شالفرق بين عاشر و حادي عشر ؟ وطلبات 11 ؟

[abo0ra]

عااد انا واايد خايفه و من الحين قاع اقول الله يعدي هالسنه على خير
مع كل هالخوف ما راح احول ادبي لانه انا ميولي علمي و
الحفظ عليي اصعب من الفهم

 

[ألم صمت]

ابورة حتاتي اي ثانويه انتي ..؟

 

[abo0ra]

ثانويه الجابريه
و انتي؟؟؟

 

[ألم صمت]

ثانويه الصباحيه بنات >>مناك بسس ههههههههههه

 

[abo0ra]

لوووول اكيد بيكون بنات بس

 

[ألم صمت]

هههههههههههه لا شفيج ابورة هذي الصباحيه ستتي >>شنو يعني لووووووووول

 

[( Pink Rose )]

مشكورين بنات

 

[PO PO22]

١١ كميييييييه يعني ماتدرين تدرسين هذا ولاذااك

واذا درستي اول باول تجي الامتحانات وتخربط ام مخج

مابي اخرعج بس انتي سالتي وانا لازم اجااوب :** وشديي حيييلج


بالتووفيييييق

 

[Ǥoldɛn ʝɛωɛL]

ماكو شي صعب اذا درستي اول بأول ..!

انا مثلج اول ايام متخرعه من هالمرحله بعدين قعدت مع نفسي و فكرت

وقارنت بيني وبينهم اللي يقولون صعب قلت هذول مو مستواي ابدا كل شي عندهم صعب

و بين المتفوقين وشكثرهم متفوقين بـ 11 ع ماكو فرق بيني و بينهم اذا صج صج ابي امتياز و عندي حلم احققه

اشد حيلي ادرس اول بأول و شراح يصير اذا ضغطنا على روحنا هالسنتين ..؟

تذكري انه هالسنتين اللي بشدين كل حيلج بتوصلج مهندسه و دكتوره و غيره وغيره

كل اللي يقولون صعب سمعي و طلعي بنفس الوقت لان اصابع ايدج مو وحده فلا تحاتين

ادعي ربج و ادرسي دايما وخلي الخميس و اليمعه عطله لج شرايج > هذي دايما اسويها و نفسيتي تتحسن واايد

و الله يوفقج و لاتنسيني من الدعاء حبوبهـ ..

 

[abo0ra]

ثيينكس قولدن جويل بصراحه انتي اول وحده تطمنه من ١١ع
الكل صروعونا
و انشالله احنا قدها

 

[Ǥoldɛn ʝɛωɛL]

^^^

العفو ولو وحلات الواحد يدخل مرحله واثق من نفسه ما يسمع حجي الناس ويتصروع
وشنزل مستوى المتفوقين لي جيد جدا و جيد جدا ليي جيد ما غير التصروع من حجي الناس
وصدقيني اللي تخاف عمرها عمرهاااا مراح توصل اللي تبيه انا شوفيني جم مره اخاف من ماده ودرجاتي تروح مني
مثل الرياضيات اييب فيها درجات واتخرع من حجي الناس لما قلت انا قصب بحب هالماده و راح ادرسها بواناسه يبت درجه استااانست منها وايد
ترى بعد انا حالي من حالكم اخاف وايد واايد وجم مره ابجي بس بعدين امسك نفسي و اتحكم بخوفي واتذكر انه فيه مستقبل ينطرني
و النفسية لها دووووور كبير وقت الدراسه بس ادعي وتوكلي على الله وشدي الهمه وموفقه يابنت 11ع ..

 

[( Pink Rose )]

حبيييبتي طمنتيني يعطيج الف عافيه ياارب


والله يوفقج وانشالله تحققين اللي ببالج <3

 

[q8ya_girle95]

ashwaa
ana knt 5aiifa mn el-3lmee
bs al7een
klamkm 6mnee
​

 

[BnoTa CuTe]

انا ادبي

عاشر اصعب من 11ء

11ء وايد سهله بس طبعن يبيلها حفظ اول بأول

والله يوفقكم