شرايكم بمدرسة الدانة بسلوى؟؟؟ نبي تقيم ىخر السنة لها

[فلونة احلى وردة]

منو أم حسين ما الله
أبها بكلمة راس على الخاص
هههههههههههههههههههههههه
في عندي لها سالفة تموت من الضحك
اللي تعرف امه بقولها السالفة

 

[alshamali]

هاهاهاهاها ما ادري انها للحين ما ولدت جني لمحتها قبل سبوع
وعل السباجه كل اثنين عندهم حصه سباحه

ومس عبير تعطيهم والكمبيوتر ما ادري عنه بس جنه في بالمكتبه

 

[فراوله]

السلام عليكم يا جماعة الخير.....ابشركم اليوم كلكت صاحب المدرسة عبدالله الصايغ و قال ان تعاقد مع شركة اجنبية لتقييم المنهج و مستوى المدرسة...و تعاقد مع مدير اجنبى وهو اللى راح يسوى تعاقدات مع مدرسين اجانب للسنة الجاية....وان شاء الله يصدق!!​

 

[alshamali]

الله يبشرج بالخير

والله من اكثر ما اسمع عن مشاكل المدارس اقول
ا لحمد لله

الصابيه انا اعرف حسين مالله اهو بصف ولدي بس ما اعرف امه ))

 

[pink suger]

السلام
انا اول مره اسمع عن هالمدرسه
هل هي ثنائية اللغه ؟؟
وجم رسوم الابتدائي
ياليت تحطون ارقامهم انا الحين ادور مدرسه حق ولدي وحدي حايسه

 

[pink suger]

ومن متى هالمدرسه متأسسه؟

 

[فلونة احلى وردة]

جنة من 8 سنوات

 

[فلونة احلى وردة]

هالمدرسة بسلوي يم مدرسة الغانم
وهي ثنائية اللغة وزينة
وسعرها يمكن 950 على 3 دفعات وبالتسجيل 100 والمقابلو15 دينار
ومتساهلين بتاخير بالدفعات عمرهم ما حاجونا
والدفعات بشهر 9 و12 و3 والله اعلم انا ما اثبت حيل ولا ادقق وايد

 

[alshamali]

لا الروضه 1050
والحضانه 840

 

[alshamali]

25627675 هذا رقمهم

 

[فراوله]

هلا pink suger المدرسة صار لها 5 سنوات و الروضة مع الكتب 1065 دينار و مثل ماقالت الشمالى ما يدققون على الدفع بس لازم قبل شهر 5 انت مسكرة الرسوم​

 

[pink suger]

مشكورين ،، بس اكيد زينه هالمدرسه ؟؟ مادري في عضوات مامدحوا الانشطه مالتهم يقولون ماتونس وفاشلة
والله احترت !!!!

 

[pink suger]

وهم سالفة المدرسين تعتبر عيب بالمدرسه مو ميزه يعني عالاقل يكون مدرسين الانجليزي والماث والساينس اجانب مو عرب !!!صح ؟

 

[alshamali]

حبوبه من ناحيه الانشطه انا ما ادري عن المراحل الكبيره يعني ما احب افتي بس بالنسبه للروضه في رحلات وفي سوولهم يومين مفتوحين ومره سولهم الحفله مالت اليوم العالمي وسو حفلت العيد الوطني بس بينهم
وسو هم حفلة قرقيعان بينهم يعني مو شرط كل حفله يسونها ينادون الاهالي

وبالنسبه للمدرسين اغلب اذا مو كل المدارس الخاصه ثنائيه اللغه مدرسينها عرب واهو بطور بييب اجانب يعني هم شي زين وانتي روحي شوفي قبل لاتسجلين افتري على كذا مدرسه وشوفي لانه حتى سعرها ما يعتبر رحيص يعني لا تدفعين وبعدين تتحسفين

 

[فلونة احلى وردة]

يحليلكم
مازلتوا تسالون
اطمنج المدرسة تستقبل مني لحد فترة طويلة يمكن بس سالي وتاكدي وسوي جولات على كذا مدرسة

 

[بنات الكون]

مرحبا بنات انا عن نفسي عاجبتني مدرسه الدانه اولادي كلهم حاطتهم فيها وماراح اغير عنها ومريحيني بتدريسهم لان اغلب التدريس على المدرسه ويحضرون وياهم واجبات قليله لان يحلون بالمدرسه على طول اوراق عمل ولي ولد بسادس يتكلم انجليزي ممتاز والمعامله مدلعينهم على الاخر وحاطين لهم خزائن كل طالب له مفتاح خاص فيه ياخذه معاه ويحطون كتبهم الكبيره وانشاء الله كل الكتب انا لي بنت ماتجيب من كتبها الا الي عندها فيه واجب او امتحان

 

[alshamali]

same same wallah

 

[shojoon]

ولدي فيها بالروضه زين مستواهم عند مس شهناز بس شكلي سنه يايه بنقله مدرسه ثانيه و كنت مدخله ولدي الثاني حضانه مستواهم زفت و ماكو مدرسات بس حاطين شوية خدم معاهم ما اتعلم الا قلة الادب و الطق فطلعته و دخلته حضانة فلكس عجيبهههه

 

[shojoon]

اغنية ماما ماما في عيدك ماما بدنيا كله الي حفظوها اليهال في عيد الام منو مغنيها عشان بسمعها ولدي يحبها؟؟

 

[فلونة احلى وردة]

والله ما اعرف بس ودي اعرف لانها صج عجبتني
دوريها بقوقل
وعلمينا
يلا يا بنات مبرووووووووووووووك تخرج كي جي تو
والفال لنا
ها شرايكم فيها بعد
نبي تشجيح يلا يلا
ههههههههه
توني رادة من حفلة ومتاثرة
انا عاجبتني بس ما ادري ليش مترددة
يمكن ابي افضل
مع انها عاجبتني
ليش الحيرة عيل
اوووووووووووووووو مليت خلاص بسمع رايكم خواتي