شامبو الحصان Mane 'n Tail " سمعتو عنه ؟؟؟

[al-zeena]

مشكورين على ارد انا سمعت عنه وايد يمدحونه يقولون يطول ويخفف التساقط وهو بالاصل يستعملونه حق شعر الحصان لانه مكتوب عليه بالانجليزي حق الانسان والحيوان

 

[ROBY]

بنات نصيييييييييييييييحه لوجه الله !!!!!

ابتعدوا عن هذا الشامبو لانه في منشطات وبلاوي لجسم الحيوانات فقط وانتو بكرامه ... لاتصلح للاستخدامات البشرية ... وبعدين في مواد خاصة لجرب الحيوانات وتمنع تساقط شعر الحصان ومن هالسوالف وكلها تأثيرات على جسم الانسان وتنشط الغدد الخبيثة والعياذ بالله في جسم الانسان ... وبصرااااحه تبين شعر ولا تبين عافية وصحه ؟؟؟؟؟؟؟؟؟؟؟؟؟؟؟

وايد قريت عنه انه موزين في منتديات وسالت عنه حتى الدكتور قام يضحك يقولي ليش تخاطرون بحياتكم ؟ في اشياء للمرأة وللراجل كمان ليه بتستخدموا اشياء للحيوانات ؟؟ يبنتي في اشياء ومركبات مخصصة لشعر الحيوان مش كويسة على الانسان ولو جابت نتيجه لازم ليها سلبيات تطلع مع الايااااااام وتفضلي تعالجي منها وتقولي ياليت الي جرا ماكااااااااااااااان


وماعلى الرسول الا البلاااااغ ... حبيت افيدكم من قلبي

وكل وحده عقلها براسها وتعرف خلاصها ... اوكي ياحلوااات
انا الحين ضميري ارتاااااااااااااااح من بلغتكم وانتو بكيييفكم

ولو في خير جان استخدمته قبلكم لاني سامعه عنه من زمان
بس العمر مششششش بعزقه

ماتشوفون شر

 

[عطر البوادي]

شلوووونج بنوووته وشخبااارج
أنا جربته لين خلصته وما سوا شي بشعري وتركته

 

[Harmony]

بنات شالله حادكم شامبو حصن انتوا رازين الويهه ليش لوووول
الله يهديكم شعورنا و جلدنا مو مثل الحصن يبا خلكم حق اللى مصنع لنا و الله يستر

 

[أحلى بسمة]

ماجربته بس ما أصدق إن شامبو يطول والا يعدل الشعر ..​

 

[ghalaty]

الصراحه هالشامبو روووعه يهبل يساعد على توقف الشعر ولمعه وريحته حلوه الصراحه وايد الشعر يتغير مع استخدامه انصحكم فيه

 

[wathoo7a]

السلام عليكم

بنات الله عطانا عقل عشان نميز فيه المنطق وغير المنطق

شلون شامبو خيول يستخدم لشعر انسان
هذا كلام فاضي لاءن جينات التي يتكون منها شعر الخيل تختلف عن تركيبة شعرنا و بعدين لنفرض انه جاب نتيجه هل معنى هذا انه يصلح؟؟؟ يمكن يؤثر على عمليات الايض عند الاءنسان او يؤثر على العصاب الجلدية او ويد اشياء و بعدين كثافة الشعر و طولة هذي امور وراثية بنسبة 80بالمئة والباقي تاثيرات جو و نفسية ممكن الواحد يراجع الطبيب فيها000اتمنى الصحة للجميع

 

[rzaan77]

بس بنات انا سمعت حتى بامريكا الاغلبيه تستعمله حتى بصالوناتهم وانا دخلت على السايت للشامبوا اهو صالح للبشر لا بعد مشاهير يستعملونه

 

[manoola]

ماجربته بس ما أصدق إن شامبو يطول والا يعدل الشعر ..​

عليج نوووووووووووووووووور انا وياج مليون بالاميه :eh_s(15):

 

[kady-elq8]

والله كل البنات هابين فيه و صح كلامج الكل يمدحه بس ترى صج يستخدمونه حق الحصن)))))))))
بس يقولن الاصلي ينباع في الحوا:eh_s(3):

 

[TAFATEFYTA]

والله انا جربته امس اول مره كنت بالحواي و شفت وحده شرته و قالت لي هذا يهبل و أغلب بنات الكويت يستعملونه و حتى الحواي قالي وايد حلو و وايد زباين ايون يشترونه

امبي مادري متشجعه و خايفه من هالحجي

 

[فطفط نجد]

عيب هالشامبو انه يخلي الشعر جاف وناشف

 

[جوك احلى جو]

بنات شامبو الحصان بدينارين شنو بخمسه؟؟

 

[*ماي ورداسم يستحق الثقه*]

شامبو الحصان يستخدمونه للحصن لأنه طبيعي وشعر الحصن مايبيله عباله زايده لأنه جدا خفييييييف وأي شي ممكن يأثر فيه
عشان جذي اخترعوه للحصن لانه مافي المواد اللي تنحط بشامبوهاتنا العاديه وتسبب لنا التساقط..وهذا السر في بقاء شعر الحصان كثييييييييف وناااااااعم وانا اعرف ناس يستخدمونه من سنين وماشاء الله حتى السشوار مايعرفونه

وعلى فكره متوفر عندي وب 3.000 د.ك بس..واللي تبي ماعليها الا تراسلني عالخاص​

 

[عرش الأنوثه]

انا شاريته من الحوااي وحرق لي شعري وطيحه بس حمدلله الحين رد بس مادري يمكن ينفع على شعرج بس نصيحه لا تحطين اي شي على شعرج بايووو

 

[F.A]

شكلنا بنرجع على صابون رقي ههههههههههه
بغيت أشتريه بس هونت
مشكورين

 

[مطرها يسبق رعدها]

الشامبو حلوو ويمنع التساقط ويقوي الشعر

بس جفف لي شعري

يناسب اكثر شي الشعر الدهني او العادي وفيه منه للشعر الجاف جربته فتره وبعدين غيرت لاني من النوع اللي ما استمر

بس انتبهي ترى فيه تقليد

 

[صاحبة البلاط السلطاني]

وووووعه شويه عليه هالشامبو جربته صارلي اسبوعين شعري موطبيعيه حيويته لمعان ولون شعري الطبيعي قام يلق اول باهت احس شعري رد ايام الصبا خخخخخ عاد مو عبالكم عيوز بس صراحه أنصح فيه ماشالله بس أطالع نفسي مومصدقه

 

[jours]

موجود حبيبتي في مركز سلطان انا شريته واستخدمته لمدة 3 اشهر حق اللمعة بالشعر عجيييييييييييب بس حسيته ان سوى ريحة براسي عشان جذي قطعته ورديت على شامبو الفيف من لوريال

 

[oM ja$ooMy]

حبيبتي حتــى بالحواااي موجووووووود
كنت مجربته من قبل واحس ينشف الشعــر.. بس صج يقلل التساااقط