شرايكم بتخصص رياض الاطفال؟؟؟؟؟؟تكفون فيدوني ++(دمج المواضيع المتشابهه)++

[smailey]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

جزااج الله الف خير على هالموضوع ..............
لاني كنت مفكره ادخل رياض اطفال وكل ما سالني احد وين بدشين على طول رياض اطفال والحين لايحووووووووووووووووووشك هونت كل هذا انا حسبالي رااااحه اثاري تعب وشقه لا يبا حولي وفكي عمرج دامج على البر......

 

[متجولة *]

رد: مدرسات رياض الاطفال بلييييييييييز ابي مساعده

ممكن تكمليين بس جيبي معدل عالي

 

[(آمة الله)]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

السلام عليكم
شوفي إختي الكلام في بعضه صحيح و بعضه خطأ في كل عمل بالدنيا إجابيات و سلبيات.
أولاً / لا تفكرين تحولين تخصصج لأنج جذي بنضيعين مستقبلج أولاً أحصلي علي الشهادة كسلاح لج بالحياة لا تلعبين بمستقبلج لأن ما تضمنين ضروفج بعدين.
ثانياً/ أنت راح تأخذين كورس عملي و تجربين بنفسج وأثناء التربية العملي تكونين تو مو موظفة فتقدرين تقدمين علي أي وزارة إذا تخرجتي و ترفضين التربية رفيجتي المقربة تخرجنا أنا و هي و نزلت أسماءنا بالتربية أنا و افقت و تعينت مدرسة روضة و إهي رفضت و انطرت كورس بعدين أقبلوها بوزارة ثانية.

و محد يأخذ غير رزقه
إنشاء الله أكون فدتج

 

[هوى الدار]

رد: مدرسات رياض الاطفال بلييييييييييز ابي مساعده

بالعكس

اختيارج صح

لاهم امتحانات ودرجات

والتعب بالاول بس

وبالنسبه للتكمله اتوقع تقدرين بس اهم شي معدلج يصير فوق ال 3 نقاط بس سالي وتاكدي

وموفقه

 

[عهود الحب]

حبيباتي


تبون الكلام المضبوط ومن الاخر بعد !


عقب 15 سنة تدريس وكراف وتعب


الروضة نعم متعبة بس تعتبر رحمة اذا قارناها بالمراحل الثانية بالتدريس


انا خواتي مدرسات اقسم بالله انا اكثر واحدة فيهم مرتاحة طوااااااااال السنة


لا ماقول ما اتعب كلنا نتعب لكن انا اعتبر الروضة اهون شي بالتدريس




اما اذا قارناها بالوظائف الادارية الثانية يعني لما نقارن التدريس بشكل عام والعمل الاداري
لاطبعا لازم نقول انه العمل الاداري اسهل واريح
بس يفرق معاج بالمعاش حيل




ولو رجع فيني الزمن لكنت اخترت عمل اداري بسيط عشان اشخر عالمكتب واعطي الدنيا اكبر طاف


بس خلاص ماعاد في فكة


اذا بتروحين وزارة ثانية روحي موفقة


لكن اذا بتظلين مدرسة نصيحة خلج مدرسة روضة اسهل الامور واهونها

وعسى ربي يوفقكم يا مدرسات المستقبل وزميلات المهنة

موفقات كلكم


ودايمن خلوا ببالكم كلمة { مافي حدااااااااااااا مرتاااااااااااااااح } وغنوها مع بوبكر سالم ورويشد

لأنه فعلا فعلا على قولة دكتوري بالجامعة الكل بهالدنيا تعبان ومافي وظيفة بالدنيا تفصيل عالمقاس المطلوب كل الوظائف تعب

وكل المهن تعب وتظل وظيفة المعلم وظيفة من اشرف واقدس الوظائف

اذا بتكونون مدرسات ومربيات اجيال اكفاء حياكم الله الوظيفة تنطركم

واذا بتكونون معقدات للاجيال هاهاهاها لايبه فكونا من شركم لاحد يدرس وهو كاره المهنة يرحم امكم

ترى التدريس احلى شي بالدنيا


والادارة والموجهة والمشرفة والخرابيط هذي كلهم اشخاص بين يوم وليلة يروحون ومايبقى الا العمل الصالح


وشكرا




تعبت اشرح ترى


:aha:

 

[%CLaSs-LaDY%]

