شحقه وليش ولماذا طالبون ب 10 درجات

[نادره في وجودها]

مرحبا يالغاليات شلونكم

انا اقول لكل ولية امر تقضب اعيالها ولا يقعدون يطالبون بالعشر درجات اقولكم ليش يحرشونهم المدرسات طالبووو بالعشر درجات لا طالبون ب 4 انا اقولكم ليش ال10 درجات لبنات المدرسات والواسطات مو لكم يا الطلبه كم يعطونكم 7 او 6 او 5 غيركم الوسطات وعيال المدرسات طبعا 10 من 10 لا تقولولي اللي يستاهل يعطونه يعني كم 9 لا ما بيها ابي عشره حالي حال غيري انا اقول واقول واقوووول استريحو وغضبو عيالكم ابرك :ggdw::ggdw::ggdw::ggdw::ggdw::ggdw::ggdw:


ويعيش من حط هالقانون انشهد انه رجال :eh_s(9):

:eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15):

 

[a7la-elbanat]

مافهمت شي من كلامج حبوبه ؟

 

[غلااى]

آيييه صح مآآدري شحقه مسسوين كل هذآ .. :ch12:
يعني هآلششي لمصصلحتنـآ
بس سآلفة آلـإنجلييزي و آلحظور عليه درجآت نو مآ عجبتني
و آللي يقوولون مو عآجبنآ آنهم حطو آملآء و خط رقعه
بآلعكس هذآ بيرفع من درجآتنـآ و يخخفف ع آلتعبيير و آلنحوو

..

وآصصلني كآست آنو آلوزير كآن بييحط نظآم آلبونص
آللي آهوآ آنو آحنآ يَ آلطلبةة نقيم آلمدرسس
بس مَ رضوو آلمدرسسين ، قآل خلآص مَ آحطه بس آقلل درجآت
آلشفوي ، تصير 25 درجه بيد آلمدرس و 75 بيد آلوززير ،
هآلـ 75 آللي آهيآ حقت آلإمتحآنآت .. ~
و خلآ آلإمتحآنآت ع آلمدرسسه بس يسسسسهلون آلإمتحآنآت
و آلصح و آلخطأ تكوون عليهآ درجآت كبيره تقرريباً 25
و آسسهل آلأسسئلةة بآلمنهج يكثرووون آلدرجآت عليهآ

كل ششي يبين وقت آلإمتحآنآت إذآ صج هآلكلآم



آلكل مع آلخييل يَ ششقرآ


ع آيآم مووضي آلحموود يقولون آلقبول 85 % و بآلموووت بعد
آللحين 75 % .. << فرررق

 

[بقلبي انت]

والله مادري شالطبخه اسمع فيه لويه وهيصه بس شنو السالفه الله اعلم
بس الله يوفق الطلبه والطالبات ويتوفقون بدراستهم

 

[ربي محتاجتك]

انا اموت واعرف ليش الطلاب موعاجبهم الوضع ومسوين مظاهرات واضراب
ترا هالنظام من مصلحتكم انا اقولكم شلون قبل المدرس كانت بيده 35 درج شفوي وعطي على كيفه محد يحاسبه
اما اللحين تقريبا كل شي بيدكم وبدراستكم المدرس ما يقدر ينجح ويسقط نفس قبل
وكل واحد لو شد حيله يضمن احسن الدرجات
وتمتحان الفترة من المدرسة وربي قرارا عجييييييييييييييييييييييب وراح تضمنون درجاتكم والمدرسة ما راح تطلع ورا سؤال بره شرح المدرس
امبي العام الامتحانات شي واللي درسناه شي ثاني حمدو ربكم
والقرار هذا مو عاجب اللي ما يدرسون كلش
كل واحد يدرس ما راح يخاف ويحاتي

 

[انا و بس]

ايه والله مسوين سالفة على ولا شي انا توني متخرجة وعلى ايامي كنت اتمنى يصير جذي
في مدرسات يفرقون بين البنات والله العظيم بشكل مو طبيعي كانت منتشرة هالظاهرة
الحين كل شي بايدكم محد راح يظلمكم يا طلاب

 

[عسولهـٓ]

بس حرام تعب شهور يروح بيوم واحد



واذا ع الواسطه حتى بالامتحانات تصير واسطات

يعني بالحالتين الواسطه ماشيه

 

[انا و بس]

