عياله
عيالج لهم الله ياعمري وماراح يضيعون خاصه انج تقوليين ايحبونه ويحبهم
انا اقوول شوفي حياتج وشوفي نفسج والل هايعووضج باللي احسن منه والي اينسييج الحياة المره الي كانت معاه
ويعييشج حياة احسن ويحسسج بانج انسانه لج مشاعرج وكيانج وحزتها راح تقولين انا لييش من زماان ماخلييته
..
اني لازم تعيشيين حياتج كانسانه وهذا حقج
وكافي الي سويتييه عشانه وعشان عيالج ابدا لاتحسين انج مقصره بحق احد انتي مقصره بحق نفسج اكثر من الكل
فكري بكلامي عدل وصدقيني
خلج مع الله ودايما قولي
" اللهم اجرني في مصيبتي واخلفني خيرا منها "
وسلامتج وماتشوفين شر وانشالله يارب تتهنين بحياتج وتتعدل كل المشاكل
لج ولكل المسلمين المظلومين على وجه الارض
حدي اندمـــجت

 

[انشالله]

مشاركة: شرايكم بمشكلتي انا معاي حق ولا لا ؟؟؟؟؟؟

اختي الحبيبة حطي ورقة وكتبي كل حسنة تشوفينها فية
وورقة وكل سيئة تشوفينها فيه
بعدين قارني وشوفي اي كفة ترجح وقرري
قعدي معاة وتصارحي بالي تشوفينة فية وهم اهو بعد خل يقول لج الي يضايقة يمكن في شي ماتدرين عنة
واهم شي يكون قراركم في صالح اليهال

 

[kajool]

مشاركة: شرايكم بمشكلتي انا معاي حق ولا لا ؟؟؟؟؟؟

بصراحه مشكلتش تعور القلب واليهال يكسرون الخاطر
انا مع السفيره عزيزه
احنا مراح ننفعك براينا صلي صلاة الاستخاره والله ينور بصيرتش ويقدم اللي فيه الخير
ولا تنسين الدعاء له حتى لو انش موراضيه عليه ادعيله بالهدايه
الله كريم

 

[رمانه كويتيه]

مشاركة: شرايكم بمشكلتي انا معاي حق ولا لا ؟؟؟؟؟؟

اخذى نصيحتى يابنت الناس وتطلقى اشهالمذله على شنو عاد الطلاق احسن لج واحسن حق عيالج من اللى يشوفونه تروالى البنات مايعرفون شنو مصيبتج كثر ما انتى حاسه فيها هذا شيى راجعلج انتى مو للبنات ومايحس بالجرح الا صاحبه اشهالعشره هذى الواحد يبى راحة البال ولا المشاكل خل اعيالج يستقرون بعيد عن المشاكل والله حلل الطلاق مثل حالات ريلج وبعدين انتى شوفى صارلج سنه عند اهلج ولا ياج ولا تاسف يبه بلا مذله تطلقى والله يعوضج احسن منه سواء بزوج ثانى او بعيالج

 

[ام أحمدووه]

مشاركة: شرايكم بمشكلتي انا معاي حق ولا لا ؟؟؟؟؟؟

شوفي عنايد...الطلاق كلمة كبيرة ..لاتستهينين فيها ...ادري راح تقولين ان حياتج معاه جحيم وان محد يحس بمشكلتج غيرج (اللي ايده بالماي مو مثل اللي ايده بالنار..)
بس صدقيني انا اقولج هالشي من واقع تجارب الناس والبنات اللي شفتها خلال 4 سنين من حياتي كمحاميه..
البنات يون عندنا بالمكتب ويقولون قصص عجيبة وغريبة ماتطري عالبال والله...بلاوي مع رياييلهم ومعاناة اعظم واكبر من مشكلتج مع ريلج...وتكون منهارة خلاص بس تبي الطلاق...ولما تتطلق .....
تعيش مأساه ثانية اكبر واااااااايد من مأساتها مع ريلها....
ترى الطلاق مثل الزواج!!!!! حياة جديدة....بس حياة صعبة ومرة وثقيلة....انتي وعيالج واهلج كلكم راح تتأثرون
يمكن قبل لما كنتي بيت زوجج محد متأثر غيرج...بس عقب الطلاق ..انتي وعيالج واهلج واخوانج كلكم راح تتأثرون...
ولاتتوقعين انها ازمة وتعدي !! لأ....راح تظلين طول عمرج تعانين...وكل ماكبروا عيالج كل ماكبر همج معاهم .

