شرايكم بزواج المسيار يصير اتزوج ؟؟

[atc666]

بالنسبه للي ردوا علي بهجوم ماراح اتعب نفسي وارد عليهم واللي شاروا علي حبايبي ماقصرتوا المهم المنتدى طلع كله شباب شكثر ياني طلبات زواج على الخاص من نكات بنات طلعوا كلهم شباب ونكات قديمة بعد وانا مارديت على أحد برد عليهم هني انا ما احترم ريال يدخل منتدى نسائي ويسوي نفسه بنت ويكتب مشاركات كأنه بنت مادري شتحس فيه ياللي تسوي هالحركة يعني حدهم يهالوا وان كانوا كبار بالعمر هذا تصرف طفولي يدل انهم طايشيين وانا مو ناقصني ارتبط بشخص طايش ومو مسؤول

 

[المشتاقة لجنة]

اختي ان الله عند ظن العبد به
شنو هالكلام الي تقولينه استغفر الله واتوب اليه ليه تبين مين يثبت لك ان الله موجود احمدي ربك على النعم الي انتي فيها غيرك يتمناها عندك ولد غيرك يتمناه سامنة بغرفة غيرك ساكن بالشارع صدقيني ربي مابيوفقك لين تعرفين مكانه الله بقلبك وبحياتك

استغفرك ربي بصراحة انا مااقدرت اقرأ الكلام وشلون انتي كتبتيه بالله فهميني
انا بعمري مابديت رأيي لاحد مااحب التدخل بشؤون الاخرين لكن كلامك استفزني بصراحة
انا اقول قومي توضي وصلي ركعتين استغفري ربك وصفي نيتك وكوني واثقة ان الله بينصرك

إن الله لا يفعل بخلقه ما لا يستحقون منه ، لا يعاقبهم إلا بمعصيتهم إياه ، ولا يعذبهم إلا بكفرهم به ولكن الناس هم الذين يظلمون أنفسهم ، باجترامهم ما يورثها غضب الله وسخطه
ان الله لايظلم الناس شيئا ولكن الناس انفسهم يظلمون


الله يهدينا وياك

 

[المشتاقة لجنة]

ما أروّع هذا البيت من الشِعر:

سيفتحُ الله باباً كنت تحسبهُ
من شدة اليأس لم يُخلق بمفتاحِ

قال صالح الدمشقي لابنه:
يا بني، إذا مرَّ بك يوم وليلة قد سلم فيهما دينك، وجسمك، ومالك، وعيالك فأكثِر الشكر للَّه تعالى، فكم من مسلوب دينه، ومنزوع مُلكه، ومهتوك ستره، ومقصوم ظهره في ذلك اليوم، وأنت في عافية
( حركوا ألسنتكم بشكر الله وحمده والصلاة على نبيه )
صيام غداً الاثنين لمن استطاع
او ذكر ولك الاجر
��
صلاة الوتر جنة القلوب��
لاتنسي صيام غدآ الإثنين��
لاتنسي الإستغفار بالاسحار��
لاتنسي قراءة سورة الملك��

 

[atc666]

ما أروّع هذا البيت من الشِعر:

سيفتحُ الله باباً كنت تحسبهُ
من شدة اليأس لم يُخلق بمفتاحِ

قال صالح الدمشقي لابنه:
يا بني، إذا مرَّ بك يوم وليلة قد سلم فيهما دينك، وجسمك، ومالك، وعيالك فأكثِر الشكر للَّه تعالى، فكم من مسلوب دينه، ومنزوع مُلكه، ومهتوك ستره، ومقصوم ظهره في ذلك اليوم، وأنت في عافية
( حركوا ألسنتكم بشكر الله وحمده والصلاة على نبيه )
صيام غداً الاثنين لمن استطاع
او ذكر ولك الاجر
��
صلاة الوتر جنة القلوب��
لاتنسي صيام غدآ الإثنين��
لاتنسي الإستغفار بالاسحار��
لاتنسي قراءة سورة الملك��

مشكورة حبيبتي الله يجزاج الجنه ياليت البنات تتعلم من اخلاقج وردودج شلون حسبي الله عليهم قاموا يقلون ادبهم ويردحون مثل بنات الشوارع

 

[Aloe Vera]

همممم الله يرزقج الزوج الصالح اللي يعطيج حقوقج و حالياً ليش ما تسكنين عند احد من اخوانج او خواتج اجار يعني يبنونلجوملحق او شقة منفصلة و جذي انتي تدفعين اجار لهم و بنفس الوقت انتي مع اهلج و مو في مكان غريب و ولدج اذا كبر شوي و شايفه ان حياته مع ابوه افضل استخيري بالموضوع لان ترا صعبه تخلين ولدج والله يصلح امورج و يعوضع

 

[wajan]

يعني قلبك يطاوعك تستغني عن ضناج عشان زواج مسيار.. بصراحة قلب حجر واناني عشان راحتج تبيعين عيالج

 

[nameIess]

بعد اذنج اختي ممكن توضحين قصدج؟؟؟؟:eh_s(10):

فسريها مثل ما تبين كالعادة وتهاوشي معاها... ليش تسئلين؟!

