مرحبا بنات
شخباركم ..
بكتبلكم شصار بيني وبين زوجي اليوم وانتو احكموو بس ياليت كل وحده قبل لا تحكم تحط نفسها مكاني...
اول شي اليوم لما رديت من الكليه قلتلهه شعندك اليوم قالي ماعندي شي قلت اوكي عيل خنطلع من زمان ما طلعنا
قالي ماشي ورحنا قيلنا شوي اهو قعد الساعه 7 ونص المغرب وكان متضايق يوقلي يوووو ياشين القومه هالحزه ما احبها تخليني متعومس ومالي خلق شي وانا منسدحه عالفراش قام دش غسل وبدل وانا قاعد انطره يقولي يلا قومي عشان نطلع ؟؟
جان يقولي يلا الساعه 7 ونص ماتبين تقومين قلت امبلا يلا بقوم جان يقولي والله انا متعومس ومالي خلق شرايجد نخلي الطلعه باجر انا ساكته جان يقول حتى الوقت متاخر على ماتبدلين ونطلع صارت الساعه 9 وانا للحين ساكته جان يقولي باجر اوديج من الساعه 5 انا هنيه حست انه مايبي يطلع وانه قاعد يسكتني ويعودني جني جاهل جان يقولي ها شقلتي اروح المخيم عند ربعي ودي اروح العب ((يلعبون لعبه بالكمبيوتر )) جان اقوله وانا معصبه روح العب والله يابنات انا قلت هالكلمه جان اشوفه خذا غترته وطلع على طوووووووووووول من غير نقاش واسمع صوته اول ماطلع من الغرفه يكلم رفيجه بالتلفون والله صوته مستانس يسولف ويضحك @@ هذا اللي متعومس جان ينزل انا انغثيت حدي والله يابنات انه اخر مره طلعت معاه كان 9 -10 عيد زواجنا اذكرهاا ومن بعدها ماكو شي اهو كل ويك اند يروح يلعب مع ربعه وينام عندهم وانا مخليته عادي الحين على هالطلعه حلت اللعبه بعينه مايقول اخليهم شوي واطلع زوجتي اونسهاا ..
دزيتله مسج قلتله انه كل عطله مع ربعك تروح تستانس وانا قاعده ومن هالكلام
جان يدزلي (( انا للحين مارحت اذا تبين اجي واوديج ولا اخليها باجر كيفج ))
امبيه حسيته ماله خلق عالطلعه كلش واذا بيطلع باله مع اللعب وانزين ليييييييش مو اهو من نفسه يقولي يلا خنطلع لازم ازعل واسويها سالفه ترى من حقي اطلع واغير جو انا مابي كل يوم من زمان ماطلعت ..
المهم رديت عليه قلت روح عند ربعك يمكن بتعدل مزاجك ..
جان يصعد عندي ويقولي لاتصير زعول شفيج انا قلتلج تبين الحين ولاباجر والله باجر اسويلج برنامج حلوو ما اخلي مكان ما اوديج قلتله لا مابي لازم اوزعل حتى الطلعه بتصير بايخه الحين ماتقدر تستغني عن ربعك كلش لازم تروح لهم انا ابي يوم واحد مو كل يوم مابي لا اليوم ولا باجر توكل على الله روح يالمتعومس اصلن واااااظح انك متعومس لانك اول ما طلعت على طول طرت كلمت رفيجك عشان تواعده عالعب ..
قاعد يوقلي امشي ويلا وانا ادري انه بس جذي من غير نفس لانه لو من نفسه جان حلف علي او جا عالاقل قعد يمي ومو يكلمني واهو واقف عند باب الغرفه .. اذكر قبل صار بينا نفس هالموقف يبيني اطلع وانا زعلانه والله راح جاب عباتي ولبسني غصب وطلعني اما اليوم لا يكلمني واهو عند الباب غثثثثثثثثثثثثني حسيت اني ودي اذبحه انا بفهم شهالربع هذيل اللي مايقدر يستغني عنهم ليش .. قام وطلع وخلاني بس قبل لايطلع قالي زهبي نفسج باجر قلتله اني باجر مشغوله عندنا عرس الاسبوع الجاي وانا اللحين ماضبط بدلتي يلا يمديني قالي المهم لاتزعلين قلت يلا يلا روح حق ربعك قبل لا يزعلون عليك جان يطلع ...
شرايكم باللي صار الحق معاه ولا معاي ...
انا ابي اهو يجي يقولي خنطلع من زمان ما طلعنا هم ما اطلب اطلع من زمان ولما اطلب ما يرضى متضااااااااااااايقه حيل خاصه انه باجر عطله ودي ارد على كيفي دايم اذا طلعنا طول الطلعه يلا بنرد مبجر ورانا دواام قلت باجر عطله بستانس..
لو انتو مكاني امانه شنو تسوين شلون اخليه يحس انه غلطان ؟؟ ابيه يحس فيني يحس ان خاطري بالطلعه وكسر بخاطري :eh_s(2):
شخباركم ..
