شتسوين ! وبالطيآرة بعد !!!

[MayOumii~]

السلام عليكم ورحمة الله وبركآته

شلووؤنكم حبآيبي شخبآركم ؟

طبعآ في منآ الي سآفرت بالصيف والي بالعطلة والي بتروح مثلي بالعيد ××
نروح ونرد بالسلآمة إن شآء الله ××

..
بس السؤآل الي يبط الجبد والي يقهر والي يضيق الخلق !

شتسوييين بالطيآرة !
خآصة اذا الوقت طويل يعني 6 سآعآت و فوق ..

انزين بعض البنآت ينآمون بس الي مآفيهم النووؤم شيسووون !

انا آغلب شي آخذ دفتر وقلم واقعد ارسم بس نص سآعة وامل !
قبل كآنت رفيجتي نسآفر ويآهم وجذي يعني الاهل كلنآ بس هالسفرة مآ حصل نصيب ×:eh_s(2):×


فآبي آعرف شلون تقضون عالملل القآتل وآآي !
6 سآعآت ماشاء الله مو شوي لو آقول قصة حيآتي اخلص بسآعتين ××


يلاآ لكم المآيك كل وحدة تقول شتسوي !

 

[كنترول]

أشوف افلام او اقرا كتاب
حاولي تشترين قصه او روايه حلوة
وراح تندمجين فيها

 

[*لبيه*]

آقـري قرآن .~

آو كتب ادبيه شعر وجذي .~

آو قصص وروايات << ماحب هالشغلات لان خيال بخيال ..~

كلش كلش نامي او شوفي افلام مثل ماقالت الاخت بس همّ ماحب الافلام لان خيال هههههههههههههه ~

تـــروحيين وتـــردين بالسلامه آختي .~

 

[Miss.Nony]

لوووول شوفي عن نفسي أول شي أكون متحمسه < مو شايفه خير
أطالع الكويت من فوق وأعبر عن مشاعري وأصور , بعدين أتسنع وأصير خوش وحده وأشوف تي في بس هالسفره ما خذيت راحتي
امي يمي فما أشوف إلا اللي تبيه ., بعدين لعبت اكس اووو معاها =)
تالي طلعت مجلة اليقظة وقريتها بعدين زهرة الخليج وسمعت جم اغنية إهداء من اخوي حاطهم بالآيبود
وطبعاً لازم أطلب كوفي تعدل مخي , بعدين حطيت راسي وكتبت اسم كل رفيجاتي وحطيت حق كل وحده مقطع اغنية يعبر عن مشاعري لها =)

سوي أي شي وراح يضيع الوقت عادي .,, تروحين وتردين بالسلامه حبيبتي *

 

[لفتة فرس]

والله ما الومج الوقت طول والله يعينكم
بس شوفي كل ساعه سوي لج شي :krkrkr:
يعني مثلا شوي شوفي التلفزيون وشوي اسمعي قران وشوي شولفي مع اللي يمج
وشوي تطمشي ع المضيفين خخخخخ ماكو شغل
وشوفي قلبي بمجلتهم بين كل هذا اخذي فاصل وطلي مع الدريشه :krkrkr:

بالسلامه ان شاء الله

 

[{ شيوخهـ ~]

لووووول عآد آحلىى ششي خصوصآ آذآ بآلروحه و بتوصلين ديره من زمآن ودج تروحين لهآ..
لكن بآلرده؟ موو ششي..
آذآ مليت بآلطيآره؟ آصور، آطل من آلدريشه *آموت على شي آسمه take off و landing*، آسسولف ويآ آهلي، آششوف آفلآم، آسمع آغآني، آقرآ كتب، آنآم، آو آلعب بتلفوني آو PSP آو DS آو آي شي تقني محمول.. ​

 

[رتبه دبلوماسيه]

لووولز عاد انا قبل ححححيل زهقت و14 سسساعه الطيارة

اقرى روايات اقرى قران واطالع الدريششة او انام جذي لووول

 

[LuLiTa]

انام + اقرا مجلات +العب سودوكو + اسمع اغاني بـ الايبود + اشوف افلام و اذا احد معاي بـ السفرة نقعد انسووولف و ونحش =)

 

[فواصل]

اقزر وقتي مع الافلام

او اقرا

او اسولف

او انام اذا قدرت

 

[طوق الياسمين]

