شرايكم الولادة في مستشفى العدان

[أم جابر1]

كلمت زوجي عشان يفتح لي ملف بالصباح قال لي لازم واسطة ، كلم واحد من ربعه بالوزارة قال له
تبي النصيــــــــــــحة قال مقبولة قال ودها العدان وأنا أوصي عليكم .

شرايكم أروح للعدان واسمع كلام زوجي مع العلم اني بجرية وخايفه وبنات المنتدى يحذرون منه
وزوجي يقول مادام في واسطة راح تكون الأوضاع زينه إن شاء الله .

 

[_Pure_]

شوفي انصحج تولدين بخاص اولا

ثاني شي سمعت ان مستشفى الفروانيه من ناحية ان حكومي احسن من باجي المستشفيات الحكوميه

 

[أم جابر1]

عن تجرررررررررررررربه
ولادة العدان اتهبل وااااااااايد واذا في توصيه احلى واحلى
والخياط بعد اينن
والسسترات كانوا رووووووووووووعه
بس الصراحه اللي امخليني ما اولد هالمره اهناك
اهو ان مافي غرف لاخصوصيه وولاعمومي قطوني بالممر على ماشافولي سرير عمومي
وكان اخر واحد وانتي ابكرامه الحمامات كان وصخخخخخخخخخخخخخه حيل
وانتي عارفه شنو وصخه لامن ارضيات ولامن الله ايغربلهم هالاجانب ايدشون هالحمام واتشوفين شيسمونه امبطل
يييييييييييييييييييييييييييييع مت ورجعت لين ماقلت بس
والسسترات بالجناح كانوا لوعه بس اللهم كان في وحده كويتيه سستر اعرفها اهي اللي ساعدتني
انه يوم شفت الوضع جذي قلت ما اقعد ولادقيقه وريلي طلعني على مسؤوليته
يعني انه ولدت 12 ونص بليل
صعدوني الجناح 8 الصبح
الساعه 1 الظهر انه راده البيت

بس شوفي الولاده واهتمام السسترات وقت الولاده الصراحه لايعلى عليه
بس كل اللي صارلي كان بعد الولاده

والله ايسهلهها عليج يارب
وكلشي حظ حبيبتي

الله يسهل عليج ( أم فطوووم )
والله ريحتيني حييييييييل
وأهم شي الولادة وبعدها يصير اللي يصير مع العلم راح يدبرون لي غرفه إن شاء الله ومابيها ملكية
لأني ماراح أسكن فيها على طول كلها جم ساعة وارجع للبيت والتسهيل من الله علينا وعليكم .

 

[++The DuchesS++]

اذا عندج واسطه توكلي على الله
والله يسهل عليج وعلى كل حامل يارب

 

[ام عفاف الكويت]

حبيبتي حبيت ادعيلج
الله يوفقج ويسهل عليج قلبي
والتساهيل من الله سواء خاص او حكومه

 

[أم جابر1]

شوفي انصحج تولدين بخاص اولا

ثاني شي سمعت ان مستشفى الفروانيه من ناحية ان حكومي احسن من باجي المستشفيات الحكوميه

مشكورة على المرور وأحترم وجهة نظرك

أنا ماأضمن المستشفيات الخاصة ولو كانت عنايتهم زينة وخدمة 10 نجوم
المستشفيات الحكومية أجهزتهم حديثة والعناية وسط على حسب الواسطة
أنا أبي الولادة الزينة وراحتى ببيتي .

ومشكورة مرة أخرى .

 

[عمر السنين]

بعد تجربة حماتي بولادتها بالعدانو رحمة ربي لها انا انصحج فيه و ولادتهم زيييينه على كلامها

والله يسهل عليج

 

[دمثة]

روحي الهادي واخذي غرفة صغيرة واولدي هناك واي لا لا تروحين تكفين


الله يسهل ويهون على كل حامل ويقر اعيونهاا بضناها الي ببطنهاا بصحة وعافيه يارب

 

[أم جابر1]

مشكورين خواتي على الردود

أسأل الله الكريم

أن يوفقكم ويسعدكم في الدنيا ويصلح أبنائكم ويبرون بكم

وأسأل الله لكم النجاة في الآخرة والفردوس الأعلى في الجنة آمين

 