 

[shak!shoka]

مهما كانت ظروووووفج

ولدج لاااااااااااا تفرطين فيه ،، تمسكي فيه بايدج واسنانج بعد

اهوا الي طلعتي فيه من كل هالدنيا

لا ام ولا ابو ولا زوج ولا اخوان

مالج الا هالولد و تبين تقطينه ؟؟


خايفه من كلام الناس ومو خايفه من الله الي عطاج نعمه و تبين ترفسينها



نصيبج يصيبج والمكتوب ما منه مفر واذا لج نصيب بالزواج بتتزوجين


خلي ولدج بحضنج و ربيه و انشغلي فيه اهوا سندج لي كبرتي

محد والله بيلتفت لج عقب ما تكبرين و يروح جمالج و نعومتج

اهوا الي بيضفج انشاءالله و يفتح لج بيت و يحطج على راسه و يفتر فيج

جابليه واحسني تربيته وخلي لج ضمان بهالدنيا الي مالها امان
ورياييل طايح حطهم حرام فيهم كلمة ريال


فكري عدل لا تعضين اصابع الندم باجر و تبجين دم على ولدج الي قطيتيه

 

[كوكي الحلوة]

لاحول ولاقوة الا بالله الله يهديكي استغفري استغفري الله ماتدرين كلمتك الي قلتيها وش عقابها عند ربي ربي الي يشوفك الحين ربي الي قادر ياخذ عمرك ويجازيكي تعوذي من ابليس واحمدي ربك على كل حال ارحعي لربك اقري عن احوال الامم السابقة وكيف ربي عذبهم ةسخط فيهم الارض اقري كيف الله عزوجل امتحن انبيائنا ورسلنا عليهم افضل الصلاة واتم التسليم وراكي حساب ورانا جنة ونار وراكي حفرة ظلام محد بيدخل فيها معككك ساعتها تقولين ياليت استغفرت وماقلت هلكلمة ( قد خسر الذين كذبوا بلقاء الله حتى إذا جاءتهم الساعة بغتة قالوا يا حسرتنا على ما فرطنا فيها وهم يحملون أوزارهم على ظهورهم ألا ساء ما يزرون ( 31
​

 

[غلآ نآصر]

قعدي بشقتج وربي ولدج و لو جاج ريال فيه خير تزوجي بس مسيااار لآ تحملي ..
و الحافظ الله

 

[دنيا الصدمات]

انا مستغربه من شي واحد
عادي تقولون خايسه وواطيه وحقيره وهالكلمات
هالكلام جفته بهالموضوع وقبله اذا تهاوشو بنات
مادري شتحسون فيه صراحه عيييب امهااات وزوجات يتربى على يدكم جيل كااامل وتسمحون لنفسكم تتلفضون هالالفاظ ​

 

[نـعـومـه]

ليش مسيار !!! ليش مو زواج عادي !!

شدراج يمكن ربي يرزقج بالزوج الصالح اللي يعزج ويرزج انتي بس ادعي بكل صلاتج وماكو شي بعيد

وشي ثاني حرام عليج عيالج شلون قلبج يطاوعج تهدينهم !! قطعه منج!!

موعيب تتزوجين بس العيب تقطين عيالج ولااا عند زوج موزين !! ربي عيالج واذا يالج نصيبج تزوجي وعيالج معاج عشان ماتحسفين

 

[شندوخه]

حبيبتي اول شي حمدي ربج ان الله رزقج بالولد
خليه عندج وربيه وخلي قلبه علي قلبج ترا باجر اهو اللي يسندج ويشيلج
والناس مالج شغل فيها حاولي تآجرين في بيت عايله مو عماره وتكون منطقه هاديه
والزواج ليش تاخذين مسيار؟ اولا لامستقبل ولاعماه عين
ادعي ربج ان يرزقج بولد الحلال اللي يشيلج

 

[nameIess]

بالنسبه للي ردوا علي بهجوم ماراح اتعب نفسي وارد عليهم واللي شاروا علي حبايبي ماقصرتوا المهم المنتدى طلع كله شباب شكثر ياني طلبات زواج على الخاص من نكات بنات طلعوا كلهم شباب ونكات قديمة بعد وانا مارديت على أحد

حطي اساميهم هني خل نعرفهم.
على فكرة، كل الموجودين في هالقسم اربع او خمس اشخاص... وانا ما ادش إلا اذا كنت ادور شي بالنت ويابني قووقل هني!

وعلى فكرة، موضوعج بالأساس ليما قريته حسيت فيه انه دعوة مبطنة حق اللي عنده شباب يخطبونج.

