شتسوين اذا كنتي بدون خدامة ؟؟

[( مي )]

قوة بنات

انا حدي متأزمة ان خدامتي بتسافر هالاسبوع وبضل بدون خدامة
بتقولون ليش ما طلبتي وحده قبل لا تسافر ؟؟
اللي صار ان اجازتها السنة الياية بس يت لنا حالتها حالة ولدها اندعم وبالمستشفى وبتسافر شهرين
ومصممة انها تسافر

سؤالي
لما تكونون بدون خدم معنى هذا محد بينظف غيركم ،، صح ؟؟
شلون تقسمون اوقاتكم ما بين المطبخ والأوتي وتنظيف غرف اليهال وحده للنوم ووحده للعب وغرفكم مع ازواجكم والصالة والحمامات تكرمون وبيبي توه بو 3 شهور وبنات بالمدرسة وراهم واجبات ودراسة ؟؟؟؟

واي حده الوضع سخيف
قولولي شلون تنظفون وتقسمون اوقاتكم لما تكونون ابالوضع ؟؟​

 

[حصوص الكويتية]

انا بقولج اذا انتى موظفه الصبح راح يصير حوسه عندج ودوخين حيل وتتعبين

اما اذا كنتى غير موظفه يعنى ربت بيت الامور تتغير عندج

يعنى انا الحين صارلى 3 شهور بدون خدامه خدامتى سافرت من شهر 11 اللى طاف

والله اول الايام اوكى انظف واغسل واطبخ وساعات من المطعم لانى ما الحق وبصراحه الملابس والاوتى يبيلهم شغل وفراغه

صج تحسين بمعانات الخدم عدل انا اقول زين والله تحملت كل هذا 2 سنتين والله تعب تعب تعب صج

وخاصة اذا كنتى موظفه اففففففففف

انا اول الايام كنت اطبخ بالليل ولما ارجع من الدوام اكمل الطبخ

بس تالى عطانى المسؤؤل والله شحليله قالى كل يوم طلعى الساعه عشر ونص او 11 لانك ماعندج خادمه الله يجزاة خير ما قصر

نرجع لمحور حديثنا الحين انا بصراحع تاقلمت مع الشغل وصار عادى ما احس بس انى اتعب حيل

يعنى مو مثل قبل طلعات ونااسه يعنى هذا نسيته بالمرة

 

[ثلاثينية]

مريت بنفس تجربتج
اول شي حبج لبيتج راح يهون عليج كل شي,,,,ولاني انا من النوع اللي احب كل شي نظيف ومرتب كان شغل البيت بالنسبه لي متعه
راح اقولج على طريقتي وانتي اخذي اللي يعجبح
اولا يبدي شغلي بالعكس,,, بس نتغدي وينام ريلي ابدي اغسل صحون الغدا وبعدها ادرس العيال ومن اخلص انظف غرفهم % وبعدها على الصاله انظفها عدل واغير الديكور بعد وابخر البيت,,,,
ومن يقعد ابو العيال اكون جهزت له القهوه وبعد ما يطلع اخلي العيال يتسبحون وبعد ما اعشيهم وينامون اتفرغ لغرفه نومي وارتبها واتأكد انه كل شي تمام
وبعدها اغسل الحمامات واخر شي اتسبح واتعدل وعلى الساعه 10 يكون خلصت واتفرغ للكوي واجهز ملابس العيال وابوهم ومن يوصل ريلي اجهز له العشا ( وانا اجهز العشا احرص كل الحرص على اني اغسل كل شي بعد ما استعمله وهذا يخفف علي الشغل )ومن نخلص العشا يبقي بس غسيل الصحون
واطالع تلفزيون واضحك عادي
وثاني يوم اباشر غسيل الملابس والطبخ وتنظيف المطبخ ومن يصير الضحي ارتب سراير الغرف لاني امس منظفتهم
وعلى فكره كان عندي بنت عمرها 7 شهور كنت احطها بالدرايه وامشيها معاي بكل مكان واسولف معاها
على كل هالتعب بس مرتاحه حيل وطبعا اخصص يوم مثلا الاربعاء يكون تنظيف شامل لنص البيت والنص الثاني يكون ثاني يوم

واي سؤال انا مستعده

 

[bint_looda]

الله يكون بعونج بس رتبي وقتج وان شالله كلشي بيهون .. بس حطي بالج على النفسيه مو تعصبين وايد وتتنرفزين لاوصخو اليهال ترا مهما كان صغار وماراح يقدرون تعبج بالتنظيف والترتيب الله يعينج صراحه وضع صج صج متأزم

 

[ms_royality]

