شديت بطني وزنودي وجسمي كله ماي _ مساعده

[ii DareeN ii]

حبيبتي جم يوم وشلتي البربيش مال الدم

 

[نسرين شام]

الحمد لله على سلامتك ومبروك اللوك الجديد وعقبال عندي:ch12:

 

[rose-blanche]

كلي غنج حبيبتي الماي هذا عادي لان عمليات الشفط والشد وهالنوع من العمليات يتطلبون ان الدكاتره يدخلون كمية معينه من السوائل للجسم حتى مايلصق الجلد على العظم بعد العملية وأهههههممممم شيء بعد هالنوع من العمليات انج تسويييين مساااااااااج أقولها لج ولكل البنات الي يبون يسون شد أو شفط أو نحت لاااااااازم جدا وضروري يسوون مساج اسمه "drainage massage" ولا تخافون ترى المساج مايعور وبالعككككسسس يريح حييييل لأن يطلع المي من الجسم عن طريق البول تكرمون واسمه بالعربية المساج اللمفاوي ويبيلج أقل شيء تسووين 15 جلسة مساج ولازمج مختصه في العلاج الطبيعي مو هذوله الهنادوه والفلبن لااااااا ديري بالج مايتعبثون فيج توك طالعه من عمليه ، هالمساج بالكويت أكو منه بكراون بلازا عند أخصائيه رومانية وبمركز الزوهير الطبي عند وأخصائيه تونسيه بروفيشنال شغلها وأتمنى انج تصيرين بصحه وعافيه ياقلبي وتكفين طمنينا شصير وياج أمانه
إنشالله كون أفدتج :eh_s(8):

 

[كلـــــي غنج]

دارين


تم البربيش 16 يوم


اهو اساسا من 4 ايام وطالع

لان كل جسم يفرق في تصريف السوائل


وانا جسمي طول شوي وتم 16 يوم


وفي بنات اقل وفي بنات اكثر

وحده اعرفها تم شهر البربيش

وهو مو بربيش للدم اهو لتصريف السوائل الي بالجسم ويكون معاه دم





نسرين ربي يسلمج من كل شر

والفال لج يارب

 

[كلـــــي غنج]

روز

مشكورة ع المعلومات وحيل افدتيني لاهنتي

بروح الزهير اسأل عنه

 

[هجوره 2009]

حمدلله على السلامه
ومبروك اللوك الجديد

 

[كلـــــي غنج]

الله يسلمج من كل شر يارب

ويبارك بعمرج ويوفقج

 

[عليا89]

غنوجه انا بسوي شفط وشد الزنود
وشفط وشد الفخوذ من فوق
وشفط البطن والضهر

بس خايفه من شكل جرح الزنود راح يكون من تحت الابط احاتي الحركه
وشكله

وهم احاتي جرح الفخذ شلون راح يكون الخياط اي لون والله ماني عارفه حركتي راح تكون صعبه

غنوجه جرح زنودج شلون اي لون وحلو خياطه سيده وشلون ع الحركه والعوار

 

[Mona Lisa]

حمدلله ع سلامتج حبيبتي واجر وعافيه يارب

 

[كلـــــي غنج]

علوي


الله يقومج بالسلامة يارب ويفرحج بالنتيجه

والله حركة الزند من ثاني يوم تقدرين تحركين بس بصعوبه اكيد

ويوم عن يوم تتحسن حركتج


بخصوص الجرح . سيدا ولونه وردي فاتح كان وردي مايل ع البني

الحين فتح الحمدلله


جم طلب عليج فلوس ؟


واي مستشفى ؟








موناليزا


الله يسلمج من الشر ويعافيج. ي قلبي

 

[عليا89]

طلب مني ٢٣٠٠
والمستشفى اتوقع ١٣٠٠

اخترت السلام لان الفيزر هناك بالسلام

والله احاتي حركتي وشكل الجرح الله يعين

 

[badlya]