 

[nameIess]

انا مستغربه من شي واحد
عادي تقولون خايسه وواطيه وحقيره وهالكلمات
هالكلام جفته بهالموضوع وقبله اذا تهاوشو بنات
مادري شتحسون فيه صراحه عيييب امهااات وزوجات يتربى على يدكم جيل كااامل وتسمحون لنفسكم تتلفضون هالالفاظ ​

والمشكلة من يختلفون بالراي مع احد سيدة قامو يسبونه!!! اشفق على الجيل اليديد من الاطفال، بس لو تفكرين فيها... ترى كل عيالهم تربية خدم.
الجو حلو اليومين اللي فاتوا، وكل ما طلعت بفريجنا شفت بنات اطفال يمكن على اربع وخمس سنوات مع الخدم بالسكة!! تستجري تحط ساعتها مع الخادمه بالسكة؟ لأ، تستجري تحط تلفونها مع الخدامه بالسكة؟ لأ. تستجري تحط لابتوبها عند الخادمة بالسكة؟ لأ... بس تحط عيالها مع الخادمة بالسكة؟ بكل سهولة!!!!

 

[نـعـومـه]

ياريت لو تحطين اسامي النكات الشباب

 

[برنسيسة2007]

المال والبنون زينة الحياة الدنيا
الطفل هديه ونعمه من الله لج وتبين تقطينه!! ضمي هالطفل بعد كم سنه يصير لج محرم وسند وعضيد ويضمج ويربيج
عمرج 36 المفروض اتكونين عاقله

حبوبه اذا قصدج اللي يطاردونج ومطمع روحي منطقه سكنيه واجري فيها غطري منطقتج تقربي من الله راح يخفظج ويوفقج ويرزقج وييسر امورج
المسيار اهو البلوى بغض النظر عن الحكم الشرعي اللي بيتزوجج مسيار مجرد نزوه في حياته ماراح يصونج ويحميج يجيج ساعتين بس

36سنه مو شويه خلاص العمر راح ربي ولدج ومرسي خياتج لربج وولدج
الله ييسر امرج

 

[برنسيسة2007]

عزيزتي انا اسفه اذا ادعجتج بردي لكن اعتبريني اختج انتي ما عندج خوات اعتبريني اختج

اختي والله والله بعدج من الله اهو اللي قطج هلقطه
الجزاء من جنس العمل يعني لو كنت قريبه من الله ودعيتيه وصليتي استخاره ماكان هذا الزوج الظالم من نصيبج
حبيبتي الله عظيم جبار كريم جواد رزاق
والله عن تجربه تقربي من الله سوي التالي وراح تشوفين كيف تتغير حياتج للافضل:
تربي عن كل الذنوب من تبرج ونميمه ونمص وتأخير الصلاة وسماع اغاني والنظر للمحرمات
صلي ركعتين تربه لله سبحانه وتعالى واخر سجده ادعي ان الله يغفر لج ذنوبج جميعا من حيث لاتحتيبين ولا يسلطها على دعائج لان احيانا تدعين الله ولكن رحمه منه يكفر فيها ذنوبج فماترين الاستجابه لان الله سبحانه وتعالى جعل الاخره عي الخلود والفوز فيها فتمفير ذنوب عباده افضل لذلك انتي كفري ذنوبج بالدعاء والاستغفار والتربه ونظفي صفحتج منها وادعي الله وانتي ساجده وقولي لا الاه الا انت سبحانك اني كنت من الظالمين اللهم اتني فالدنيا حسنه والاخره حسنه وقني عذاب النار اللهم انت الكريم ليس ككرمك كرم جواد ليس كجودك جود ياذلوجه الاكرم ياذلاسم الاعظم ياذلعطية الجزلى اللهم اعطني الاجابه فالدنيا والاجر في الاخره..اللهم اني اسألك الجنه واعوذ بك من النار(ثلاث مرات) ثم ادي بامور الدنيا اللهم ارزقني زوج صالح ويسر امري ..الخ والله يا اختي عن تجربه الله سبحانه وتعالى اعطاني بعد يأس وبعد المستحيل رزقني من حيث لا احتسب

اختي انتي جربي مجرد تجربه


اسأل الله العظيم الواحد الاحد ان ييسر امرج ويرزقج زوج صالح يعوضج عن كل اللي شفتيها ويربي طفلج معاج ويجعله قرة عين لج
اسال الله العظيم رب العرش ان يرزقج حلاوة الايمان ويثبتج على دينه ويرزقج هبة حب الدعاء ويسلط قلبج على الدعاء
امييييييييين


الدعاء مفتاح ان عزفتيه فتحت لك ابواب الرزق والسعاده

 

[الجادل الخشف]

رايي من راي برنسسيسه جربي طريقتها وانا عن تجربتي بعد كل ما ابتعتد عن ربي الله بلاني بمشاكل وكل ماتقربت ربي افرجها لي

 

[يستفزني غلاك]

مايصير تتزوجين مسيار ومعاج ولدج؟؟
حرام تحرمين ولدج منج مسكين شنو ذنبه
الحمدلله عندج ولد مو بنت و بكره يكبر ويصير رجال و يكون معاج ب الشقه ومااراح تحاتين شي ان شاءالله