ييبيلج مسترجعه لين ما تطلبييلج وحده

 

[شانيل76]

الله يعينج حبيبتي
انا 5 سنوات ماعندي خدامه كنت انظف البيت كل يوم دعك وغسيل وكوي وطباخ هلكت وبعد سنتين من سافرت الخدامه حسيت تعبت وايد بس انا ماعندي الا ولدين الله يخليهم يساعدوني اشوي حبايبي وكنت مره في الاسبوع اييب خدامة امي تنظف البيت تنظيف وثاني يوم ارجعها حق امي يعطيها العافيه ويظل بيتي اسبوع يلمع ونظيف كل شي استعمله ارتب على طول واغسل بسرعه اول باول عشان احافظ عليه اسبوع لما تيي الخدامه مره ثانيه وانتي الله يعينج

 

[( مي )]

تسلمون بنات
بس واي وا اقرا لويتكم
واي صج امبيييييييييييه

مو عيشة هذي شقا استغفرالله

انا بناتي صغار
اكبرهم 6 سنوات

الله يحفظهم يعني ما اقدر اعتمد عليهم واهم معتمدين علي بكل شي يعني انا مع ان عندي خدامة بس والله ما افضى مع اليهال طول اليوم من دراسة وسباحة ومجابلهم ما اخليهم بروحهم

انا جربت مرة قعدت 4 شهور بدون خدامة وحزتها نقلت من شقة لشقة كانت خدامتي مسافرة وبنت اللذين باليوم اللي المفروض تييلي فيه دقت تضحك تقول انا ماني ياية
انزين وينج طول هالشهرين ما دقيتي قلتي !!!!! فعلى ما طلبت وجربت مسترجعات ضليت 4 شهور او اكثر

اليوم رحت اشوف مسترجعة
تصدقون ماكو !!!!!!!!!!

المسترجعة اللي لقيتها وحده فلبينية كانت معزبتها تسب وتلعن من قمة راسها هالحيوانية بنت الكل،،،،،،،، وبنت ،،،،،،،،،،، هالزف ،،،،،،،،،،،
اثاري تدرون شنو مسوية ؟؟؟

الفلبينية متحرشة ببنت المعزبة اللي عمرها 9 سنوات لازقة فيها وملمسة فخوذها وااااااااااي تدرون شنو كشيت واقلبت جبدي

جان زين يسوون ريبوت يشتغل بالبيت والله جااااااااااااااااان عز بدال لا انييب ناس ما ندري شننو وضعهم مرضى نفسيين ولا خريجين سجون ولا شنو



ومشكورين بنات وايد على ردودكم ومساعدتكم​

 

[ستروبيري تشيزكيك]

الله يعينج على المعاناااه
انا ماقد جربت بدون خدامه الا يوم واحد يوم انحاشت خدامتي وبالليل جبت وحده ثانيه
والله ماجربت الا يوم واحد وبغييييت امووووووووووووووووت
عاد آنا خدامتي تبي تسافر شهر 5 وماادري شنو اطلب اي جنسيه
زوجي حالف انه مايجيب اندونيسيه ولاتدخل بيتنا الاندونيسيه بعد ماصار لنا موقف من خدامتي الاولى

الله يعييني والله شايله هم هم هم ماادري شنو اطلب

 

[يارونه]

بصراحه الله يعينك قلبي معك بس والله ما تقدرين تستحملين اذا هذا وضعك عيال وصغيره وزوج ومدرسه وكل شي كل شي لازم شغاله بديله مسترجعه مثل ما تقولين بس دوري وحده مشاكلها خفيفه واذا فيه عندكم نظام الساعات خذيها كل ثلاثه ايام وعطيها الملابس والكوي وتخم البيت وتنظف من والى ممكن ترتاحين شوي والله انا خدامتي راحت واول الايام شوفي النشاط وبعدين بنشرت وغرزت والمطعم مطابق عند الباب مصختها مو هههههههههه

 

[Baby^Bop]

الله يكون ابعونج بصراحة مع اليهال لا صعبة كافي غسيل الهدوم بيصير دبل الدبل الشغل

واي مابي احبطج بس صج تعب

عندي لج حل سهل سويته لما سافرت خدامتي .. قمت ايب وحدة من خدم امي اتساعدني مو شرط كل يوم يعني يومين بالاسبوع وباجي الايام

التنظيف الخفيف علي و الغدا انتي ساكنة ابيت حمولة يعني ما راح يقصرون معاكم أو الوالدة الله يطول ابعمرها أو التوصيل الله يعافيهم

 

[انا مو هني]

