شرايـــــــــــــــــج ؟؟ هل فيج عيوووبـ ؟؟؟

[CheeSeCaKe]

طبيعي لاني مقتنعة ان ماكو شخص كامل


هل تشعر بعيوبك من تلقاء نفسك ؟؟؟ ام احد يخبرك بعيوبك ؟؟؟

في اوقات وايد أحس بعمري وبدام اهو عيب اكيد شي مو زين يمكن يزعل اللي حوالي ولما احس في هذا العيب احاول اقلل منا وما عندي مشكلة اتأسف .... وفي احيان كثيرة غيري يقولي عن هذا العيب وعموما انا ديما اسأل اللي حوالي عن عيوبي وانا في بحث دائم عن ذاتي

ماهي الصفة الي تعكر عليك شخصيتك وتتمنى تتخلص منها ؟؟
وهل تشعرك بالاحباط ؟؟؟

الصراحة الزايدة .... وبسرعة أثق بالناس ...وسرعة النرفزة !! لدرجة انحط في مشاكل انا في غنىعنها

وماهي ابرز صفه حلوه تميزك عن الاخرين؟؟؟

حلوة المعشر وخدومة

وماهي الصفه التي تتمنى ان تكون موجوده فيك؟

طولت البال

وماهي الصفات التي تجعل الشخص متميزاً دائماً ؟؟؟

النفسية الحلوة عندي كافية

يعطيج العافية على الموضوع الحلو ،،،

شكريا ،،،

 

[همس الروح]

مشاركة: شرايـــــــــــــــــج ؟؟ هل فيج عيوووبـ ؟؟؟

عفوياااااااا حبوبه نورتي ...

 

[صلاتي-حياتي]

هل تشعر بعيوبك من تلقاء نفسك ؟؟؟ ام احد يخبرك بعيوبك ؟؟؟
الاغلب احد يخبرني واحيانا اكتشفها من تلقاء نفسي

ماهي الصفة الي تعكر عليك شخصيتك وتتمنى تتخلص منها ؟؟
البرود احيانا

وهل تشعرك بالاحباط ؟؟؟
غالبا

وماهي ابرز صفه حلوه تميزك عن الاخرين؟؟؟
صدق مشاعري

وماهي الصفه التي تتمنى ان تكون موجوده فيك؟
للاسف بعض المواقف تتطلب من الحزم والقوة فاتمنى يكون عندي هالقوة على الحزم

وماهي الصفات التي تجعل الشخص متميزاً دائماً ؟؟؟
التفاؤل الابتسام الاقدام

مشكورة ع الموضوع

 

[vogue grl]

هل تشعر بعيوبك من تلقاء نفسك ؟؟؟ ام احد يخبرك بعيوبك ؟؟؟

اعرفها من تلقاء نفسي

ماهي الصفة الي تعكر عليك شخصيتك وتتمنى تتخلص منها ؟؟

العصبيه +اتنرفز بسرعه+ساعات افهم غلط لوول

وهل تشعرك بالاحباط ؟؟؟

لا بلعكس مو لهدرجه!

وماهي ابرز صفه حلوه تميزك عن الاخرين؟؟؟

انه نيتي صافيه بلناس ومشريه كلش ولا احب مشاكل ومسالمه"

وماهي الصفه التي تتمنى ان تكون موجوده فيك؟

همم مادري يمكن البرود بدل العصبيه الي فيني لووول

وماهي الصفات التي تجعل الشخص متميزاً دائماً ؟؟؟

الأراده+القناعه+الصبر

 

[هوى الدار]

هل تشعر بعيوبك من تلقاء نفسك ؟؟؟ ام احد يخبرك بعيوبك ؟؟؟

في عيوب انا احس فيها وفي عيوب الناس يعرفوني فيها ومازعل لاني ادري اني فيني عيوب

ما هي الصفة الي تعكر عليك شخصيتك وتتمنى تتخلص منها ؟؟
وهل تشعرك بالاحباط ؟؟؟

متسرعه مرااات وماحب هالصفه فيني ابي انجز كل شي بسرعه
واكتم بقلبي مو كل شي اقوله ودمعتى حييل قريبه تحرجني مرات
وتشعرني بالاحباط اكيد لان العجله من الندامه يا ندمت على تسرعي
والكتمان يضايقني ودي مرات اطلع كل الي بقلبي بس اخاف اطلع واجرح الي جدامي فاحط بقلبي واسكت بس بعد فتره انسى


وماهي ابرز صفه حلوه تميزك عن الاخرين؟؟؟

الطيبه ولو انها مرات تكون سلبيه


وماهي الصفه التي تتمنى ان تكون موجوده فيك؟

الطيبه عند بعض الناس ضعف فودي اتخلص من الطيبه مع بعض الناس الي مايبين فيهم الطيب

وماهي الصفات التي تجعل الشخص متميزاً دائماً ؟؟؟


الثقه بالنفس والصبر وتحمل المسؤوليه

خوش موضوع

يسلمووووو

 

[اوراد العشق]

رد: مشاركة: شرايـــــــــــــــــج ؟؟ هل فيج عيوووبـ ؟؟؟

لو اخلي العناااااااااااااد انا بخيررررر

 

[واقعية]

يعطيج العافية خوش موضوع

وكل انسان فيه عيوب وسلبيات لان احنا بشر بالنهايه

هل تشعر بعيوبك من تلقاء نفسك ؟؟؟ ام احد يخبرك بعيوبك ؟؟؟
اي دايم احس بنفسي اذا غلطت لاني انسانه واقعية ومااحب اجذب على نفسي,اي بعض مرات انتقد خصوصا على طولة لساني بس بالحق طبعا

ماهي الصفة الي تعكر عليك شخصيتك وتتمنى تتخلص منها ؟؟
الصراحه يمكن الخجل شوي بس مولدرجه اني مااقدر اتكلم بس احس ينقصني جرأه شوي’وشي الثاني اذا شفت شي غلط دايم اتدخل مااقدر امسك نفسي مع اني الحين قاعدة احاول بس والله هالشغلة تتعبني وايد


وهل تشعرك بالاحباط ؟؟؟
لا مواحباط بس تقدرين تسمينه شوية زعل او خيبة امل بس احباط لاماتوصل

وماهي ابرز صفه حلوه تميزك عن الاخرين؟؟؟

مااحب امدح نفسي بس احس يمكن الذكاء يعني الحمدلله افهمها وهي طايرة وعندي حسن نيه بالناس كلها

وماهي الصفه التي تتمنى ان تكون موجوده فيك؟
ماادري الحمدلله مقتنعه بنفسي

وماهي الصفات التي تجعل الشخص متميزاً دائماً ؟؟؟
كل الصفات المميزة بس اهم شي عندي الثقه بالنفس صج تفرق وايد بشخصية الواحد

مشكورة ياقلبي استمتعت وايد بالموضوع