شجرة عيد الميلاد في ابوظبي بـ 11مليون دولار !!

[aṕriliå]

رد : شجرة عيد الميلاد في ابوظبي بـ 11مليون دولار !!

الله لا يسخط علينا

 

[مس دلال]

ماحصل لهم اللي يبون
شوفوا باليوتيب البرنامج الاجنبي اللي يطتنزون علينا بهالشجره
توقعنا ان بيفرحون فيها وكـ قاعدين يتطنزون ويضحكون يقولون ماتوقعناها من بلد مسلم

الله يعين حتى لو فكره اجنبي المفروض تنرفض

 

[Q8Lady]

أكيد صاحب الفكرة طاحت بجبده
شاكرة لكم مروركم

 

[بـ ع ـثرة آحاسيس}~]

لا حول ولا قوة إلا بالله

والله حتى لو يبحثون على رضاء الدول الاجنبيه يبقى رضى الله سبحانه وتعالى اولى لهم

بدال مايقطون فلوسهم بشجرة كريسمس لو قاطينها على فقراء المسلمين احسن لهم

بس شنقول غير حسبنا الله ونعم الوكيل ,, ولااله الا الله محمد رسول الله

 

[$أنوووثه$]

الله لايغضب علينا..والا لوقايليلهم ادفعوها زكاة جان تكاثروها..

 

[Q8Lady]

شكرا على مروركم
والله يهدي الجميع

 

[pinky berry]

رد : شجرة عيد الميلاد في ابوظبي بـ 11مليون دولار !!

لا حول ولاقوة الا بالله

من امه اسرااف !! الله لايخسف فيناا

 

[شاي حليب وهيل]

يا بنات 11 مليون مب سعر الشجرة سعر المجوهرات اللي انحطت عليها وصاحبها اهو المسؤول، يعني التصرف تصرف فردي! واشجار الكرسمس موجودة في كل مكان في هل الوقت من السنة، ومهم ان احنا نحترم الثقافات الثانية!! يعني يوم جورج بوش واوباما يهنئون المسلمين بالعيد ولا برمضان صاروا احسن عنا واحنا اللي دينا دين يسر ورسولنا وصانا انا نحترم باقي الديانات!! لا تكبرون السالفة. يعني الالماس بينباع بعدين والسالفة دعاية حق صاحب المحل. وهذا رايي..

 

[شاي حليب وهيل]

الصراحة بعض الردود مجرد كلام وبس! يعني االي تقول سفهاء واللي تقول مبذرين واللي تقول ليش ما يتبرعون لفلسطين!! عمركم سمعتوا عن مدينة زايد في فلسطين!! بيوت ومستشفيات ومساعدات لين باجر! احنا ما نحتاج احد يعلمنا في هل السوالف والامارات من الاوائل في المساعدات بس ياحب البعض حق القرقة والقذف!! يعني شوفوا الامارات وين وصلت! لأنها اسلوبنا في التعامل يحترم كل الديانات وكلهم يحسون بالأمان في بلادنا لأن انحسسهم بهالشي! الله يسامح كل وحدة جرحت الامارات بأسلوبها!! يعني هديتوا كل الخير اللي يطلع من الامارات وحبكت على هذي الشجرة!!

 

[قمورهـ]

رد : شجرة عيد الميلاد في ابوظبي بـ 11مليون دولار !!

شاي حليب انتي مومجبورة ادافعين عن الامارات لانه مو بوضع هجوم

احنا نستنكر هذا الفعل الصادر من المسؤول عنه مالها شغل الامارات كدوله تظل دوله جميله وبلد امن وامان وتعتبر بلدنا الثاني بس المنكر هذا لازم ننكرها حتى لو بديرتنا عالاقل نبري ذمتنا امام الله

 

[زينة الشرق]

رد : شجرة عيد الميلاد في ابوظبي بـ 11مليون دولار !!

الله يهديهم....

 

[ساره الاماراتيه]

بنات

الامارات مول ما يخصها في الموضوع .. الي يقول مفلسين والا يقول فسق وغيره .. على فكره ترى الشجره في فندق قصر الامارات في ابوظبي .. وابوظبي تعتبر من اغنى دول العالم والحمدلله يعني لا مفلسين وال غيره ..

