شجعوني ابي فرعتكم ابي اسوي نيولوك

[البطه ميمي]

يعني شنو اسوي انا قلت له بشتغل صار يطقني وبعدين هدت اعصابه عن الطق هو كان طيب بس اخوه السبب والا ماعرف شسوي انا محتاره ابي احس اني حلوه شنو البس اي رجيم اسوي شلون اخليه يركض وراي صرت انام واصلي واشوف بنات يرقصون ساعات اصرخ بروحي بدون صوت عشان عيالي مايحسون. علموني قولولي انا اختكم اقترحو علي انا وايد بسيطه ماعندي خبره

 

[فرزاشيهـ]

كلنا نعاني و عندنا مشاكل بس مافكرنا و لو بلحظه ان ننتقم ولا نروح للحرام !!!!!!!!!!
تخسرين دينج و ربج عشان رجل !!!!!!!!!!!!! عمره ماتسنع ان شالله

اخسر ربي و ديني عشانه عمى بعينه !


فكري بعقلج .،،،، صلحي من نفسج قبل شكلج .،



والله يسخر لج عباده يارب

 

[فرزاشيهـ]

احقريه ولا تعطينه اي اهتمام

بيني له ان الحياه ماوقفت عليه


و فعلا لاتخلين حياتج تكون عل وجوده

كملي دراستج توظفي .،

خلي تصيرلج حياه اجتماعيه متسقله

سوي رجيم الله ماكثر الرجيمات اللي هني بالمنتدى

اهتمي اب بشرتج و شعرج و جسمج دلعي روحج كل اسبوعين او شهر سوي مساجات لا ضاق خلقج عبي البانيو و دلعي روحج

اهتمي بعيالج طلعيهم لعبيهم .،

حبي روحج بالاول عشان يحبج .،

و دلعي نفسج عشان يركض وراج .،

 

[Bloom]

دخلي موضوعي يمكن افيدج http://www.q8yat.com/t1090603.html

 

[البطه ميمي]

مشوره حبيبتي فرساشيهـ لا ماروح للحرام إن شاءالله بس انا قلتله اخاف انحرف بسببك وقلتله اذا كان رب البيت بالدف ضارب فما شيمة اهل البيت الاالرقص اصلا من قلتله كماتدين تدان صار مايخليني اطلع يخاف لا اصير مثله اواحد يطالعني بنظراته المشكله اني اخاف منه واخاف اسوي ايتغيير بس بحاول ادلع نفسي مثل ماتقولين وبجرب

 

[البطه ميمي]

بلووم بدخل موضوعج

 

[صمتي عذابي:(]

الله يعطيكك على قد نيتك ياروحي انتي

 

[ناتشوو]

باختصار
هو بيشيل ذنوبه
وانت عارفة وضعج ماكو بيت اهل ينطرج ولا معاش خاص


ماتقدرين تستغلين هالهوشة لصالحج؟
يعني تشترطين الوظيفة ولا ماترضين عليه؟
تشترطين سايق ؟
اي شي يساعدج عالاستقلاليه؟

اشلون علاقتج فيه عقب الهوشة الاخيرة والطق
؟

بس اختي انت عارفة لج اخطائج وذكرتيها باول الموضوع
والسمنة شوفي اي ريجيم والتزمي فيه
بحيث خلال سنة بدون مايضرج هالشي
والنيولوك خليه نفسي وبشخصيتج قبل الشكل
احس قصص ناعمة الهاشمي بتنفعج
ابحثي فيها واقري

 

[الأنسة ناعمة MA]

أسلوبج يذكرني بوحدة هنيه نسيت نكها بس تحفه بالخيال الواقعي أخصائيه أو ام سارة ؟؟ جنه جذي نكها

 

[نونه المنكوشه]

حبيبتي انتي غيري تفسج علشان نفسج وله ع الخيانه الكل يخون حتي اللي عنده ملكه والله يبعده عن الحرام

 

[غلا-زوجي]

عفوا الاخت جوري ؟؟؟
شنو الغلط بأن المرأه تطيع زوجها بكل كبيرة وصغيرة؟؟؟
منو من زوجات الرسول ماكانت تطيعه ؟؟؟
عطيني شي من اي مذهب يقول حافظي على بروستيج
رضا الله من رضا زوجج وان نامت وزوجها مو راضي عليها تلعنها الملائكة ..

 

[البطه ميمي]

السلام عليكم بصراحه ماقصرتوا كلم وبديت اقتنع ان كلامكم صح العيب فيني لان الرياييل مالهم امان والامان بالله سبحانه طبعا ودي ارد على وحده وحده لكن ماعرف واللي صار بعد هوشتي الاخيره وهي اسبوع آكل مسكنات من الالم
قال الشر علي انا اللي قاعد في هالبست السيء انتي وعيالج ولو اتزوج عليج وحده ثانيه واييب لها هدايا احسن منج قلت له روح اصلا تزوجت والا لا انا ابي الطلاق انت ظالمني وظالم نفسك.
سكت وقال اختاري تبين اطلقج خفت ورديت لعادتي القديمه قلت له كيفك
انا احبه وايد وايد وعندي امل بان ينصلح الحال.
وبعدها طلع وراح نام عند عياله ورجع وقالي غلط تتدخلين في حياتي مايصير في حدود بيننا
ذبحني بهاكلمه قلت لو ادري ان في حدود بين الزوجين ما كنت تزوجت انا تزوجته صغيره والحين صارلي اكثر من١٠سنين زواج محد يصدق من يشوفني ان ولدي طولي انا متغطيه حتى ايدي اغطيها ماحب احد يطالعني لاتحسبوني شينه بالعكس حتى لومتينه ترا ماعندي كرشه الحمدلله تصدقون وانا معاه احصل معاكسات اقول ليش هذا يطالعني ويعجب فيني وزوجي لا
ال

 

[البطه ميمي]

في غلط فيني انا ادري حتئ خواتي يقولون لي اخذي السياره وطلعي مالج شغل فيه مع انهم مايدرون بشي انا باستر عليه اصلا انا بير من الاسرار مستحيل اقول سر حق احد ويوم شفت بالمنتدى شلون كل وحده تعطي افكار للثانيه نخيتكم ابي انساه طبعا صرت دايم اذكره بسوالف اخواني وحريمهم شلون لما يلعبون حريمهم يتفصخون ويطلعون من وراهم بعدها صرت اسكت صار مينون ليش ساكته بشنو تفكرين ويشد شعري قولي قولي اقوله افكر اتغير يخاف ويقول ترا انا ماعندي سوالف هذا اللاب توب متبرمج بروحه
الحين صرت اقول حق نفسي لازم اتغير لازم احب نفسي كلامكم صح صح صح
وفي اخت هني عندها موضوع حلو عن الرومانسيه عطتني فكرة الرساله وكتبتها وزوجي قراها صار لي يومين حسيت انه مأثره فيه الله يجزاها خير ويهنيها
وكل من رد علي او دعا لي اواهتم لاري الله يزيده من فضله دنيا وآاخره