شرايكم باللي قاعد يصير داخل محلات قمصان النوم ؟؟؟؟؟!!

[۩۩ الجـــــود ۩۩]

صادقه والله اختى انا متزوجه والله اتفشل لمن اشوف ريايجيل واقفين داخل المحل مع انه زوجى واقف ينطرنى برا واغلب محلات القمصان صغيره وزحمه

مرات والله اطلع اوقف معه برا لما يخلصون ويطلعون

 

[مسك الغلا]

عدل كلامج حيل فشله المفروض يحسوون على عمرهم و يطلعوون

 

[Ba$ko0oTa]

والله الصراحه انا ما اييد زووجي يدخل معاااي مو حلوه وفي حريم تضااايق
يعني ليش مستعيلين على شوووفة القميص ما رده بشوووفه
وحلاته يكوون مفااجئه ومو معقوووله وما تعرفين شنو ريلج يحب
عااد انتي وفناتكج
وهذا من وجهت نظري
ومشكووره على الموضووع حبوووبه

 

[㋡..PRINCESS..㋡]

مشكوووووورين بنات على ردودكم الحلوه :eh_s(7)::eh_s(7)::eh_s(7):

بصراحه أول ما حطيت الموضوع شفت أغلب الردود تعارض كلامي فاستغربت :080402ask_prv:
بس عقبها لا والله شفت ان الغالبيه مأيدين كلامي الحمدلله :icon30:

عالعموم حبايبي تسلموووووون و على راسي كلكم :ggdw:

 

[الكويت غالية]

صرررررراحة احب زوجي يدخل معاي بس بس بس اذا المحل فااااااااااااااااضي

بس هو مايعطيني وجه لو مافي غير انا واياه واللي تبيع مااااااااااااااا يدخل

 

[حبيبه ماجد]

ماادري احس عادي انا يدخل بس عينه والله بارض مو بس في محلات قمصان النوم في كل محل كذا طيب حبيبتي تستحين من الريال اللي داخل مع زوجته طيب اللي يبيعون هم ريايلانا استحي ادخل محلات قمصان النوم لحالى لان فيه ريايل والله مايستحون يجي يوريك القطعه الجديده ويقولك هذا عليه تخفيض وهذا لا وحتى الملابس الداخليه يجي ووريك الجديد ويطلعلك المقاس هم تستحين بس اذا كان زوجي معاي هو يتفاهم معاهم موانا ماادري امكن عندك غير في الكويت اللي يبيعون حريم بس انا كمان اايد انه مايشوف قمصان النوم عليك احسن كنت زمان اخذه بحكم اني مو في نفس ديره اهلى لمى نقلت عندهم صرت اروح مع خواتي هذا اللياشوفه وحضلي والله ترا فيه ريايل يبيعون في زي كذا محلات مايستحون بكون في السعوديه اقول كذا امكن عندكم غير

 

[نوت]

عيييييييييييييييييب...عيييييييييييييييييييييييييييييب....عيييييييييييييييييييييب

بصراحه عيب والله عيب ....واللي توافق على هالشي اسمحيلي مو منطقي يدخل هالمكااااان
وشنو السبب اللي يخليه يدخل.....بصراحه حتى اللي تقول عادي يفاجء او شي شالسالفه وين
قاعدين...يوصيها...لانه لو يدخل المحل معاها يعني يمون على زوجته وعادي
فيقولها ابي جذي وجذي ومشتهي جذي...............

الا اذا الا اذا اللي يبيع هالملابس رجل....ايه اخليه يدخل عااااادي


اما غيرها فاسمحولي بنااااااااااااااات مايصير تخلونه يدخل من باب الادب والاحترام
والسالفه فيها كلام مع اللي تبيع وقياسات ومن هالسوالف اللي تعرفونها


وانا اتمنى اللي اتخلي زوجها المحل ,,نقولها ياليت تحترمين البنات وما ادخلين زوجج هالمكان
ولا تعتقدين انج مستانسه وبتتفاخرين قدام الحريم...انج وزوجج متفاهمين وماينين على بعض ومتفاهمين بهالسوالف
ترى مو حلوه والله.......................

سؤال انتي ادخلين قسم حق الملابس الرجاليه للسراويل القصيره الداخليه وبين الرجل اتشرين هالسراويل مايصير
انا احس مايصير جذي...............................


