شايب وانا بنيه @@@@@

[شادن33]

السلام عليكم
شلوووونكم

اتصدقون أنا اتييلي مواضييييع يديده في الايام اللي اكون فيها مشغووووله
ما عليناااااا

انزين
ذاك اليوم رحنا زواره حق بيت ناس انعرفهم وكانت من بين الحريم
بنت شابه لا تتعدى الثانيه عش ربيعا جالسه متكأه الاريكه ويقبع في حضنها طفل جميل كامه
خخخخخ شرايكم اصلح اكتب رواياااات!!!!!

انزين نكمل بالعاميه حلجي عورني
وهالبنيه المذكورة اعلاه زوجه ثانيه وريلها تقريبا بالخمسينات وأب لأولاد بالجامعة!!

طول القعده وشاااادن مبحلقه بالمره وسرحااانه طبعا كالعاده :eh_s(1):
قاعده افكر شنو اللي جبر هذه الفتاه الوديعة للزواج من ذالك الكهل وباعت ربيعها بالخرييييف!!!!
هل هي الفلووووس ؟؟؟ ما أطن هالريال من ذوي الدخل المحدووود
هل لمجرد الزواج والإنجاب ؟؟؟ ما أظن جدامها فرص واااايد

عيل شنووووو راسي دااار
هذي مافكرت بعد جم سنه الريال يكحكح ويشيب منو بيربي هالياهل ولما يصير مرااااهق منو بدور وراه
من سكه لسكه ومن شارع لشااارع >>> الريال مافيه شده

غير الفرق الشاسع اللي راح تحسه بعلاقتها الخاصه >>> طاعي في شنو تفكر خخخ قله أدب هههه
بس جد أكيد راح يكون فيه فرق

الله يساامحهم الأهل اللي يقطون بناتهم هالقطه التعيييسه!!!
كككككل هذا كان يدور في خلدي وأصوات خالتي تدووور في الارجااااء
شاااادن شاااادن الجااااي الجااااي >>>> مصدقه نفسها الأخت انها كاتبه خخخخ

المهم
شرايكم انتوا بهالزواجات وهل هي ناجحه !!!

تحياتي
كل يوم تعالوااا

 

[ماتغير شي]

هههههههههههه ياحلوووج وياحلو اسلوبج


من ناحية انها ناحجه او لا على حسب إذا كانت البنيه مقتنعه باللي راح تشوفه بفرق بينها وبين ريلها وتكمل معاه عادي فتوقع الزواج يكون ناجح لانه القناعه موجوده


انا اذا كانت عشان مصلحه معينه مثلا عشان الفلوس ولا غيره ماتوقع يكون الزواج ناجح

 

[baby lolo]

انا اشوف انها ظلم بس هم نفس الوقت نصيب و ماتدرين شنو الظروف اللي خلتها تتزوج
بس انا ضد هالشي لان اشوف انها للحين صغيرة وماشافت من الدنيا شي حتى تجارب بالحياة ما اختبرتها وتوها مع ان بنات هالوقت ماشاءالله كل شي يعرفون مايطوفهم شي

 

[baby lolo]

اب اب اب لعيونج شدونة

 

[Killer^Girl]

مو واضح عمر البنت 12 والا 22 .. ؟

ما أأيد هالنوع من الزواجات
بس اذا كان اكبر منها بالمعقول وغني
وماتزوج من قبل ممكن
بس زوجة ثانية ودخل محدود لا

 

[Perfume]

اهوا نصيب يا حبيبتي
بس انا ما أيد ابداً
غالباً تكون نزوة ويشبع منها
او تكون طمعانة بالفلوس ومايهمها الريل
او الاهل غاصبينها لاسباب معينة
انا ضد هالفرق الشاسع لانه كل واحد من جيل مختلف
ومثل ماقلتي اليهال اهما الضحية

 

[شادن33]

سوووووري بنات
في الثامنه عشره ربيعا >>>> خسبقتني الفصحى ههههه

 

[شادن33]

بيري صح أنا احاااتي العيااال كان الله في عونهم الام مابتقدر تربي بروحها بهالزمن

 

