شالدبره شالحل حاشكم هالشئ والاانا بروحي

[طيبه قلبي]

بنات انا الصبح اتريق ريوق عادي وخفيف يعني اشبع وبعدين اتم للعصر وامشي بعد صلاه
العصر يوميا لمده نصف ساعه وبعدين اقعد للعشا ممكن 8اتعشي تمر ( اوتر فيهم) مره 7او9
تمرات مع لبن اكتيفيا اللحم والدياي والعيش مايدور عندي نهائي بس الثلاثاء اطلع انا وزوجي للمطعم
واطلب سلطه اوشي خفيف نو لحم نودياي نو عيش
المهههههههههههههععم
الوزن ثابت 75ماينزل ابدا ابدا ابدا يعني ممكن يزيد بعد الريوق شوي ويرد 75


شالحل ابي اضعف مع ان ملابسي وسعت علي وعباتي كذلك وبين علي الضعف بالفخوذ وبالويه
حتي زوجي واهلي لاحظوا
بس الوزن ثابت ليش

السالفه سالفه عنااااااد
هههههه
وتشكرااات

 

[يجازيك بحبك]

والله ما عندي فكرررره ....
وأب أب لعيونج ....

 

[قطوه بيضاء]

يارب تضعفين بصحه وعافيه

 

[البلوره]

هلا اختي

انا مره سمعت خبيرة تغذيه تقول لازم تنوعين بالاكل وتغيرين الروتين

علشان الجسم يمارس الية الهضم بشكل صحيح اذا تنوع عليه الغذا..

جربي مثلا تاكلين كوب رز اسمر مع سلطة زبادي وخيار عالغداء

والعشا سلطة فواكه ..

ومره سويلك نص سمك مشوي مع سلطه عالغداء

كذا نوعي وان شاء الله تنقصين ..

الشاي الاخضر حلو بعد فترة العصر استكانه منه بس لاتكثرين .. يوم ايه يوم لا ..

وموفقه اختي..

 

[حلووة المشاعر]

اشربي اعشاب تنقص
عندنا محل بالسعوديه اسمه نوادر العالم لشاي الاخضر ماادري له فرع او لا في الكويت
عنه شاي اسمه كويدا
نصحتني وحده فيه هي نقصت بس ماستمرت ومازاد وزنها

 

[الوناسة]

الشكل اهم من الوزن

 

[ميـريام]

انا اقول لج ليش

لانج ماتاكلين بروتين البروتين يدعم الحرق بشكل مااااتتخيلينه

لو قلنا انج ماتحبين اللحم والدياي تريقي الصبح بيض أو فول أو نخي حلوو؟
والغداا دخلي هم بروتين عندج التونه او سمج فيليه
واكلي سلطه وشربي لبن خالي الدسم او رووب

وراح تلاحظين وزنج ينزل

 

[شربـــات لـــوز]

غيري بنوعيه الاكل
شربي شاي العويد للتخسيس
ترا ممكن تكونين ضعفانه بالمقاسات بس الوزن ثابت
ولا تشيلين هم الوزن مرات يثبت
استمررري وفالج البيرق اقصد الضعف

 

[ميـريام]

سوي سيرج بقوقل وشووفي شنو الاكل الغني بالبروتين سواء نباتي او حيواني
وبعد عندج الانناس المقطع فرش تحصلينه بجمعية الشاميه او مركز سلطان اكليه كسناك يساعد عالحرق
والجاي الاخضر ممتاز هالاكلات تحرق

 

[<<الأميره>>]

كثري من شرب الماي
يكسر ثبات الوزن

 

[متجر جنات عدن]

مووووووووووفقه

 

[أحلى عيون]

حبيبتي طريقه دكتورتي حتي مايتم الوزن ثابت

الصبح على الريج تشربين 2 كوب ماي

وبعدها تفاحه خضرا

تقعدين تقريباا ساعه الي ساعه ونص وتبتدين بالريوق العادي

 

[أم دانـــه]

انتي مو تقولين ان الكل لاحظ عليج الضعف
وملابسج اوسعت
خلاص هذا المطلوب

 

[M!SS.LOBY]

بصراحة الشاي الاخضر ينزل وزن

 

[fatma A]

ترا حتى انا صار معاي جذي يبين معاي بالشكل اني ضعفانه وملابسي وسعت بس الميزان يقول العكس فعادي

 

[أميرة-]

تمارسين رياضة ؟ ولا بس مشي نص ساعة ؟



مرات تحرقين دهون بس تبنين عضلات من الرياضة فتحسين بفرق بتنسيق الجسم لكن ماتشوفين فرق قراءات على الميزان


أهم شي قللي نشويات بس لا تمنعينها يعني الصبح ( 2 توست أسمر ) وجبن ومرتديلا وقلاص حليب او لبن .. الغدا ( 4 قفاش عيش ) وصحن سلطة وكوب روب او لبن والعشا صحن سلطة و قطعة جبن صغيرة يعني شي خفيف او روب وسلطة .. وبين الوجبات اكلي فواكه او خضار خس خيار جزر والفواكه اللي تبين الا الموز والمانجا

والحلويات اقطعيها لانه ماراح تنزلين وانتي تحلين وتحركي عشان تحرقين اللي تاكلينه

 

[دولنغا]

طيبه قلبي إذا إنتي من النوع الي تاكلين وفجأه قررتي تسوين ريجيم راح تنزلين اول اسبوع نزول صاروخي ممكن ينزل وزنج بين 3 الى 5 كيلوات بعدين عاد يوقف الوزن على الميزان وهذا شي طبيعي ولازم يصير عاد بعدين عاد بعدين عقبها بجم اسبوع او ممكن شهر يبدي وزنج ينزل لانه الي نزل منج اول شي هذي كلها سوائل عقبها تنزل الدهون والشحوم

واذا انتي من النوع الي اكلج عادي وسويتي ريجيم ما راح يكون نزول وزنج ** البدايه سهل راح ينزل عقب جم اسبوع من بداية الريجيم

وعلى فكره انا مره قريت بس للامانه ما جربت عن الصيام العكسي يعني تتريقين عدل وتتغدين عدل واذا تبين تحلين ويكون افضل تكونين عقبها شاربه شاي اخضر او شاي زنجبيل او شرايح اناناس لانه هالاشياء تكسر او تذيب الدهون والساعه 4 أو 5 توق**ن وعقبها ما تاكلين او تشربين شي ما عدا الماي فقط ووايد ناس استفادت من الصيام العكسي وانتي جربي

موفقه بريجيمج