انا مع كلام عهود الحب..يعني عطتكم المختصصصصصصصصصصصصصصصصصصر..صج وظيفتنا كمدرسات روضه متعبه نوعا ما بس جد رحمه عن باقي المراحل! لاتصليح ولا كنترول والتحضير اسبوعي والدوام ينتهي مبجرررررررر..هذا رايي الشخصي

 

[كيفي ادلع]

نفس كلا الاخت تركوازي بأوال الصفحة

ياختي الدراسة سهل مثل الماي والشغل عسر يبيلة أبداع في حال تجهز وقتج أغلبة للروضة من دوام فعلي +تفكير شنو راح أقدم لان ماكو منهج+روحت أبو امية أوالطباعة أوالسوق --------الخ


نصيحة _ فكري عدل وشوفي اختاري بالابتدائي مادة غير أساسية والمعاش مثل ماهو بس الفرق30ساعة الدوام ماتسوى الراحة النفسية




\\\\\\\\\\\\\\\\\\\\ استخيري وسوي اللي عاجبج انت اللي راح تكرفين موامج مو زوج والاابوج والاانا

 

[زينة شو]

الله يعينج تكفييييييين اذا فيه مجال انحاشى انا لى 13 سنه وليما الحين وانا تعبانه وقط فلوس وتعب نفسى وجسدى ماعندنا منهج تستدلين فيه ولا منهج واحد يعنى كل من يعطيج اللي براسه من الصبح لاخر الدوام وانتي ماسكه الصف ودخول عليج يوميا من المشرفه والناظرة وغير التوجيه المعقد مع اني والله معلمه متميزة والحمد لله محبوبه من الادارة والاطفال واهاليهم بس عقدنا المنهج والتعب وفرش الصف سنوياوالمراقبة كانج انتي الطفل تعبت تعبت وصار فيني دسك ونفسيه وماادري عن بيتى واسرتى من هالدوام المتعب واسمحيلي بس والله ناصحه لج اذا فيه تخصص مساند اخذيه عشان ماتدبسين والله يوفقج واسمحيلي علي مرورى

 

[مجبوس دياي]

اخذوها معلومه

رياض الاطفال هو اسهل تخصص بالتربيه الاساسيه وخفيف

لكن بالتدريس يقولون تعب وفي ناس يقولون سهل

بس اعتقد ان اصعب شي التعامل مع الاطفال

 

[نور الضي]

يمممممممممممممممممممممممه
خرعتوني
انا توني متخرجه من كليه العلوم الاجتماعيه
تخصصي علم نفس
ما ابي اخصائيه
ابي اصير ابله روضه
عشان فرق المعاش
وانا احب الجهال
وبالي طويل
الحمدلله
وكل وظيفه فيها تعب
بالميداني
طلعت عيوني من شغل الاخصائيه
فانا مداومه مداومه
ليش ما اصير مدرسه رياض ابرك
مو معقوله المعاش طاير علي الروضه يا بنات؟؟
جم تصرفون بالشهر علي الروضه؟؟
وشنو حلقه ؟ خبره؟
فهموني
جاوبوني بنات
جزاكم الله خير
بس والله اخترعت من ردودكم

 

[nero]

الصرف عادي لا تخترعون وتحسبون المعاش كله

بامكانج ما تقطين ولا فلس

الي يقطون يبون الصرف والا جان ما قطو والا الروضة توفر الاساسيات

بس الي تحتاجينه بدروسج اول سنه بس تجمعين وباجي السنين ولا شي على الي عندج

والبنات يتشكووون .. قولو الحمدلله ولا تخرعون البنات

كل مكان له مميزاته وعيوبه

والي مو عاجبها مكانها خل تغير مجالها ليش قاعده؟؟؟

 

[BroKeN GiRL]

نور الضي ماعتقد يصير انج تصيرين مدرسة وانتي خريجة علم نفس


الا اذا درستي اقين رياض الاطفال


لان كل مقرراتنا عن الاطفال ترى @@
وماعتقد لم النفس يتطرق حيل لهالموضوع


وانت براحتج اذا يصير حولي

 

[روند]

نور ظنتي يصير لان اعرف وحده متخرجه من الجامعه تخصصها علم نفس وصارت بالروضه

 

[ع ــندك / خ ــبر]

