شتسون بالطياره ؟؟

[UMSAROON]

لا ويع السفر مليق وملل ويعور الظهر وكل شي!!!!

انا اذا رايحه استراليا او راده الديره بالضبط اكون قاعده اطير ما يقارب ال 20 ساعه :krkrkr::krkrkr:

كرهت الطياره و ريحتها وكل شي... بس اغلب الوقت اقزرها قرقه مع الي يمي او انام .. او العب بالقيمز... ويافرحتي اذا في تزانزييت وناااسه احلى من خيسه الطياره!

وعاد الحين ان شاءالله برجع عالبزنس على بوحامل ومتخرجه بدلع روحي لوووول فاتوقع كله نووووووووووووووووم

ايي والله صاجه ريحت الطياره مو شي وما انحس فيها الا عقب فتره من الطيران الظاهر ريحت البشر ابمكان واحد وماكو حركه ويييع > انا حدي اتنرفز وانفس

 

[^noonaa^]

ونااسه خووش موضووع

اناااا كرهت الطياره ابسبلت لووعة الجبد اللي تييني


من اركب الطياره تقلب جبدي اففففف


واحاول اسلي نفسي يأي شي يا اني اقعد اقرق مع ريلي او اطااالع افلام بس

وان شاءالله السفره اليايه اخمط لي مجلاات ميكي وبطوط واقزرهااا

 

[سموالاميره]

خووووووووووووش موضوع

انا بعد كان راسي يصكني بالطياره وتلوع جبدي بس شريت حبوب ملوت السفر معروفه بالصيدليه وانا اما اسولف ولا اشوف الافلام اوم العب بي اس بي بس ما اطول فيها لاني اخاف يخلص الشحن ويتوهقون عيالي.

 

[$$ ام فهد $$]

تروحين وترجعين بالسلامة ان شاءالله
والله يسهل سفركم وتكون رحلة سعيدة
انا بالنسبة لي مايبقى ايه ما اقراها ولادعاء مااقوله واسوي تمرين شهيق من الانف والزفيرمن الفم شفته ببرنامج بالتلفزيون يخفف التوتر والقلق
واتابع الافلام وشوي اشوف سير الرحلة واغط شوية قصة ولوية على ما نوصل
وبس تنزل الطيارة الا انا مفتر راسي ادور السرير حق الراحة

 

[opera]

ام فارس


عجبتني فكره قراءة سوره البقره

مع انها ماتطول اكثر من ساعه

 

[opera]

مشكورين يا بنات على ردودكم


باجر سفرتي


بسوي اللي قلتولي عليه .. وانشالله يمر الوقت بسرررررررعه


وبقولكم شصار معاي لمن ارد انشالله


ادعولي

 

[supermarket]

اقرا مجلات او روايات

مستحيل انام حتى لو مواصلة ما اعرف

ويحوشني توتر حتى لوحاطين طاش ماطاش احس انه مليق

جان زين نقدر نشبك بالمنتدى واحنا باعالي السحاب

 

[opera]

اقرا مجلات او روايات

مستحيل انام حتى لو مواصلة ما اعرف

ويحوشني توتر حتى لوحاطين طاش ماطاش احس انه مليق

جان زين نقدر نشبك بالمنتدى واحنا باعالي السحاب

اي والله نشبك عالمنتدى ونطيحله سوالف ويضيع الوقت

 

[*caramel macchiato*]

انا طووول الوقت اطالع افلام.....لان نوووووووم انسي اني اناااااام

وهالمرة يوم رحت امريكا ...والطريج 14 ساعة...خذيت معاي بي اس بي ...والله ضاااع الوقت الحمد الله.....

 

[ريماا]

اخر مرة كانت رحلتى 6ساعات تقريبا
انا من عادتى ماانام كلللللش بطيارة مااحب
اطالع خط الرحلة واسولف مع عيالى ومع زوجى اطالع التلفزيون اتفرج على خلق الله اصور نفسى شغالة طووووول خط الرحلة هههههه
ومااحس بالوقت بالعكس عاادى:eh_s(6):
لا و عندى ولد طول خط الرحلة يقولى ماما متى ينزل الاكسجين (مال النجاة) ماما اذا طاحت الطيارة شنو يصير فينا
ماما اذا طحنا بالبحر ياكلنا سمك القرش اسألتة تونننننننننس اذا تبينا يسليج بالرحلة اطرشة لج شرط ماتحسين بالوقت:dddds:

 

[غــ q6r ـلا]

ونااسه خووش موضووع

اناااا كرهت الطياره ابسبلت لووعة الجبد اللي تييني


من اركب الطياره تقلب جبدي اففففف

انا بعد مثلج

صج اتضايق لين يصير فيني جي

بس احاول اشغل روحي

 

