شرايكم باللي صار ... الحق معاي ولا معاه تعالو احكموو

[اختكم بالله]

باجر طلعي واستانسي

والله كلهم جذي الريايل

 

[نورعيونك]

من رايي انج تعذرينه لان صج الوقت متاخر يعنى ماتسوا واهو قالج اذا تبين نطلع بطلعج مارفض وعطاج اختيار ان باجر تطلعون مبجريعنى مارفض عادي طوفيله والله يوفقكم

 

[غنج اهلها]

رد : شرايكم باللي صار ... الحق معاي ولا معاه تعالو احكموو

بحسسة بزعلتي علية والله لازعل >> عاشنت جووو

مالت على هالريايل اغلب طلعاتهم بالنكد والغصب

 

[قلب الأم]

رد : شرايكم باللي صار ... الحق معاي ولا معاه تعالو احكموو

تبييين الصراااحة ومن غير زعللل مو مثل ما قلتي انج عارفة ان هو الغلطان لااا لاا انتي الغلطانة...

يعني اثنينكم راحت عليكم نومة مو بس اهوو .. وقال لج بوديج اذا تبيين حتى لو من غير نفس بس عالاقل سأل واحد غيره ممكن يقول لاا مالي خلق وماكو طلعه وخلاص.. تبين الصج اهو خيرج بس حسيتج قاعدة من النوم مزاجج متعكر ان راحت عليج نومة وحطيتي الحرة فيه المسكين وهذه الحركة احنا يالحرييم واااايد نسويها نتحججج ونتذمر ونبي الشااارة عشان ننطنقر...

لا تكبرين السااالفة ما طلعتوا اليوم الله ما كتب باجر بتطلعووون احلى طلعه وانتواا راااايقييين ومستعدين

الله يدوم المحبة بينكم وتشبعين من الطلعات والتفرفر..

 

[ام شووووق]

رد : شرايكم باللي صار ... الحق معاي ولا معاه تعالو احكموو

اهو حاول معاج لاخر لحظه وصار الغلط عليج

 

[بتبوتااا]

. اوكي يا قلبي الريال لأخر لحظه قاعد يخيرج فديتج ,
المهم انه الحين تعدلين المود ولمن يرجع تقولين له باجر كله انت لي بروحي وعاد فنتكي معاه وتدلعي وامري عليه ,
وان شاء الله طلعتكم تعوض الزعل الي صار فديتج وخيره لج .

 

[q8y-moon]

كلهم جذي
وابشرج استخفو اكثر مع هالمخيمات

 

[Lucky12]

رد : شرايكم باللي صار ... الحق معاي ولا معاه تعالو احكموو

إنتي الغلطانه

حتى لو كان متملل وماله خلق ومتعومس من أول مايقول لج إمشي على طوووووووووووول لبسي وقولي يلاااا فوووووقه

حياتي كل الرياييل جذي

بس إنتي لو كنتي ايجابيه جان خذيتي هالوقت لج غصبن عن ربعه

تذكري هالمثل " الحي يحييك والميت يزيدك غبن "

حتى لو الوقت متأخر عادي طلعي واضحكي وفرفشي

وهالله هالله بالسوالف اللي يحبها بعييييد عن النكد وأمك وفلانه واختك ومادري شنو

وعسى الله يخلي لج ريلج شكله طيب وشاري خاطرج

 

[الغاليه ام احمد]

شوفي يا بنت العوازم يابنت عطا

اخذيها من وحده كبر امج ومن قبيلتج

انتي كبر بناتي ونفس سالفة بناتي الصبيه -جبد - الوفره -الشاليه -هذي الاماكن اللي يروحلها رياجيالكم (انتي وبناتي )

زين مع منو يروحون طبعا مع ربعهم (لا تقولين يمكن رايحين للخراب لا يا عمري كل وحده تعرف اخلاق رجلها )

وبعدين الرجال ما يقدر يتجمع مع ربعه الا يوم الخميس والجمعه اللي يقدر يسهر فيهم فخليه يروح

اما انتم يالحريم كل يوم يا عرس يا استقبال ويا ويا ويا

يعني ما شاء الله يا بقيتوا الطلعه تلقونها

ويوم الاجازه روحي لاهلج واطلعي مع امج وخواتج وروحي لمواجيبكم او المجوعات او جمعتكم انتم وخالاتج

والحين الموضه الجديده الاستقبالات خميس وجمعه الله يرحم ايام اول

وصدقيني يمه رجلج يحبج والدليل انه قالج امشي من الاول بس الوقت متاخر
لو انتي جيده جان قعدتي الساعه 5 او 6 وقعدتيه ولبستي
بس الظاهر انتي منتي مشتهيه وليش لازم اهو يقولج امشي مو انتي قايلتله قبل لا تنامون بطلع

وبعدين الرجل ردلج وقالج امشي بس لا تزعلين انتي عوووجه ليش واقف على الباب ما قرب مني وترجاني

اشتبين بعد رد عشان ما تزعلين
عبالج الحين مثل اول ما تزوجتي لا ياحبيبتي اول انتم توكم جدد وتجاملون بعض ويراضيج الحين تعودتم على بعض ما في داعي المساحل