انتي قعدي بينج وبين نفسج وشوفي وقارني ....شوفي مساؤى زوجج وحسناته...يعني مو معقولة ماعنده حسنات ؟؟؟ جان ماطولتي معاه 6 سنوات؟؟؟؟
انا ادري انج ضحيتي وعطيتي من روحج ونفسج ومالج...
بس صدقيني لو زوجج انسان طيب (وهالشي انتي تعرفينه) وفي بداخله احساس لج ولعيالج...صدقيني مرده يدش بعينه اللي سويتيه معاه..
وانا اعتقد ان عجزه خلاه يصير انسان قاسي مثل ماقلتي
واخيرا اتمنى ان يحس بغلطته ويرجعلج ويذكر الايام الحلوة اللي بينكم يارب

 

[ورد وردي]

مشاركة: شرايكم بمشكلتي انا معاي حق ولا لا ؟؟؟؟؟؟

اختي انا مو مع الي قالولج دام من الاول ما ارتحتيلة ليش صبرتي 6 سنين وجبتي عيال وورطتي نفسج لان هالشي اولا مكتوب انه يصير عندج منه عيال
ثانيا شي صار وخلص ليش الحين يخلونج تندمين او اتحسفين انج صبرتي انتي صح ماكان عاجبج بس بالواقع صعبة ان الوحدة تطلب الطلاق بسرعة لان كلام الناس صعب وطعم الفشل صعب كل هذا ممكن يخلي الوحدة ما تطلب الطلاق

المهم اختي اول شي علييييييييييييييييج بالدعاء والله انه الدعاء يحقق المعجزات اول شي ألحي بالدعاء ولا تقولين دعوت وما استجيب لي لا ركزي بالدعاء مع يقينج انه ربي بيحقق لج شي يرضيج وابتدي الدعاء بحمد ربي العالمين والصلاة والسلام على سيدنا محمد عليه الصلاة والسلام والاستغفار وادعي بأسماء الله الحسنى وادعي من قلبج وبلهجتج لا تكلفين السجع ولا اتكلفين بشي انا مرة قاريه هالكلام وختمي الدعاء بنفس الشي

ثاني شغلة استخيري ربج بأمر الطلاق لان ممكن يكون خير لعيالج من انهم يشوفون امهم مظلومة ومتعذبه ويمكن لما يكون ابوهم على راسهم هو الخير لهم محد يدري لكن ربج هو الي يدري

واخيرا الله يكتب لج الخير ويلين قلب زوجج حقكم ويهديه واحتسبي اجرج عند الله

 

[حلم السنين]

مشاركة: شرايكم بمشكلتي انا معاي حق ولا لا ؟؟؟؟؟؟

سبحان الله

تصدقون شكثر مرت علي نفس هالمشكله متكاثره هـ الاياام



راحة البال تنشرااااا صراحه

 

[ورد وردي]

مشاركة: شرايكم بمشكلتي انا معاي حق ولا لا ؟؟؟؟؟؟

بصراحة سما أنا مو معاج صح انه العيشة معاه صعبة والطلاق ممكن يكون افضل بعض المرات لكن في حالة عنايد مو شرط تقولين العيال مو زين يعيشون بهالبيئة يتعقدون خصوصا انه عندها ولد والولد يبيلة رجال يربيه ويخليه يهاب لان الصبيان يهابون الابو اكثر من الام ومن تجربتي مع اهلي امي شافت وايد من الاحزان ولو بقعد اقول الكل يقول شلون صبرت لكن كانا حنا العيال شهايد واخلاق ولله الحمد لان ابوي على قساوتة مو راعي فساد وهذا المهم