بس حرام تعب شهور يروح بيوم واحد



واذا ع الواسطه حتى بالامتحانات تصير واسطات

يعني بالحالتين الواسطه ماشيه

اصلا كفاية مافي امتحانات قصيرة كفاية الشفوي عليه شوية
كفاية الابلة ماتقدر تتفلسف عليج وتقولج كل شوي 10 درجات بايدي
شتبين بعد اكثر من جذي بالاول كانوا يضيعون وقتنا بهالسوالف
الحين الشاطر اهو الي يحسبها صح وعندج شهرين تذاكرين على كيف كيفج محد راح يقولك يلا باجر امتحان قصير
وكفاية كفاية ان الامتحان من المدرسة اول شي يعني الي الابلة عطتج اياه ماراح يخرج منة وراح تظمنين الفول مارك بسهولة
وتقسيمة الدرجات نفس اول ينقسم على 2

 

[الحللللوه]

الله يوفقناا يااارب

 

[PuPa^^SWeeT]

للاسف انه قبل و الحين ما بايدي انا الا درجة وحدة بسسسسسسسسسسسسسسسسس


اقولكم تقسيمة الدرجات الشهر الاول

من 50 اوكي

35 درجة اختبار كبير


10 درجات اختبار قصير


3 درجات كراس التمارين ان كان كامل ما اقدر اقول شي


باقي درجتين

درجة وحدة يحاسبوني عليها بسسسسسس انها لي

الثانية مو بايدي لأني لازم اتقيد بسجلات الحضور والغياب



هذا بالنسبة للرياضيات مادري عن المواد الثانية


بس انا اقولكم مو بايدي شي علشان ارفع طالبة


ولا انزلها




بس سالفة الاضراب يعني مالها اساس

لأنهم يخافون انه الغياب ياثر

اهو ياثر فعلا



بس مو بالدرجة اللي اقترحوها الحين


انا كان ياثر بدرجة

على نظامهم اللي يبونه راح ياثر على 5 درجات


من جذي اهم خايفين

 

[سناشص]

انا بتكلم عن بعض الطلبه الى يستاهلون الفصل لسوء ادبهم
بعض الطلبه شايلين لوحات استهزاء بالوزير وعيييب لما تشيل لوحه مكتوب عليها \\المليفى تعرف عايض\\ تلك الشخصيه القذره التى ابتدعها ممثل بلا وعى تربوى حتى اصبحت سهله
على ابنائنا وعاديه فمثل ه\ا الطالب يجب ان يحاسب والاخر اللذى كتب\\المليفى وراك دب\\ هل هو تهديد صريح من هذا الطالب للوزير عيييب تقلدون وبس الانسان اذا بيحتج يعرض وجهة نظره باسلوب محترم يدل على حسن تربيته ولا يسئ للغير
مهما اختلفت وجهة نظرك
وانا لا اقول هذا دفاعا عن الوزير بل عن الاخلاق ومهما يكن يجب ان يكون للوزير احترامه

 

[نادره في وجودها]

بسم الله الرحمن الرحيم

لندخل بالموضوع بشكل مباشر

النظام القديم كان يجعل لدى المدرس 30 % من الدرجة الكلية للمادة موزعة على ( الكتاب - الحضور - المشاركة - اخبار قصير ) و هذه الامور كلها تكون بيد المدرس بشكل شبه كامل ... و 70 % لدى الطالب بالخبارات النهائية التي لا يملك المدرس منها أي شيئ ... فقط مجهود الطالب

فماذا يفعل المدرس و كلنا نعرف من هو المدرس في المدراس الثانوية .. أغلبهم أجانب ... يبحثون عن المال ... و كانوا ( بشكل عام ) يستغلون الطلبة بالدروس الخصوصية و الرشاوي حتى يرفعوا درجاتهم

النظام الجديد ... جعل لدى المدرس من درجات الاعمال 5 % فقط .... مما يقلل من تأثير المدرسين على درجات الطالب ... مما يقلل من احتياج الطالب الى ارضاء المدرس بأي طريقة

و المعروف أن المدرسين هم من أثار الطلاب ليقوموا بهذا الاحتجاج بشكل مباشر أو غير مباشر

فيا طلبتها .... هل تعتقدون أن المدرسين يبحثون عن

مصلحنكم ... ؟؟

أم

مصلحتهم .... ؟؟

و للأسف لدي أكثر من حالة .... رسب الطالب فيها لأن المردس أعطاه 3 من 30 بالاعمال بالرغم من أنه ملتزم بالحضور

و بالتأكيد لدى أغلبكم حالات رسوب كثيرة و بالذات بالصف العاشر ... بسبب درجة الأعمال

و جزاكم الله خيرا

النظام القديم
http://yousefbnessa-sec.com/degree.htm

النظام الجديد
http://www.aldahr.ga2h.com/vb/showth...?p=193#post193