وترى بعد النت فيه كل شي ,,اذا بيشتري يشتري من النت وكل شي فيها



واللي تقول فااااااااااااضي المحل ومن هالسوالف شحاااادج جذي

على العموم انا اقول اسمح له يدخل....اذا اللي يبيع رجججججججججججججل اذا اللي يبيع رجل فقط اخليه يدخل


وياليت المتزوجاااااات مايدخلون ازواجهم المحل,,,,,,,,,,,,تحقيقا لرغبات الاغلبيه من البناااااااااات

 

[مسالمه]

بالنسبه لي دايماً أترجى زوجي يدش معاي بس واااااااااااااااااي كله يرفض يقول فشلى عيب مرات يوقف بعيد وأقوله هذا حلو من بعيد ويقعد يهز راسه جنه هندي أي أو لا وعلى هالحاله وللعلم يكون فاضي المحل ماكو أحد داخله أما أذا في أحد أنا أقوله لاااااااااااااااااااااااا عيب

 

[MaZyOoOoNa]

شوووفي انا معاج وتصادفني بس بالطقاق اشتري وجنه العيد اذا اهووا ما استحى انا استحي طااف وجنج ماتشوووفين

 

[رويال ديزاين]

ليش بره الديره حلال و بالديره حرام .. شنو تغير الأصل و الدين و الاخلاق..

شكثر بنات أعرفهم رياييلهم لمن يسافرون ييبون لهم صوغات و هدايا قمصان نوم و بيبي دولات ..
و شكثر أعرف بنات يوصوون رياييلهم يبولهم سوالف وكريمات و خرابيط من تايلند و من أوروبا ..

ليش حلال بره الريال يدخل و حرام داخل ..

صراحه الشي يعتمد على المره ... أولا و أخيرا ..

مثل اللي تقول ألحين آنا أطلب منه يدخل معاي و يتنقى...

و بصراحه ... و بدون زعل ... إحنى دايما ننقد على أي شي يصيير جدامنا..
يعني ريال ومرته بيشترون ملابس داخليه .. بيشترون أي شي .. كيفهم كل شي نسوي منه سالفه...


لمن الريال ما يشتري حق مرته ولمن ما يبين لمرته شنو يبي و لا شنو يحب نقول ما يهتم و ما يبين بعينه شي ..

و لمن يدخل مع مرته المحل حتى لو تشتري دراعه مخمل على قولتكم و يبصبص على الصور مثل ما تقولون و على قمصان النوم .. ترا مو غلطته غلطة اللي مدخلته معاها عشان دراعه!!!

و اللي تقول يشترون بوقت الصبح و لا بالاوقات اللي مايكون فيها أحد تكفين .. إحنى لنا وقت محدد نتسوق فيه .. ماكو .. من يصير عندنا جمن بيزه طيران عالسوق...

والله آنا مو مع و لا ضد .. انا صراحه أعتبر هالشي مسؤولية المره نفسها... و إهي اللي تقدر تقول حق الريال دش المحل و لا تقدر إهي تعرف شنو يعجبه و تختار ...

و الله يهني كل المتزوجين .. و الله لا يفرقهم .. و إذا إهم متفاهمين خل يشتريلها قمصان نوم عطور هدايا اللي يبي ..
مو بس حق الخربطه و السوالف اللي ماترضي الله يعني مو حق واحد يشتري لرفيجته اللي ما أدري من أي جنسيه ..

ذاك اليوم يا بنات بالأفنيووز ... و مع إحترامي لكل الجاليات العربيه في ديرتي ..
بس صراحه هاللبنانيات ... مصخووها.. هالزقاير ... و اللبس الفاضح .. و الكلام بصووت عالي.. و التعليقات .. المشكله بنات من 18 لي 30 سنه...

غير اللي يبيعون بالمحلات ... و بالذاااااات ماك ...

و التونسيات و المغربيات و البطوون و الصدووور و السيقان... كله مكشووف ...

و حتى الفلبينيات .. التدخيين اشكره صاير ... فلبينيه ذاك اليوم ب مطعم إيكيا .. زقاره ورا زقاره و معاها لبناني و فلبيني ..

و تضحك ... و تصرخ ..

يبا ديرتنا صارت مفتوحه بحري ... الله يستر علينا و على ديرتنا الحبيبه ...

