شحلات هدية ريلي :( اخرتها فالصوووووو

[طموحــة]

السلام عليكم

شلونكم حبيباتي

بالله عليكم شتسوون مع واحد عنده خير وموقاصره شي
يهدي هدية تقليد ماركه والمشكله يهايط ويفشخر يقول ماكو مثلها بالكويت لاني طالبها من برا
واخرتها لما عطاني تطلع تقليد ماركه

انا جاملته وسويت روحي محد عطاني هديه احلي منها

بس شلون أعلمه انه مايشتريلي الا الماركه حتي لو كانت رخيصه


عاد انا طفارتي التقليد والله مرات سنتين علي نفس الساعه بس عشان ماشتري الا ماركه وشي حلو ومرتب وذرب

اخرتها ريلي اييبلي تقليد ماركه ياخراااااشي والمشكله اول هديه يهدينياها


عفيه بنات عطوني افكار عشان اوصله معلومه اني مالبس تقليد



علي فكره ترا هو سيارته اخر موديل ، واكبر فئه ، ولبسه كله ماركات ويحب الكشخه

وموقاصره شي كلش بس مادري ليش استخسر فيني الاصليه مع انها والله ماركه موغاليه

 

[كويتية بروما]

يمكن مايدري انها تقليد
الله يهديه لج

 

[نور وشموع]

من شاف مصايب الناس هانت علية مصيبتة

 

[Maaax]

اختي احمدي ربك ههههه انه تذكرك ههههه والهديه مو بقيمتها
بس احمدي ربك والله يسخره لج

 

[زبادي بالفراوله]

يمكن مايدري. بعد مده لما ينسى السالفه قولي صديقتي دايم تشتري تقليد انا ماحب اشتري تقليد
والماركه فيه رخيص وحلو مدري ليش ماتشتري! !
جيبيها على انها صديقتك

 

[الـــغـــلآ]

عادي اذا جا طاري الماركه قوليله اناا طفارتي التقليد انقد ع الحريم اللي يلبسون تقليد و اكيييد هو بيفهم قصدج

 

[kanoosha]

الحمدالله ياختي الهديه موبقيمتها والله اهم شي انه تذكرج ويابلج ولاتقوليله شنو هاذي ومادري شنو والله يقول ماتستاهل ايبلها شي
اعرف وحده لو ايب لها جنطه ام ديناار تلبسها جدامه

 

[مدّهره !]

متضاايقه عشاان تقليد ماركه !!

يمكن ماايعرف إنها تقليد ؟؟

يمكن مالااحظ فرق كبير بين إنه يآخذ الأصلي أو التقليد ؟؟

يمكن هو شااف هالشيء وحبّه لج ووع طوول دفع بدون تفكير وتدقيق بسالفة أصلي وغيره !!

كل هذاا بصووب وزعلج بصووب لأنج واايد مكبررره الموضوع

وإذاا مااتحبين تلبسين تقليد عاادي لبسيهاا بس بالبيت على عينه وخليه يحس إنج مقدّره هديته وذووقه

بالنهااايه الله ييسر الحال ....~

 

[مشتطـه]

خخخخخخخخخخخخخخخخخ

انا مايابلي شيء اصلااااااا


عادي شنو يعني

 

[عتآق الخيل]

" أفضل الذكر لا إله إلا الله وأفضل الدعاء الحمد لله "
يسعدك ربي.~

 

[Tom ♥ Jerry]

,


يمكن صج طالبها من بره و مايدري انها تقليد
خو الرياييل مايعرفون بهالسوالف .*

 

[BubbLe87]

شعرفهم الرياييل
انا ريلي يعرف بالكشخة بس حق نفسه اما اذا بييبلي شي يحتار و يفكر و تلقينه ما يدري شنو الماركة من التقليد
عادي تيك ات ايزي

 

[ناتشوو]

أنا ( لو مكانج )
بسأله وبكلمه بصريح العبارة
مو عتاب لا استفهام
ليش تشتري لي تقليد او رخيص
خاصة انه يشتري الغالي
لنفسه
بحسسه بتضايقي لرخص هديته او كونها تقليد
ارد واقول لو كنت مكانج
وانت اعلم بوضعج وظروفج وردة فعل زوج

 

[ملگه]

یاحبیبتي لاتگبرین الموضوع اهم شي ذگرج وجابلگ هدیه
الهدیه ابمعناهاا موقیمتهاا

 

[PuPa^^SWeeT]

skip




عطييه السالفة skip قوي و عنييف



انا هقوتي انه ماعرف انها تقليد



لانه قاعد على قولتج يهايط عند الكل هديتي و هديتي

 

[Ghaderooo]

عادي صارحيه قوليله مشكووور هالهديه بس غريبه يايبلي تقليد لايكون قاصين عليطدك على ضحك لاتظلمين بختج يمكن صج مايدري بس حاولي تبينين له

 

[mona q8]

يمكن مايدري انها تقليد
الله يهديه لج

معاها بكل كلمه

 

[احلا المزايين]

مشكلتج كبيرة لدرجة مالها حلسبحان الله انا لو بجيبلي شي تافه ارفعله حيل وافرح ولا اسأله حتا عن السعر
واتلومون الرجاجيل اذا تزوجوا من هالدول العربية اللي لو يجيبلها يدام للبيت دعتله اللي يخليلياك وتؤبرني وحنا انتشرط حتا بالهدية لاحول ولا قوة الا بالله الله يصلح الحال

 

[ch.ch]

حمدلله ذاكرج بشي , يمكن مايعرف بسوالف الحريم وشلون يفرق بين الماركه والتقليد​

 

[طموحــة]

مشكورين بنات ماتقصرون واللي تتطنز وتقول مشكلتج مالها حل

انا ماسويتها مشكله بس اذا الواحد عنده خير ليش يستخسر فيني خصوصا تونا متزوجين

انا الحمدلله عندي فلوس ومالبس الا الزين ، بس اللي يبط الجبد لما تاخذين لج ريال شايف روحه

وفوق هذا يقول ماله داعي عرس ولا له داعي شبكه أجّري ذهب او اشتري اكسسوار عبالهم الماس

ومن اول اسبوع يبيني اطبخ وبلاش مطاعم وحجي وايد

ووايد يجذب ويقول انت تستاهلين بس ماشفت الا الفالصو وهو اصلا عنده فلوس ويشّري بهالاراضي والشاليهات ومومقصر مع عمره وبيته بس انا احس يستخسر فيني

انا مومحتاجة منه فلس الحمدلله الله مغنيني بس ابي شي اسمه تقدير ابي اذا عطاني شي يقول بنفسه تستاهل تلبس الغالي