غيرتكم على الدين على عينا وعلى راسنا بس بليز بنات انتبهو انتو تكلمتو عن الامارات .. والي مسوي الموضوع صاحب محل مجوهرات للدعايه .. وكل المجوهرات راح ترجع للمحل

وعلى فكره شعب الامارات كله مستنكر الموضوع ومب عاجبنا الي سواه صاحب المجوهرات ..واحب اصحح معلومه هو مب اجنبي هو عربي ومواطن اسمه خليفه خوري .. بس قطعوه في البلاكبيري

يعطيكم العافيه ​

 

[مس دلال]

تدرون شلون خنروح نقعد تحت هالشجره ونهزها لين تطيح المجوهرات ناخذها وننحاش ههههههههههه

 

[عالين المواجيب]

رد : شجرة عيد الميلاد في ابوظبي بـ 11مليون دولار !!

مب مستغربه الاستنكار اللي صاير في هالموضوع ومواضيع ثانيه لانه شي صحي انه المسلمين عندهم غيره على دينهم ونحن اللي يبناه حق عمرنا ،، من حط عمره سبوس لعبتبه الدياي،، الاجانب اطنزوا على هالموضوع والناس كلها تستهزء بنا عسب هالشيره وبعد هالشي مب مستغربتنه لانه في حديث عن الرسول بما معناه من ارضى الناس بسخط الله سخط عليه الناس ،،، وهالحديث اوجهه لفئة المنافقين اللي تشوفونهم في هالموضوع يدافعون عن الشيره واييبولج التسامح الديني ورضى ربهم الاعلى اللي هم الاجانب فوق رضى الله انا مستغربه منهم لانه ما شفت حد عندنا في الامارات الا وهو مستنكر ومقهور من هالشي ،،، من وين طلعوا هذيل فئة اونه سياسة دوله من متى سياسة الدوله في شيرة الكريسماس؟ الله يكرم بلادنا وسياستها عن هالشي ،،، وابشركم اللي سوى هالموضوع صار مطنزة اللي يسوى واللي ما يسوى في البي بي وعسب جذه الحين بيشلونها هالشيرة والفندق اعتذر عن هالشيره

يعني يا خواتي الخليجيات ارتاحوا لله الحمد الاماراتيين بعدنا فينا خير واااااااااايد رغم اللي شفتوهم في المنتدى فرحانين على هالشيره لانه والله ما شفت حد دافع عن هالشيره غير الزلمات فرحانين يتصورون عندها

والله يا خواتي انه شعبنا فيه خير وايد وفيه غيره على الدين لو حد غيرنا جان من سنين اختلط بالاجانب واتطبع بطباعهم بس شعبنا للحين محافظ وما ايوزله اللي يصير وطال عمر البي بي اللي مبرد قلوبنا

 

[Q8Lady]

تدرون شلون خنروح نقعد تحت هالشجره ونهزها لين تطيح المجوهرات ناخذها وننحاش ههههههههههه

لووووووووووووووووووووووووووووووووووووووول صاجة


يبا شفيكم عليهم ، فلوسهم واهم حرين ، كل واحد عقله براسه ويعرف خلاصه ، والله بيحاسبهم احنا مالنا شغل
لا تقلبوووون السالفة هوااااش على شي ما يسوى

 

[نوبدي]

والله وصلنا في البي بي انه الخوري بيشيل الشيره اليوم الساعه خمسه،، عاد اذا صج صار ف الحمدلله رب العالمين ،،،

 

[Q8Lady]

أكيد بيشيلها !!
لأن عيد الميلاد ( الكريسمس ) خلص
ولازم يردون المجوهرات

 

[غلا123]

استغفرالله العظيم

 

[0(مـــســـ(مطير)ــــــك)0]

شنو كانت طبيعة احتفال الفندق .. بعيد الاضحى والفطر ؟؟؟

 

[Q8Lady]

بالدول العربية محد يحتفل بعيد الاضحى ولا الفطر و لايسون سالفة اصحاب المجمعات !!!