ومن قرايتي حق مشكلة عنايد ان ريلها مو راعي فساد وشرب وخرابيط فالوضع تقريبا متشابهة بين امي وبين عنايد

انا ما اقول صبري ولا اقول تطلقي انا اقول الموضوع يبيلة تفكير طويل واستشارة تقدرين تتصلين بمحمد جاسم المطوع اهو عندة خبرة بهالمواضيع بنفس الوقت حطي طرف من اهلج وطرف من اهلة يتفاهمون ويحاولون يوصلون لحل

والسلام عليكم

 

[ميراندا]

مشاركة: شرايكم بمشكلتي انا معاي حق ولا لا ؟؟؟؟؟؟

اختي لا تستعيليين على سالفه الطلاق .. عندج اعيال فكري فيهم و ابمستقبلهم .. من ناحيه اهله ما عليج منهم اذا انتي عايشه وياه ابروحكم مو مع اهله .. بس اعيالج حرام ..

ياما رياييل سواو اللي ما يتسوه ابحريمهم و اصبرو عليهم لين الله هداهم ..
ادعيله بالهدايه و الصلاح .. و ستري عليه ( اهم شي الستر الله يستر علينا و عليكم دنيا و آخره ) ترا الريال اللي تستر عليه مرته و على اعيوبه و اتحمله و تصبر تكبر ابعينه و غصبن عليه يتسنع مو بس عشان اعياله عشانها اهيا بعد

الله يخليج لعيالج و يخليهم لج و يهدي ريلج و كل الرياييل انشالله

و السااااااااامع يقول آمين

 

[عنايد]

مشاركة: شرايكم بمشكلتي انا معاي حق ولا لا ؟؟؟؟؟؟

مشكورين بنات على تفاعلكم وردودكم اللي كلها حكمه ومثل ماقلت لكم من شهر 6 اللي طاف وأنا أدعي ربي وأستخير وعساالله يهديني لطريق الصواب أنا اللي ذابحني نظرة أبوي وأمي الحزينه لعيالي ودهم اني ارد لزوجي عشانهم وأكثر من مره فاتحوني في الموضوع وضغطو علي اني أرجع وأكثر مايكسر خاطري بالموضوع أمي اللي ودها انها تفرح بشوفتي في بيتي مره ثانيه وأنا ودي أفرحها خصوصا انها مريضه ومابيها تحاتيني كافيها اللي فيها بس مادري شكلي بفكربموضوع الرده بشكل جدي

 

[ضحى الكويت]

مشاركة: شرايكم بمشكلتي انا معاي حق ولا لا ؟؟؟؟؟؟

عنااااااااااااايد اول شى يعطيج العافيه ومشكوره انج بطلتيلنا قلبج وعلى صراحتج

وانشاء الله بنكون عند ظنج والاول والاخير احنا خواة بنقدملج النصيحه واللى الله يكتبه انشاءالله

اول شى الموضوع اللى قريته منج واضح وصدقينى يا اختى العزيزه انه مافى بيت مافيه مشاكل وانه اكثر

البنات اللى متزوجين شكليا بس قليل تلقينهم متفقين مع بعض المره مهما يكون لازم تنازل ومادام انتى رضيتى

وبعد ما يبتى هالبنت والولد وكملتى عيشتج وصبرتى ردى على ريلج وتحمليه وصبرى انتى الرابحه بالخير

واذا ما ربحتى بالدنيا بالتربحين بالاخره والله يجازيج على كل اللى تسوينه وصبرج وتحملج وعفويتج ونياتج

الطيبه يا قلبى انتى سمعى كلام اخيتج وصدقينى ما ينفعج غير بيت زوجج مع احترامى لهلج طبعا بس غير

حتى لو مشاكل اعيالج ما يحسون بنقص بعيدين عن ابوهم انتى شنو تفكرين فيه مثلا تزوجين مره ثانيه

مستحيل طبعا انا ما انصحج على قولتهم ظل ريال ولا ظل حيطه بكل الاحوال اكيد بيى منه منفعه حتى لو كان