انا الحين ماعندي خداما
خدامتي سافرت اخر شهر واحد وبتيي شهر 4
انا عندي غرفتين وحمام
وعندي زوجي وبنتي عمرها 3 اسنين ووبنت عمرها شهرين
وساكنا في بيت حمولتي
بس خدامت خالتي مساعدتني بالغسيل والكوي
واهيا الي تسوي غرفتي وتخمها لان انا فيني حساسيا من الغبار واذا نظفت شي ايدي تصير زرقااا وتحكني خخخخ خووش عذر
واكلناا كلااا مطااعم
بس الغدا خالتي تطبخ
وهمن الخداما تنظف الحمام من الصبح
وبنتي الكبيرااا مخلياا خالتي تربيهاا
وبنتي الصغيرا قاطتها عند امي من طلعت من النفاس ما وديتهاا بيتنااا
ما اقدر اتحمل البجي تدرون البيبي بهالسن كلا يبجي من المغص وما اعرف البسهاا اخاف امصعهاا كووز اصغيرا
بس اول ماسافرت خدامتي ينيت اخنقتني العبرااا قاعدا اقوول اشلون بعيش بدون خداما شي صعب
وخدامت خالتي مو كل حزا ابيها القاهااا خوو مو خدامتي وتسوي الشغل وهيا منفسا بس ما اقدر احاجيها مو مالتي
الله يعين الي ماعندهم خدم كلش ويصبركم والله الشغل اييب الشيب

 

[( مي )]

واااااي ردودكم بؤس


صج هالموضوع احباط
:0bee2e8d89:

استغفرالله
بعد يومين بتسافر ​

 

[~ عز ~]

هذي مشكله اعتبرها من اكبر المشاكل اللي تمر علينا ...

لان اخس شي ان تكونين 24 ساعه تعبانه جسديا و هم فكريا لان تعب الجسم اكيد يجر تعب الفكر هههههههه

المهم انا الوقت اللي اصير بدون خدامه تدرين شسوي ؟

ادخل الصحون والكاسات و احط مكانهم صحون بلاستك و كاسات ورق .. على اساس مااكود مواعين للغسال

على طول للزباااااله ( تكرمين )

صدقيني ماتتخيلين شلون الشغل يخف ..

والملابس اغلبها اوديهم المصبغه .. و مره قريت فكره في منتدى للي ماعندهم نشافات

لي غسلتي الملابس على طول علقيهم بالمعلاق و انشريهم عالحبل على اساس تاخذينهم و ع طول عالكبت

حتى الكواي مابتحتاجين او بيصير اخف ..

واذا عندج نشافه احسن واحسن لان الملابس بتطلع حااااااااره فعلقيهم على طول لانهم مابيحتاجون كوي ..

عموما .. انا الحين ارتحت لاني جبت شغالتين .. فالحمدلله افتكيت ماصير بدون شغاله ..

 

[سبكهاوا]

بتصعبيينها بتصعب
بتسهلييينها تسهل
حطي هالشغله ابالج

كل السالفه يبيلها ترتيب يعني
يعني شوفي شنو الاولويات سويها وتنظيف الحمام وانتي بكرامه والمطبخ اخذي خدامة امج كل اسبوع اتنظف لج
عالغسيل
كل يوم غسلي شي
والكوي اقولج على طريقة
انا عن نفسي كنت اتأزم اذا صار عندي هدوم اضربهم اوتي اتأزم واتحلطم والدمعه معلقه ادور السبب عشان ابجي لووووووووووووووووول
صج صج ما احب
وبما اني ليلحين ماحطيت لي خدامه يعني في اشيا لازم اتأقلم واعود نفسي
خذيت طاولة الاوتي بس الارضيه اتسند على الارض واجابل التلفزيون واشتغل فيهم وصج ماتحسين الا وانتي مخلصه ^_^
هذي النقطه الاولى

نيي حق غسال المواعين
هم بعد كرهت اطبخ بسبت غسال المواعين لوووول
تدرين شسوي حطيت لي رادو اشغل على الاف ام واصير ام كلثووم اغسل المواعين واغني واترقص بعد

شفتي شلون سويت من شغل روتين الى متعه ^_^

 

[.. مـــلاكـ ..]