[شادن33]

اب اب اب لعيونج شدونة

لولو تسلم عيونج

 

[شادن33]

هههههههههههه ياحلوووج وياحلو اسلوبج


من ناحية انها ناحجه او لا على حسب إذا كانت البنيه مقتنعه باللي راح تشوفه بفرق بينها وبين ريلها وتكمل معاه عادي فتوقع الزواج يكون ناجح لانه القناعه موجوده


انا اذا كانت عشان مصلحه معينه مثلا عشان الفلوس ولا غيره ماتوقع يكون الزواج ناجح

بعد قلبي حياااج

 

[نور النهار]

الله يكون بعونها اليهال منو بيجابلهم بعدين

 

[شادن33]

مو واضح عمر البنت 12 والا 22 .. ؟

ما أأيد هالنوع من الزواجات
بس اذا كان اكبر منها بالمعقول وغني
وماتزوج من قبل ممكن
بس زوجة ثانية ودخل محدود لا

اي دخل محدود الله المستعان
بس سبحان الله الله الرازق أنا افكر بمستقبلها >>> ماكو شغل عندي هههه

 

[أروح فدوه لك]

والله صعبة عمرها 18 واهو زوجها فال50 وعياله جامعين يعني قدها الله اعلم شنو ضروفها

ماقدر احكم واقول طمعانه يمكن قصدها شريف وتبي الستر يمكن اهلها اجبروها عليه ويمكن ويمكن ..
ولو مب مرتاحة معاه مايابت عيال منه على حسب كل وحده حبيبتي

 

[زين ودلال]

ما أأيد هالشي لان مستحيل يكون ناجح

وطبعا كل واحد وظروفه في ناس يحدهم الزمن على هالشي الله يعينهم

 

[Patcholli]

اعرف اهالي يعاقبون بناتهم بهالطريقه
مثلا البنت اغلطت بموقف قبل الزواج
فيكون عقابها انهم يزوجونها اي واحد يتقدملها حتى لو ماكان مناسب بس عشان يعاقبونها ويفتكون منها

 

[زوجة عزيز]

الله يعينها وايد صعبه خاصه انه متزوج واكبر منها ابوايد اكيد في ظروف اجبرتها انها تتزوجه مولازم تتزوج واحد اكبر منها عشان الفلوس !

 

[ناتشوو]

بصراحة انا
من الاشياء اللي تخطر ف بالي
اللي قالته باتشولي
مااقصد الحالة اللي شفتيها
بشكل عام
يكونون يبون الفكة منها
حتى لو ظروفه مو زينة
صج الله يهدي بناتنا
يحدون الاهل ع اشياء مايبونها لهم
بعكس البنت الصالحة
حتى لو تقعد بلا زواج
تكون مكسب لاهلها
وقلبها عليهم
صج علينا اكثار الدعاء لعيالنا
وبناتنا خاصة
بالصلاح
اكثر من دعائنا لهم بالزواج


واحنا بالكويت
الفرق الكبير بالعمر
مو شائع عندنا
بفعل ظروفنا المادية وتوفر الوظايف والمعاشات
فالوحدة خاصة اللي ماسبق لها الزواج
غالبا تتزوج صح
او تقعد بلا زواج

 

[PuPa^^SWeeT]

شادن تنفعين والله كاتبة




هههههههه


انيي للموضوع


التكافؤ لازم يكون من العمر و الثقافة ر الشهادة




فا احسه مو متوافق



و كانها هالزواجة صفقة و راحت البنت ضحيتها

 

[تحت ظلك]

أصعب شئ بالحياة الأرتباط بشخص بهالعمر

الله يفكنا من هالطواري بس .

 

[ملوكة الامورة]

اشوا شدون خوفيني
قلت بزر عمرها 12 حسبي الله على اهلها هههههههههههههه
بس الحين يمكن ضروف يمكن هي تبي تتزوج
واذا غلطت باتشولي وزوجوها اهلها
يبون الفكة
يمكن تتطلق وترجع لهم
ماقول الا الله يعين هالبنت