 

[eman84]

والله بناات كل وحده تنام على الجنب اللي يريحها ؟!!؟
اذا تبي ريلها يدش خل يدش و اذا ماتبي مو لازم انتو مالاداعي تحطون عيونكم و تراقبون منو دخل و منو طلع من المحل ؟!!؟ ومو كل الرياييل نفس الاطباع ,, يعني شلون تكسر بخاطر ريلها ووناستها علشان باقي الحريم يرتاحون ؟؟
اسمحولي انشغلوا باشياء وااايد اهم واللي مجربه هالشي اكيد مرتاحه و مستانسه ومنو يحصله ان ريلها ينقي لها و يلقيها وجه بهالسوالف ؟؟؟
واللي مو عاجبها لا تدخل و خل تطلب الملابس الداخلية من الانترنت احسن , و كا في الطاهر رياييل يبيعون مادري اذا ليلحين بس هل معناته ان ماكان في احد يدخل هالمحل ؟؟ ولا احد يشتري منه ؟؟؟
بنااات كلش مالاداعي انكم تحطون فوارق بينكم و بين ازواجكم ترى والله هذا اكبر غلط بالعكس خليه يكون معاج بكل شي هذا زوجج مو غريب و الشي الوحيد اللي انا امعاكم فيه ان وقت الزحمة خل ينطر بره , لكن المحل فاضي شفيها اذا دخل و اختار اصلا قمة المتعة وتقبلوا وجهة نظري خواتي و عسى الله يوفقكم بحياتكم

 

[كشوخه]

والله انا اللي اشوفه انه عيب وماله داعي الريال يدش محل خاص للحريم ... شنو يدخل ماكو شغل ... واصلا باجي الحريم ماياخذون راحتهم اذا كان ريال بالمحل ... اسمحولي بس شكله غلط ... واخزيااااه ... شلون تسمحين حق ريلج يشوف باجي الحريم واهمه يختارون القمصان والمقاسات واهوه مرتز بينهم !!!!!!! واصلا مانعين من زمان ان يكون ريال يبيع بالمحلات اللي تبيع هذا النوع من الملابس كل اللي يشتغلون حرييييم ... يعني اللي يبيعون حريم واللي يشترون حريم واللي ينباع بالمحل لبس حق الحريم شكو الريال داااااااااااش ؟؟؟؟؟؟

 

[زيزو]

انا من اول ماملجت كان شرطه السوق مايطبه لانه مايحبه اروح مع امي ومع اختي او رفيجاتي حتى ريلي اذا يبي شئ حقه عطاني فلوس وقالي روحي اشتريلي الصراحه احسن

 

[CHEESE CAKE1]

والله انا معاج كشوخه بكل كلمة قلتيها
كلش ماله داعي ريال يمي وانا أمط الصروال ولا أجيس اسفنج الستيان
اصلا اشلون الريال يرضى على نفسه
واللي تقول عادي يرضى ريلها يدششها بين صراويل الرياييل ؟؟؟؟؟
جاوبوني

 

[ربي يفرج لي]

حلو موضوعج وانا بعد يبطون جبدي

 

[زهر الرمان]

لوووووووووووووووول اعجبتني امط الصروال لووووووووووووووووووووووووول:krkrkr: اما اجيس اسفنج الستيان هاذي جنج انا لانه لازم يكون في اسفنج وله يصير جنه ماكو شي
المهم انتوا تتكلمون اذا دشت مع ريلها واللي تقولكم كنت بماركس اند سبنسر وام وولدها فيه 16 سنة قاعدة تشتري صراويل وستيانات جدامه صج اي شي حمدلله والشكر انا لاعت جبدي قعدت افتر لين راحوا هذا مراهق وريال عييييييب عبالها للحينه ياهل صج اي شي الله يالفشله اتبطل عيون الولد على اشياء جذي

 

[رويال ديزاين]

كل ردودكم صراحه تعجبني اللي مو عاجبها صراحه أقنعتني و اللي عادي هم أقنعتني الله لا يحرمنا من هالمناقشات الحلوه

 

[قطريه من قدي]

والله عندج حق يااختي

انا مايدخل ريلي معاي لان ماعندنا هالعاده في قطر

الرياييل مايدخلون محلات الملابس الداخليه وقمصان النوم:friends:

بس في السعوديه كل مره ادخل المحل اشوف رياييل مع حريمهم

ولا يطلعون حتى لو فيه مليون وحده ,,لا بعد ويوقف معاها يحاسب:23_asmilies-com:

 

[ريان الكويت]

صح كلامج انا متزوجه واموت من الحيا اذا شفت ريااااااااااااااال بالمحل والله مرة صار فيني موقف انا واختي طبعا كنا قاعدين نتشرى ولا يدش ذيك الريال ومرته والله انه مرته قاعد تتشرى وموداريه عن رييلها وهو طايح خز بشنو قاعد ناخذ اختي لاعت جبدها وطلعت من المحل وانا عطيتها الملابس من تحت لي تححت وقتلها حطي بالجيس على طول وصح في رييايل يحترمون الناس وحريمهم ويوفقون بره

 

[um jude]

اي والله عرشي وبروحه بيطير الحيا