الله يعينج

حاولي تنظمين وقتج

وبالنسبة للمطبخ وشغله كله اشتري بلاستك اريح لج
ووالملابس حاولي مو كل يوم غسيل يعني كل يومين مره
او وديهم مصبغه صج االمسأله مكلفة بس شتسوين اهم شي راحتج
واذا احد من اهلج او خواتج عندهم خدامه خل تيي تساعدج حتى لو بالويك اند
ولله يسهل عليج حبووبة

 

[رغد84]

تشكي لي .. ابكي لك

لوووووووووووووووول

:ada:

 

[saronaq8]

مع احترامي حق ل اللي ردو انتو وايد مصعبين السالفه يعني شنو راحت خدامه انقلبت الدنيا والله انه مشاكلهم اكثر من شغلهم وانا عن تجربتي وياهم احس انه البيت كله وصخ منهم ماكو علي تنظيف ربة البيت شوفو الاجامب وتعلمو منهم ماشاء الله عليهم منظمين نفسهم ولا خدم ولا عوار راس خدامه يت وخدامه انحاشت ووحده تقول هذا بيت ماكو اكل شلي عوار الراس والله يا اختي المساله يبيلها نظام وتوكل علي الله والدعاء انه الله يعينج علي شغل البيت صدقيني اذا تعودتي ما في اي مشكله وسوي بوصيه الرسول صلي الله عليه وسلم لابنته فاطمه عندما جاءت تشتكي من شغل البيت فقال لها ان تحمدي الله 33 مره وتسبحي33 وتكبري 34 فهي احسن لك من خادم وصدقيني راح تنفعج هذا الايام ولا تنسين وانتي تشغلين ان تستغفري ربك لان يعطيج قوة

 

[*جبرني الوقت*]

اما انا اذا عن الطبخ اخلي امي تطبخلي واعطيها الماجله
اما بالنسبه للملابس يوم ورا يوم اما الطفل الرضيع يوميا ويستحسن عندج نشافه اهي اللي بتختصر الوقت بالنسبه اللغسيل
والتنظيف البيت شامل كل اسبوع مره اذا عيالج مايوصخون وعلمي بنتج ترتب معاج او تطالع اختها والله انا كانت بنتي سنتين وانا حامل احطها بكرسيها وارتب و اعطيها البالونه الهوائيه اللي بالجمعيات تخانق معاها وتلعب بس انتي عندج تدريس نسقي وقتج عطي كل وحده تكتب الواجب على ماتخلصين شوي شغل
بس صج بالاخير لما يجي زوجي الا وانا منهد حيلي
بس بعطيج رقم عندهم خدم موقته بالشهر ويعطونج فاتوره خليها بس التنظيف والاوتي والغسيل اما الطبخ على الام اللي مالها مثيل او خالتج ام زوجج
24742564
99387160
اسمها تنوجه وبالفروانيه انا جربتها زينه بس بس لاتثقين مهما كان موقته واهلنا ياخذونهم برمضان

:denya:

وموفقه

 

[ريماا]

صج الخدم راااحة بس مااربط سعاتى فيهم يعنى عندى خدامة انا سعيدة ماعندى اطقها بجية
ابية مو لهدرجة ربااااادة؟
انا مقررة بس عيالى يكبرون لااااااااااااااااااللخدم اكرف ولا ايب خدااامة
اصلن تحسين انج مراة سنعة
انا قعدت اسبوعين من غير خدم كان عندى 2 وسفرتهم وتأخر طلبى
وبيتى دورين و3 صبيان صغار ومشااغبين اشوى مرات عقاال ومرات يلعوزونى
وكان اخر رمضان
ماكنت اطبخ بس اقسم يومى
اول مااقعد من النوم الساعة 11 الظهر اقعد عيالى واريقهم توست وعصير شغل عالسريع
واشيل كل الملابس اللى يبيلها كوى واقعد عالتلفزيون اسولف مع عيالى وزوجى نص ساعة انا خالصة احط الملابس بالدواليب
تقريبا عالساعة 12 الف الزل واخم وارتب الدور الثانى وبعدها امسح وارد الزل واخمة
والعصر اسوى حلو الاهلى واخذة معاى بعد ماالبس عيالى واحط جنطة فيها اغراضنا
بالليل ارد البس عيالى بجايمهم وانومهم او اقعدهم عالتلفزيون واشتغل عالدور اللى تحت انظفة علما بان الدور اللى تحت مااااااااااااااااخلى احد يقعد فية بس حزة الطلعة نمر علية فدايما نظيييف
ومطبخى مسكرتة اسوى بمطبخى اللى فوق التحضيرى بس
ومراات بالليل احب اشتغل اخذ فوطة وملمع الزجااج وامشى على البيت انظف المناظر والطاولات وارتب الغرف وعيالى نااايمين الانهم واهم صااحين يلعوزووونى
والله كنت مستاانسة احس برااحة بس مااطبخ لوشنوووووو وعندى جلاية وغسالتى اتوماتيك ومكنستى كهربائية يعنى ماااكو تعب التعب بس من عيااالى

 

[حلويات]

راحة بدون خدامة