بكتبلكم شصار بيني وبين زوجي اليوم وانتو احكموو بس ياليت كل وحده قبل لا تحكم تحط نفسها مكاني...
اول شي اليوم لما رديت من الكليه قلتلهه شعندك اليوم قالي ماعندي شي قلت اوكي عيل خنطلع من زمان ما طلعنا
قالي ماشي ورحنا قيلنا شوي اهو قعد الساعه 7 ونص المغرب وكان متضايق يوقلي يوووو ياشين القومه هالحزه ما احبها تخليني متعومس ومالي خلق شي وانا منسدحه عالفراش قام دش غسل وبدل وانا قاعد انطره يقولي يلا قومي عشان نطلع ؟؟
جان يقولي يلا الساعه 7 ونص ماتبين تقومين قلت امبلا يلا بقوم جان يقولي والله انا متعومس ومالي خلق شرايجد نخلي الطلعه باجر انا ساكته جان يقول حتى الوقت متاخر على ماتبدلين ونطلع صارت الساعه 9 وانا للحين ساكته جان يقولي باجر اوديج من الساعه 5 انا هنيه حست انه مايبي يطلع وانه قاعد يسكتني ويعودني جني جاهل جان يقولي ها شقلتي اروح المخيم عند ربعي ودي اروح العب ((يلعبون لعبه بالكمبيوتر )) جان اقوله وانا معصبه روح العب والله يابنات انا قلت هالكلمه جان اشوفه خذا غترته وطلع على طوووووووووووول من غير نقاش واسمع صوته اول ماطلع من الغرفه يكلم رفيجه بالتلفون والله صوته مستانس يسولف ويضحك @@ هذا اللي متعومس جان ينزل انا انغثيت حدي والله يابنات انه اخر مره طلعت معاه كان 9 -10 عيد زواجنا اذكرهاا ومن بعدها ماكو شي اهو كل ويك اند يروح يلعب مع ربعه وينام عندهم وانا مخليته عادي الحين على هالطلعه حلت اللعبه بعينه مايقول اخليهم شوي واطلع زوجتي اونسهاا ..
دزيتله مسج قلتله انه كل عطله مع ربعك تروح تستانس وانا قاعده ومن هالكلام
جان يدزلي (( انا للحين مارحت اذا تبين اجي واوديج ولا اخليها باجر كيفج ))
امبيه حسيته ماله خلق عالطلعه كلش واذا بيطلع باله مع اللعب وانزين ليييييييش مو اهو من نفسه يقولي يلا خنطلع لازم ازعل واسويها سالفه ترى من حقي اطلع واغير جو انا مابي كل يوم من زمان ماطلعت ..
المهم رديت عليه قلت روح عند ربعك يمكن بتعدل مزاجك ..
جان يصعد عندي ويقولي لاتصير زعول شفيج انا قلتلج تبين الحين ولاباجر والله باجر اسويلج برنامج حلوو ما اخلي مكان ما اوديج قلتله لا مابي لازم اوزعل حتى الطلعه بتصير بايخه الحين ماتقدر تستغني عن ربعك كلش لازم تروح لهم انا ابي يوم واحد مو كل يوم مابي لا اليوم ولا باجر توكل على الله روح يالمتعومس اصلن واااااظح انك متعومس لانك اول ما طلعت على طول طرت كلمت رفيجك عشان تواعده عالعب ..
قاعد يوقلي امشي ويلا وانا ادري انه بس جذي من غير نفس لانه لو من نفسه جان حلف علي او جا عالاقل قعد يمي ومو يكلمني واهو واقف عند باب الغرفه .. اذكر قبل صار بينا نفس هالموقف يبيني اطلع وانا زعلانه والله راح جاب عباتي ولبسني غصب وطلعني اما اليوم لا يكلمني واهو عند الباب غثثثثثثثثثثثثني حسيت اني ودي اذبحه انا بفهم شهالربع هذيل اللي مايقدر يستغني عنهم ليش .. قام وطلع وخلاني بس قبل لايطلع قالي زهبي نفسج باجر قلتله اني باجر مشغوله عندنا عرس الاسبوع الجاي وانا اللحين ماضبط بدلتي يلا يمديني قالي المهم لاتزعلين قلت يلا يلا روح حق ربعك قبل لا يزعلون عليك جان يطلع ...
شرايكم باللي صار الحق معاه ولا معاي ...
انا ابي اهو يجي يقولي خنطلع من زمان ما طلعنا هم ما اطلب اطلع من زمان ولما اطلب ما يرضى متضااااااااااااايقه حيل خاصه انه باجر عطله ودي ارد على كيفي دايم اذا طلعنا طول الطلعه يلا بنرد مبجر ورانا دواام قلت باجر عطله بستانس..
لو انتو مكاني امانه شنو تسوين شلون اخليه يحس انه غلطان ؟؟ ابيه يحس فيني يحس ان خاطري بالطلعه وكسر بخاطري :eh_s(2):
التعديل الأخير:
