شايل ايده من كل شي

[اميره1980]

عاد الا البخل اللي ما يترقع مع الريال وييييييييييييع
الزم ما عليج نفسج حبيبتي و انتي حامل مو زين لا يصير فيج سكر الحمل و تبتلشين
كلميه بهدوء و قوليله كل شهر يعطيج مصرف ثابت او على الاقل يدفع الاساسيات مثل معاش الخدامة و اغراض البيت و ذكريه برب العالمين ان انتي زوجته و ملزوم فيج و ربه راح يحاسبه يوم القيامة على تقصيره وياها ، جيبيه من ناحيه الدين و ذكريه بربه و ان شاء الله يتسنع
موفقة

 

[المنبثقة]

الله يهديه ويخليه لك

 

[كويتية222]

يقولج البخل عيب المرجلة . . .!!

وصدقوا اهلنا بهالحكمة

اللي تسوينه مثل ما يخش بيزات خشي ولا يدري جم برصيدج ابدااااااااااا

انتي عودتيه انج تصرفين ع نفسج واهو خلاص شال ايده

اشتري لنفسج اللي تحتاجينه بس والباجي شيليه بالبنك ولايدري عنه وان سألج وين راتبج قولي اصرف منه واشتري لعمري اغراض

وكل ما اروح لاهلي اروح السوق واتسوووق

وادعي ربج ان يتخلص من البخل وطولي بالج وخلي نفسج وياااااه طووووووووووووووويل جدااااااااااا

لان هالداء يبيله صبر ونفس طويل لغاية ما يفج ايده ويصرف

 

[كويتية222]

وعلى سالفة كل ما رحتي السوق شريتي له هدية هالعاده بطليها

وراتب الخدامة دفعيه لانها بتريحج وراج طفل ومسؤولية ودوام

وان صفرت الثلاجة طلبي لج وجبة وخليه