انا نصحتج يا اخيتى وانتى ردى على ريلج علشان اعيالج وصدقينى الدنيا مثل شريط لها وقت ويخلص يعنى

محنا مخلدين فيها على قولت المقوله اقعد على مينونك لا ييك اين منه

واتمنالج كل خير يا عنايد واذا صار اى شى يديد خبرينه اول باول وام ناصر حاظر ياى شى تبينه

واتمنى انج تفكرين بكلامى واسفه على الاطاله بس من حر مافينى طولت وخايفه على هالعيال الله يخليهم لج

يارب

 

[حبيبته آنا]

مشاركة: شرايكم بمشكلتي انا معاي حق ولا لا ؟؟؟؟؟؟

اسمحيلي بهالسؤال
يوم انج تدرين بسوالفه وان طبعه جذي شنو اللي خلاج تحملين مرتين وتكودين هاليهال اللي مالهم ذنب؟؟؟؟؟اذا تبين نصيحتي لاتاخذين راي احد اول شي روحي حق اخصائيه نفسيه اسريه مثل فوزيه الدريع او اي وحده من هاللي فيهم البركه وقوليلها كل اللي بقلبج وشوفي شنو اللي الله يكتبه لانج اذا بتاخذين راي فلانه وفلنتانه او احد من اهلج او صديقاتج راح يخربون عليج بطريقه غير مباشره لان كل وحده فيهم راح تشور عليج من منطلق طبعها وطبع ريلها واعتقد انج تختلفين عن اي وحده منهم وريلج مو مثل طبع ريل اللي بتنصحج يعني اللي بيفيد مع ريلها يمكن مايفيد مع ريلج والعكس صحيح
والاخصائيه راح تكون متفهمه وعلى الاقل بوضع محايد وممكن تعطيج نصايح تخليج تفكرين بطريقه غير تخلي حياتج تنجح وبحزتها راح تعرفين شنو اللي لج وشنو اللي عليج ونصيحه لاتدقين تليفون روحي لها شخصيا وعقب صلي استخاره وشوفي شنو اللي انتي تبين تكملين فيه
وادعيلج من كل قلبي بالتوفيق انشالله

 

[ضحى الكويت]

مشاركة: شرايكم بمشكلتي انا معاي حق ولا لا ؟؟؟؟؟؟

انا بصراحه ما يعجبنى راى فوزيه الدريع مع احترامى لها الان الاكثريه اللى يدقون عليها والاغلبيه يطنزون عليها والاقليه ما عندهم بعد نظر بالموضوع ولا يعرفون يدبرون نفسهم بس عن نفسى انا اذا طحت مشطله وابى اخذ راى ما الجأ حق فوزيه الدريع ولا غيرها الحمد الله الله مكملنى بعقلى واقدر اعرف اللى يظرنى من اللى ينفعنى تروالى احنا الحين مو بعصر الجاهليه بعصر العلم الحمد الله

 

[عالموضة]

مشاركة: شرايكم بمشكلتي انا معاي حق ولا لا ؟؟؟؟؟؟

الله يعينج الصراحة بس المفروض من الاول تحسمين السالفة قبل لا تييبين عيال وتبتلشين !!!
الريال اصلا يبين من اول شي .. انا اقوول هدييه هذا من اول مشواركم مع بعض و في بداية حياتكم سواا جذي
عيل بعدين اشبيسوي وسالفة الطردة .. هاذي اكبر دليل ان ريال مافيه ذرة حشيمة ولا شهامة ولا رجولة عيل في ريال يطلع زوجته وعرضه بالشارع جدام الناس وبهدوم البيت بعد ؟؟ وين صارت بالله عليج .. توكلي على الله اصلا خليه يولي هذا ما يتعاشر وعيالج عندج وهم في نفس الوقت لا تحرمينهم من ابوهم خليهم عنده كل فترة
يعيشون جذي احسن ما يشوفون امهم وابوهم كل الوقت هواش و صراخ وطق باجر والله بيتعقدون وبيكرهون الساعة اللي يو فيها للدنيا

 

[LaSt WoMeN]

مشاركة: شرايكم بمشكلتي انا معاي حق ولا لا ؟؟؟؟؟؟

اللي ايده بالماي مو مثل اللي ايده بالنار .. ايييه يا عنايد والله انني حاسه فيج ...
يالله يا بختج بالأجر ان شاء الله ...
قولي الدعاء اللي بتوقيعي 7 مرات الفجر و العصر و لا تخلينه أبدا

و قولي " اللهم آجرني في مصييبتي و اخلف لي خيرا منها "

و من رايي تكتبين ورقة فيها مميزات العودة له و عيوبها .. و انتي قرري ..