[el2ansa elzain]

آنا اشوف movie بس عاد اطالع نص ساعه واغيره اطالع فلم ثاني :tomato2:
وبعض المرات أقرى Books
وعاد لي جريب بنوصل افصل مع اختي :dddds:
احب تكون قاعده يمي عشان لا يطوفني شي من الي اهي شافته او يطوفها شي من الي آنا شفته
وأخر نص ساعه من الطياره ابطل الخريطه واحن على ابوي يلا متى نوصل واسئله عن الدول الي قاعدين نمر عليها
وبنص الرحله ابطل الطاوله مالت الأكل واجفس ايدي وانام ربع ساعه او نص ساعه :ggdw:​

 

[سموالاميره]

ريمااااااااااااا


فقدت على ولدج من الضحك هذا مو يجيب الخوف بس هذا يخليج اتشنجين من الخوووووووف.

 

[Pissy Missy]

لووووووووووول


نفس الحاله


توتر وما اركز بشي من الخوف


عاد امس سألت خالتي ام ريلي لانه اهم عايشين كانو بامريكا 10 سنوات

اقولها خالتي شنو كنتي تسوين بالطياره 14 ساعه


:0bee2e8d89:

ويييييييي طريج امريكا يلوع الجبد

لا وكنت حامل بعد والدكتوره موصيتني اتمشى كل ساعه

وانا مالي خلق

لا واخر 3 ساعات من الرحله خلاص وصل حدي كنت شوي وابجي

رحت تمشيت واشوف ريلي واقف مع المضيفين وضحك وسوالف

رحت وقفت معاهم وتقولي المضيفه شفيج ضايق خلقج

قتلها حامل وتعبانه وخايفه

كانت فليبينيه تقولي عادي حبيبتي dont worry

انا صارلي 30 سنه ضيفه و اول ما شتغلت كنت في الطيران الفليبيني

وساعات كانت اطير الطياره وتكون خربانه واحنا ندري بس عادي كنت اخدم الناس وانا اضحك

قلت بقلبي عفيه عليج والله

تقولي لاتخافين الخطوط الكويتيه وايد safe

 

[اللوحة الناقصة]

انا اول ما اصعد الطيارة على طول على مجلة الديوتي فري

احب اشوف شنو عندهم من عطور ومكياج :eh_s(6):

وبس تبلش الرحلة اقعد اطالع الخريطة واشوف خط سير رحلتنا

واشوف الدول الي نمر عليها ونااااسة اموت على هالسوالف واعرف حدودهم

واحلى طيران في برامج تسلية من الي جربتهم ( الاماراتية ) عجييييبة

وطبعا اشغل اغاني على طوول

لا واندمج معاهم وابجي :dddds:

بس بالنسبة لي جزء من متعة السفر ...... الطياااااارة

اموت عليها وما احب غيرها من وسائل النقل

ويعطيج العافية عالموضوع ​

 

[تيوليب]

موضوع يونس ...
آنا عن نفسي اشتري مجلات وما اقراهم الا بالطياره .. بس لما اركب الطياره .. مالي خلق اقرا تدرين شسوي ؟؟ اطالع الناس اللي بالطياره واذا يمي احد ما اعرفه اقعد اقرق معاه ههههههه بس حده ملل جو الطياره .. المشكله النوم مايينا كلش اتقلب يمين يسار مافي افففف
عطوووووونا حل بنات

 

[Daaloo]

حلو الموضوع
انا من عمرى ماسافرت وتزوجت وسافرت وكله مسافات بعيده الله رزقنى <هههههههه
اول ساعه اشرب قهوه وكيك وبعدها اقرأ قران لمده ساعه وادعى وعقب انطر الغدا من اتغدا اتمدد يمين يسار بس ما انام كل ربع ساعه ابطل عينى اشوف وين واصلين

هههههههه وانا مثلج

 

[katko0ota]

بالنسبه لي احب سفرات الليل عشاان انام ههه

بس اذا صدف السفره بالنهار العده مالتي بالطياره ( كتاب , كلمات متقاطعه) اقزرها عليهم ليما افصل و انام ههههه بس اموووت على السفرات الطويييله

 

[om MaRyooM]

اذا رحلة قصيرة مايمدي اكل واسولف شوي الا وصلنا ..

اما اذا مسافة بعيدة اخذ بندول نايت احاول انام . . واشوف افلام او ابطل لابتوبي ومجلات واكل شوي يمر الوقت

سفرتي اللي طافت خذيت اكثر من حبتين بندول مافااااااااااااااد ولانمت والله .. لأن كنت بالطيران السيلاني
لأنهم قرقة ورييييحة...وشرب وعمات عين

 

[هايدي الجميله]

اوبرا الغاليه
خذي معك مصحف اقري لين يجيك النوم