[(kaka)]

السلام عليكم
انا ولادتي الاولى كانت بالعدان الحمدلله زينهـ وبس العدان لاواسطه وتوصيه انا الحمدلله كانت معاملتهم زينه لان اللى وصي علي دكتوري جاسم الحجي استشاري بالعدان والحمدلله كانت الواسطه لاعبه دور
اذا تبين العدان وعندك واسطه توكلي علي الله والله يكتب اللى فيه الخير وتقومين بالسلامة

 

[eva-deva]

ما عندي فكره .. بس الله يسهل عليج

 

[حلمي اكون ام Q8]

انا بعد نفسج ودي اولد بجري بالحكومه .. لانهم مايستعجلون على الوحده ويولدونج طبيعي ان شالله ..

وهم محتاره بين العدان والصباح ..

اانا عندي بطاقتين مدنيه وحده القرين اقدر اروح العدان
ووحده صباح السالم اقدر اروح الصباح

ومحتاره

 

[ba6re8a]

وااااااااااي العدان لااااااااااا اولد بالبيت ولا اولد اهناك


روحي مستشفى لندن ارخيص واكويس

 

[pink Engineerah]

الله يسهل عليج

 

[baby johnson]

الله يسهل عليج
ماعندي فكره بس حبيت ادعيلج حبيبتي

 

[عيش و مرق]

انا ماعمرى ولدت فى بس شوفى الموضوع الى كاتبته وحده بقسم المتزوجات وحده ولدت والياهل طاح من ايد الدكتور وخيطو راسه

ووححده بجر العبو برحمها وماعاد اتحمل بعد الدكتور يقول انا ماعرف اسوى عمليات يسولف مع ربعه

 

[غلاي غير]

ياساتر استر
اذا الماديه ماتسمح الله يعينح توكلي على الله وادعي والسهالات من الله

 

[ام يوسف السعد]

حبيبتى انا ولاداتى كلها بالعدان الله يحفض عيالى انشا الله

واخر ولادة لى قبل 11 يوم

والله اذا قلتلج انهم انقذونى من المووت اشوية
خوووش اطباء وسسترات

حق الولادة انصح فيها

وانا الحمد لله 3 ولادات فيها

ولا تاحاتين لاتوصية ولا بطيخ دشي وخليها على الله

 

[صمت الكويتيه]

عن نفسى الله يبعدنى عن العدان والله لايحدنى عليه لانى اكرهه كره وخياطهم يلوع الجبد يخلوج خريطه مو تجربتى تجربه اختى ورفيجتى واول ماتولدين يصحونج ترضعين باسم الله وكفخون فيج الحمام زباله والغرف ازبل والعنايه ذل انا ولادتى الاوله بالسلام والثانيه انشالله بالسلام ولا افكر اروحله وهم اللى العبو بابوى وذبحوه بتشخيصهم الغلط وابوى ضاع من ايدهم وبكل برود قالو تشخيص غلط وابره بالغلط اسرعت دقت قلبه من عقب ما كان فيه الا تعب خفيف حسبى الله عليهم ونعم الوكيل احرمونى من ابوى الله لايوفقهم ونصيحتى لج لاتروح للعدان لانه اسم الاعدام لا عنايه ولا اهتمام ولا نظافه ويخلونج حقل تجارب والخياط وع انا رفيجتى والده هناك تقول وانا مبطله رجولى ووصله خلاص بولد دخلةو على دكاتره كويتين صغار تقريبا23لى24اعمارهم مزايين قاعدين يتدربون تخيلى وضعج واهو تقريبا 5 او6 وانتى تتعصرين بتولدين تقول داخلين يشوفونى ويتعلمون بوقتها تقول ماقدرت اشد من الفشله وكلهم بين رجولى الله ابو الفشله لا اخترام ولا هنايه ولا بطيخ وانتى وكيفج انا قلتلج هالكلام بذمه وضمير وما الفت عليج شى والله شاهد على وعلى فكره حتى لو الميوانيه ماتساعد انا ادبر نفسى باى شى جمعيه ادخل او قرض ولا اولد بالاعدام الله يبعدنى عنه

 

[ايمانو حلوة]

العدان
يمااااااااااااااااااااامييييييييي



بس اذا في واسطة براعونج