و بعدين اذا قررتي تردين له لازم تغيرين شخصيتج .. و تعيشين شهر عسل ثاني و تبنين له انج منتي الأولية ..
و ما تردين إلا برضاوة ... و في النهاية .. سواء رديتي له او لأ .. في كل امور الحياة .. عزي نفسج و لا ترضين لها المهانة .. لأن اللي نفسه تهون عليه بتهون على غيره ..

و الله يوفقج لما فيه الخير ان شاء الله ... يفرج همج و يصلح حالج يا رب ..

 

[ام مارية]

مشاركة: شرايكم بمشكلتي انا معاي حق ولا لا ؟؟؟؟؟؟

اختي عنايد اولا انت في لبتلاء من رب العالمين والله عزوجل يحبج وبيخفف ذنوبج بشنو بالابتلاء اللي انت فيه

وصدقيني كثري من هالدعاء انا لله وانا اليه راجعون اللهم اجرني في مصيبتي واخلفني خيرا منها.

صلي الاستخاره ثم عليج بقيام الليل حاولي الفتره هذي تكثرين منه لو ركعتين وادعي بقلب خاشع وبكل يقين

ادعي الله يهديه لج ولعيالج ويسخره حقج وادعي بصلاة الجمعه والامام يخطب علي المنبروبين الاذان والاقامه

اصبري يا اختي والله اعرف حريم اصبروا علي بلاوي اكثر من هذي واحمدي الله انه موسكير ولا راعي خرابيط

كثري من الصدقه انشاء الله امية فلس والا ربع دينار اي احد مسلم عطيه انشاء لو كانت خدامتكم وادعي بعد

الصدقه وعليج بالاستغفار لان الرسول صلي الله عليه وسلم يقول:من لزم الاستغفار جعل الله له من كل هم فرجا

ومن كل ضيق مخرجا ورزقه من حيث لا يحتسب.يعني الله يفرجلج مو هم واحد كل همومج وكثري من لا حول ولا

قوة الا بالله سبحان الله مفعوله قوي لان فيها استسلام امرج لله رب العالمين وصدقيني الله راح يفرجها.

والله ياخت عنايد لو اقولج البلاوي اللي صارت فيني من وانا اصغيره ليومج هذا بتحمدين الله الف مره وفوق

هذا ما اقول الا الحمدالله علي كل حال.

 

[أميرة الورد]

مشاركة: شرايكم بمشكلتي انا معاي حق ولا لا ؟؟؟؟؟؟

والله البنات ووفوا وكفوا ما قصروا بس شوفي الباجي تهون عليج بلاج يا حبيبتي وصبرج مهو ضايع حياتي كله عند رب العالمين

 

[عنايد]

مشاركة: شرايكم بمشكلتي انا معاي حق ولا لا ؟؟؟؟؟؟

شاكره لكم حبايبي بس الموضوع قديم الله يهداج ام ناصر وين نبشتي فيه
مشكورين بنات ماقصرتو بس هالموضوع صار قديم بالنسبه لي ومابي أتكلم فيه مجددا آنا نزلته في وقته لما كنت محتاره والحين الحمدلله رسيت على راي معين وماحب أفتحه من جديد

 

[الجوري70]

مشاركة: شرايكم بمشكلتي انا معاي حق ولا لا ؟؟؟؟؟؟

مابي أعارضكم بس اذا ما فيه خير أنتي موظفه ومنتي عاجزه من الصرف على عيالش خليه يولي والله يعوضش

أما اذا عندش أحساس انه بيتغير حاولي
والله يسخره ويهديه لج