يمممممممممممممممممممممممه
خرعتوني
انا توني متخرجه من كليه العلوم الاجتماعيه
تخصصي علم نفس
ما ابي اخصائيه
ابي اصير ابله روضه
عشان فرق المعاش
وانا احب الجهال
وبالي طويل
الحمدلله
وكل وظيفه فيها تعب
بالميداني
طلعت عيوني من شغل الاخصائيه
فانا مداومه مداومه
ليش ما اصير مدرسه رياض ابرك
مو معقوله المعاش طاير علي الروضه يا بنات؟؟
جم تصرفون بالشهر علي الروضه؟؟
وشنو حلقه ؟ خبره؟
فهموني
جاوبوني بنات
جزاكم الله خير
بس والله اخترعت من ردودكم

:0bee2e8d89: مو فاهمه شي وبتصيرين ابله :0bee2e8d89:

صراحه القرار المفروض يرفضونه

لأن صج صج فرق بين التخصص .. احنا ماخذين تدريس ومنهج ومقرااراات وايد

ووسائل وورش

وانتم بارده مبرده

ظلم جذي

 

[مليحة الكويت]

بنات ممكن اعرف جم معاش مدرسة الروضة الي شهادتها جامعية ...و الله بتطمن على مستقبلي...خخخخ

 

[*أم*خالد*]

الخبره اهوا فصل chapter ندرسة للأطفال

يكون عن موضوع معين

الحلقه = اهيه الحصة التعليميه للأطفال مدتها 20 دقيقه تطبقين فيها 3 اهداف عقلي ووجداني وحركي

الوظيفه حلوة بس على حسب الاداره واللي معاج بالصف
اذا صارو زينين صار الدوام روعه وزوغه واذا احد منهم فيه غلط الله يعين ويفرج

التعامل مع الأطفال سهل .. بالحنان والمحبه تكسبينهم .. لكن التعامل مع الكبار شوي يبيله فهلوه

مشكلة دوام التربية بشكل عام صبح عصر .. وحقوقج مهضومة ومسحوب عليها سيفون بعد

ومافي وظيفه تخلى من المشاكل والعيوب

اللي تبي تدش حياها الله

واللي نقطه .. تقريبا من 50 إلى 100 دينار شهريا مابين قرطاسية واحبار طابعه ووسائل والعاب .. وانتي وشطارتج تحتفظين فيهم وتعيدين استخدامهم كل سنه .. ولا شغل كلينكس وتقطين بالزباله وتجهزين من أول ويديد

 

[اسيل25]

رد: ابلات الرووضه .. ابي الصج .. إنتم مرتاحين ؟؟؟؟؟؟؟؟؟

السلام عليكم انا معلمة رياض اطفال صارلي 3 سنوات وانصحج لا تدشين روضه لالنها انتحار:krkrkr:

 

[الوفااا]

صباحكم// مساءكم وورد

بنات انا الحين مقدمة على التوظيف للاسف رياض اطفال انا جربت الميداني بس ما احس استفدت حييل صراحه مو كل شي عرفته وبعدين صارت لي مشاكل مع المدرسه نفسها من امهات الاطفال ولا من سوالف المدرسات المهم انا لي الحين بقالي كم ورقه واخلص من اجراءات التوظيف بس سمعت عن اللي بوزارة الاوقاف شغل اداري ومعاشاتهم 700 دينار من غير البدلات بلييز اللي تعرف احد بالاوقاف تفيدني قبل لا اتورط بالروضه وهم بعد سمعت عن بيت الزكاه هم معاشاتهم حلوه توصل 800 بنات تكفووون فيدوني اللي موظفه بالاوقاف او بيت الزكاه تكفووون ولا مدرسه بالرووضه ناطره ردكم تكفووووووون فيدوني

 

[الوفااا]

ردوا علي بنات بلييييز

 

[dam3ah q8]

انا مدرسة روضه وهاذي ثالث سنه لي الصرااحه موشي التخصص وايد كرف ماتوقعت جذي لما كنت ادرس بالكليه دراسة الكليه كانت رووعه بس الوظيفه موحلوة وكل شوي قرار وغير الحين بدخلون منهج يديد انا بحاول انقل وزراة ثانيه لاني بسرعه اتعب وايد حساسه ما اتحمل كلام من احد بعد ما اتعب بشغلي ومايقدروني ادعولي بالتوفيق بالنقل احلى شي بالتخصص العطل والطلعه مبجر والمعاش بس انا عندي نفسيتي تكون مرتاااحه هذا اهم شي عندي