شوفي حافظي على رجلج تراه يحبج وشاريج والدليل ردلج مره ثانيه ماهان عليه يروح وانتي زعلانه

خلاص ما حصل طلعه اليوم باجر تطلعين ما تقدرين عندج عرس غير هاليوم ما طارت الدنيا

المهم لا تضيقين خلقه واحرصي عليه والله ما راح تلاقين مثله

والله يسعدكم

ولا تزعلين من كلامي والله الشاهد نفس هالكلاك اقوله لبناتي

 

[::: زووغة :::]

رد : شرايكم باللي صار ... الحق معاي ولا معاه تعالو احكموو

جنج حالتي لازم احنا يالحريم نبادر بالشي
بس ما عليه طووولي باااااااالج

 

[نور مغليها]

رد : شرايكم باللي صار ... الحق معاي ولا معاه تعالو احكموو

الموضوع من يومين او ثلااث اكيد طلعتي


واذا كنتي تبين بينين لهـ انهـ انكسر خاطرج بالطلعهـ انتي قولي لهـ
لا تنطرينهـ من نفسسهـ يفهم .!؟
لا انتـي قوليـ لهـ كرست خاطري بالطلعهـ وإنتـ رحت لربعــك واستآنست

 

[ommishari]

سامحيني ......... بس انتي مكبره السالفه والواضح إنج صغيره بعدج ماعنج خبره
حبيبتي لا تخربين على نفسج بالزعل.... صدقيني لو إن ريلج ما يهتم فيج جان مارد واهو كان بيطلع ويمكن كان بالسياره بس لما حس إنج متضايقه رجع على طول وخذا بخاطرج وهذا أكبر دليل على حبه واهتمامه لج
ونصيحه مني بما إني أكبر منج ( مو وايد ) وأكثر خبره بالزواج اذا كنتي بتطلعين معاه مره ثانيه لبس وتزهبي وقعديه من النوم امبجر قبل المغرب لأن الريال يمل من النطره وانتي توج بتلبسين وتتزهبين
ولازم بعد تقعدين معاه قعده حلوه وتطلبين منه يخصص أيام تطلعين فيها معاه وأيام حق ربعه لأنج اذا تحبينه أكيد تبين له الوناسه
اذا حس بالراحه وانج ما تزعلين لما يطلع صدقيني راح يستانس منج ...... ومره ثانيه لا تخربين زواجج بالزعل ترا مع الوقت اهو راح يقول اهي زعلانه زعلانه بكل الأحوال
آسفه طولت عليج بس ما أحب أشوف زواج يخترب

 

[نـــووونـــا]

رد : شرايكم باللي صار ... الحق معاي ولا معاه تعالو احكموو

شرايكم باللي صار الحق معاه ولا معاي ...
انا ابي اهو يجي يقولي خنطلع من زمان ما طلعنا هم ما اطلب اطلع من زمان ولما اطلب ما يرضى متضااااااااااااايقه حيل خاصه انه باجر عطله ودي ارد على كيفي دايم اذا طلعنا طول الطلعه يلا بنرد مبجر ورانا دواام قلت باجر عطله بستانس..
لو انتو مكاني امانه شنو تسوين شلون اخليه يحس انه غلطان ؟؟ ابيه يحس فيني يحس ان خاطري بالطلعه وكسر بخاطري

حبيبتي نفس حالتي لا وابشرج بعد لو اطلبوا خواته يطير طيران ولو بيتشكى يجيني انا فرع التشكي وخواته اللي يكسرون الخاطر ع قولته اللي كل ديره يطبونها ويوميا يطلعون ومايتعطلون ومايردون الا 12 بالليل حضرتهم ولا حسيب ولا رقيب .. وانا بس عيونه علي وين مارحت او جيت ...
وهم راضين .. بس شقول غير انه حظ

,,,

,,

 

[نجمه فوشيه]

رد : شرايكم باللي صار ... الحق معاي ولا معاه تعالو احكموو

خيره لج

وباجر لفي الكويت كلها دامه وعدج ومريني معاج لووول

 

[عيون القرناس]

رد : شرايكم باللي صار ... الحق معاي ولا معاه تعالو احكموو

لا تنشبين بحلقه يابنت كيفه لاتتكلين عليه بطلعات والله لتزهقين وانتي شوفي مزاجه وفي الوقت المناسب

 

[منيرة خالد]

طلعه فيها قلت وقال ما عليها شفى


حلات الطلعه بالتفاهم ورضى الطرفين



طوفي هالموقف ما صار شي

 

[رحيل المرافيء]

رد : شرايكم باللي صار ... الحق معاي ولا معاه تعالو احكموو

يمكن هو متعومس
مع ربعه بيقعد بالدوانية بس لا طلعج بتقعدون تفرفرون يمكن ماله خلق
و7ونص الوقت متأخر على ماتبدلين على ماتوصلون المكان اللي تبونه مع زحمة الشوارع الاا كل شي مسكر ومقفل
وقالج باجر باجر مافيها شي
لاتكبرين الموضوع
احيانا الواحد يحط بباله بطلع هالمكان تالي يهون ماله خلق عادي

 

[الابرار75]

الله يهديه لش

ويخليكم لبعض

 

[لولو المزيونه]

اب اب