شراب سيبرو بي سي

[ثلج ابيض]

مرحبا امهات اشلونكم ...اليوم رحت حق الطبيب عشان كتكوتي تعبان ووصف لنا ادويه وكلمته ابي حق اولدي فيتامين ولا فاتح شهيه عصاقيل تخرع يالله يمشي احس مافي طاقه وماكو شهيه ابد قالي بعد ماتنهي علاجاته قلت اكيد بس انت اكتب لي فاتح شهيه وكتب لي واحد اسمه سيبرو بي سي بالانجليزي Cypro-BC منتج لبناني لكن لما قريت دواعي الاستعمال لقيته لازاله اعراض الحساسيه ومعه فيتامينات وقالي اذ مانفعه هذا ماهينفعهوش غيروه ؟
السوال حبيباتي من استخدمته لعيالها ونفعها ترد علي الله يعافيكم ويخلي كتاكيتكم بصحه وعافيه

 

[ام الحلوااات]

مـــــا ادري بــــس
اااااااااااب لـــعـــــــيــــــون ابـــــو عـــصــــاقـــيــــل​

 

[*ريما*]

سبحان الله

 

[$ لازاورد $]

اب اب

 

[ثلج ابيض]

ام الحلوات هههههههههههه الله يرفع من قدرتج ويخلي لتج الحلوات
لازوردوريما الف شكر على الرفع الله يرفع من قدركم

 

[Melazlaza]

انا شريته حق ولدي بس نصحتني دكتورة اعرفها اني ما استخدم اي مشهيات لان مايفيدون ويفتحون الشهية على كبر يعني متن خايس عقب جم سنة
فاستخدمته يومين ووقفته وماشفت اي نتيجة طبعا لان مااستمريت
نصيحتي الي فادتني مع ولدي
لعبي معاه نفس اليهال واكليه راح ياكل وايد بدون لا يحس
وقصيله قصص وكلميه بياكل وبتنفتح شهيته بعد مدة
وركزي معاه عالعيش والخبز والمعكرونة واللحم والفول والعدس انا مايعدي يوم ما ااكل ولدي عيش صج ان مو متبتب بس الحمدلله طبيعي ولا تنسين الطفل يحرق باللعب

 

[ثلج ابيض]

مشكوره ملزلزه على الرد لكن الدواء مجموعه فيتامينات مه دوه يعاج حساسيه فانا استغربت لما قريت ورقه الارشادات ومشكوره على النصيحه وهذا من طيب قلبتج وانا تعبت وياه ماخليت شي الا سويته له وهو حركي وايد الله يعافيه ويعافي عيال كل وحده ردت علي

 

[Melazlaza]

حبيبتي ثلج العفو ماسويت شي
انا ولدي اسم الله عليه من يقعد لين ينام واهو يحوس مايعرف يقعد بس وقت غدانا لازم احطه عالكرسي واربطه واسولف معاه والعب واييب العابه يمه واكل معاه واخليه يوكلني بعد
قبل ماكنت اسوي جذي كنت اعصب منه لان ماياكل بس من سويت هالطريقة والحمدلله بدا ياكل
حاولي صدقيني المحاولات تييب نتيجة
وبالنسبة للدوا ماذكر شنو وصفته لان انا مااعطيه اي شي بدون لا اقراه بس للاسف ناسية
بس المهم انج لا تعطينه شي واصلا الفيتامينات شفايدتها مجرد مكملات
جربي انواع اكل مختلفه اشكال والوان ولا تيإسين
الله يهديه لج يااااارب

 

[Q8_ButterFly]

هالدوا ممتاز بس يبيله استمرار وعطيه باليوم مرتين ولا تكثرين بس انا اقولج استمراااااااااااار

 

[كترينا]

الدوا ممتاز بس يبيله استمرار وترى بعد ينوم اول اسبوع بس بعدين يتعود عليه

 

[ثلج ابيض]

مشكوره ملزلزه يابعد قلبي الله يخليلج اياه ويسلمه من كل شر والله تعبني وياه نفسيتي صفر لو تشوفينه يكسر الخاطر وزنه 10 وبيدش الثلاث سنين رقبته رقبت عصفور نحيفه يعور قلب كل من شافه حبست عمري بسبته لكن بحاول وبسوي اللي قلتي لي عليه ويارب ياكريم انا قلت اعطيه الواء لانه فاتح شهيه ومتردده لانه للحساسيه يساعدني شوي لين تنفتح نفسه للاكل الله يعينا عليهم
بتر فلاي وكترينا الله يوفقكم ويخلي لكم عيالكم لكن جربتوه وشنو النتيجه الله

 

[Melazlaza]

حبيبتي ثلج مشكوووورة عالدعوة وحاسه فيج بس لا تحبسين نفسج بسبة كلام الناس
الناس ماتحس والله انا كلامهم يموتني قهر يحسسونج انج مهملة جنه شهيته بايدج مو بيده

البنات الي مدحوه كلامهم مشجع بس انا مشكلتي اخاف من الادويه خصوصا الطبيبة نصحتني ما اعطيه
انتي اذا كلش غسلتي ايدج من انه ياكل جربي المشهي عسى يفييييدج

 

[ثلج ابيض]

يابعد قلبي الف الف شكر حبيبتي ملوزه شكلي بجربه واخبرتج بالنتيجه اذ فاد

 

[غلااوي الحزم]

انا ولدي عصاقل بس استعملته واستمريت عليه وصارت صحته حلوه انا انصحج تستخدمينه

 

[ام شيخوه]

رفع

 

[washwoshh]

خليه يكبر وياكل ونصيحه ملزلزه سويها
انا ولد رفجتي كانت تترجاه ياكل وملاحق بس سوا اللحميه بخشمه تعدلت نفسيته بالاكل وقام ياكل والحين تاددييه البطه بو خدود الله يحفظه مشالله

 

[ثلج ابيض]

رفع

 

[@رنوده@]

حبيبتي انا استعملته لولدي قبل ثلاث شهور ووصفه الدكتور لمدة شهر

والحمدلله ولدي صار ياكل حتي من بعد ماقطعه

ووعطيته لاختي وتمدحه حيل وولدها عمره خمس سنين

صج روووعه هالدوا

 

[ثلج ابيض]

غلاوي الحزم وام شيوخه ورنوده ووش شا ماعرفت اقرا اسمتج السموحه اشكركم من كل قلبي على طيبه قلوبكم وتجاوبكم معي :hjy5jewf:

 

[&جالكسي&]

واااي هالدوا يهبل شويه عليه قبل ولدي حتى مافيه حيل يمشي ويلعب وقالتلي عليه وحده الله يوفقها صرت اعطيه 5 مل قبل النوم والله صار ولدي افه حتى وينام الليل كله لي الصبح الحمدلله اول من الجوع لازم يقعد مرتين او3 من كثر مايعوره بطنه من الجوع وبس يبجي بعد هالدوا وين كان ووين صار الحين نحله بس يركض