شخصيه رومانسيه

[ياحبي للكويت]

مرحبا بنات كيفكم؟
انا في شي حابه اشوف رايكم فيه
الحين لما نقول مثلا فلانه شخصيتها (رومانسيه)
هل بالضروره انها عاااشت قصة حب؟
والا يعني ان ستايلها حلووو وحبووووبه؟

انا اشوف ان عادي يعني نقول للوحده شخصيتها رومانسيه ولو مالها حبيب
بس يعني ستايلها حلووو وهاديه وحنونه

انتم وش رااايكم؟؟

 

[بسبوسة بالعسل]

بالعكس انه عندي انها حساسه وحبوبة وتحب الرومانسيه ولاشياء الكلاااس

 

[star warld]

انا براي الرومانسيه تجي من الحب
بس مو شرط انها تحب احد يمكن تحب شغلات الحب والغرام والعشق وتحلم فيها
ههههههه ان شاء الله فهمتي
حدي فيني نوم

 

[noni_q8]

نقول رومانسيه للانسانه الطيبه والحبوبه والهاديه واللي تسامح من يغلط عليها والمرتبه والنظيفه والانيقه
والحكيمه وماتجرح اللي جدامها

هذي الشخصيه الرومانسيه اللي الكل يحبها ويتمناها الريال

واللي تخربط وتعيش قصص حب مع شباب بالحرام هذي تعتبر زانيه مو رومانسيه

ويعطيج الف عافيه *

 

[بحر هادي]

لاا مالها شغل بالحب..

شكثر ناس يحبون مو يم الرومنسيه..

وناس رومنسيين مررره وماحبوا<<غالبا لانهم حالمين يعني مايلقون الشخص اللي يتمنونه بالواقع

:eh_s(7):

 

[PuPa^^SWeeT]

ممكن البنت ماعاشت قصة حب

بس لما اتفكر بزواج ولا لما تسرح فخيالها اتروح لدنيا وردية هادية


لما تعطييج نصييحة حق حياتج الزوجية ولا العاطفية اتلاقين تصرفاتها تدل عالدلع و الحب والهدوووء


مالها شغل بانها عاشت قصة حب ولا لأ


فيه بنات صغار ماجربو الحب ولا بنات عوانس ماتزوجو ولا دشو بعلاقات


بس اتلاقين روجهم رومانسية


لما يشوفون فيلم ولا مسلسل ولا يسمعون سالفة

 

[سويت فانيلا]

كل رومانسيه تحب وذيقه وحساسه انارومانسيه