السلام عليكم
حبيبتي اول شغله انتي قلتي انج واثقه بنفسج وواثقه بزوجج
لا تخلين هالموقف يزعزع الثقه بينكم وخلج اكبر من هالشي
اهو لو صج ناويها للمغربية جان ما قال انا كنت بعطيها للمغربية
اهو يبي يشوف غيرتج له
وثاني شغله ..
انتي قلتي ان لما عطاج الهديه انتي استانستي وقلتي: احللللللف !! :eh_s(9):
اهو رد عليج وعلى ضحك لا كنت بعطيها المغربيه .. خلج ذكيه وفهمي الموقف اهو قال جذي قصده:
اذا مو يايبها لج عيل يايبها لمنو ؟؟ بس المسكين قالها بطريقه غلط وخرب على عمره
غشمرة الرياييل دايما جذي يعاملون المرا جنها واحد من الربع بغشمرتهم من الميانه
وانتي تحسستي من كلامه زياده لانج سمعتي كلام بنتج بس ترا لو في شي جان ما تكلم معاها جدام عيالج وجدامج....
بالعكس قبلي الهديه !!!!!!!! ولبسيها وانتي واثقه
لبسيها جدامه وقولي يا حلاتها على ايدي
سبحان الله جنه مصممينها حقي :eh_s(22):
محد يستاهلها غيري
وبوسي راسه وقولي انا مو قصدي ارد هديتك بس بصراحة غرت من كلامك لاني احبك واي مرا بتنحط مثل هالموقف راح تزعل بس انا فهمت قصدك بعدين وووضحكوا مع بعض لاتضيقين خلقه
حسسيه انج واثقه بنفسج وانج واثقه ان ماكو شي حلو بعينه غيرج
اذا بتقلبينها هوشه ترا انتي الخسرانه وراح تتغير شغلات وايد اولها الثقه واهو راح يحس انه مندقر
واتوقع ان موقفج يوم قطيتيها وطلعتي اهو فهم انج ما تقبلتي هالنوع من الغشمره وراح يحاسب نفسه مره ثانيه وما يعيد هالغشمره
بس بيني له انج واثقه بنفسج وواثثقه فيه وانج فرحانه بالهديه وعسى الله يخليكم لبعض ولايفركم شي
وما عليج من الردود اللي تزيد النار حطب
تعوذي من ابليس هذ ريلج ابو عيالج وحبيبج وانتي حبيبته ... لاتخلين تفاهات وغشمره ثقيله ووحده معاكم بالطياره متزوجه و ما درت عن ريلج حتا تفرق بينكم وتحط حواجز
وخلج على نياتج صاحبة نيه طيبه وبرييئة الريال يحب المرا البريئة ما يحب النسرة اللي على كل شي تقلب السالفه هوشه ونكد
وترا الريال اذا يبي يلعب بذيله ويبي وحده غير مرته لو تشقين الارض ما تصيدين شي عليه ويسوي روحه ملاك
بالعكس انا احس ريلج على نياته مرات زلات لسانه تخرب عليه
المهم حبوبه سوي اللي قلت لج عليه وشوفيه بيستانس وعليج بالعافيه الساعه