اختى كلى غنج الحمدالله على سلامتج
جم يوم خليتى البربيش لانه يسحب الماى انا لما سويتها بطنى وايدى قعدت عشر ايام يسحب الماى بكميه حتى قل بعدها شلتهم
قولى للدكتور يمكن يعطيج مدرات تسحب الماى بس انا ما صار معاى جذيه ولبسى الكورسيه على طول شهرين تقريبا لالالالالا تستهينين فيها حتى ما يتجمع الماى بالجرح ويكبر الزند
ونتبيى مهم لا يحوشه ماى حتى اذا قال الدكتور تسبحى لا تسوينها الا اذا انتى تاكدتى انه نشف تماما
الله يكافيج الشر وسلامات

 

[am sara]

الف مبررررررررررررررررروك اختي على اللووك تتهنين فيه...


انا بصراحه من السعوديه وحابه بعد ولادتي اجي لدكتور اشرف .. اسسوي عنده ششفط لخواصري والظهر والبطن مع شد البطن مع اني مو سمينه نحيفه ووزني52 بس



بغيت استفسر اختي ماعليه سؤالي مكرر بس ابي دقه بالاجابه ؟؟ انا قبل سويت شد لبطني بعد ولادتي الاولى كويس الششد لان بالاسساس انا ماعندي دهوون ...... وكان بس جلد طايح بس المششكله بالخياط تعقدت نفسيتي منه مشووه وخياط السره عريض انتي ششلون الخياط على ششكل ابتسسسسامه ولا شلون الخط ضعيف ولا فيه عرض والسسره محفوره داخله ولا بارزه؟؟؟





ادري تعبتك ياقلبي بسسسسسسس خايفه من هالشغله وابي اتطمن...

 

[كلـــــي غنج]

علوي

الله يقومج بالسلامة ان شاء الله

تقريبا نفس السعر الي خذاه مني

لان انا وانتي كثير شغل ..

الله يعينج ويكون الجرح حلو ويخف لونه مع الوقت ترا

ولاتحاتين د.اشرف شاطر وشغله نظيف

موفقه ي قلبي

 

[كلـــــي غنج]

بدلية

البربيش تم 16 يوم

والحين انا صارلي شهر و10 ايام الحمدلله اموري طيبة وكل شي تحسن


الظاهر انج مو متابعه ردودي


اشكرج لاهنتي يالغاليه

 

[كلـــــي غنج]

ام سارة

هلا ي قلبي حياج

انا جرحي مو على شكل ابتسامة على شكل حزام

الشد الي سويته ( شد حزامي )

دار مادار الحوض كأنة حزام

والسرة محفورة الحمدلله مو بارزة بس مبين اثر الغرز فيها
شوي مو كثير ولونها بني مافتح مثل الجروح


الجروح لونها صار وردي اما السره للحينها غامجه

والخياط حيل ضعيف مافيه عرض

 

[كلـــــي غنج]

بنات حبيباتي ,,

انا ما اعتبركم الا خواتي

صج الله مارزقني بخوات

بس رزقني انتوا ,,

وحنا خوات ونعين ونعاون

انا الحين امر بظروف صعبة

اتمنى منكم انكم تدعولي

اي وحده تحس اني فدتها بشي او بمعلومه او ساعدتها بإلي اقدر عليه


تدعيلي حيل محتاجة دعواتكم

انه الله يفك كربتي وتمشي الامور سهالات وتعدي على خير يارب

وانه الله يسهل اموري ..


مابيكم تدعولي اهني ادعولي بظهر الغيب

وجزاكم الله خير

احبكم في الله

 

[ii DareeN ii]

الله يفك ضيقتج ويتمم شفاج وكلي امورج لر حمن

 

[عليا89]

غنوجه حبيبتي
الله يفك كربتج يااااارب
ويسهل امووورج

والله يووفقج بدنياج يارب
لاتخرعينا عليج

 

[كلـــــي غنج]

دارين وعلوي

جزاكم الله خير , الله يرحم والديكم


علوي ,,

ماكو الا العافية ان شاء الله

بس تدرين الدنيا جذي ظروف وانا ظروفي هاليومين صعبة

عندي شوية مشاكل اسرية


ربج يسهل ان شاء الله