انا دايما عيالي معاي والله يحفظهم كل واحد يبيله وقت الا تعالي وديني الحمام الا اكليني هاي الصغر خصوصا الا ماما ابي هاي الموفي ماما شوفي فلان..وهكذا وباقي الوقت انام او اكل او اطالع فلم وانا اروح معاهم رحلات لمده يوم كامل بس ماصادف اني تمللت الحمدلله وان شاء الله في العيد ببروح 14 ساعه بدونهم احاتي شلون بقضيه في الطياره لاول مره بروحي

 

[Omniya]

انا مستحيل انام بالطياره ماعرف -.-
اذا بتسافرين بالإماراتيه وناسه لأن كلا افلام يديده يحطون
العب بايبودي + اشوف افلام + اقرا كتاب + اقرق + العب بكامي امسح الاصور
واصور الغيوم من الدريشه

بس

 

[بنت المتوسط]

عادي حبيبتي انا سافرت بسياره ! ومثلج
اممم اخذي معاج حلويات .. علوج واكلي
او اذا تحببين المجلات اخخذي معاج جم مججله
او سممعي اغاني او قران واندممجي او قصص الانبياء حممليهم صوت ..
او اقري روايه ..

 

[مُخملْ]

هلا حبيبتي ،
اول شي لآزم آطالع الدريشة ، آتآمل آلمكآنْ وآصوّر ليمآنطيرْ ، ~> آتمْ من يقولونْ ربطوآ آلآحزمة فيه ليما ننزلْ عشان اذا نمت مآيوعوني عشان حزآم
اقرا كتآبْ آو أطآلعْ فلم ، آخر مرة قزرتهآ على الآيبودْ ، حطيلج محآضراتْ
، أدعية ، آنآشيدْ ، يعني .
آقريلج قرآن ، طآلعي شي منزلتنه على لابتوبج ، اذا تعرفين ل.شغل الحيآكه
ممتع ويضيّع الوقتْ ،
آخذي ويآج الالعاب الصغيرة اللي تنشل بآي مكآنْ ،
آخذي مذكره وآرسمي آوآكتبي فيها خوآطرْ ... آي شي ب.خآطرج


،
بيمر الوقت بدون لاتحسّينْ
وآلله يردج ب,السلآمه حبيبتي :eh_s(7):

 

[miss_mazajyh]

الايبود او تلفونج اترسييييه ملاحظات
نكت
شعر
قصص
نزليلج برامج تصميم صور فوتوشوب
نزلي سورة البقره ساعتين بتنامييين فيها بصوت مشاري العفاسي
حطيلج حلاو وككاوات بجنطتجج

وبيقزر الوقت خخخ
سولفي مع اللي يمج

 

[شندوخه]

كتب اخذي روايه حلوه وتشدج لم تقرينها
والايباد حطيله العاب وقزريها عليه

 

[أزرق العود]

الله يعيييييييين اذا المسافه بعيددددددده تلوع جبدي


اول شي اكون رازه نفسي واقعد اطالع كل اللي حولي شسون واذا في حركه عجبتني اقلدهم ههههههه

والتي في طقطقي فيه مع اني عمري كله ماشفت فلم كامل اطفش وانام

والا الايباد طقطقي بالالعاب

شوفي الصور اللي بفونج

اروح للاواتس اب واقرا سوالفي كلها<< شغل هنووود بس شسوي اضيع وقتي

روحي وردي ع الحمام

يعني عيشي نفسج جووو بس هم يحوشج احباط

 

[رفيعة الشآآن]

افلام اذا الي يمي نايم

وسوالف وضحك اذا الي يمي قاعد <<<<< موقتة مع الي يمي خخخخخخ

بس اخر سفرة لي كانت شهر العسل متسمته لايخرب برستيجي بس والله تعب
مانمت عشان لايقول هذي نومتها بمخباتها ولا اكلت براحتي ولا شربت والله حسيتها عقاب بالطيارة مو رايحة استانس

بس بالردة فليتها افلام وبعدها نمت و اخر ساعة قعت اعدل المكياج وتعطر <<<< فاضية تكشخ لمطار الكويت

 

[مسك حياتي]

اخذيلج كتاب حلو فيه قصص و اقري ~
اقري قران استغفري ~
انصحج بكتاب كيف تستمتع بحياتك للعريفي ~
تروحين و تردين بالسلامه حبيبتي ~

 

[LuLiTa]

اي نسيت اقوولج .. اخذي معاج حب و حلاو و كاكاو ...و هم العصاير البودر او القهوة البودر او اي نوع اتحبينه ... و بس تطلبين الماي من المضيفات

 

[Zoozie]

انا اقرى كتب ، ارسم والون ، افكر ، العب بتلفوني ، اكل ، اجوف تلفزيون اذا كان في
شكرا ع الموضوع