شد البطن بعد الولادة على طول

[SARA 3]

سلام خواتي ومبارك عليكم الشهر ....
عندي استفسار ويليت تساعدوني لانه حدي محتار ة بصراحة ...
موعد ولادتي بعد العيد انشاللة ... وأفكر أسوي قيصرية + شد للبطن نفس الوقت ...
ياريت لو فعلا أي وحدة عندها فكرة تساعدني لأني فعلا احتاج المشورة ...
بالنسبة للالم ..وشكل الخياط ..وأحسن الدكاترة ... والنتائج ... بانتظاركم

 

[على الموضه]

حبوبه انا مثلج ماكو احد ما سالته عن هالسالفه
اخر مره راجعت دكتورتي سالتها قالتلي اذا انتي ولادنج طبيعيه حراااام تطلبين قيصريه بس عشان التجميل
تقول تدرين جم طبقه نقص عشان ولاده القيصريه . ما تسوا السالفه انج تقصين كل هالطبقات عشان تجميل محتاج طبقه وحده بس

قالتلي ولدي بالسلامه و بعد 6 شهور الجسم يرد على طبيعته بعدين سوي تجميل و شد

انا قتنعت بكلامها

شلون يشدون البطن وقت الولاده و للحين في ماي و متفوخ

يعني احنا لمه نولد ما يرد الجسم على طول يحتاج على الاقل جم يوم لمه يفش

مادريي والله يليت اذا في بنات مسوين شد وقت الولاده يكتبون تجربتهم


و شاكرتلج على الموضوع المفيد

 

[ii DareeN ii]

حبيبتي بعد الولادة بجم شهر راجعي طبيب تجميل افضل ماسمعت احد سواها ويا القيصرية

 

[حرم الحوت]

اتصلي على دكتور عبدالناصر للتجميل وساليه وهذا رقمه 65108007

 

[whm]

انا سالت كذا دكتور ومانصحونى لان الرحم حجمة لى الحين كبير وعضلاتج متمددة فالاحسن تنطرين لى بعد 6 اشهر علشان الشد يكون مضبوط...هذا الى قالولى اياة وبالتوفيق

 

[الاخلاص]

انا قيصريه اتالم هلمره يقصون من شحومي يمكن اموت من التألم خطرررررررر

 

[SARA 3]

مشكورين حبيباتي .. بس نبهتيني على ان في التجميل يقصون بس طبقة وابالولادة كذا طبقة ...
انا أعرف كذا وحدة سوت وبالعكس بطنهم مشدود بس للاسف أهم بالأساسكانوا لازم يولدون قيصيرية ....
علشان جذي مترددة الصراحة ما ابي بعد الولادة هم أرد وأسوي عملية ثانية قلت مر ة وحدة وخلاص ...
حرم الحوت شكرا بس من هذا الكدتور وباي عيادة يشتغل ؟؟

 

[حنون المزيون]

شوفي أختى أنا رحت والله لــ4 دكاتره هذيله اللي أذكرهم ..
أول واحد قالي عقب 3 إلى 4 شهور من الولاده اسويها
والدكتوره الثانيه قالت لي لا أحد يقص عليج يقول بسويها لج بالولاده ترى خطره وايد لأنها فيها نزف للدم وشغل وتقصقص وإنتي توج والده فموزينه كلش كلش على الأقل أنا أسويها عقب سنه من الولاده وهذا كلامها .

الثالثة قالت عقب 3 إلى 4 شهور أوكي أسويها
والرابع قالي عقب 6 شهور من الولاده وقالي علشان يطلع الشد أوكي لازم تساعدين الطبيب وتلعبين رياضة البطن علشان ينشد البطن بصوره أفضل مثل قطعة الخام القديمة والملبوسه كذا لبسه لمن تودينها الخياط وتفصلينها نفنوف ما راح يطلع حلو مثل الخام اليديد فهذي عضلات البطن قويها علشان تنشد بصوره أفضل


وهذى حصيلة فرفرتي وتجاربي مع دكاتره الكرووووووووووووووووش وأتمنى إن الله يسهل عليج الولاده ويوقمج بالسلامه